蠔站 (永昇中心)

营业中

休息中

雖然價格低廉，生蠔質量實在做坏品牌，不會再光顧。既然店家主打是生蠔，生蠔品質才是根本。一味靠低價，品質无保證。實際是赶客。非常失望。貴价蠔品質也輸同類店家，找不到再光顧原因。

係2023年4月23號夜晚，2個人去左蠔站到食晚飯，一開始叫左個牛西冷，同一個卡邦尼天使麵，再叫埋佢10蚊一隻蠔🦪（半打），試下水溫，點知好食😋，之後前幾就食左3打$10蚊1隻生蠔🦪價錢平，服務態度好，環境都好好，會有啲紙仔寫住食完蠔的小小冷知識，就係食完蠔要張個蠔殼反轉，放返係啲冰上面，錦侍應就會知道你食曬未，係OpenRice訂位仲有9折，最後埋單$922超抵🤑食左好多蠔，好飽，好滿足。

.📍蠔站 | 𝑻𝒊𝒏 𝑯𝒂𝒖突然想食生蠔又唔想食太貴，搵到呢間平價蠔吧就一於試試佢🦪。因為當日唔太餓所以兩個人淨係嗌左12隻蠔加一個Pizza。雖然餐廳係蠔吧，但係Menu上面仲有其他主菜同小食，唔洗驚食唔飽👅。.當日分別嗌左6隻空運生蠔同6隻Speical Offer嘅$10生蠔。空運生蠔$216/6隻，可以自己揀價值$39嘅蠔。兩款蠔雖然唔算大隻但質素都唔差，比較重海水味食落會有啲咸。個人覺得$10蠔有呢個質素都幾有驚喜，對比之下空運生蠔食落就好似同$10蠔差唔多😂。另外個超級海鮮Pizza就一般般，海鮮得好少仲要一粒粒，整體個feel有啲似焗熱番嘅急凍Pizza。.雖然啲生蠔同我之前去其他高級少少嘅蠔吧嘅質素都差幾遠，不過以呢個價位黎講已經算抵食！而且夠衛生食完亦都冇肚痛，想平平地食蠔都可以一試🧚。

每次想食生蠔都會諗起呢間～因為非常抵食👏🏻 平時全日指定生蠔$10一隻，逢星期二、三仲有oyster night，可以以半價$199享用7款不同產地既生蠔再配一杯餐酒🥂 難得今次撞正星期二，就一於試下呢款套餐～.生蠔排得好靚，仲插住旗仔標示生蠔產地，店員會介紹由邊一邊食起～生蠔唔算超肥美大隻但勝在夠新鮮👍🏻 食完一set都忍唔住要order多一set😁.店員仲推介蘋果醬乳豬仔，燒得好脆身好香👍🏻 再叫多份炸薯條 ($68) 好飽又滿足👏🏻

全日超抵食即開$10隻生蠔🦪蠔站 (天后)📍天后木星街9號永昇中心地下3及5號舖「愛似藍調遇節奏，如此即興彷彿紐約某橫街」近近睇緊好多旅遊資料做定功課計劃旅行，突然心郁郁想食生蠔，就約左朋友即興去食Lunch，之前都有幫襯過依間餐廳，依間餐廳唔少地方都有分店，以超優惠價10蚊一隻即開生蠔做宣傳，吸引唔少客人都成打成打咁叫。-即開生蠔(半打) $60 4/5⭐️-是日推介即開生蠔(半打) $120 4.2/5⭐️同朋友兩個人嚟食Lunch，叫左半打10蚊蠔同另一款做緊是日推介嘅即開生蠔，都係120蚊半打，相當抵食。10蚊蠔相對就較細，但都有鮮味，而且幾爽口，性價比超高。是日推介生蠔就相對飽滿，蠔肉都大份，鮮甜可口，滿足度更高。-蒜香BBQ豬肋骨 $268 4.0/5⭐️豬肋骨上枱都幾大份，仲有少少薯條添，相當豐富。豬肋骨一切即開，咬落有肉味，特別係連住骨嘅肉位，特別滋味，本身醬汁已經好惹味，可以唔洗再特登點額外醬料。–總結:餐廳以非常優惠價錢提供即開生蠔，相當吸引，仲有其他飲品優惠，好適合一班朋友Happy Hour，而且食物質素都無將貨就價，生蠔都非常新鮮，性價比超高，值得推介。====#

