蝦蝦燒

营业中

休息中

🍻大型BBQ放題蝦蝦燒任飲任食3小時!🥳比你親身夾住新鮮生猛流水蝦+原條鮮魚+貝類海鮮+串燒的自助燒烤，年頭去左荃灣分店同外國返來嘅親戚聚餐，食得開心有保證。今次去到佐敦分店環境地方一樣寬敞闊落，除左招牌生猛新鮮海蝦，全晚"無間斷"補充多達10幾款海鮮選擇!而且更有36款已充份解凍即燒的串燒及燒烤肉類配菜!都不突止 XDD 飲品櫃更有多達30款樽裝及罐裝飲品! 更有6款全晚任你飲嘅啤酒米酒! 包保你飲飽食醉~同場亦有少量熟食可以選擇，如花螺、醉蝦、涼拌魚皮真心滿足到癲~成功訂位到時每人有一客厚肉到你唔信嘅「厚燒海鰻」打頭陣!!汁燒海鰻外皮酥脆內裡肉質鮮嫩，小編同朋友第一啖驚豔到不得了。🦐話明係蝦蝦燒，滿滿大頭蝦缸任你夾一定係最大亮點，大人小朋友都玩得開心，不過要記得攞個筒裝冰同水先，冰鎮下夾到嘅蝦，咁就唔會周圍跳啦~其次一定就係幾款鮮魚，小編同朋友仔呢晚燒哂五款魚!特別一讚由於燒爐火力平均，所以魚皮確保唔會燒焦魚肉又滑溜熱辣辣!同區更有鮑魚、生蠔、大蜆、花甲、帶子、扇背、魷魚等夠哂豐富!🍱自助櫃方面有齊豬肉、牛肉、雞肉、羊架、丸腸、腸類、蔬菜、瓜類、紫薯、茄子、菠蘿、栗，更有窩夫蒜蓉包

位於佐敦白加士街既蝦蝦燒，流水蝦、鮑魚等多款海鮮任燒任食，海鮮款式更有大扇貝、蠔、原條鮮魚，食材新鮮鮮味！套餐包括每人一份厚切鰻魚串，鰻魚慢燒至皮脆肉嫩，肉質彈牙，非常惹味除了海鮮，還有其他肉類豬、牛、雞、丸類，蔬菜類可供選擇，非常多元化飲品櫃更設茶類、果汁、汽水，口味繁多！雪糕味道亦同樣豐富，更有阿波蘿杯裝雪糕，必試香芋口味，絕對滿足到甜品控既你蝦蝦燒（佐敦）佐敦白加士街10-24號永富大廈1樓

再次再訪蝦蝦燒，同🐷真係好鍾意呢間燒烤放題，香港真係冇乜燒烤放題嘅地方，其他燒烤鋪食少少已經係放題燒烤嘅價錢，鍾意哩度有啤酒，仲有韓國嘅真露，飲品選擇又多，最重要又有海鮮，海鮮種類有好多：鮑魚，生蠔，扇貝，帶子，又有魚。燒烤之前，店員已經上了鹽燒大蝦。每位燒烤放題都有送上白鱔，連🐷唔太愛食白鱔都會因為白鱔彈牙鮮甜燒烤後都會食。最鍾意食呢度加燒大腸，燒麵包。燒烤種類10分多：雞翼，羊肉，牛仔骨。又有芝士丸，一口蕃薯，食完再任食雪糕❤️

邊個話燒嘢食一定要去郊外😁，呢度可以夾蝦，主打海鮮類，貴價嘅鮑魚、帶子、扇貝、蠔、大眼雞等五六款魚類任夾任食！今次我哋主攻食流水大頭蝦，大大隻，每隻都夠晒份量，蝦肉入口爽彈，唔需要過多調味，已經覺得好新鮮！另外我仲調咗牛油蒜蓉醬淋落扇貝鮑魚，越燒越香。我哋喺燒烤爐上層放海鮮類，下層放肉類，速度都算快，我哋食咗好多round😍餐廳充滿進食氣氛，好full，好彩我哋今次訂咗位咋，俾個讚另一半先！👍🏻😄

