蠔站 (將軍澳中心) (已結業)

蠔站 (將軍澳)將軍澳唐德街9號將軍澳中心1樓163B舖將軍澳港鐵站C出口，上一層步行5分鐘就到，有戶外位置環境開陽舒適午餐主菜有七款選擇（$52-$88），意粉、沙律、飯、扒類、薄餅，也包括是日餐湯、是日甜品，咖啡或茶（免收加一服務費）另外也可以選擇加＄10品嚐精選生蠔，今日$10精選生蠔係愛爾蘭Carlingford，肉質清新，海水味濃，蠔肉帶堅果味，食後餘韻長主菜我點算了田園沙律燒雞樓配千島汁$58，沙律有我喜歡的火箭菜而且大大份，燒雞柳一啲都唔鞋口，而且味道醃得也不錯，有肉汁唔乾身午市時間上菜速度都頗快，因此，如果你在附近工作，下次有時間可以幫襯一下。

奶油包一直都有個心願就係想狂食蠔而個價錢又唔貴咁岩朋友都鍾意食蠔所以我地就嚟左佢屋企附近既蠔站一去到門口已經見到個大餐牌$10隻蠔...抵到喊朋友同我叫左2次生蠔因為好食既源故而且奶油包係好鍾意食蠔既所以只係可以講一句『好食到想再encore』另外因為奶油包同朋友都係薯仔控所以我地就叫左個薯角薯角大大份就咁食好香口點埋茄汁仲好食之後個主菜係個steak叫左3成熟但通常上台都變左5成今次都唔例外個steak都幾大份但係就多左少少筋而且冇咩汁唔係好夠咸整體嚟講係好食既如果可以多DD汁同咸少少會更好

$10一隻蠔（堂食only，當然加一另計），的確係抵，蠔鮮好味，值得一贊。可惜，其他食物偏貴又麻麻：1. Pizza，$148一個，9"餅乾底，超市可以買到果隻，基本topping，唔會唔好食，但唔值呢個價；用個發晒霉既圓形針板放，真係幾難受；2. Pasta，又係百幾蚊，一個人食都唔夠，基本野唔會難食既；3. 牛，超貴而且唔好食：肉眼$348/12oz，叫medium rare卻整到medium咁，外皮冇火喉，肉汁流走晒；又係用針板上，仲要裂左邊，衛生好有問題，而且會令散熱好快。人均$300，跟美國餐廳差不多，但食物質素差好遠。

今日好突然想食蠔 但又唔想食buffet 就搵果d d人成日話10蚊隻既蠔去到就有位 先叫打蠔 再叫左個四式芝士pizza同黑松露炒雜菌然後我就後悔了...個蠔呢個價錢黎講係屬中等既 幾唔錯 今日係供應法國蠔 如果鐘意食海水味or漲卜卜既 呢款就未必岩你 不過佢每日供應既蠔品種都唔同 睇下會唔會撞正啦但其實我係想比意見比其他熟食 個四式芝士pizza個底薄到食餅咁 可能我個人比較喜翻食有咬口既pizza另外好期待既黑松露炒雜菌 得0.1既黑松露果 個茹味好重 鐘意茹味既都可以試下但暫體得蠔我會撞受

呢度啲蠔出咗名平，$10隻，不過計埋加一就啫係$11隻有時好想食生蠔嘅時候就會嚟過下口癮今次一點幾嚟，叫咗個豬柳意粉豬柳幾大塊，煎得好香，啲蘋果醬好好味，用嚟撈埋個意粉食好正兩個人叫咗八隻蠔，7隻都新鮮甜美，有一隻差少少，所以掉咗呢個價錢都算係咁，所以冇叫侍應換set lunch最後送咗甜品，我係士多啤梨泡芙，友人係朱古力味的overall幾好食，下次想食生蠔都會再嚟，侍應話其他咩都唔叫，淨食生蠔都得正

朋友同我講原來將軍澳都有得食平價蠔，所以就襯lunch time去左食😋 蠔$10一隻，每日都係唔同產地嘅蠔。蠔嘅size比較細，食落都有少少沙同海水味，不過都幾新鮮同幾甜，10蚊呢個價錢黎講算唔錯🖒我地仲叫左海膽，果日店內淨係得墨西哥海膽($268)，個人覺得唔太鮮甜，價錢亦都唔係特別平。我地仲叫左個$88嘅西冷牛排lunch set，牛排幾有牛肉味，但係就比較硬，所以我都唔係太鍾意。

