蠔站 (傲雲峰)

营业中

休息中

蠔站除左大角咀食過、今次落左土瓜灣店食！一到步外觀好oldschool、有D懷舊感、入到去當然叫$10生蠔先、叫左1打、見到師父即開咁、都快、$10生蠔合格、都好鮮味、不過我女友就對生蠔一般、所以我食在8隻佢4隻、留肚食其他嘢！叫左個牛油果芒果大蝦沙律、靚仔嘅外觀、值嘅！味道都不錯叫左個啤洒薯條、冇啤酒味、但又好食好脆喎跟住叫左個佢地話招牌嘅乳豬同一個卡邦意粉、卡邦D煙肉好好味、同出面嘅好吾同一粒粒好有口感、同埋個粉好cream、好正、我女朋友食左大半碟乳豬等左一陣、侍應話今日新鮮焗、望上去又係靚仔、有D麵卷起做裝飾咁、我用义一义落去、皮超脆、有D香草味、又有D醬同海鹽、超正真心推介、埋單都吾洗一千、(因為openrice訂枱有折)可以有下次！

第一次寫食評，之前常常睇人地寫然在自己嘗試下啦⋯⋯😂有很多人話蠔站D服務員好無禮貌，但今次親身體驗又唔覺無禮貌，真心講句，無催客走，仲细心問先上生蠔，之後再慢慢上主菜，我仲要唔小心打爛店家玻璃杯😅倒到成地啤洒， 🥺他們不但無黑面仲話唔緊要😍最緊要係有冇整親😍呢D唔似扮出嚟，快手快腳拖好地👍🏿👍🏿馬上幫我再倒一杯啤酒比我，嗰刻其實超尷尬🤣整體食物有水準，生蠔生鮮，甜品好精緻，禮貌真係好，雖然地方細細，但很有親切咁⋯⋯下次一定會再來，希望下次可以吃到炸魷魚圈🤪

有時經過土瓜灣， 口痕痕想食蠔我哋都會去呢一間餐廳嗰度食 ，因為性價比高十蚊就有一隻， 而且質素亦都唔錯不過今次嘅經歷我就下次應該有一排都唔會去食啦 ！之前做緊優惠買四送一 ，不過剛剛過咗新年佢哋嘅優惠就停咗 ，我哋叫咗佢哋都價值百幾蚊嘅 ，牛扒餐包湯包飲品set lunch！ 第一次先嘅牛我話要五成熟點知送到嚟係九成熟! 換咗另一塊就要用咗成三個字 !我哋得一個鐘頭隻眼簡直係非常之倉卒， 第二次果然係五成熟 ，不過啲牛嘅質素真係比較硬，心想收得呢個價錢亦都冇優惠，我相信應該有咁上下嘅質素會提供， 這會令我比較失望了！ 我同事食嘅pizza餐，佢哋嘅午餐亦都會有經常供應 ，週不時會轉唔同嘅pizza款式！pizza質素亦都保持到 ，如果大家想保險嘅就再嗌都係叫pizza算吧啦！

新搬到附近四圍試新野，見到有間我最愛既生蠔吧，雖然食評差但都想俾機會，7點10分落單，生蠔好快上，等到8點催order才一樣一樣上菜，等到8點半才告知pizza仍未有位焗，真係唔明點解呢間野仲生存到，諗住試吓可能未必咁差，點知食到自己一肚火！

一星期同baby食第2次西餐，上次食扒，今次轉陣食海鮮！接放工後揸咗去土瓜灣搵到呢間Oyster Station, 印象中N年前食過2次，都係唔伏嘅！今次適逢唔記得咗幾多周年，全線嘅餐廳都做緊A La Carte七折優惠！$10蠔除外！ 一坐低我叫咗支Sileni Sauvignon Blanc，因為想俾baby知平酒都可以好好飲，爭在配咩食物！再叫個海鮮拼盤！其他就等食完先叫，想有d次序食！想提大家，其實Sauvignon Blanc襯海鮮冷盤9成都無死，男士們記得喇！所有海鮮都好新鮮，不得不提生蠔，我揀左一半愛爾蘭一半蘇格蘭。揀愛爾蘭嘅原因係我上年過咗去working holiday，喺海邊即開即食，所以試一試香港嘅水準有冇太大差異！答案係無！仍然保持到當地嘅海水味！勁清甜！蘇格蘭我就冇去過啦，但係歐洲嘅海水都差唔多，我會讚我good choice!!!後點了一份炸薯條同Pepperoni pizza。薯條合格，但主要係for baby！Pizza就中規中矩啦，係個餅底似係叫貨返嚟，有d美中不足，但芝士勁拉絲搭夠，俾8分！最後都要叫$10蠔，唔叫對唔住自己！今次係南非蠔，夠甜！但唔

