蟲二

营业中

休息中

MK 旺角 • Poach 蟲二🐛🥞💛📍 旺角上海街618號頂樓➰「蟲二」位於旺角二級戰前歷史活化建築物618的天台，環境走庭園風，優美舒適，食物擺盤精緻，打卡一流✨設有室內外用餐，可惜疫情期間室外暫不開放👀➰一汁三菜便當 $150 🍱伯爵茶傳統班戟 $85🥞🤎桂花傳統班戟 $85 🌸🥞檸檬花蜜炸雞槌 $68 🍋🍯🍗桂花酒釀啡 $55 🌸☕️冷泡水果茶 $55 🍎🍵 伯爵茶朱古力 $55 🍫🤎➰再訪「蟲二」，終於一試招牌主菜👅 便當有開胃漬物、慢煮蛋🥚、芝士漢堡扒🍔伴海苔肉鬆。店員細心講解食法，將鰹魚昆布高湯🥣倒入日本穀米御飯🍚食用，食到半碗飯後再加入慢煮蛋，整體會較濕糊。漢堡扒肉味未算香濃，但好厚身大塊，舖面的芝士令賣相好加分🧀•「蟲二」的招牌麻糬班戟🥞，桂花味🌸較伯爵茶味🍵突出，伴以海鹽牛乳雪糕🍦，班戟厚實，紅豆麻糬煙韌，加上鮮果🍇和百花蜜🍯，甜而不膩☺️•飲品推介伯爵可可🍫和桂花酒釀啡☕️，凍伯爵茶朱古力的漸層好靚，建議少冰才不會沖淡伯爵可可味，或飲熱的伯爵味應更香濃；桂花酒釀啡有驚喜，酒釀的甜夾到咖啡的甘苦，記得要攪勻先飲😌➰👅 味道：🌟🌟🌟💫👀 環境：🌟🌟🌟🌟🌟👩🏼‍🍳 服務：🌟🌟

此行是為朋友慶生而來，訂位時揀埋甜品，並同餐廳講用來慶祝生日，加 $25 就可以係甜品到插上生日牌 & 爉燭，吾使自己外帶蛋糕，真係勁方便！餐廳有露天和室內座位，餐牌上的主食吾多，主打 1 汁 3 菜便當 🍱 主菜一共有 5 款揀，每份便當都配有 3 款漬物前菜，慢煮蛋，飯同湯各一碗。 個湯主要用來淋飯食，所以即使個主菜無汁，個飯食落一d都吾會覺得乾，而且個湯仲有好香的鰹魚味，建議個飯加湯後浸一陣先食，咁樣個飯會更入味 😋 今次我地一行4人，就剛好叫左 4 款吾同主菜 share 食， 可以一次過試多d款式. 每道便當都各有特色，味道都吾錯。每 set 便當的配菜都一樣， 配菜款式算多，份量亦夠飽，但男仔就可能未必夠。一人一便當連甜品一份share 食，人均 $180 左右，晚餐來講不能說上便宜或很貴，尚算可以吧。

想嚟呢間打咭cafe好耐同閨蜜👭🏻等咗45mins先有位，3:00pm 拎飛豚肉多士幾好食，有驚喜，塊肉炭燒嘅，影完相都仲熱辣辣，份量唔多，下午茶岩唒，個醬好夾個豚肉toast ，有沙律伴碟，配咗醋，同都幾新鮮甜品叫咗朱古力🍫，睇錯餐牌以為係pancakes ，心想上次食上環嗰3rd space 超好食，呢個甜品一定好正，見到賣相已經有少少🤏失望🙍🏻，咩唔係pancakes 嚟㗎咩，西多士？賣相同味道都一般啦，麻麻地，我下次會叫返pancakes 雪糕溶得太快啦，朱古力味西多士，唔太係我杯茶只怪我眼大睇錯咗啦，叫咗以為係pancakes 仲叫咗個小食㗎，正常薯條🍟，不過不失整體感覺唔錯嘅，食物above average啦，環境幾好，舒適度高，空間感夠，有文青feel，杯咖啡☕️都係好飲嘅，質素高心心拉花

之前見到都好多好評，同好多人去蟲二。。。上星期六終於的起心肝去試一試前一日上OpenRice 搵資料，睇下有無得預約點知電話都無！好彩係FB搵佢哋個page有得約。。又約到地點方便，係朗豪附近！政府重建建築物早左小小到，等左5分鐘都入得！ 眼見都好爆人入座有限時，好似個半鐘？唔記得左😂環境好靚好有feel，岩晒打咭影相！嘢食都幾好食叫左一個set，兩碟小食，一個pancaked嘢食唔會好油，味道岩岩好！ 非常滿意ge一餐

