蠔站 (傲雲峰)

营业中

休息中

早幾個月前已經聽聞呢間Oyster Station Snack and Oyster Bar推出左$10生蠔任叫, 一直都好想試, 不過香港人總係「新屎坑三日香」😂😂😂, 當熱潮殺到既時候聽聞好似個電話係長時間唔通, 或者打到都係full booking, book到位既機率只係好微..🙊 數數手指原來熱潮已經係5月既事…今日黎到土瓜灣未知晚飯食咩好, 心血來潮打個電話黎呢度☎️ (當時已經係18:15pm)可能已經過左個潮聖時期掛~~ 電話一打就有人接聽, 而且book 當晚19:00 都有位😳😳😳, 不過職員已講要20:30前交枱, 所以今晚就黎挑戰生蠔夜!❤️Oyster Station Snack and Oyster Bar有數間分店, 對我黎講土瓜灣呢間比較就腳, 因為距離男朋友既屋企只有數分鐘路程. 除左餐廳入面之外, 仲有outdoor area, outdoor area以帆布包住, 餐廳入面既冷氣都可以吹到去出面, 而且門口有幾部風扇將冷氣打散, 就算係坐outdoor都唔會太熱.而且最近都不時落雨所以天氣都冇之前咁熱咁焗, 今日選擇左坐係出面..😊😊😊$10優惠價生蠔

it's a very small restaurant. we were assigned to a table which is in a hidden area . we felt very uncomfortable. besides, the table was not properly set up. when u touch it, it goes up and down! we requested to change to another table nearby. the waiter said need to check. another waiter came after a FEW minutes. she said it's no problem but that table has air con leakage problem and water will drop! surelyy we couldn't accept it and we request to change to another table. it took them another F

Good: Cheap and fresh oysters Bad: Long waiting timeAir conditioner leaking problem

睇到食評介紹來的.呢度室內得十幾個位，戶外都有十零個位,枱都幾細張，枱與枱之間都幾迫。一心想訂生日晚飯，但夜晚full哂，唯有下午開始食。訂位時講左係食生日lunch，問有無限時，店員話無，去到店員話2點要交枱...又話無限時?佢當時想唔俾我入座,我食都未食,又專登黎到,我咪唯有盡快食咯店員推介10蚊即開法國生蠔，叫左1打，入口好夠凍，質感爽口，可惜大細不一，有d細到好似蠔豉咁，不過10蚊就預左水牛芝士蕃茄pizza，好多芝士，pizza底夠薄，邊夠香脆，但芝士唔香無味的，有d浪費左功夫！得個樣要自己加鹽加黑胡椒再調味食完全係受氣加掃興唯有轉移陣地,去第二度再食!

本身我對生既生蠔有少少反感，因為我好怕腥。 但熟既焗蠔，炸蠔我就好鐘意見啲排有好多人講起$10/隻 蠔咁抵，今次我，我老公仲有仔仔三個就去試試丫。 門口都好易揾到餐廳入面既擺設都好特別可能我地入餐廳既時間係3:15pm, 熟食已經停。 好可惜除左生蠔，我地仲想試意大利飯 & 意大利粉。 唯有下次再試到主角岀場睇賣相真係好吸引，一食落口真係好鮮甜，仲有啲海水味，連我平時唔食生蠔，今次都食左8隻 餐廳既生蠔種類每次都唔同，所以想知就黎之前打黎問問喇

本身真係好少可打食評，但今次忍唔到手就係比咁多好正面嘅網上評價，推介$10生蠔打電話話FULL晒，路過又比到枱，但限時1小時15分鐘心諗點解打嚟反而話無枱查實限時限刻都已經覺得好急趕不過朋友話2個人食得唔耐盡管一試侍應催促下先order左一打生蠔，佢話係今日係法國的嘢飲同雞翼好快就嚟左，一杯要27蚊，一JAR要82蚊但一JAR用細杯都係只有3杯左右，唔太化算水牛城雞翼係唔錯，98蚊有6隻，我唔食辣都接受到我地JAR青檸梳打佢行埋倒，但真係好多核，如果有嘢隔下就好喇問題係佢話幫我放冷桶，轉頭搵佢refill佢就話不如放返响你枱面大佬ar 2人枱有幾大，要放4個杯，2水2梳打，2隻碟同餐具之後仲要擺嘢食，仲有幾多位淨?食食下雞翼未完就上生蠔，咁我應該食邊樣先?乜西餐搞到好似中菜咁煮起乜上乜?不如比多個轉盤我PLS因為天氣熱我地坐out door所以都係解決生蠔先D蠔好咸，好多蠔殼，再食返雞翼已經凍晒了我地order多個沙律同西冷牛，要7成熟沙律係OK嘅，香草醬就無乜味，但都夾到個芝士個牛扒堅經典，用刀都好難切開，之後係咬唔開好多渣咁$298D配菜係生與熟之間，佢都係幫我煮7成?埋單都要$8

