西樹泡芙 (沙田站)

营业中

休息中

西樹泡芙平時行過口痕都會想食，啱啱行過見到出咗個喜茶版嘅泡芙，叫做芝芝芒芒😂😂 有奶蓋喺面，中間係粒粒芒果，下面就係忌廉芝士，睇落都覺吸引，即刻買個試下先嗱，睇上去好似幾大份，仲好似大份過平時嘅款，點知...喂，一打開咁嘅樣，咩事😂 勁山寨喎！扁晒咁，芒果喺邊呀喂？努力打開之後就揾到個芒果啦。奶蓋來講，味道唔算濃，個質地都唔係太rich，亦冇咩奶味。今次好好彩，芒果非常之甜又大粒。個忌廉芝士睇上去好rich，食落就還好，而家奶味唔太覺，反而食到咸咸地。自己覺得味道唔算太夾，唯一有樣好係食完唔覺好膩，同埋個puff依舊咁脆。下次都係食返士多啤梨乳酪🙈

一行入沙田站，#西樹泡芙 既香味吸引左我...其實明知佢聞落去就香，食落去一般，但都扺受唔住陣香味...HKD24 買左個#Tiramisu 泡芙泡芙皮唔脆，又冇乜朱古力味塊餅又硬又乾，但唔係脆cream就不過不失下次經過唔會唔會唔會再買！回頭率好低既一間店，就算我係甜品控，澱粉控都唔會再幫襯！有老伯伯嘜頭個間泡芙店好味好多囉！😡Hangry! Hangry! Hangry!#比肚餓沖昏頭腦#抵受唔住誘惑

人哋話女仔有兩個胃見到甜品係冇抵抗力嘅講得真係冇錯食完飯飽飽經過西樹泡芙都忍唔住買咗個朱古力三重奏（ $26 ）做飯後甜品🍦🥧🧁🍨🍩本身朱古力已經好邪惡而家三重朱古力係極度邪惡外皮唔係好脆果種，你見佢有咁多氣孔，反而係鬆鬆軟軟得黎，帶少脆。中間有一層朱古力味cream，朱古力味好濃郁，而且啲cream好滑，另一層雲呢拿味cream中和下，成個感覺唔使太甜。成個泡芙上面仲會淋左啲朱古力醬，名副其實係「三重」。中間又加咗啲果仁，提升口感。呢個泡芙其實都幾甜，唔鍾意甜野嘅人，應該會有少少吃不消。

2019年4月20日下午四時15分左右，在沙田分店買泡芙，準備排隊已經已經被一個白色上衣的男人打尖，當時已經冇出声，但應當到我時，被排在我身後帶着小孩的母親打尖，當時已經排左5-10分鐘隊，我已經講左我排緊隊，佢地仲要幫排在我身後的女人收錢。當收完錢，在等泡芙的男人示意到我，仲要比職員反問我有冇排隊？請問一下一間店有多名店員係米都冇一個會睇下排隊嘅狀況？

今日好chur,好忙,連lunch都無時間😭 有個friend出開沙田就買咗puff送入大學俾我🙏🏻 我一直鐘意食水果味puff! 西樹泡芙好高質！首先,賣相已經好吸引！我食咗士多啤梨，個puff好脆，士多啤梨有少少酸，但加埋cream好fresh! 唔會好滯～👏🏻👏🏻👏🏻👏🏻 值得再食！

雲閃付優惠買滿$30減$20只係做到今個月底所以經過沙田火車站見到西樹泡芙就忍唔住買返兩個嚟食下因為如果唔係有呢個優惠平時都唔會特登買黎食去到嘅時候好多口味都已經所以揀咗紫薯同埋tiramisu 不過唔知係咪因為賣剩嘅款所以其實連外觀都唔係好吸引泡芙咬落口外層已經有啲淋左不過都仲尚算鬆脆一個泡芙好唔好食其實外在同內在都一樣咁重要入面嘅忌廉就好似泡芙嘅靈魂一樣只可惜西樹泡芙入面嘅忌廉的確有啲令人失望紫薯味食落有啲假入面有幾粒甜甜既紫薯白色嘅忌廉食落有冇乜奶味再加埋佢嗰淋左嘅外層真係扣左好分至於tiramisu 個味道都算吾錯既呢一個既外層脆返啲所以食落個口感都吾同哂好食好多入面嘅cream又的確好有tiramisu味所以都加返少少分整體黎講作為泡芙專賣店泡芙質素只係普普通通不過不失咁啦

咁岩想買Ｄ小食，但又唔知買咩好.....剛巧見到西樹泡芙!!! 🎄雖然好多人排隊，不過都照去買先!!!🎄排隊既時候，你會見到佢都一路整緊泡芺，好新鮮!!!! 🎄呢間都算好多味道選擇!!!重有聖誕口味!!!! 🎄而阿魚就買左 tiramisu 口味（$25/一個）!!! 重要係最後一個了!!! 🎄買既時候，佢會問你洗唔洗入袋，不過阿魚就打算即食!!!🐟💬：泡芺既皮係有朱古力既味道，同脆身!!!!!🎅🏻而入面既CREAM就有 tiramisu 既味!!!都唔錯!!!!!🎅🏻食後唔會覺得好膩...都不錯的!!!🎅🏻不過最平既都有20元一個，千層酥皮芭菲!!!! 🎅🏻下次可以一試~~~~~~~🎅🏻🐟📝：7.5/10🎅🏻