嚟到618上海街呢個地方，係旺角嘅保育活化項目，係二級歷史建築嚟架！今次揀咗呢間人氣好高嘅蟲二食晚餐😋·💛清酒蒲燒鰻魚便當$160 // 💛烤芝士漢堡扒伴海苔肉鬆便當$150佢嘅便當係一汁三菜，一汁係講緊清酒樽🍶裝住嘅鰹魚昆布高湯，三菜係指前菜、日本慢煮蛋、主菜，配嘅係日本穀米御飯，便當跟埋熱焙茶🍵·前菜我自己好鍾意川味木耳絲，酸酸辣辣好開胃🤤食完前菜，餐廳係建議倒一半嘅高湯落去飯度，配埋主菜咁食🤣我就有跟足嘅，不過個飯好索湯，到咗一半落去都唔會話好湯飯嘅～主菜必叫鰻魚，夠哂大條🤤味道就係正常嘅鰻魚，冇食出有清酒味😂同埋叫咗漢堡扒都唔錯啦，大塊亦都夠肉味👌🏻·個飯食剩一半到啦，就將剩低嘅湯同埋隻半生蛋倒落去攪勻😆加咗蛋同湯嘅飯真係好食好多架🤩🤩·🌟🌟Tips: 如果同枱嘅人都係叫一汁三菜便當，就可以免費加飯同加湯喔🌝我返到去打緊食評時先見到餐牌有寫🙈·💚抹茶芝士蛋糕 +$25 // 🤎可可芝士蛋糕 +$25我哋一心係諗住好頹嘅芝士蛋糕，點知原來跟餐嘅都幾精緻，有cream、糖霜、桃、提子、香蕉，可可味嘅仲有朱古力醬添👏🏻·第一啖試咗抹茶味先，抹茶味算偏濃，蛋糕唔會太甜，整體都唔錯可可味

其實好多cafe走文青風格，將一般食物賣貴一倍。蟲二係其中一間，要環境嗎？沒有，十分狹窄，仲要只收現金，只此一次。鰻魚飯加幾個頭盤小食，其實無乜特色，我講唔出有咩特別。依個下午茶先有既豆漿肉鬆冷麵好難食，怪味，口感似米漿一pat野，d麵一d都唔爽口。可可伯爵還好，有濃厚朱古力味。另外叫左一杯mocha ，正常。蛋糕很平庸，類似街坊麵包舖芝士蛋糕，不值一試。服務一般、環境一般，價錢貴，雖然係黃店，但不值。

為食妹又發現美食！！！推薦大家吃 蒲燒鰻魚飯 和伯爵茶傳統班戟 ✨成個餐，第一眼見到好有心機擺，日本野多數，鰻魚飯加蛋，今次e個好特別，加分！味道都唔錯arrr，而且個茶漬飯溝蛋好夾，即時吾乾，好易入囗！❤️❤️伯爵茶pancake 好靚，立即合照！十分煙韌！正！配埋海鹽芝士忌廉醬 水果 同埋牛乳雪糕，口感好有層次，happy r❤️💐切下去發現中間有麻糬！❤️❤️我主菜坐室內，甜品坐室外，玩哂🤣打卡一流🤤🤤🤤

試左呢間旺角cafe💛係可以傾偈可以打卡嘅Cafe！👉🏻餐廳主打定食套餐（套餐有：三款前菜，温泉蛋，昆布魚湯，飲品）見好多人都係鰻魚，芝士漢堡扒定食的確吾錯❤️上菜時會有一張memo提議你進食嘅方法聽話跟住建議食 的確係有驚喜🤤！🎈鰻魚燒得好香（最重要冇骨）🎈芝士漢堡扒幾特別嘅配埋昆布魚湯飯食好夾☺️進食建議會教你食咗一半飯之後：加埋餘下嘅昆布魚湯，溫泉蛋，同埋配菜初嚐試嘅配搭，但係幾清新！🍟小食叫咗海苔薯條（唔係平平無奇㗎）番茄醬係自製 有原粒蕃茄喺裏面！！絕對唔係加工甜味嘅茄汁🥞班㦸應該都係最多人揀既甜品試咗伯爵茶味班㦸會有岩鹽芝士醬就牛乳蛋糕，同埋鮮果呢款吾係空氣感班㦸以伯爵茶味中和牛乳味雪糕既甜味係好嘗試👄下次想試埋桂花味餐廳有露天範圍但尋日落雨都係冇開嘅可以先網上預約衛生問題：餐廳建議大家將用過嘅紙巾自己清理走啊每人消費大約$250定食進食次序建議