今日同班兄弟出去食飯，近近地去將軍澳中心食西餐。呢度有$10隻生蠔供應，是日生蠔係法國蠔，都幾有海水味，都幾新鮮咁啦。之後到午餐部分，我地分別叫左C、E同G餐，坦白講質素比生蠔失色。咖喱雞配白飯（$58）：我食嘅咖喱雞，似乎係三個餐最穩陣，呢個價錢又確係抵嘅。香煎龍脷柳露荀配松露薯蓉（$68）：呢個賣相都係麻麻，一般質素。香煎牛仔骨雜椒汁配薯角（$88）：聽兄弟講，牛仔骨頗韌，我就咁望落都覺得一般。午餐質素一般，但有$10隻生蠔就好抵食喇。

往家樓下開了一家吃生蠔牛扒的西餐廳，起始時小的興奮莫名，終於有一家自己喜歡的食店位處毗鄰。最開心的是餐廳長期推廣10元一隻生蠔，咱們成為會員以後，星期一晚市堂食更可享七折優惠。 在一個週一的晚上，小的特意相約同區好友一起品嚐。大概到訪餐廳的朋友都是熟客，知道這週一優惠，晚上七時半，餐廳已幾乎是全院滿座。10元一隻的生蠔當然不能錯過，這期生蠔剛由愛爾蘭換成了法國之Fine de Claire。無論來自那個產地，先來一打嚐一嚐。 10元一隻優惠價當然屬次一等的貨色，Fine de Clarie都是瘦瘦小小的沒有甚麼肉，至於鮮度方面只能說平平罷！沒有空運到港即開新鮮，該是經船運並已存放甚久之雪藏貨。但既是精彩優惠價，咱們就不應期待有星級食府之質素了罷！只是在前一陣子到訪，那時候之韓國生蠔似乎更鮮美一點。 老伴本來不吃生蠔，但隨小的試多了，也會淺嚐幾顆。有趣的是他吃生蠔，所考慮的不是質素產地，卻完完全全在乎於地點。地點非是星級酒店，而是位處毗鄰，方便玻璃肚子的他可以立即回家。結果，他雖向小的反映生蠔質素欠佳，卻居然破紀綠地吃了半打。咱們一行四人前後征服了兩打生蠔。 友人愛海膽，季節問題如今

中午到oyster station吃set lunch餐牌和上次來有小改動好像間中就會換一換這次我選了Set E「英式炸魚柳薯角配沙律他他醬」炸魚柳的炸漿不算厚 切下去十分脆魚肉挺嫩的 不過吃多了有點鹹薯角正常水準但茄汁有部分倒在薯角上面 導致某幾塊薯角太多茄汁餐前有湯（這次是南瓜薯仔湯）和麵包餐後有一小塊雪糕甜品包冷熱飲品有種圓滿的感覺而且中午set lunch不收取加一服務費Oysters station的午餐挺適合上班族的價格合理 份量剛好 味道大致不錯 服務亦熱情友善

晚上9點幾，朋友說想食蠔，就去試試這間餐廳。餐廳分室外及室內用餐區，在室外一邊飲酒一邊享受晚餐是個不錯的選擇，但跟朋友是開車過來，今晚就唔飲酒了。看過餐牌後，我們點咗一份生蠔，一份牛扒及小食。首先係蒜蓉包，熱辣辣上枱，外面金黃，裏面軟熟，蒜味夠濃，值得一試。跟住係生蠔，包括有 Korea Gold, Irish Premium, L Fine 及 Scotland (M)。生蠔很新鮮，非常美味，Korea Gold 及 Irish Premium 味道偏淡，而 L Fine 及 Scotland (M) 味道濃，海水味重。再來是牛扒，原本想試美國天然特級牛柳的，可惜賣完了，於是點了美國USDA頂級肉眼扒，不太吃生的我點了7成熟，牛扒外面微脆 ，內裏剛剛好，配菜也好味，加分！最後點了辣味薯角，又係熱辣辣上枱，分量頗多，我們根本吃不完。

今日，我們一行三人在將軍澳吃午餐。週末打算吃好少少，所以來了這裡有得吃蠔的。吉列龍利柳配咖哩彼得包 : 吉列龍利魚柳做得出色，外層黃金色，美觀而香脆不厚漿，內裡魚肉嫩滑。咖哩也很好，不太辣而香濃。將沾上香濃咖哩的脆滑魚柳，放入鬆軟的彼得包內，入口回味無窮，絕配!炭燒澳洲西冷配抄薯 : 點了5成medium的，外面用炭燒所以肉汁鎖在扒內，5成剛剛好。是日蠔 : 這裡每日都有一款$10隻的特價蠔，今日是來自法國的，我們今次點了一打半，今次沒有上次另一品種的蠔那麼有鮮味及其獨特的海水味，但以這價已經嬴了。單看價格以午餐來說並不便宜，但以食物質素及環境就非常合理了。