老公講左好多次話要再黎，而今次輕輕鬆鬆就打到電話黎，正呀！今次坐入面，舒服好多，有冷氣！去到唔洗諗，先黎2打生蠔啦今次冇上次咁大隻，應該係唔同款嘅蠔！24隻入面，有5-6隻明顯食到唔新鮮...講真，又未至於臭或壞嘅！但陣味同其他新鮮，鮮甜，爽口嘅就確實有分別咁啦！ 上次叫左2打半...都冇一隻唔新鮮嫁 今次有少少失望今次叫唔同野食，buffalo wings!!!超勁好食，出面嘅汁完完全全包住曬全隻wing! 有d似bbq汁，但比bbq汁甜！好野味呀！下次一定要再叫！之後就叫左白酒奶油煮蜆，d 蜆雖然唔係以多粒！但精髓係佢嘅汁，好重海鮮味，但又會食到dd嘅酒香！最好嘅係，佢會跟幾塊法包比你去點汁！Main, 叫左羊架！上次都有食...今次都係一樣，唔會覺得佢有羊蘇味，肉質夠曬淋，基本上完全唔洗點佢嘅黑椒汁，因為已經夠曬味！最黎，叫個意粉食，上次冇曬試唔到！海膽海鮮意粉，意粉唔太淋，有咬口！蝦都幾爽口大隻！整體ok, 但唔好預有好重海膽味！會再黎嘅！今次有送$500-$100coupon，2張！ 正！

1.職員熱情有禮 招呼一流2.海鮮篇意粉 花甲非常新鮮大隻。意粉軟硬適中。海鮮汁同羅勒葉互相暉映。3.生蠔海水味同鮮味互配。不搶也不攻。4.水牛城雞翼醬汁甜中微辣。醒胃惹味。5.肉眼扒$3xx煮法同味道很棒。但肉質改變了。應該轉左貨源。沒有肉汁同肉香。就算再精心㷛調。也是美中不足。希望下次能夠食返有質素嘅牛扒啦！

在網上有朋友推介這間餐廳，所以咪去試試，點知如要訂位坐室內(因太太怕熱)，要訂兩星期咁耐，真誇張。晚飯係有時間限制，每段2小時，我選擇了早段，由18:30-20:30，心諗兩小時一定夠時間食啦。我地二人大概18:40去到，因訂了位，所以不用等。餐廳內面積很細，枱亦很小，大概只可坐20人左右，唔怪得在店外要開多幾枱啦！我訂位時，已經order埋36隻生蠔(堂食只需$10一隻，仲要冇限數量)，同埋一份30oz牛扒，坐低冇耐，已經先上18隻生蠔，食完之後再上另外18隻。食生蠔前，員工已開始為我地準備牛扒，因太太比較怕食生牛肉，所以選擇食7、8成，但員工極力推薦靚牛扒食4、5成便夠了，最後都令太太嘗試，那個員真利害！食完生蠔之後，再點了兩款小食，食完之後，牛扒上枱了，30oz牛扒，雖然係大，但未至於我想像咁大，可能我大食啦😁，至於牛扒味道都Ok架。原先諗住食下佢唯一甜品，但因時間關係所以冇試，留返下一次啦，原來兩個小時真係啱啱夠😅

聽朋友講里間品質好高 於是黎試下我同男朋友嗌咗一打生蠔 一份西冷 一份黑毛豬同埋一杯啤酒同白酒 滿心歡喜等野食到點知野食一黎等得耐 唔緊要 仲要份西冷仲早過啲生蠔到 我同男朋友已經勁無奈 頭盤慢過主菜 我地都係做飲食 所以里樣野對我地係勁大衝擊 好 算啦 個侍應擺西冷落枱個陣 佢話個豬都黎緊 我地話好 點知個西冷食完都未黎 仲要冇啦啦生蠔到 又再一次無奈 重點係個生蠔仲要有幾隻係爛殼 好多隻入面都好多殼碎 已經好嬲好炆 終於食完佢地 之後又係繼續漫長嘅等待 等到忍唔住要問侍應 我隻豬呢？ 😀個侍應依舊懶懶閒話 哦隻豬係要等等心諗仲等？我已經起碼等咗20分鐘 仲要明明食牛個陣已經話黎緊 姐係點？總體黎講 我係熟食 生食 再熟食從來未試過去一間餐廳係咁樣 失望透頂我知平價我唔應該要求咁多 但里餐都唔係平 都要880蚊 880蚊黎講 係要0分重作

我勁鍾意食生蠔，平時出去食都幾貴，之前行過餐廳見到，$10隻，即時心心眼出左黎，Lunch 食蠔啲，就咁決定啦！天氣唔錯，餐廳有分室外同室外，天氣涼涼地坐核心嘅外圍都幾舒服，點左2個餐加一打生蠔3個人分，先黎個是日餐湯，粟米湯，一般啦冇乜特別，飲完主角剛好登場，嘩！隻隻脹卜卜，好靚仔呀～原來黎自韓國♡佢地仲好窩心幫你切左帶子位，加少少檸檬汁仲可以提升味道，食落爽口鮮甜♡♡♡跟住上嘅午餐分別係黑松露Pizza同海鮮意粉，Pizza 係薄身，個皮脆脆的，有啲什菌同黑松露清香，配黑醋汁沙律,好好味♡海鮮意粉用左白汁，食到有啲八爪魚，個汁啱啱好掛麵，個麵煮到al dente,好出色♡♡♡最後叫左檸檬茶同咖啡，哩個Lunch 好回味啊

