街頭火鍋

营业中

休息中

一家人👨‍👩‍👧‍👦排到街頭火鍋打邊爐，餐廳充滿香港氣息，仲有一面牆佈置成屋邨幼稚園的大窗口，有好多好可愛嘅圖案，小朋友見到超興奮，爭住要同佢影相📸️😂杏汁新鮮豬肺，如果唔同我講呢個係火鍋湯底嘅話，我真係當佢係湯咁飲㗎，又養顏又潤肺，真材實料，豬肺非常新鮮，充滿杏香味。什菇拼盤，好鍾意食各種菇類，我要同馮打邊爐都會嗌一碟菇🍄，一個拼盤入邊就已經有四種菇，冬菇，金針菇，杏鮑菇和松茸菇。每一種菇都各有不同味道各種口感。龍躉片超結實超鮮甜，好有魚味，用杏汁豬肺湯淥過，仲有一陣杏仁香味，又唔會冚咗龍躉魚片嘅鮮味。新鮮牛舌芯，好少火鍋餐廳有牛舌心㗎，仲要係咁大碟添，牛舌心味道非常濃郁，肉質非常柔軟，而且冇乜脂肪，啱晒我哋呢啲怕肥嘅女士。

今日難得放假決定出嚟放縱一下！又嚟到我encore咗幾次嘅火鍋店，唔單止環境舒適，擺盤精緻，啱哂相機食先嘅朋友仔 🤳🏼花膠濃雞湯個湯底都幾足料，  雞件嫩滑入味，花膠滋潤補身，而且勁好味！ 要飲多幾碗先開始打邊爐～之後叫左好多野，必推佢啲招牌三寶丸，粒粒梅菜豬肉丸、蝦丸同安利墨魚丸都勁飽滿！用料勁新鮮👍🏻咬落爆汁，彈牙爽口，而且大大粒。生麵入口有嚼劲，但係唔會韌，爽滑彈牙！真心必試推介🤩新鮮牛舌芯，因為平時出面極少有得食！入口好重牛脂香氣，脂肪分佈平均，肉質柔軟有嚼感，非常高質～😋整體黎講，餐廳位置好方便加埋坐位好舒服，食物質素又唔錯，價錢尚算合理，一班朋友打邊爐又多一個好去處。

一家人出嚟食飯，間餐廳叫街頭火鍋，聽個名就知係食火鍋啦！火鍋材料極度新鮮，份量十足，高質又抵食。火鍋湯底更原汁原味，真材實料，有花膠濃雞湯，台式麻辣新鮮雞紅冰豆腐湯和杏汁豬肺湯。‼️‼️‼️‼️‼️‼️‼️‼️‼️‼️‼️‼️‼️‼️‼️今日揀咗花膠濃雞湯，入邊滿滿大大隻嘅花膠和新鮮雞肉，成個湯超滋補，濃郁又好飲。手切霜降肥牛，甘香鬆化嘅霜降肥牛，有好香嘅牛肉味，配埋花膠濃雞湯，令牛肉更鮮甜。當然唔少得佢呢一個餐廳推介嘅牛王莫牛五寶，包括有新鮮滑牛，金錢展，牛胸爽，封門柳，黑柏葉。牛胸爽第一次食，白色透透地，味道比較清淡，咬落去真係非常爽口，難怪叫做牛胸爽。食完牛再嚟呢個狀元及第豬什有豬潤，豬肺，豬腰，豬腸和豬肚。🐽最鍾意食豬潤，味道非常濃。🐽豬肚爽脆又煙煙韌韌，雙重口感好好味。水魷爽脆又滑嘅魷魚，我最鍾意，加埋個花膠濃雞湯一齊食，好好味😋打咗一輪邊爐，食返個🍢炸牛丸新鮮熱辣超級正，趁熱就要食啦，如果唔係唔夠脆口，肉丸充滿肉汁，而且仲係餐廳手打製成，保證新鮮。🥬時令什菜，新鮮生菜，爽口又多水份，食咗咁多肉，點都要補返纖維。

