影片
以上资料只供参考，请与餐厅确认详情
【油尖旺区】【袁记云饺】呢间大陆连锁饺子店开到尖东新文华中心，为咗 1am红馆 系列，都要写一写佢。不过第一次食佢系叫 外卖平台 外卖嘅，叫咗 $64 嘅「全家福云吞15只」，拣花生酱干拌，加 $2 平台费就 $66。味道可以，不过啲云吞都几细粒，我当一餐嘅话系一定唔够。之后我现场食花生酱干拌嘅「全家福云吞15只」系 $52，加 $9 饮「冻豆浆」，杯嘢似系冲粉𠮶啲，得铺甜。不过真系唔够喉，食埋 $28 嘅「招牌煎饺5只」，韮菜猪肉馅，麻麻哋。埋单 $89，都系争啲。所以我之后再食一次，呢次我就一次过嗌两碟云吞。首先系 $52 嘅「白菜鲜肉饺12只」，配网红混酱干拌，即系花生酱加辣酱，其实都唔系好味，饺子亦都相当普通。加 $9 饮「冻柠茶」走甜少冰，冇特别。第二碟系 $65 嘅蒜香干拌「鲜虾蟹籽云吞10只」，呢碟味道反而好啲，埋单 $126 其实都几贵吓呀。。。（地址：尖沙咀科学馆道14号新文华中心地下17-19号舖）
继续阅读
在尖沙咀东上班的地方开了一间新的袁记云饺，咁我今晚返屋企就知道食咩了，因为平时收工去到街市，店舖都收工买唔到了，今次就买左粟米鲜肉饺同埋韭菜鲜肉饺了，店员都好细心咁帮我包装好，回家后饺子都没有黐在一起，引致煮烂。咁回家后老婆就放个汤再煮啦，即做的饺子质素始终都是比较好的，每一只都非常完整，没有穿没有烂，而且每一只都非常足料，样子饱满的。我最爱就是韭菜鲜肉饺，韭菜非常香口，根本就是饺子的最佳配搭，今餐非常完美。
继续阅读