裕一品四川雲南米線

胃口麻麻但又想食嘢，路過諗住求其無要求下食一碗米線，叫咗炸醬，墨魚頭，貢丸。碗米線來到，估唔到米線份量好少，比平時食開嗰d小鍋米線少咗一半，炸醬味道好淡而無味，墨魚頭好韌，好似刷膠咁完全咬唔開，好似白灼咁完全無味，又吞唔到，喺個口度爭扎咗好耐，好想吐翻出嚟，$8得少小幾粒貢丸係好普通但總算食得落口，食完呢碗3餸米線真係唔飽無胃口之中都好似無嘢落肚咁，食咗等於無食，清清淡淡既一餐，唔識點形容。應該唔會有下次。…さらに見る

在附近工作, 平日見此間裕一品米線, 雖然細細間但人流不多, 碰巧趕時間入去一試, 中伏了, 點了一碗中辣米線, 不太辣, 得三粒牛丸, 但入面是凍的, 強調當時是非繁忙時間, 得兩三個客, 其他人已食完, 有乜理由整唔切, 碗米線其實好多只係配菜, 主菜係三粒小牛丸, 個阿姐夠膽同我講啲牛丸係熟咗, 我夠知啦! 咁就要俾啲凍嘅個客食? 又唔係好平, 叫埋杯飲品, 四十幾蚊, 啲米線仲未煮透, 結果又去另一間幫襯, Black List, 絕冇下次。…さらに見る

晚上工作前有大半小時可以極速食個晚餐，今次選了「裕一品」點了小窩米線套餐，加左份牛丸，下單後5分鐘都唔洗就有得食果然係速食首選小窩米線本身跟左炸醬同酸菜，所以味道都好豐富，自己平時都中意食酸辣，所以今次毫不猶豫地揀左酸辣湯底。不過一上菜就聞到好攻鼻嘅酸味，同坊間嘅酸辣不太一樣食落都係好酸好酸，酸味都蓋過辣味了***建議大家如果試這家嘅酸辣可以考慮揀1～4嘅辣度或者可以中和返個酸味又或者走酸菜，以免酸上加酸，好似我咁***牛丸有三粒，價錢都合理，而且都有嘅肉味，幾好食而且環境同店員態度都好好抵贊！…さらに見る

住在青衣商場附近，食到個商場悶晒，今日行到青衣街市附近食米線。裕一品老闆娘是正宗四川人，溫柔靚女，店鋪面積不大，放有四張圓桌，坐了5個人也算舒服，地方十分清潔整齊，員工服務貼心有禮，主動問人客需要而加開風扇。我中午12時坐下，陸續有客，半小時後有人等位，有叫外賣，生意很好。我點了小窩米線，包酸菜及炸醬，酸菜酸甜適中及新鮮爽脆，炸醬甜甜的，合我，也可以再辣小小，酸辣湯是10小辣，合我口味，點了竹笙，豬大腸，黑椒牛丸等，食物看來細緻，明顯是用心之作，我曾經常食商場米線，相比之下，價錢差不多，我寧願行8分鐘到裕一品。剛坐下，看到員工老闆們也會吃鋪頭的麵，那食物一定可靠乾浄！…さらに見る

突然想食米線，諗起前幾年食過裕一品，味道都不錯。自己一個人去食午餐。由於我吾食辣，點咗自選套餐，包炸醬同酸菜，加配豆卜。至於炸醬不太辣，吾食辣嘅我都食到，米線硬度適中，味道不錯，清清地，幾好食。…さらに見る

又係周圍去食蒜泥白肉既時間啦，但係e間就真係好一般，切得太厚啦，亦都太辣啦，平時我係可以食得到成碟架，証明真係唔多吸引之後要多左個香草雞翼，落左好多香草粉，炸得比較乾身，都係麻麻再叫左個10小辣既米線，10小辣對我黎講真係岩岩好，有我最中意既炸醬，但係佢e度d炸醬係冇譚x 咁好食架，唔知點解有d 水水地咁，亦冇咩我平時食開既炸醬味，而豬紅，魚腐，龍蝦係現有既所以正常最後叫左杯咸檸七，但係好似唔係幾夠咸…さらに見る

今次已經係第3次去裕一品喇 我點既係套餐包18個餸 酸辣10小比起大型連鎖米線鋪 裕一品可以keep住水準 湯底夠入味 配料份量適中 有時仲可以嗌到menu上冇既羅漢果茶 炎炎夏日解暑最啱青衣店只有幾張圓枱唔會坐得好迫之餘又唔會好嘈吵…さらに見る

搬左黎附近都未試過依間，見兩點幾人少少就試試入到去，鋪位好細，得4張圓枱個環境方面仲算乾淨價格方面同譚x差吾多，但小食就多好多而今次試左個大窩餐 $48 影出黎好似細碗左，但其實份量十足有炸醬、酸菜、牛丸、墨丸、豆泡、火腿、肥牛、雞肉等，仲有幾特別既黑栢葉，樣衰衰但幾爽口下48蚊可以餵飽到兩個人，唔錯下次叫埋啲小食先…さらに見る

有時候，在下或會吃一碗麵來作為一餐正餐，反正吃得簡單或會好一點。裕一品是在下第一次來的店子，還要外賣呢！不過當在下進入店子點餐的時候，店子面積不大，只有十來個座位，雖然是這樣，但是還是拿走還好呢！點來魚蛋貢丸和白蘿蔔，加上一個麵，就是這麼的簡單。當中的魚蛋是彈牙的，貢丸有咬有嚼，蘿蔔尚有甜味。麵條是爽口的。當中可選手辣與不辣，由數目字代表，一是最辣的十是不辣，在下還是選了五好了，因此辛辣度不高，但有麻痺的感覺。吃罷，還是一碗麵呢！…さらに見る