西樹泡芙 (沙田站)

营业中

休息中

最喜歡食cream的我，今天經過了CHOUX CREME. 買了2個原味puff回家食。之前食過生果個D款，都覺得原味puff係最好味！puff 上面舖滿白色糖霜，皮夠脆！裡面的吉士cream好幼滑！ 凍凍地，好味！cream分量感覺比較少，如果多返D就更加好！（店員話cream份量已set定了），整體都係〜Beard Papa比較好！

《Choux Creme》出品的puff,是青蛙喜愛的甜品之一,青蛙當然要為它寫一寫食評啦~可惜分店現在買少見少, 荃灣、葵芳分店相繼結業,最就近青蛙的分店,要算是沙田跟旺角了 >.<復活節假期,青蛙難得到沙田逛街,當然要順道買個puff,一解相思之愁啦!! 幸運地, 今次能買到宇治抹茶口味喔~去年《Choux Creme》荃灣分店未結業時,這款口味總是售罄......由於puff是即造的關係,所以會建議食客即日食用~青蛙最欣賞它的『溫馨提示』, 就貼在紙袋的開封當眼處, 讚!!puff到手, 青蛙二話不說開動, 拿出首次見面的宇治抹茶puff來個見面禮後,就豪不客氣地把它放入口...青蛙終於明白它何以會極速售罄喇~因為實在太好吃了!!!當然, 青蛙本身不好抹茶之物,但這個宇治抹茶puff所散發的,只是淡淡、但又異常清香的茶味;而puff的甜味, 就落在紅豆蓉的身上。紅豆蓉雖然偏甜, 但本身沒有味道的puff可以中和它的甜度;最捧的是, 紅豆蓉內仍有小部分紅豆粒的咬口。秒殺了一個宇治抹茶puff後,再來就是原味puff!!puff外殼同樣是脆脆的,而內裡裝著滿滿甜而不膩

這店的泡芙的確美味，放在冷凍櫃的泡芙仍能保持脆口，忌廉不膩，十分出色，是我最喜愛的泡芙產品。這次吃了朱古力三重奏，朱古力泡芙脆口，表層有朱古力碎，內裏有忌廉、朱古力布甸和合桃。配搭有新意，味道不錯，但其他口味較合我的口味啊。

話說同事生日，大家請壽星女食生日飯和買了生日蛋糕為她慶祝。壽星女靚女又醒目，翌日馬上買了Choux Crème的芭芙作回敬。我所分到的，是芒果口味。芭芙外層尚算鬆脆，至少不韌，內裡忌廉輕怡，不會感覺很膩，加上微酸的芒果肉，整件事來得頗合心。謝謝壽星女的心意！

話說一田購物日，係超市周圍行逛其間，見到泡芙店的推廣COUNTER有優惠套票發售，推廣期內購買1套9折, 2-5套8折, 6套或以上7折，每套面值$100，分為4張$25 現金券，見到咁抵，就打算買2套，話哂都唔係成日食~ 不過店員講話買6套有成7折，抵得多，受唔到誘惑就淘出$420 買了6套共值$600 的現金券。有效期到出年5月份，即係依一年有好多機會食泡芙，所以我決定試哂所有既味道~今次先買3款::1.士多啤梨乳酪芭芙($18)芭芙不是即製而且應該雪了頗長時間，外層不太鬆脆，還有少少稔LA，而且呢款芭芙的士多啤梨超酸的，再加上內裡的士多啤梨乳酪，變成酸上加酸，我唔太鐘意食咁酸的芭芙，我覺得PUFF應該甜D先好食，有D後悔點解唔要原味呢~2.芒果乳酪芭芙($18)我媽食左呢款，佢話表層都係較稔，但內裡的D芒果好甜，乳酪餡則酸酸甜甜，味道OK喎~3.朱古力脆皮芭芙($16)這款芭芙同原味的無乜分別，只係面層舖上一層薄薄的朱古力脆皮，配合內裡甜道適中的忌廉，都幾好食的~不過個人而言，都係原味較能吃到忌廉的幼滑與香甜，下次都係買番D經典味，而且買3隻係無盒裝的，用紙袋盛著，回到家中芭芙都

日式芭芙的特點在於款式多元化、賣相精緻、口感細膩，偶爾遇到口癢癢想吃點甜時，不其然便會想到Choux Creme揀撰香甜的芭芙。正如坊間傳述，甜品的英文為desserts，就是壓力(stressed)的倒轉語，不得不承認甜吃可助減壓、也可滿足甜胃兼甜心。喜歡芭芙的可能也會認識Beard Papa，而Choux Creme與它又的確相似，沒錯，它們正是姊妹點，分別在於後者更多更具和風特色。在去年Choux Creme的分店數目正在迅速增加，無論路經沙田、大圍、旺角等港鐵站附近不難發現它的踪影，店子以亮麗的紅白交替設計，注滿朝氣、活力和暖意，舖內張貼或是掛著色彩繽紛的成品宣傳照，的確搶去了途人眼球，加上店中不時傳來新鮮出爐的芭芙甜香，忌廉亦是現店製作，保證令您受不住這甜的誘惑。走近擺放著各色其色芭芙的櫥窗，除了基本的11種款式外，更按季節與時令推出限定口味，絕對不愁沒心水，近來的新產品就是肉桂蘋果圈了。筆者先後在旺角和沙田港鐵揀選了吉士芭芙、濃朱古力曲奇芭芙、北海道牛奶布甸芭芙、焦糖燉蛋布甸等準備回家慢慢享用。翻開方形盒子，先挑了(1) 吉士芭芙 HK$16，濃濃麵粉與蛋香隨隨地湧進鼻子，