今日下午放假行街，下午茶時間突然間好想食生蠔，即刻透過網上訂位，搵到最近食好嘅餐廳，坐低即刻要一打，服務員非常有禮貌，又細心，等咗唔係好耐即刻就有得食啦。同時間最今日買買追加魚子及黑魚子增添風味，加埋秘製雞尾酒醬汁，隻隻新鮮飽滿，好有海水味，食過返尋味，即刻追加多六隻，食完好滿足緊嚟繼續行街。其實本身想食星期二三特價199套餐，原來餐廳只係晚市提供。希望下次有時間再去試佢嘅八國聯軍生生蠔，非常期待下一次再光顧。

假日四處逛，經過天后呢間餐廳#Oyster station，見到$10一隻生蠔，即刻心心眼😍， 望落去裝環境都唔錯，質素應該都唔錯，於是便進去食番餐Lu☺️🦪。二話不說先點了6隻 #生蠔 🦪，這天餐廳主打的是法國生蠔，入口有咸香的海水味道，以及蠔本身的鮮甜，配上檸檬🍋 同醬汁更可口啊。🍜冬蔭公海鮮天使麵，有2隻鮮蝦、還有蜆肉跟青口，配上酸酸甜甜嘅天使麵，令人十分開胃，很有泰國風味。🧆大菇意大利飯， 意大利煮得熟度剛剛好，有煙煙韌韌的咬口感，配上一隻可口大磨菇，還有很多什菌很有味道，非常之可口很合我哋口味。

▫️$10一隻生蠔⁉️😲 係真架‼️ 我無講錯，你無睇錯，一隻生蠔真係$10咋🦪 仲要全日供應，無限追加，今舖蠔迷發達喇🤑🦪 指定生蠔 $10/隻▫️唔好講咁多！黎到梗係整返半打過下口癮先啦🤤 雖然唔算超肥美生蠔，但都啖啖肉，食落好甜好新鮮🤩 性價比超高‼️ 食完忍唔住即刻再嗌多半打🤭🍷 New Zealand - Sauvignon Blanc $68▫️食生蠔一定要配返杯酒👐🏻 店員推介呢款，話入口香好多，果然無介紹錯🫰🏻 🥓 伊比利亞風乾火腿配哈蜜瓜 (24個月) $158▫️哈蜜瓜好靚好甜好吸引🍈😍 配埋風乾火腿，好香又唔油，一鹹一甜非常夾🥰 火腿底下仲有沙律配黑醋汁，可以解膩🥗🍝 白酒香蒜辣椒蜆肉扁意粉 $158▫️超級足料😦 蜆肉大大粒，食落非常juicy🤤 扁意粉好彈牙，配埋白酒香蒜汁一流👍🏻▫️除左扁意粉仲可以揀長通粉/ 天使麵架👼🏻▫️港九新界都有分店🤩好方便‼️▫️可以試下上openrice訂座，大部分時間都會有折😆

今日去咗Oyster Station 天后分店吃lunch 當然一定要吃生蠔🦪啦😝是日$10隻生蠔是澳洲🦪海水味濃、味道鮮甜、肉質 Creamy🤤所以6隻再6隻，也都只是$120超抵😙😙鐵板美式雜扒伴薯菜，有牛扒，豬扒，煙肉，火腿和豬肉腸，煎得很香很美口，牛扒肉質唔錯，豬扒不會鞋口👍🏻鐵板雞扒伴薯菜，雞扒煎得剛剛好，肉質鮮嫩多汁！薯菜是薯角炸得香脆可口！單點做緊7折，所以試埋焗蠔，煙肉洋蔥芝士和洋蔥黑椒，味道不錯👍🏻午市套餐還有甜品送的😁

生蠔只需 $10隻，仲要全日供應，而且其他食物的質素都相當有水準 ❤️❤️指定生蠔 $10/隻食蠔最怕有腥味，但今次食的法國生蠔一入口就是濃濃海水味，briny 得黎又幾鮮甜！雖然唔可以話超肥美，但每隻$10任叫，即叫即開，口感爽又夠曬蠔味，唔叫多幾隻對唔住自己 😜😜 香芒牛油果大蝦沙律 $138擺盤超有心思，用嚟打卡一流！芒果又香又甜，加上車厘茄、黑醋等不同的酸味，再配搭超順滑牛油果，口感複雜豐富，但同時又好夾好和諧，係驚喜之作 😋😋😋荷蘭大菇配黑松露野菌意大利飯 $138香氣爆棚，而且超creamy，健康素食都可以整到咁好食 👍🏻。平時我唔係特別鍾意食 risotto，因為好多時候啲飯都會太硬，但今次味道同口感都好令人滿意 🥰

