蟹點

营业中

休息中

Pepper crab Originated in SingaporeA slightly more dry way of serving the hard shell crabPortion is decent with one single big crabLove the crab legs which are stuffed with meatThe poring of black hot gravy over the top of the crab before serving is definitely a bonus Other traditional Thailand and Chinese dishes are awesome as wellGoose slices are tender but chewy and full of juicePortion is extremely large, every pieces are of the right amount of fat and thickness

呢晚同同事farewell，我地一行三人，一個想食泰菜，一個想食小菜，一個想食海鮮😂三個人各有想法😂最後俾主角搵到間一次過滿足哂大家願望嘅餐廳👍🏻餐廳位於鴨脷洲西村街市1樓，喺海怡半島站行過去好近，5分鐘都唔洗。呢個街市非常乾淨，裝修時髦，有哂冷氣咁，而我地呢日去嘅<蟹・點>，設有自家海鮮魚缸，即撈即煮，夠哂新鮮！佢地晚市主打泰粵小炒，午市仲有點心食！睇完本menu，大家都選擇困難症發作！泰式方面，有海鮮、靚湯、頭盤、沙律、主菜、咖喱、小炒、飲品、粉面、甜品；中式有鑊氣小炒、招牌海鮮、粥粉麵飯、潮式打冷、風味煲仔菜、滋補湯水、佐酒小食，好多好多選擇！每樣都好吸引！我地叫咗招脾白胡椒蟹$498，炸蝦餅(4件)$68，串燒(豬牛雞各兩串)$68，泰式鐵板豬手$188，通菜炒脆肉$78；而飲品就叫咗熱檸蜜柚子蜜$30同椰青$48。✨招脾白胡椒蟹 $498先嚟熱辣辣嘅白胡椒蟹，用鐵板上菜造型霸氣，上枱後再淋上白胡椒汁，鐵板滋滋聲響，惹味鮮香隨即四散！店員同時細心提供即棄手套、圍裙同食蟹工具。隻蟹好大隻，大廚已經幫我地整碎咗蟹殼，方便進食。蟹柑有手板咁大隻！蟹肉多，肉質雪白結實，

叫外賣買返屋企食，冇得打電話去叫定先，一定要親自去先接order。所以要等一陣白胡椒蟹都幾多肉，幾入味但有d鹹，送酒就ok。不過殼同肉痴埋一齊。黑椒牛柳粒好味 好野味 不過牛柳粒偏少 反而好多薯仔 幾好食青木瓜沙拉 麻麻地 唔夠啦 裡面有2隻蝦唔太新鮮辣椒膏花甲 都係好鹹 味道都ok 可以辣d 好多配料洋蔥 花甲新鮮 唔錯 鹵水掌翼 唔錯 味道幾好 份量算多，可惜冇得雙拼想試多幾樣所有野都偏鹹但係算好食，送酒就ok。性價比高，好多選擇。會再黎

最近聽同事講鴨脷洲西村既街市開左間食中餐既菜館，去到先知，原來唔止有中菜食，仲有打冷同埋泰菜添，一間餐廳，可以有咁多種既選擇🤣招牌胡椒蟹 $498店員為我地準備左手套同埋圍身，上菜係用鐵板黎上，仲發出吱吱渣渣咁既聲，之後店員幫我地淋上胡椒醬汁，鐵板發上既聲更大，就好似食鐵板牛扒咁隻蟹目測都應該超過1斤半，同佢餐牌寫既一樣，童叟無欺，蟹肉鮮甜而且實在，可以睇到蟹鉗大大隻，胡椒味我都係第一次試，但真係好入味，好令我難忘酥炸美國桶蠔 $168好驚訝！！炸左既蠔都仲咁大隻，而且炸既成熟度岩岩好，仲可以食到蠔既鮮嫩，炸粉亦都做得好好，做到外脆內嫩既感覺，唯有就係調味比較淡，可能因為想客人食到原汁原味豉椒炒蟶子皇 $168蟶子皇好大隻，差不多有3分2隻筷子咁長，而且好夠味，送飯真係一流生蝦刺身 $108刺身略嫌有少少唔夠爽脆，不過調味既辣醬汁就好好味青柑桔柚子梳打 $32金柑加埋柚子清爽得來唔會太甜，飲泰式飲品其實好怕好甜，但呢度就調得岩岩好

