蟹點

营业中

休息中

屋企附近最近開咗間新餐廳，當然要去試吓！呢間餐廳主打泰國菜同埋中式海鮮小炒加潮州打冷，晏晝仲有得飲茶，食品嘅種類有好多。我今次夜晚八點幾去，好多款式嘅菜都賣晒，不過勉強都叫到幾款菜式啦 ！今次我叫咗冬陰功盲曹魚，菠蘿咕嚕肉，炒雜菜氹吓黃金鮮魷。我覺得最好食嘅係冬陰功盲曹魚，店舖係送上一盤魚之餘亦會另外送上一碗冬陰功，以防滾起嗰陣唔夠湯汁。冬陰功嘅香料味好重，而且當倒入魚爐嗰時可以淡化左盲曹嘅腥味，配菜嘅雜菇亦都好多，我個人都覺得幾抵食。不過其他嘅餸菜就比較一般，CP值比較低，份量少之餘，黃金鮮魷更加係冇乜鹹蛋味，搞到有少少失望。其實店舖樓面姐姐嘅服務態度好好，一開始就已經問你想飲茶定係水，而且亦都會自動自覺幫我哋添加水，只係收銀姐姐服務態度唔係幾好，希望佢哋會改善下啦！

蟹點位於鴨脷洲，港鐵站海怡半島A出口，再步行大約5分鐘就到，非常方便，餐廳分戶外同室內兩個區域，呢個天氣清清涼涼，坐戶外都係好舒服嘅；室內燈光通明、餐枱乾淨又整齊。入口左手邊，係一排長長嘅開放式廚房，劃分為三個區域，泰菜、中菜海鮮、潮式打冷，望入去廚房乾淨衛生，令食客食得安心又放心👍🏻。打開餐牌，有重頭戲，必食招牌白胡椒炒蟹🦀、避風塘炒蟹🦀；滋補湯水、佐酒小食、風味煲仔菜、鑊氣小炒、粥粉麵飯、潮州打冷；泰式飯麵、泰式小食、海鮮小炒，各適其適，花多眼亂。今晚除外食招牌白胡椒炒蟹🦀外，仲叫左幾款泰菜。招牌白胡椒炒蟹🦀，鐵板上枱，隻蟹起碼斤半重，嘩😆應真唔講得笑，隻蟹鉗同我隻手掌一樣大🤣真係啖啖肉，非常過癮，白胡椒嘅辣唔會太搶，反而更加釣出蟹鮮，蟹肉一梳梳，非常新鮮，難怪成為蟹點嘅招牌菜👍🏻。冬陰功湯🍲，湯料十足，最矚目係有隻開邊小龍蝦🦞，實在太誇張，成個湯立即升格😆，湯嘅酸辣度同濃稠度適中，非常合適香港人口味😋。泰式生菜🥬包，豬肉碎粒粒分明，肥瘦適中 ，肉質保持濕潤，夾雜九層塔同檸檬葉碎，仲有些少香茅嘅味道，非常正中嘅泰式小食，生菜片片脆綠，包住啲肉碎一齊食，減去油膩感，放入口初初食倒嘅係

南區鴨脷洲又多一個美食市場【蟹點】今次 #波士思思 帶你去一個性價高嘅高級大排檔！呢個位於南區鴨脷洲西邨街市一樓嘅新派熟食市場，個區一向出名海鮮又平又靚蟹點，聽個名都知係蟹最出名：白胡椒蟹 呢度耍家！呢間餐廳除左海鮮、小炒、潮州菜都有得Order!包羅萬有，樣樣水準都不錯，有銅鑼灣酒樓水準！小姐6人點左，燒乳鴿仔、咕嚕肉、啫啫菜煲、炒蜆、白杏豬肺湯、鵝片及蟹蟹！湯就清清地...其餘都非常惹味……全餐都係1200落樓🦀🦞🦐