銅鑼灣行完街之後，朋友就話想去附近呢一間火鍋店食嘢，望一望個Menu有幾吸引，所以就應承佢( ⌯ﾉㅿﾉ)！⸝⸝⸝♡台式麻辣新鮮雞紅冰豆腐我哋挑選呢款係好友台灣風味嘅台式麻辣新鮮雞紅冰豆腐，本身紅色嘅湯底已經好吸引，最鍾意食辣嘢嘅，我哋見到都覺得流晒口水！麻辣嘅香味好濃郁，仲有好多雞紅同冰豆腐，超級正！⸝⸝⸝♡極品第一刀跟住叫咗一款豬肉界嘅極品第一刀，食落啲肉質好鬆軟啊！⸝⸝⸝♡本地手切牛（精選)之後就係呢款牛肉大愛本地手切牛，切到唔會太厚又唔會太薄，厚薄啱啱好，牛味都好濃！⸝⸝⸝♡超脆炸魚皮仲有我好鍾意食嘅香脆炸魚皮呀！麻辣嘅湯底吸晒落去好正呢！

▫️今日同左男朋友黎試係銅鑼灣既邊爐店～我哋嗌咗推薦嘅杏汁新鮮豬肺湯～飲吓個湯先～真係超足料同冇味精啊😋▫️男朋友同我都係食肉獸😜叫咗個本地手切牛，打邊爐最期待就係啲牛😜牛肉好鮮甜唔柴～脂肪同肉平衡得好好👍好嫩滑。食完浸牛味仲係口腔徘徊，齒頰留香🥰▫️個杏汁新鮮豬肺湯好好好味！真係有新鮮豬肺喺入面！真係覺得好滿足～越滾越濃郁，超級鮮甜😚飲完覺得好補呀▫️菜就叫了粟米🌽同新鮮什錦菜！新鮮！鮮甜😌😌▫️呢間既bino材料選擇都好多～其他就唔一一列舉啦！環境同店員態度都好好～係一次好好既飲食體驗！❣️街頭火鍋地址: 銅鑼灣謝斐道496號金利文廣場2樓

💫花膠濃雞湯有幾款湯都好吸引最後就揀咗呢個滋潤啲湯底✌🏻入面有雞同花膠都不錯湯底冇咁重口味比較清淡少少👀💫新鮮牛舌芯見到極罕有有隻字已經吸引了😍大多數都個見到牛舌第一次見係牛舌芯感覺好特別同好食!!牛舌真係好嫩同牛味都好濃👊🏻好好食真係要試吓🥰💫本地手切牛見到好多枱都有叫手切牛就二話不說都叫黎試吓先🤭同平時嘅急涷牛肉不同新鮮牛肉果然係好食啲!!肉質較好同埋口感好正🫶🏻💫水魷魷魚唔係好硬🦑完全可以接受!!💫新鮮雞腸個人就一般般雞腸嘅屋企人就話幾好食同搵新鮮❤️

約咗一班朋友喺銅鑼灣食飯，嚟到金利文廣場的《街頭火鍋》，我哋全部人都食得辣嘅，無辣不歡，當然係要過麻辣火鍋先得喇！如果唔係點食得過癮！餐廳嘅裝修仲好有特色，每一角落都有不同感覺，可以集郵打卡📸️。🌶️超香嘅台式麻辣新鮮雞紅冰豆腐，香得來又夠麻又夠辣，瀛真正！雞紅爽口又補血，要食多啲先。🐽豬天梯，豬黃喉呢2個豬的嘅部位都非常珍貴，豬天梯係豬上顎的部分，而豬黃喉就係豬心🫀的主動脈，一於試吓。2個部位都口感爽脆彈牙。🐖極品第一刀係豬肉，半瘦半肥嘅豬肉，甘香鬆化，豬味鮮甜。🐂本地手切牛鮮味十足，10秒左右就即刻答上嚟食，又知香味喺口到散開。🦪澳洲鮮帶子，爽口嘅帶子又滑又柔軟。