話說屋企樓下個商場裝修完，開咗間新餐廳叫蟹點。同班朋友嚟試吓，職員都有推介食泰國菜，同打冷野。招牌白胡椒蟹食完就明間餐廳點解叫蟹點。白胡椒跟蟹肉好夾，層次豐富。蟹肉香濃鮮味，同時白胡椒亦冇搶去本身蟹肉鮮味，互相配合。當然蟹本身亦好多大隻又多膏，高度推介。比埋膠手套，唔使食得咁論盡😂咖喱炒大頭蝦椰味香濃，唔同香料令到咖喱嘅口感層次好豐富，大頭蝦嘅size好大，而且肉質鮮美。食咖喱當然要配上蒜蓉包，正。滷水鵝片份量都唔少，鵝片肥瘦適中，皮脂沒有過肥嘅情況，香濃油香而且鵝肉亦有彈性和咬口，滷水汁亦做得唔錯。馬拉盞炒通菜泰國菜必點之一，香辣惹味，而且蝦醬味亦香濃，味道適宜亦不會太鹹。紅燒脆皮BB鴿外皮相當香脆而且肉質滑嫩多汁，乳鴿肉味亦充滿滷水味道。芒果沙冰+菠蘿沙冰解渴首選，果肉香甜。

鴨脷洲新開左一間大排檔，今日同友人去吃。整體裝修很不錯，而且地方又大，在西邨街市樓上，占滿足足一層。我叫左份酸菜蘿蔔海斑仔，配料有芽菜，蘿蔔，酸菜。酸菜酸酸啲，好開胃。而且分量都算不少，辣椒夠辣，魚肉好新鮮，夠滑，冇骨。芽菜鋪在最底層，吸收湯底酸酸辣辣啲味道，吃起脆脆辣辣。在配上白米飯，淋點酸菜魚啲湯，味道都好好。又叫左蒜蓉炒通菜：通菜好新鮮，用蒜蓉和油爆炒，香味好香。吃起來都係脆脆哋，好爽口。相對腐乳通菜，我更愛爆炒。

呢日又去左南區搵朋友食飯，佢話鴨脷洲邨街市樓上開左間新餐廳，所以就拉埋我去試～呢間餐廳都幾特別，粵式小菜又有，泰式又有😳除左係food court食之外都真係幾難得可以一張枱又有中式又有泰式👍🏻滷水鵝片碟鵝片比想像上大碟！而且肉質鮮嫩，不自覺地一塊接住一塊咁食😋好滿足🤩冬陰公湯呢個已經係細既冬陰公湯，勁大碗！兩個人食每人都可以飲到3-4碗！！味道好濃郁，仲好香椰奶味～而且裡面好多海鮮，好豐富😍泰式串燒串燒有6串可以自己揀豬牛雞～小弟今次就每款要左兩串😋即叫即整上到枱熱辣辣！d肉都好好食唔會un或者無味～個沙爹汁仲調得好好tim👍🏻👍🏻胡椒蟹見到旁邊有幾枱都叫左呢隻胡椒蟹搞到我地都好想試😆點知真係好大隻😳😳食落好新鮮！d肉又唔霉，啖啖肉勁正😋連d蟹肉都有好濃烈既胡椒味，正呀👍🏻🤩兩個人食食下就ko左成隻，太好食😂本身都幾擔心會食到好狼狽，不過餐廳好貼心咁準備埋圍裙同埋手套就唔使擔心啦😆呢間餐廳實在有太多野食喇～唔止打冷正仲要泰國野都好好食！下次要叫埋一大班fd一齊黎食先😂