下晝時間就緊係去間靚cafe打下卡，位於旺角既蟲二環境幾靚又有打卡位，提供既食物都幾有特色當中必叫既一定係一汁三菜便當一菜：川味木耳絲、青瓜漬、柚子蓮藕片二菜：日本極極上太白63度慢煮蛋三菜：有5款可以揀，我地揀左清酒蒲燒鰻魚仲可以加配燉湯set同日本直送芝士蛋糕燉湯係姬松茸菌胡椒湯，真材實料，菌味香帶少少胡椒既辣味燉湯set包括左和風冷豆腐，豆腐切得非常整齊工整，配上胡麻醬係最佳配搭我地叫左2款小食，分別係清新山葵醬魚豆腐方塊，醬汁獨家調制，山葵醬味道夠濃，個人幾鍾意呢個醬汁另外一款就係軟骨餃子，外皮脆卜卜，即叫即炸！然後就到主菜清酒蒲燒鰻魚，鰻魚原條上，大滿足！餐廳仲有細心介紹茶漬飯既食法，我都有乖乖跟足架！餐廳仲有好多特色飲品，好似櫻花清酒，賣相同味道都正，成杯粉紅色，味道甜甜地，女仕岩哂我地額外再叫左日本直送既柚子芝士蛋糕，味道清新唔會膩，整體成個lunch都非常滿意呀！

朋友熱推呢間，話所以野砲搭得非常好，搵左日去下執返個食TEA既少女心先。服務：- 店員都好友善好NICE, 係有位執台執得緊張D, 論盡D。點好法? - 有個登記係有上5個WAITING, 當時落雨我唔想周圍走，雖然店員提我可參觀下之後有位打比我，佢見我罰企左係度，有個RESERVED CALL BACK CANCEL 都讓左個位比我坐低，窩心   - 另外，我自攜既餐具唔記得拎返，店員係收拾時係好客氣咁提我: 你係咪要拎返佢先?  - 佢有防疫指引，紙巾都係自己處理，咁都好，保障大家無咁易受感染。- 有飲食時限既，不能久坐，不過店員提醒大家時係好友善，一D都唔趕客，讚! 環境： - 台呀、牆呀都有手繪作品，氣氛唔錯。- 如果要講要改善既地方，係天雨既LOGISTICS: 我由正門入上到PROOF 層，要DUP住雨去另一個WING既RECEPTION，RECEPTION 話有位時，又再次DUP住雨去返頭先果邊WING既室內。可能要PLAN下點RECEIVE 客人去用餐位，從善如流。- 防疫既話，位同位之間距離太近，如果無隔板，應該唔係首選。食物：- 伯爵茶pancake 好似好多人叫咁

一汁三菜作為一個set絕對可以滿足你視覺上同胃部既需求.以八角型既木盤齊齊地排好所有食品,每樣食品都以充滿和風色系既器皿載好,排得整齊簡潔.一菜漬物:木耳絲,青瓜漬,柚子蓮藕片作為開胃菜清爽酸酸甜甜既醃漬口味十分開胃.二菜:自煮日本慢煮蛋,蛋黃十分醇香帶濃郁既蛋香味.三菜:烤芝士漢堡扒配海苔肉鬆,分量足2大份,係漢堡扒上加上芝士皮再加以炙燒,帶住半溶芝士既味道令漢堡扒更香濃.略帶甜味既海苔肉鬆配上漢堡扒及茶漬飯食剛好中和左芝士漢堡扒既鹹膩感.湯:鰹魚昆布高湯飯:日本穀麥飯將蛋放係加左味素既穀麥飯內再配以鰹魚昆布湯製成茶漬飯味道更為濃郁,入口令穀麥飯變得綿密,淡淡帶高湯清香既味道,濃不而膩.炭燒豚玉子蛋吐司配小蕃茄.三片大大既豚肉片,肥瘦平均,一層肥一層瘦肉顯得層次分明.豚肉燒得夠香,入口就算食到肥肉都唔會覺得過油膩.甜玉子蛋加上帶點明太子風味既蛋黃醬味道甜甜辣辣配上烤得香脆又飛邊既芝麻厚多士十分惹味.豚肉上再加上脆蒜皮令味道更香之餘又增添左份脆口感.配菜既蕃茄除左常見既紅色車厘茄外仲有味道更清甜既黃車厘茄,入口爽甜清新,沙律菜加上柚子醬甜甜酸酸幫助消化又化解飽滯感.伯爵茶傳統班戟.黎到