港九新界都有分店的Oyster Station, 最近試了天后木星街的分店。這間蠔站最出名、最吸引人一試的應該是指定$10隻生蠔，全線分店，全日供應。試了六隻，size不算細隻，堂食能有$10隻生蠔算係好平。這間餐廳除了主打生蠔，其實還有牛扒、燒雞，薄餅、意粉、小食等可選擇。1）指定生蠔 $10/隻2）迷迭香燒春雞 Roasted Spring Chicken with Rosemary 3）薯角 Potato Wedges

今次由好姊妹帶我到蠔站吃午餐，位於天后木星街9號永昇中心地下3及5號舖。在openrice訂枱，散叫有七折。午餐 ～ 生蠔$60、 炸薯條$68、 香炸魷魚圈$98、 冬陰功海鮮粉$158、 白酒Chile$68/杯。 ◽生蠔🦪 ～ 十蚊一隻真係好抵🤟🏻， 細細隻口感爽而鮮甜。 ◽香炸魷魚圈🦑 ～ 魷魚圈又脆又香， 食到停唔到口。 ◽炸薯條🍟 ～ 即叫即炸，份量多。 ◽冬陰功海鮮粉🍝 ～ 酸酸辣辣好惹味， 越食越開胃🤤。 ◽白酒🥂 ～ 味道偏酸，個人感覺唔好飲。 推介生蠔超抵吃👍🏻，$10隻的質素都算性價比高。

舊同事請食生日飯，相約公司附近的蠔站，中午食生蠔雖然細細隻，又幾有蠔味，10蚊/隻，唔食對唔住自己啦。兩個午餐，包餐湯、麵包、主菜同餐飲。麵包唔錯，好食。分享午餐，夏威夷薄餅個邊有啲燶，味道都可以。另一個午餐：鐵板大蝦龍脷魚柳伴薯菜幾喜愛佢嘅薯菜，包括茄子、椰菜花、西蘭花同炸薯皮，魚柳嫩滑同黑椒汁好夾。餐茶揀熱檸水，味道無懸念啦。意猶未盡，再加個甜品，焦糖燉蛋伴雪糕擺盤出色，將士多啤梨切成花狀，靚。雪糕亦唔錯，最愛燉蛋嘅香滑，好味。

約鍾意食生蠔嘅舊同事食飯，好快選定蠔站餐廳，經OpenRice預訂，正價餐牌有八折優惠。-餐廳位置便利，距離炮台山站約5分鐘路程，餐廳門口用淺木色裝潢設計，店內燈光偏黃，配枱櫈趁出夏日感覺。餐廳地方唔大，有兩部電視機播放音樂。用餐日期係平日晚上，入座率約3成，店員服務殷勤，主動推介食物，提供生熟碟。-生蠔 （一打12隻）每隻$10，不限數量。生蠔連冰盤上枱，附有檸檬同雞尾醬，賣相靚，廚師開蠔有切斷帶子位，方便進食。生蠔細，凍，有蠔味，海水味偏重，甜味較少，唔腥。-炭燒美國CAB頂級西冷（10安士）牛扒與醬汁分開上，附有切片蔬菜、黑松露薯蓉。牛扒要求五成熟，牛扒尾部約九成熟，有少量筋，冇鑊氣，冇焦香，有牛味，少肉汁，整體一般。蔬菜有茄子、翠玉瓜、雞髀菇偏油，醬汁唔香，帶鹹味。唯一好食嘅係黑松露薯蓉，口感棉密，黑松露味道濃，兩者匹配，唔膩。-西班牙海鮮飯（兩位用）上枱嗰陣店員特意提醒唔好掂到個熱盤。賣相靚，橙色醬汁上鋪滿海鮮，海鮮份量多，有虎蝦、蜆、青口，西班牙飯入面有章魚。西班牙飯稍硬，有嚼口，撈好帶甜味嘅醬汁一齊食，章魚唔韌，整體濃海鮮味，好食。-整體而言，扒類味道一般，海鮮幾好，生蠔

我地兩個人兩點去到，叫左6隻$10生蠔，一杯生啤同一杯白杯，酒就好快到，6隻生蠔就等左廿分鐘。 之後叫多半打$10生蠔， 同一杯白酒，白酒就好早黎左，生蠔就遲遲都冇黎。 隔左半個鐘再問，應該係漏左單/廚師掛住食飯冇整⋯ 當時其實係得番兩枱客⋯ 結果我哋直接埋單唔再等。Overall the impression 係拖你耐d，等你叫多啲酒，唔使食佢太多$10生蠔。 總括嚟講係好失望，$10生蠔係好鮮味，但生意手法有d取巧。