今日過來海怡半島穩朋友聚聚，到食飯時間朋友講西邨街市有間食蟹啲好味，我啲興沖沖來到呢間叫蟹點泰粵小炒王，餐廳空間好大，藍白裝飾。招牌白胡椒蟹:上檯仲還熱辣辣，胡椒味好香，蟹肉好飽滿鮮甜瑩白，蟹膏都好多，加埋白胡椒BB辣，食得好過癮！辣椒膏炒蟹：泰式料理，用辣椒膏炒香辣味好特出，唔算太辣，甜甜啲，配上蟹肉鮮甜，口感好豐富！酸菜蘿蔔海班仔：魚肉嫩白滑潤，微微麻辣，配菜好多，豆芽、黑木耳、白蘿蔔、酸菜，配菜酸酸辣辣啲，整道菜都好開胃。黑椒牛仔骨煲：份量十足，牛肉辣辣啲好嫩滑。串燒：六串，每串肉都好大塊，我只食出有雞肉同豬肉😂好嫩，加埋醬汁味道真啲正！蒜蓉炒通菜：好有水準，通菜水嫩。芒果椰汁沙冰：芒果粒好新鮮，味道好濃！青柑桔柚子蘇打：酸酸甜甜好清爽。今日食得好滿足，道道味道好正，侍應生態度都好好，下次會再來！

餐廳雖然今個月先開，已經好多人幫襯啦， 主打香港人至愛嘅海鮮小炒，仲有泰籍主廚坐鎮煮泰菜，仲有室外座位， 同朋友飲酒食飯，正話明專食海鮮，當然有個海鮮魚缸，見乜食乜， 仲有潮州檔攤聽個餐廳名就知佢主打蟹，招牌白胡椒蟹係必點， 每隻$498約一斤半， 用熱盤上，然後職員淋上白胡椒汁，香味立即撲鼻而來， 用手拿起剝蟹食，仲好熱㗎， 肉蟹啖啖肉， 新鮮不在話下，而且白胡椒非常惹味，調味做得非常好， 唯一挑剔的地方是蟹肉還黏住蟹殼， 要很細心的把蟹肉挑出來吃， 如果再煮久一點點， 蟹肉便會分離得更好我們想點瀨尿蝦和虎蝦，但都分別沒有貨和賣光 ，最後我們在職員的推薦下點了金沙黃金蝦 ($98)，賣相比較簡單，炸得非常酥脆，鹹蛋黃味突出但沒有太鹹，新鮮程度可以連殼一起吃另外蒜蓉粉絲蒸元貝 ($98/4隻)都幾大隻，調味都夠香，但略嫌元貝肉有點啲靭點了這麼多海鮮，怎不能沒有啤酒，間間都有啤酒賣，但係呢間餐廳有「勝利碗」，而且是雪凍的，用碗飲啤酒夠爽快其實呢間餐廳亦有泰國菜， 所以我們點了泰國著名甜品-芒果糯米飯($68)，有樣有味道， 不過黑糯米有點硬

又約咗呀姨飲茶，我同呀姨講唔好又要我去上次嗰間，「佢話唔使驚、呀姨係大廳」😂😂😂😂⋯⋯—————————「無厘頭的我，九唔搭八係我嘅強項😅因為無厘道，開心來自人無求😂隨咗食嘢有要求😁😛」————————-呀姨話有間新酒樓，一於又去踩下場環境又確實不錯，望落光猛又乾淨…員工有禮貌，坐位也算是舒適😉————————-🟫鳳爪排骨飯：同呀姨飲茶，佢第一件事梗係食鳳爪排骨飯或其他飯類🤣「鳯爪配排骨味道好食到入骨😂😂😂😂😂」————————-🟧鳯爪：大部分人飲茶必吃的一款點心，我也不例外⋯⋯味道不錯，惹味➕有骨落地😁「有骨落地，想食就隨時隨地😆」———————🟥咖喱魷魚🦑：咖喱夠香，魷魚爽口夠味————————-🟩煎釀三寶🫑🍆：新鮮即叫即煎，魚肉爽口又彈牙，青椒🫑又😊脆，熟度剛剛好，🫑不會過生，煎得恰當的剛剛帶爽口就係最好吃😋⋯⋯茄子🍆也是煎得適中，醬汁味道恰當————————🟪鯪魚球🐟：爽口彈牙、味道不錯———————-🟦南乳豬手：估唔到炆得咁焾又咁好味「南乳炆豬手🐷發財兼就手」———————-🟨雞扎：最鍾意食面頭包住嗰塊腐皮，最愛吃入面嘅棉花（魚🐟肚）食雞扎都係為咗食呢兩款材料😂😂對我嚟講其餘