平時覺得呢間野好多人排隊，所以我從來沒有買過，今日見好少人，所以就去試試。先不說食物，呢間野的售貨員全部都係𡃁妹，表現好幼稚，幾個圍埋嘻嘻哈哈甘。然後問你的語氣係超差，好似她施捨比你甘。我買之前還有一個在前面，她買左未拿得，到我落完單好快就有一個泡芙，但係又唔講係什麼味道的，於是我問多句，呢個係什麼味，她們就話，呢個咪曲奇lor，又藐嘴邈視甘，你唔講鬼知！又pack好在紙袋。我果刻真係好想就甘唔要就走左去。我不用人地當我大帝甘服事，但我都唔係出來貼錢求你給我食物。下次如果見到都係呢班入世未深的小丫頭，絕對不會買！

記得上次5月份，堂妹個寶貝女在沙田擺百日宴，經過這間芭芙專門店 <Choux Creme>，不知幾想幫襯！ 但當時我放工便趕去酒樓，加上百日宴不同一般飲宴，要等到 9:00 才有得食！難得今次為公事再到沙田，即使我已經飽到肚突突！ 仍不要錯過這個大好機會！其實！我想食宇治金時抹茶紅豆芭芙，2:00 左右已經售罄！ 還是別作他選！ 店內有多款口味芭芙！正值當時 Halloween 前夕，Halloween 裝飾佈置一番！杏仁榛子忌廉芭芙 $18芭芙用牛油和麵粉做成，薄而輕盈鬆軟！ 表面灑上朱古力粉，內裡是甜美軟滑的榛子忌廉，杏仁碎增添嚼勁，令口感豐富！食飽便要入閘搭火車返公司。

之前見呢間沙田火車站o既芭芙店新開 , 於是買過個焦糖燉蛋口味o既黎試 , 印象中個芭芙並唔同圖中所見 , 有一層燉蛋o係裏面 , 就只係個吉士醬有蛋味而已今日經過見到又被佢紅紅o既店面吸引 , 加上可愛o既 logo , 好讓我地想走入去睇睇 , 一睇之下 , 又被佢燈箱列出各款味道o既相片挑起食慾 , 開左咁耐 , 可以有改善呢芭芙芙口味有十多款 , 各有特色 , 如沖繩黑糖 , 北海道牛乳 , 宇治抹茶等 ~我地一人揀左一個 , 就當係腸粉下午茶後o既甜品吧 ~ 亦係妳放工o既小食 ^^1. 宇治金時抹茶紅豆芭芙~ 外皮有點破裂 , 但都係香脆o既 , 但硬係好似空心咁 , 好唔實在 ,抹茶 cream 味道 ok , 但唔夠幼滑 , 紅豆係蓉黎o既 , 食唔到一粒粒o既嚼感兩者混起來一向係美好o既搭配 , 故唔會差得去邊 , 但亦唔見特別好食2. 意大利芝士芭芙~ Tiramusu 味較抹茶味濃 , 而且較為 creamy , 芭芙面有曲奇 , 味道更豐富唯咖啡味濃得找不出酒香 , 亦嚐不到芝士味 , 整個就好似咖啡曲奇味一樣 ## 呢個小甜點 , 間中食下還可以 , 因為價錢

在人來人往的沙田火車站，新開了一家 Choux Creme，主打各款泡芙。除了常見的口味外，這兒還推出了「焦糖燉蛋」泡芙，於是晚餐前先來個小甜吃。「焦糖燉蛋」泡芙的賣相不錯，可是味道卻不然。外層不夠鬆脆，稔稔的。餡料以吉士為主，焦糖燉蛋只是一小塊而已。燉蛋沒有蛋香，感覺像凍布甸多一點。定價 $17 屬偏高，跟泡芙質素不符喔。

三月二十五日 (星期日)小店以搶眼的紅色做招牌，加上定時有製泡芙的香氣散播，未吃早餐的我，也要趁跑步前作一熱身小店以賣泡芙為主，有近十種款式，如牛奶,曲奇味等等知道老公仔喜歡吃燉蛋，就試試這種新玩兒雖然看上去有加了焦糖，但吃落卻只吃到燉蛋的味道而且蛋味不太濃，只是微微的蛋香泡芙本身則頗為出色，很香脆下次要試試其牛奶味~

是晚在這邊晚飯, 臨走前經過這裡, 見有條大長龍, 原來有新芭芙店子, 又排埋一份. 人龍都有十幾人, 都要等好一會兒.這裡的芭芙共有11款口味, 有不少特別的味道, 如意大利芝士芭芙, 沖繩黑糖芭芙, 杏仁榛子忌廉芭芙, 宇治金時抹茶紅豆芭芙等等, 都是一些比較少見的味道. 如果一次過買五件原味的, 還有一個puff box, $65一客, 用來送禮也可以.不過當我們排到櫃位的時候, 大部份芭芙已經售罄, 就要了以下這款.焦糖墩蛋芭芙 $17: 6分, 想要的焦糖墩蛋要等五分鐘才有得食, 唯有在旁邊等一等. 等了五分鐘, 終於有得食.份量不少, 其實兩個人分吃也合適. 新鮮做起的芭芙當然是幾脆, 不過還未算好鬆化.入面個心是焦糖墩蛋, 但不太滑, 加上焦糖是偏甜, 效果只算一般.$17一客, 水準還算可以. 店子還有不少口味, 且看下次再試其他味道會如何.