影片
谂住随意落去红桥附近先揾野食，经过门口有个好亲切嘅女店员问我哋食咗嘢未啊？入去试吓佢哋嘅嘢食丫～就咁就入咗去食我哋嘅早餐（当时已经系午市时间） 我地一个叫咗个常餐猪扒煎双蛋公仔面，一个就叫咗是日精选午餐星洲炒米，好食！👍🏻佢啲猪扒啲肉质几好，唔会好似出面有啲茶餐厅咁用𠮶啲急冻咗好耐嘅万年肉，同埋个公仔面煮到软硬程度啱啱好👍🏻星洲炒米一嚟到挂住食就唔记得咗影相，佢落得都几多叉烧条去炒，然后个调味同出面一般餐厅嘅味道有啲唔同，略嫌辣味争啲，不过都几好食～老板娘好亲切，见到我望住人哋只鸡髀双眼发光咁就叫我下次嚟试吓，话佢哋啲鸡髀系生炸，好好食😋
继续阅读
今日放工，同老公喺屋企附近睇吓有咩好食，行行吓见有间舖头（但系个招牌其实无发光睇唔到间铺）。门口侍应叫我地入去试吓去啲菜，我见佢咁热情介绍就入去试吓啦。我食嘅呢系一个二人餐，佢话有一个招牌菜，再加一个小菜，两杯嘢饮，前菜，再加送两只鲍鱼。第一蝶嘢食嚟到，系一蝶鹅，应该有半只鹅嘅份量，好入味同好好味，但系只鹅既皮太肥。第二牒我哋拣咗西柠鸡， 份量都好大份，味道啱啱好，唔会太酸又或者太甜，好好味。 最后既两个鲍鱼都保持到水准。因为份量太大份啦，所以食净咗一半，打包左返屋企，食咗两餐先食得晒 埋单$188 ，真系好抵食
继续阅读