#熱辣辣白胡椒炒蟹-同朋友行海怡半島睇家品 可惜冇收穫 諗住去附近巴士總站搭車走 忽然見到對面西邨街市有一間充滿漁人碼頭渡假風情嘅海鮮泰潮食店 室內同露天座位都有 晚飯有着落啦🤓-🐟#大眼雞魚 時價呢度連潮州打冷餸都有 大眼雞凍魚魚身有六吋長 蘸啲普寧豆醬一齊食 吊出鮮甜味-🦀#招牌白胡椒蟹 $498晚飯主菜係食蟹 菲律賓肉蟹有斤半重 珍寶蟹鉗入口啖啖肉 微辣帶胡椒香 用鐵板上保持熱度 慢慢拆骨食肉 超級滿足 雖然去唔到星加坡食黑胡椒炒蟹 呢度嘅地道風味一啲都唔輸蝕-🥣#黃咖喱鷄 $88 🥖#蒜蓉包 $32黃咖喱唔辣 同蒜蓉包好搭 雞件厚食落唔算嚡口-🥬#啫啫唐生菜煲$68上枱嗰時吱吱聲好有氣氛 蝦醬肉碎汁同蝦乾鋪喺唐生菜面 減低油膩 味道唔寡淡-🥭#芒果沙冰 $42清涼有勁 當冰鮮芒果汁飲又甜又解渴 食埋上面嘅芒果切粒先收口😍-📍#蟹點香港鴨脷洲鴨脷洲橋道322號西邨街市1樓

鴨脷洲西村街市翻新後，多咗好多新嘢食，越式法包、熱狗、炸雞、糖水等等，想坐低慢慢食可以稍移玉步去一樓的蟹點，朝早可以揀飲茶，夜晚仲有泰式同中式美食，餐牌上真係超多嘢食，海鮮、肉類、菜等等，照顧哂不同口味！咖喱炒蟹（大）$498見到泰式招牌上面有好多款炒蟹，店員推介咖喱炒蟹，因為夠哂惹味。炒蟹上桌份量好大，同檯屋企人見到都哇出聲，個蟹鉗超大隻，影相呃Like一流。上桌香噴噴，醬汁甜辣不膩，加埋蟹肉的鮮甜，真係無得輸！隔離檯見到個蟹咁吸引，仲即刻點一個，蟹味沒法擋。如果驚食唔哂可以叫中size（$398)。薄餅 $32店員力推叫咖喱炒蟹一定要叫埋薄餅，可以沾咖喱汁食。薄餅一份有成六塊，最重要係吸盡咖喱汁嘅精華，超正！鹽燒烏頭 $128選用新鮮烏頭，用粗鹽包裹再燒，逼出鮮味，沒有半點泥味。烏頭勁多肉，記得蘸點醬汁同吃，為鮮味再添上一份層次。滷水鵝件 $98份量都比想像中多，鵝件賣相好好，入口鹹香兼備又唔會死鹹，連舖底的豆腐都好入味，可以一試。生蝦刺身 $108食泰式料理一定要食生蝦，一盤有10隻，每一隻都有一小片蒜同辣椒，加埋秘製醬汁更惹味。芒果沙冰 $42面層有少許芒果，味道香濃，滿滿的芒