跟男朋友在土瓜灣的8度海逸酒店Staycation，無意中發現了酒店樓下有一間性價比很高的西餐廳 — 蠔站🍴最吸引的當然是$10/隻的生蠔，這天做$10推廣的是法國生蠔🦪雖然size比較小，但帶有濃濃的海水味，口感滑溜溜的👍🏻 啤酒味薯條吃不停口，炸粉加入啤酒會增加香脆感，還帶有淡淡啤酒甜味，連平常不愛炸物的男朋友都很喜歡😋德國豬手皮脆肉香，份量很足，蘸上蜂蜜味道香甜，配以沙律菜和薯角，肚子表示滿足🤤pizza就比較普通，批底像餅乾，但能拉芝🧀️

意粉海膽酸宿味，死蝦臭的。意粉食落去奇怪味道。服務態度差，無人理你。比依d變壞左既野孕婦食。岩岩食完，我怕食物中毒。一陣入醫院。依間鋪頭無下次。食物質素太差。$160幾蚊食個變壞左怪味意粉，非常不值。如果睇到食譜。千其唔好去依間野食。

食物質數好一般...燒豬扒又燶晒，好多燶咗既黑炭點點痴咗係豬扒度。 重點係，職員又黑面，服務好差（特別係短頭髮，無戴眼鏡個位）， 餐廳真係需要好好檢討好職員同食物質數，超趕客！ 建議係open rice 寫清楚用餐時段。

這家餐廳就在我家樓下，十分方便，今天和在Openrice 訂座，有8折優惠，和兩位朋友食晚飯。必點生蠔，$10一隻，即開生蠔，非常新鮮，肉不算肥美，但夠鮮甜，這個價錢十分超值每次來都必點的炸薯條，百吃不厭！十分香脆！ 香辣蒜片鮮蝦意粉，意粉軟硬適中！不會太軟身，夠乾身！蝦很新鮮爽口，略嫌份量太少西冷牛扒，5成熟，肉質嫩滑，重牛味黑毛豬架，配蘋果醬，清甜，不會太甜，但豬肉質地有點鞋口，配菜有薯蓉，燒秋葵、粟米，翠玉瓜。三人結帳8折後 $814

蠔站出名真係好抵食會員會有不定時優惠$10生蠔任食重點仲要係好新鮮今次食土瓜灣分店一行6人要坐outdoor 無風扇食到大汗疊細汗😪建議加返把風扇一共食左三打生蠔海膽刺身新鮮泰式生蝦好正，個汁比較辣其他分店會炸埋個蝦頭，呢間就無Menu上無左海膽意粉😫唯有叫其他意粉 啤酒薯條🍟雖然唔係有啤酒味不過真係好脆 絕對係配酒小食服務員服務一般 電話預約時已講好甜品要寫happy birthday 最後完全無左件事

去咁多次os未試過有啲咁既用餐經驗一入到鋪 個後生既員工已經西面唔願做之後長時間冇影 坐埋一邊篤電話得一個年紀大少少既係到serve客等到有食物上枱 又完全冇發現冇比餐具就行左去 然後又搵唔到staff拎餐具🤷🏻‍♀️到再有食物到 有餐具啦👏🏻但枱上有湯有意粉 佢比一隻匙羹我 what？其實係比我地share用黎飲湯？完全唔理解點解得2枱客都可以做成咁🤷🏻‍♀️（但絕對明白點解會得2枱客😇）食物都尚可但偏咸總結係可以幫襯oyster station但唔會再黎哩間分店食

蠔站食品質素有保證，價錢亦不算離譜，通過Openrice訂位有時段可享受正價七折。目前試過大角咀及土瓜灣分店，大角咀分店地方較闊落，土瓜灣分店勝在較易揾！強烈推薦10蚊蠔、卡幫尼意粉以及芝士蒜蓉包！

好有問題的女侍應，昨晚5/7/2019 突然要求我地埋單，原全坐下無提及限時囉⋯⋯囗齒不靈利囗窒窒更加聽不懂她說什麼，無人等位都迫人走，可惡的地方⋯⋯無下次，非常不滿被屈

依間好多蠔款揀亦有$10一隻蠔款，雖然咁平 但質素相當吾錯 吾會太重海水味，個味令你好想不斷再食，連我另一半本身吾系好like食蠔都接受到個味！仲有我最愛既海膽食 好鮮甜 吾會有苦味，而熟食都相當吾錯。值得再去！讚。

朋友介紹話新蒲崗有一間食生蠔唔錯所以就跟咗佢哋嚟，因為我哋三個都好鍾意食生蠔，所以叫咗一打特價嘅生蠔，$10一隻即開生蠔黎講，質素算唔錯！之後再追加左芝士四重奏pizza 同埋黑松露薯條🍟首先講吓個芝士四重奏Pizza先🍕有少少茄汁底，再加上四種唔同嘅芝士焗出黎，口感非常Creamy又充滿芝士鹹香，完全滿足晒愛芝士嘅朋友😍我哋都好鍾意黑松露，所以都食過好多唔同地方嘅黑松露薯條，呢間相對地普通咗啲，亦可能部份炸過龍有啲苦苦地😅聽講呢度嘅牛扒同埋意粉都唔錯，下次有機會再嚟試吓！