返到屋企，先知原來男朋友買左泡芙俾我食，好驚喜最驚喜係個泡芙由沙田買去大埔，仲要擺左雪櫃一陣，但個皮仲可以脆卜卜男朋友買左2個，1個豆乳，1個朱古力，2個都好好食，好足cream

上星期去完沙田文化博物館睇展覽, 回家前去火車站買幾件泡芙返家慢慢嘆。今次有新口味法式蜜糖燉蛋, 點都要試下, 嘩 d 燉蛋好香滑, 簡直ㄧ試難忘 用咗 coupon 去埋單, 認真抵。

由beard papa嘅年代開始我已經有間唔中買黎獎勵下自己😆不過依家佢裡面變左做乳酪都算有驚喜😳酸酸地嘅乳酪加埋芒果令成個puff無嘅甜同膩😌令罪惡感減低🤣不過佢依家真係貴左好多😭😭

每次途經沙田火車站都會被那陣濃郁的奶油香氣所吸引，今次也忍不住買了一個。買的是綠茶紅豆，食落卻與普通的沒有分別，空氣感甚強。cream是少許凍的，解暑加上是綠茶不是抹茶，所以帶點苦澀味，不過有紅豆中和還可接受。＄23值不值就見仁見智。

今日經過沙田火車站，被呢間鋪頭嘅泡芙香甜味道吸引住，不自覺咁停低腳步，然後買咗個北海道牛奶布丁泡芙泡芙嘅空氣感好強，真係好似食咗陣風咁，好輕身；我自己覺得呢個甜品嘅好處就係好在佢啲cream唔算好甜，而且都幾滑嘅，加上係可以見到原個布丁，視覺上就會覺得好足料可惜布丁嘅奶味唔重，甚至乎可以話係食唔到奶嘅味道，呢一點就有啲可惜。加上價錢有點算貴（唔記得實際價錢，大概係$22至＄23左右），所以整體就會覺得有d失望。食完呢個甜品沒有滿足幸福的感覺，咁樣大概就失去食甜品的意義了吧

到日本旅遊，朝聖食好東西是常識吧！ 兩三年前開始，半熟芝士撻成了是港日台最Hit。其中，日本Pablo更是甜點迷遊日必吃的朝聖據點，全日本各店都是排隊人龍。Pablo 主打的是「充滿幸福感與驚喜感」的招牌現烤半熟芝士撻。首次在大阪心齋橋吃過大裝Pablo Round Cheese Cake， 繼而在東京秋葉原吃過Pablo Mini 後，立即一試難忘，之後再去日本試過在中部專程Google ，並 detour去找Pablo Shop 及排隊足足兩句鐘去購買。週六往沙田新城市廣場做 annual eye care check，在火車站內遠遠看見一餅店內極吸晴的芒果和士多啤梨泡芙，走近想下單之際，發現他們的mini半熟芝士撻做promotion！ 一字記之曰： 買！半熟芝士撻的芝士餡口感細綿幼滑， mini size的份量剛好，濃濃芝士漿在口中，口感大滿足！ 撻餅皮的牛油味道很適中，與芝士餡料搭配得很好，簡直是濃而不膩的超好吃之選！在香港嘗過龍島及Candy Shake的半熟芝士撻 ～ 龍島的差很遠，而Candy Shake 跟Chez Choux 是不同的感覺，各有特式，但我卻比較喜歡C

這次以團購超優惠價購買，記得是大概6折的價錢購買現金劵，再以現金劵去換取泡夫，最吸引是現金劵期限達一年之久，可以多買幾慢慢換購。是次一次過換了一打跟好友分享，自己揀了兩個，一個是原味吉士，一個是抹茶紅豆。泡夫外表脆口，內裡軟軟，蛋香足夠！灑上了糖粉作點綴之餘，亦增加了香甜，因為泡夫本身不甜的，原味的餡料是吉士醬，很香滑，淡淡的雲尼拿香。這個是抹茶忌廉，配上紅豆泥，紅豆吃到一粒粒的，味道比較甜，抹茶忌廉有抹茶香，也夠滑。

睇咗openrice嘅推介之後，就過嚟試下啦，睇下同平時食開嘅有乜唔同，所以專登買咗兩個試試.確實味道有好多唔一樣，不過就唔會到令人覺得好surprise嘅程度..。首先佢嘅泡芙係酥皮嘅，好香脆，上面仲有一層糖粉，抹茶忌廉同紅豆或者係奶油都夾唔著啦，快要流出嚟啦，確實抵食！奶油新鮮士多啤梨，酸酸甜甜嘅士多啤梨加上濃郁嘅奶香，食咗都唔會覺得好滯，外層嘅脆皮真係好味抹茶紅豆料好足！不過相對於以前試過嘅泡芙，哩間嘅味道真係好普通，只不過佢真係好抵食，款都唔係話好多。淨係可以停留係填飽個肚路過試一試咁...