同事升職一齊慶祝食飯，去左將軍澳中心呢間冇乜人講既西餐廳，竟然好有驚喜！先講環境，一般西餐廳既昏暗佈置，有個小bar枱，情侶慶祝/同朋友聚餐都有氣氛。食物方面，我地叫左好多今日特價既海鮮，但質素都唔差！生蠔有愛爾蘭同法國既，細細隻但都好鮮味。牡丹蝦就正常味道，但都好新鮮好黏口！海膽都好新鮮，配埋脆脆既紫菜同青瓜片好正！另外叫多左一個啤酒薯條，好味但有小小偏鹹。主菜叫左店員推介既燒乳豬拼雞卷，乳豬皮好脆好好味，雞卷都好滑。另一個主菜牛柳就麻麻哋，有d overcook。甜品就叫左個芝士蛋糕，等左好耐先到！雪到好硬，味道就正常啦，唔建議叫！叫左2支白酒，埋單$2000幾。服務員個個都好有禮貌！整體來說，海鮮同燒乳豬推介！餐廳值得一試！

聽講呢度既蠔賣$10 隻， 咁抵點可以唔試試！ 假期同老公兩個人黎小試牛刀， 餐廳環境不錯， 有開放式既蠔吧任由客人觀賞，餐廳播著悠揚的音樂增加氣氛， 客人不多所以頗寧静的。 侍應安排我倆坐在落地玻璃旁，很有悠閒下午茶的感覺。一坐低我就問今日有咩蠔， 原來$10 一隻的話今日只有美國蠔， 即刻有點失望因為美國蠔較少蠔味唔係我杯茶。 不過一場黎到還是點了半打。老公就點了個肉眼扒lunch set。不久後生蠔便到， 以美國蠔來說size只是中規中矩， 加點檸汁和茄醬放入口中， 口感不錯尚算新鮮，可是蠔味跟預期一樣比較淡。 沙律，麵包， 餐湯接著送來， 份量少得有點小家， 味道亦是行貨， 沒甚驚喜。牛扒到， 算是今餐最有睇頭的食物。 吃起來不過火且尚算有牛味， 算是今天的小安慰。洋蔥圈也做得不錯。最後甜品到， 對！ 就是這粒爆開了的泡芙， 睇見後眼都凸埋， 姑且一試， 外皮不脆之餘內裡的忌廉也是行貨， 差過普通麵包店售賣的泡芙。其實這商場內有很多更好的選擇。

納米比亞，相信對很多人來說是一個陌生的國度，是位於非洲西南面的一個共和國。那裏有著世界上最古老的沙漠，全年乾旱少雨，同時擁有一片孕育著豐富海洋生物的鯨灣，讓納米比亞成為了出口生蠔的國家。今晚，我們為著生蠔，來了蠔站，是日推廣的HKD10 生蠔正是來自非洲納米比亞。朋友們嗜蠔，一口氣點了三打每隻＄10的非洲納米比亞Namibia蠔。口感非常Creamy，沒有什麼海水味，咸甜度一般。我一向喜歡爽甜，重海水味和有個性一點的生蠔，所以不太適合我的口味。赤貝刺身貝肉大且脆意式芝士生牛肉刺身跟平日吃的不同，這裏是圓圓的、肉身厚厚的 ，沒有滑溜和肉汁，比較乾身，像燒牛肉多一點。香煎虎蝦配龍蝦汁米型粉第一眼以為是意大利飯。龍蝦汁滲透了米型粉，口感滑滑，好吃豬手啤酒薯條香脆 可口，兩個BB停不了口香辣蒜片蜆肉意粉雖然兩碟意粉不是自家製，但是煮得軟硬度適中Al Dente. 卡邦尼扁意粉另外，我們點了兩支餐酒。結帳時每位成人不用HKD400. 可以吧！

兩個人食各自點左假日精選嘅餐，嗌左無耐就已經送上頭盤沙律，仲有餐湯忌廉湯故名思義蠔站，當然要嗌蠔，好平 $10一隻，好怕食到海鮮腥味嘅我，食落好新鮮，好鮮甜。主菜點了雞胸肉醒日式喬麥麵，雞胸肉一啲都唔韌，好淋身好好味，喬麥麵份量剛好，食得飽。男朋友點了豬肋骨配炸薯角，豬肋骨配上特製酸酸辣辣嘅醬汁，一啲都唔膩，薯角亦炸得好脆，。最後更附上餐茶，仲有送咖啡朱古力泡芙，餐廳環境好，坐得舒服，加上有個靚境，抵食，服務好，很值得一試！拍拖去一流！