第二次食呢間街頭火鍋，貪佢地方好方便，就喺正銅鑼灣金利文廣場，環境空間闊落，而且佢哋嘅湯底都真材實料⸜( ◍´꒳`◍ )⸝今次就揀咗呢一款是清心潤肺嘅「杏汁新鮮豬肺」，湯底真係好香濃，飲嘅時候喉嚨好舒服，係啖啖清甜嘅味道。新鮮雞腸都係店員推介我食，好新鮮！由於我係牛肉控，今次叫咗幾款都係依牛肉主打嘅肉類，分別就有「新鮮牛舌芯」、「本地手切牛」、「牛王莫牛五寶」。首先，「新鮮牛舌芯」真係好少見，但打邊爐真係好正，爽彈嘅牛舌芯，食完真係超級難忘！然後，「本地手切牛」都係精選嘅高質牛肉，牛肉肥瘦比例剛好，淥一淥就食到牛肉濃郁嘅味道！最後一定要叫呢個「牛王莫牛五寶」，佢入邊有齊新鮮滑牛，金錢展，牛胸爽，封門柳，黑柏葉！黑柏葉好新鮮，冇任何異味！新鮮滑牛，牛胸爽，封門柳都超級滑嫩！金錢展就係比較煙靭，但都好香牛味！

其實好少打食評，但係今日咁啱經過銅鑼灣打完邊爐真係抵讚🥳😘我地一家人👨‍👩‍👧‍👦叫左花膠濃雞湯😗個湯滾咗之後，店員會盛好一碗湯俾我哋享用。味道似老火湯，有家🏠嘅感覺。花膠好多，雞湯真係好濃，勁黃🟡🥰好好飲叫了新鮮牛舌芯，係極罕有㗎！分量好足👍 仲有茅台新鮮牛頸脊抓邊牛肉，店員會喺客人面前倒一杯茅台出嚟，再倒入牛肉中。肉質feel到係好新鮮同好滑口好軟😈牛味都好重🥘牛胸爽我第一次食，口感10分有趣😗又滑又彈牙，充滿豐富嘅骨膠原😚仲食了招牌三寶丸，分別係梅菜豬肉丸，蝦丸，安利墨魚丸，我最鍾意食蝦丸🫶🏻蝦丸好彈牙又大粒，食得出蝦肉係入面😬😬一句講嗮：食材真係好新鮮👍湯底夠入味，老火湯👍👍好食👍👍👍走嘅時候見到門口有張相，勁多明星都嚟呢度食，果然夠晒好味呀！

聽講呢間以街頭火鍋為主題既店好出名，它位於銅鑼灣謝斐道，環境舒服又特色。今日過嚟試下，確實唔錯。 台式麻辣新鮮雞紅冰豆腐～～咁多野食入面，雞肉嫩滑，豆腐好多汁。 <牛胸爽>🫶🏻全部大大舊，肉質新鮮，油脂顏色有光澤，食落去每一淡都系味蕾既享受！，擺盤精緻，系誠意之作來。<茅台新鮮牛頸脊抓邊>🫶🏻 (喺客人面前倒一杯茅台出嚟，再倒入牛肉中)，好野味，熱辣辣、一陣酒香，，食到肉既鮮美之余仲有酒既甜味，所有味道同埋香氣系口中不斷翻滾，滋味無窮。<超脆炸魚皮>🫶🏻入口非常脆，真系好正正子~🔥*******另外，😽😽 仲可以加生麵，非常飽肚。 真心！整體而言食物水準保持水準，算系多人聚會既好去處，值回票價！👍🏻 🥂

CWB真係好多好野食，今次去左試街頭火鍋，見啲評語都唔錯，就同朋友試下。服務很好，食物質素都唔錯。味道真係好正呀！鮮甜的龍躉片充滿了口腔，帶著淡淡的海洋風味，令我回味無窮，讓我愛不釋手。不一會兒，一道道精緻的牛肉他他到場。一上枱已經香氣四溢🤤即叫即整，味道啱啱好，唔會過咸，真係追住黎食唔停！極品第一刀肉質鮮嫩，入口即化，讓我欲罷不能，記得唔好滾太耐～肉份量都唔少，唔難咬😍肉質香甜，口感、味道比一般優質精選肉類更美味～😋😋✨手切霜降肥牛長身而且滿滿油脂香，果然冇令人失望！無諗過會油花咁靚仔，唔會太瘦乾柴柴～牛味亦濃🤤整體來講，餐廳環境乾淨，食物價錢超抵，份量又多，性價比係高，值得一試再試！最後要一讚店員服務態度都超級良好☺️