食飯緊係要搵黃店，見ig d相影到環境唔錯，想約個朋友舒舒服服食餐飯，就揀咗呢間。人唔算多，只係開放咗一邊，講明用餐時間80分鐘，其實都ok~最多咪食完轉場。一埋檯問menu 時已經feel到瀨野，個女服務員語氣唔多好果種，咁可能feel錯啫，到野食上檯，食完之後黎收野，你會感覺到佢哋係想你快d走，執野唔會同你講聲先，就算你同個朋友係用緊張檯一齊睇手機，佢哋都可以唔同你講聲突然插隻手入黎執走你d野，就算係有d茶記都會問你一聲d野仲要唔要，單聲先執野啦，而且無論係落單，埋單，d服務員嘅說話語氣都係好差，未至於問候你雙親嘅，不過就好似d反叛期阿女對住阿媽講野d態度咁囉。食物嚟講可以話係正常，唔算太差，但一般一個人200蚊埋單嘅餐廳，如果唔係食物超卓，就一定係服務唔錯，或者多野睇多野玩，但呢間食物只係ok,檯又擺得比一般cafe密，坐嘅時間短（80分鐘你以為多？40分鐘開始你已經坐唔落啦），真係令人不敢相信呢間定位係cafe。我嚟之前睇ig仲話呢度會做埋小型婚宴，如果婚宴都係用返呢批服務員，真係一世難忘。忍唔住開acc講，想同阿老細講聲請做返好黃店嘅名，教導員工有好服務態度真係有咁難咩？d客

約佢朋友出來聚下， 佢就揀咗位於旺角嘅『蟲二』， 佢食過覺得值得再食，加上我哋兩個去都好近。『蟲二』 位於大廈嘅天台，環境優美，打卡一流，座位除咗室內，亦有室外選擇， 就算室內，有足夠嘅自然光射入去，令人好舒服。至於食物方面，佢哋lunch set，淨係擺盤已經好吸引， 味道方面，我同朋友都好滿意。我地每人叫咗set「一汁三菜便當」，會有一張便條教你食法，我喜歡食辣，叫咗豆瓣醬燒青魚， 微微嘅辛辣， 完全冇腥味， 仲好惹味，朋友叫咗烤芝士漢堡扒伴海苔肉鬆， 佢話肉鬆好味，漢堡扒夠厚又大件，套餐仲包括開胃前菜3款，日本極上太白63度慢煮蛋， 鰹魚昆布高湯及日本殼米。甜品方面， 我地叫左桂花傳統班戟， 配上燒海鹽芝士忌廉醬， 班戟內仲有煙韌嘅麻薯，仲有鮮菓、牛乳蛋糕及 百花蜜， 多重味道，鹹鹹甜甜好特別。最後我哋加$叫左飲品， 喜歡飲酒嘅我， 當然試下桂花酒釀咖啡，入面有一粒粒桂花， 我覺得好特別又好飲 ，而朋友仔只飲熱飲， 叫咗Flat white，拉花很靚，朋友飲之前，係咁影相。

讚1.環境真心係旺角好奢侈，好闊落，佈置幾仔細2.班戟好味，雪糕滑，班戟鬆軟，醬汁帶啲焦糖同甜味，入面嚿麻糬煙韌唔硬身；咖啡都好香3.服務幾好，話就話坐80分鐘，但無客都唔會趕人走彈無乜

之前因為見到呢間舖頭喺IG點到排行榜係第一二名所以決定係試一試點知令人覺得只係名過於實。呢間店係上海街新開嗰個618頂層，上到去環境係幾靚，可能因為嗰時店舖仲係啱啱新開，所以吸引咗好多人去食，我哋去到都排左成個鐘先入到去，嗰日我哋叫咗兩個一汁三菜便當，一款係鰻魚便當另一個係芝士漢堡便當。前菜當日就有小蕃茄，青瓜同埋支豆，size都算大條但係食落都幾多骨所以感覺質素一般，另外因為係穀米飯所以食落質地偏硬，感覺配茶漬食會比較容易入口，另外個芝士漢堡肉質比較淋身。如果比$140食一個便當我諗應該會有更好選擇，但係環境絕對係打卡熱點。