影片
营业时间
今日营业
08:30 - 22:00
星期一至日
08:30 - 22:00
以上资料只供参考，请与餐厅确认详情
刚好路经附近，摄时间前题下，想揾间粉面舖帮衬，一条直路已经有三、四间可以选择。今次以款式同定价作为考虑前题，加上其他店食评所影响，最终选择咗呢间。星期六午市只得一两枱客，奇怪全程唔闩埋的自动门，场内温度明显较热。环境方面有落装修，用餐接近大半小时下，场内员工由于冇乜嘢做口，不停的高谈阔论夹杂大量粗口，浪费了店家的装修。员工落单态度正常，佢问我答。食物质素上确实强差人意 - 柱侯牛腩面 - 夹杂薄切干柴与正常牛腩，味道非常大路就系平时食到嘅柱侯味，没有特别。 面质绝对不是爽弹的一种，若以面家为名，难免令人有点失望。在如此战争激烈的环境下，建议店家必须优先提升品质，睇睇员工倾计还倾计，可以的话细声少少。
继续阅读
🐷📌 #猪西食尖沙咀 #猪西食九龙.肥仔记面家周围都有，见到好多游客食，不过身为香港人嘅我自己好耐冇食过，谂住反正谂唔到食乜就入去食碗云吞面平平哋，又搞掂一餐。我就觉得味道同埋质素方面都系唔错嘅！但系…同店员姐姐讲要碗「细蓉」🦸🏻店员竟然听唔明…😂佢问我系啲咩嚟😂😂😂一时之间我都唔知点答佢好😂😂😂啲云吞都算唔细粒 味道正常 口感爽口个面就正正常常咁样啦其实就真系正常发挥不过店员听唔明细蓉真系太令我surprise了😂😂😂
继续阅读
【油尖旺区】【肥仔记面家】呢间嘢我喺土瓜湾食过，觉得算可以啦，于是之后我都叫咗一次外卖。但系我叫外卖呢一次嘅分店系尖东呢间，好似都系开咗冇耐嘅。咁我叫嘅嘢系各 $38 嘅「净鲜虾云吞」同「净凤城水饺」，质素都可以啦。外卖盒 $4 不过外卖九折，埋单 $72，合理。咁大家都知我写 1am红馆 系列系特别认真嘅，呢个系女同事喺好多年前对我嘅认同，冇计，因此我点都会亲身去堂食佢一次。咁去得呢啲面馆就食面唔食饭啦，叫咗个「全日粉面套餐」嚟食，拣好面底就可以配唔同嘅𩠌，面底我就一如以往拣返粗面嚟食。𩠌我拣咗三个，分别系鱼皮饺、手打墨鱼丸、白灼鹅肠，加 $5 要埋紫菜。味道正正常常冇乜特别，维持生命嘅选择。加 $16 要咗套餐，有埋「豆浆」同埋油菜，我拣「生菜」，加埋就 $75，合理价钱啰。事后先知佢哋喺尖沙咀都几多分店，应该都差唔多。。。（地址：尖沙咀加连威老道98号地下G1号舖）
继续阅读