街頭火鍋🍲係位於銅鑼灣金利文廣場，非常熱門的一間火鍋店，當天都見到有不少客人在排隊等候👍🏻超級滋補🫶🏻花膠濃雞湯我真係好鍾意佢哋呢一個超級滋補嘅花膠濃雞湯，飲落去雞湯味好清甜，仲要有大量花膠，女仔補骨膠原就一流，仲要雞湯本身都好補氣血！酒香濃郁🫶🏻茅台新鮮牛頸脊抓邊呢一款牛頸脊抓邊本身質素已經非常之好，牛肉味道好香濃，佢仲要額外加咗茅台出嚟，再倒入牛肉中，呢個做法真係相當少見！飽肚之選🫶🏻生麵火鍋店嘅湯底咁正，就特登加咗個生麵落去，好食！毫無異味🫶🏻新鮮雞腸雞腸都處理得非常之好，十分之新鮮！極度罕有🫶🏻新鮮牛舌芯牛舌芯極罕有，牛舌芯入口爽脆，口感一流！

之前朋友已經試過呢間街頭火鍋幾次，仲大贊不停添😎今次到我咁啱行開銅鑼灣呢頭，真係諗都唔使諗就決定食佢😋識嗌梗係嗌佢既台式麻辣🥵新鮮雞紅冰豆腐啦🙈一嚟到～嗯～～勁紅超級麻辣啊🫶🏻正到我同朋友係咁流口水😝入邊仲有雞件同冰豆腐，夠晒入味，冰豆腐吸晒啲麻辣汁食到我流晒鼻涕，但又係咁食❣️雞肉分量十足，新鮮滑嫩😆❗️極品第一刀係豬頸肉同梅頭中間、第一刀下去、一隻豬最稀有的肉。 第一刀的油花均勻飽滿，絕對不油膩且脆口，加海鹽就能吃了🥰🥰❗什菇拼盤乜菇都有，打邊爐點少得金針菇😍😍仲有香菇🫣金針菇索晒啲辣汁，哇聽日見🤣🤣🤣❗️豬天梯，豬黃喉豬天梯係口腔上顎連接牙齦既部位，肉質緊實，比厚切墨魚片再爽脆一點又更韌一點的口感。豬黃喉好爽口，好脆😌呢度👈仲有好多打邊爐既必食配料，粟米都好好味🤤同埋店員既服務都好唔錯，會好主動嚟加湯同清檯面既碟，真係諗唔到就黎呢間實冇錯😀👍🏻

其實朋友一直推介我試下呢間街頭火鍋，因為佢就好似佢個名咁，非常受歡迎、火爆！今次系銅鑼灣附近辦事，可以順便試下。👏🏻😋 %% 杏汁新鮮豬肺%%💮💮清潤，滋補！ %% 龍躉片%%, 💖💖使用新鮮的龍躉切片，味道鮮美，口感豐富。煮熟後通常配有醋醬油或芥末醬，讓味道更加豐富。%% 鑽石蜆肉%%💕💕味道清新，並且非常好吃。這是一道絕對值得嘗試的海鮮，讓您感受到海洋的鮮味和清新的口感。再來，狀元及第豬什 💜💜入面最鐘意金豬潤，肉質細嫩，口感豐富。手切霜降肥牛🩵🩵🍣都好正，牛肉新鮮，大兜，好快熟，肉味濃。時令什菜 💛💛瓜🤎🤎非常鮮甜，為飯後增添多一份清新。 最後，真系滋味滿載既一餐，非常滿意😋下次有聚會都可以考慮再book呢度！ 

銅鑼灣很多隱身於不同舊大廈內的隱世食店。這間街頭火鍋，如名字一樣，以香港街邊大排檔裝潢，一直播住90年代歌曲，令人開心到跳舞。在門口亦見到不少明星合照。一坐下先order街邊小食，港式臭豆腐、燒賣、魚蛋，很久沒吃過臭豆腐，很地道，不過太細粒。打邊爐選了胡椒豬肚鮮粉腸湯底。本地手切牛，牛味濃味，高質牛。海鮮老闆介紹聖子、蠔和卜卜蜆，全都非常新鮮👍。另叫了安利墨魚丸、槓丸、韭菜餃和水餃等，墨魚丸非常彈牙。整體來說，環境跟食物都不錯，是高質打邊爐，可以再食。