今日去鴨脷洲邨探朋友，佢請我去邨內西邨街市新開的蟹點吃晚餐。蟹點晚市提供海鮮小炒，打冷和泰菜等，算多元化。我們晚上七時左右到達，店內已有很多街坊在吃飯，好不熱鬧。朋友點了招牌白胡椒蟹。蟹大大隻放在鐵板上，上桌已聞到陣陣香味，將汁淋在蟹上再吃，色香味俱全。蟹啖啖肉，味鮮甜，白胡椒汁惹味，好吃!炸桶蠔新鲜好味，一碟八大隻，每人四隻，大滿足! 炸粉脆，不算太油膩。蒜蓉粉絲蒸蟶子皇一碟四大隻。隻隻鮮甜好味道，蒜蓉粉絲正。紅燒脆皮BB鴿每人半隻，皮脆肉嫩，少食多滋味。多謝朋友的款待，今餐吃得滿足。店內氣氛熱鬧，除下口罩享受美食，和朋友吹下水，暫時放低疫症和生活壓力，豈不快哉!

屋企附近最近開咗間新餐廳，當然要去試吓！呢間餐廳主打泰國菜同埋中式海鮮小炒加潮州打冷，晏晝仲有得飲茶，食品嘅種類有好多。我今次夜晚八點幾去，好多款式嘅菜都賣晒，不過勉強都叫到幾款菜式啦 ！今次我叫咗冬陰功盲曹魚，菠蘿咕嚕肉，炒雜菜氹吓黃金鮮魷。我覺得最好食嘅係冬陰功盲曹魚，店舖係送上一盤魚之餘亦會另外送上一碗冬陰功，以防滾起嗰陣唔夠湯汁。冬陰功嘅香料味好重，而且當倒入魚爐嗰時可以淡化左盲曹嘅腥味，配菜嘅雜菇亦都好多，我個人都覺得幾抵食。不過其他嘅餸菜就比較一般，CP值比較低，份量少之餘，黃金鮮魷更加係冇乜鹹蛋味，搞到有少少失望。其實店舖樓面姐姐嘅服務態度好好，一開始就已經問你想飲茶定係水，而且亦都會自動自覺幫我哋添加水，只係收銀姐姐服務態度唔係幾好，希望佢哋會改善下啦！

蟹點位於鴨脷洲，港鐵站海怡半島A出口，再步行大約5分鐘就到，非常方便，餐廳分戶外同室內兩個區域，呢個天氣清清涼涼，坐戶外都係好舒服嘅；室內燈光通明、餐枱乾淨又整齊。入口左手邊，係一排長長嘅開放式廚房，劃分為三個區域，泰菜、中菜海鮮、潮式打冷，望入去廚房乾淨衛生，令食客食得安心又放心👍🏻。打開餐牌，有重頭戲，必食招牌白胡椒炒蟹🦀、避風塘炒蟹🦀；滋補湯水、佐酒小食、風味煲仔菜、鑊氣小炒、粥粉麵飯、潮州打冷；泰式飯麵、泰式小食、海鮮小炒，各適其適，花多眼亂。今晚除外食招牌白胡椒炒蟹🦀外，仲叫左幾款泰菜。招牌白胡椒炒蟹🦀，鐵板上枱，隻蟹起碼斤半重，嘩😆應真唔講得笑，隻蟹鉗同我隻手掌一樣大🤣真係啖啖肉，非常過癮，白胡椒嘅辣唔會太搶，反而更加釣出蟹鮮，蟹肉一梳梳，非常新鮮，難怪成為蟹點嘅招牌菜👍🏻。冬陰功湯🍲，湯料十足，最矚目係有隻開邊小龍蝦🦞，實在太誇張，成個湯立即升格😆，湯嘅酸辣度同濃稠度適中，非常合適香港人口味😋。泰式生菜🥬包，豬肉碎粒粒分明，肥瘦適中 ，肉質保持濕潤，夾雜九層塔同檸檬葉碎，仲有些少香茅嘅味道，非常正中嘅泰式小食，生菜片片脆綠，包住啲肉碎一齊食，減去油膩感，放入口初初食倒嘅係