我walk in 嘅人人都會同我一樣！完全打唔入電話！好彩我walk in嘅時間適合！而d waitress 又真係個個都好好人，佢肯比我地企位！（大家留意，企位full 左就真係冇計）到full 曬，我都見人陸陸續續咁行黎問有冇位話打唔入！ 我地3個人叫左2打半生蠔！$10一隻得黎咁嘅水準！真係食得我地好開心😍分開左3次叫，冇一次食到唔新鮮，食食都好甜！雖然第一round 嘅生蠔唔大隻但第二同第三round 嘅都大大隻！佢嘅茄汁醬仲要好好味Tim! 真係想再叫更多，但係已經食唔落！另外再叫左黑毛豬同羊架！羊，意想不到嘅淋！但我覺得冇乜羊味！咁當然都完全冇so味啦！我覺得羊扒佢用得太多黑椒，另我只食到肉質好好！但肉味就冇左黑毛豬，一食就知係靚野！入口即溶，豬味濃！完全唔un! 食到落口，d豬油，肉汁！真係好鬼正！另外再叫左支佢地介紹比女仔飲嘅semi sweet red wine! $298,真係幾甜Hahahaha! 好岩我飲，但我老公就唔鍾意啦Hahahaha!

是夜為咗同太太慶祝佢兩年苦讀終於完成，所以特外出食飯由於我倆都喜愛食生蠔及牛扒，所以選了oyster station 為我們的目的地~已經好耐冇黎oyster station....裝修之後感覺非常舒服，難怪平日經過都常常見到人頭湧湧～先上seafood platter: 生𧐢種類有：Pacific rock(豪身爽口鮮甜，海水味淡淡的）；Nambia(鮮甜爽口）；西班牙Arousa(重海水味，𧐢肉厚身，超正！）；$10 /pc 的特價推介（海水味重，唯size 偏細）；Gillardeau(海水及金屬味偏重，一貫特色）凱撒沙律：羅馬生菜新鮮爽口，再配以煙肉碎及芝士碎，可以清一清味覺最後就是主菜：炭燒西冷牛扒（七成熟）呢一味可以話係全晚嘅驚喜：因為以前嘅熟食水準一般，但呢塊牛扒，肉汁、肉味澎湃充足，且充滿炭燒味，並不需要額外的調味，就已經非常之好吃！所以我兩今晚之行都非常滿意～!

成日聽朋友講土瓜灣有間餐廳$10隻蠔好抵，今晚一於試下。一星期前打去訂位，已經訂埋兩打生蠔坐底無幾耐就上生蠔，今日系韓國生蠔，較爽口同甜，蠔味淡dd。隻隻脹卜卜真系好抵食。24隻入面只有兩隻壞左。可接受範圍內 啤酒薯條 ，略嚴咸左小小，有名你叫，送啤酒一流。 凱薩沙拉，大大份，菜新鮮。4season cheese pizza, 呢個pizza全個都系芝士，岩曬我呢d芝士怪 食落口好重芝士味，夠曬濃 水牛雞翼，雞翼大大隻，甜甜地而且好入味。

Lunch 時段，我特意來到「Oyster Station」食生蠔，即開指定生蠔都是10蚊一隻，今天的指定即開生蠔是來自法國的Eire oyster，我先點了兩隻來試下，生蠔的味道帶鹹身，但鹹味較薄身的，蠔伕算是肥美，不過餘韻較短，勝在真是非常新鮮。Set lunch本身有餐湯、主菜、甜品及餐飲，價錢由$60起，有四款可選擇一款，都幾抵食!是日餐湯是南瓜忌廉湯，湯的溫度都夠熱，質感濃稠而清甜。另外會有一片多士相伴，烤得都有點乾，而且沒有跟牛油!主菜方面我選擇食薄餅，我點了「巴馬火腿薄餅伴火箭菜」$65，薄餅的餅身是薄身，可以質感有點軟腍，晤夠脆身，所以拎起薄餅時餡料都好易跌落碟中，巴馬火腿都好鹹香，加上食落有芝麻香的火箭菜，鹹香中帶點清新，而伴碟有一些雜沙律菜，一早加入了橄欖油及黑醋在沙律菜中，沙律菜都好新鮮又爽脆，而且傳來陣陣的微酸香甜的醋香，真是令人開胃。是日甜品是雪糕泡芙，泡芙中的雪糕是朱古力味，泡芙上加了朱古力汁及朱古力脆皮，啖啖都已經有濃郁的朱古力香，幸好不是太甜，都不錯。餐飲我點了一杯熱奶茶，茶味晤夠濃郁，欠了一份芳香，只飲了幾口就放棄。 ，即開生蠔$10隻都真是好抵又吸引