成年冇食過蝦蝦燒🦐趁生日前夕約埋朋友一齊去慶祝釣下蝦餐廳環境闊落，隔離附設魚缸好多大大隻嘅新鮮生猛鮮蝦游緊水將蝦放入冰筒用冰整暈 就可以放上烤爐新鮮蝦果然唔同啲，肉質爽口鮮甜加入配料調味，蒜蓉、辣椒、牛油香蔥等好惹味啊🫢店員亦預先放咗鹽焗蝦，用粗鹽醃製後味道十足，蝦肉帶點鹹味，別有一番風味另外每人均送一串鰻魚烤鰻魚燒至金黃色，非常香口而且鰻魚厚肉😋另外可以去外面自助區拎海鮮，都好新鮮！鮑魚、扇貝、蜆、生蠔、原條魚、螺等全部都係任食啊🤩鮑魚口感爽口彈牙 必食！肉類方面，仲有醃好咗嘅雞翼、羊架、牛肉粒、叉燒漢堡扒、玉子、蒜蓉包、窩夫、丸類、腸仔等選擇非常豐富🤩最後梗係要留肚食雪糕啦☺️大滿足

朋友說一定要試試這間海鮮🦞燒烤店，二話不說即刻去搵命搏，享用一個任飲任食嘅大閘蟹🦀套餐。本身已經好出色，游水大頭蝦🦐已經係即夾即燒，勁生猛又多膏，非常癲😋.大閘蟹🦀一盤又一盤咁拎出嚟，真係食得晒先好嗌，唔算大隻但超多膏，記得飲多幾樽真露燒酒🍶，一樣都係任飲😋.另外海鮮仲有鮑魚、扇貝、大蜆、生蠔🦪，另外仲有原條烤魚🐟，仲有仲有，每人一條特厚烤鰻魚，係非常非常之開心😋.除此之外，仲有好多肉類同蔬菜🥬，生果🍍，雪糕🍦同冷盤小食，三小時嘅過程發現唔係好夠，因為實在太過豐富😋

美味任食海鮮之夜初次到訪蝦蝦燒自助串燒放題，食物款式繁多且質素有驚喜，海鮮種類以任食來說亦算多，座位與座位之間空間十足，二人享用或大班良朋眾樂樂也可以呢！流水蝦海鮮自助串燒放題3小時 🦐🦐流水蝦大頭蝦非常生猛新鮮，肉質爽甜彈牙，還帶蝦膏海鮮類除了自助區既新鮮扇貝、生蠔、鮑魚、原條鮮魚、螺、青囗外，還有有熟食區既辣酒花螺、麻辣椒鹽蝦，非常惹味自助串燒區有叉燒、豬肉、雞肉、牛肉串、牛仔骨、豬大腸、多春魚、各款蔬菜，包羅萬有，非常多元化飲品款式、雪糕味道超級多選擇，絕對滿足到大家既不同口味蝦蝦燒（佐敦）📍佐敦白加士街10-24號永富大廈1樓

偶爾就會好掛住蝦蝦燒 🦐，新鮮嘅大頭蝦真係好好食😋今次去左佐敦，平日夜晚 $348/位 任食兩個半鐘🤩 游水大頭蝦都幾生猛架，一夾已經係咁跳，立即放落冰壺凍暈佢，燒7-10分鐘就食得，蝦頭勁多膏，蝦肉都好彈牙爽口就算冇任何調味都好好食🤩海鮮檔口勁豐富👍🏻 包括魚🐟、生蠔🦪、貴妃蚌、扇貝、鮑魚、魷魚、海螺等是日扇貝最新鮮，鮑魚都好好味，有唔同調味提供，我哋加咗蒜蓉牛油，Yummy 😋😋🤩每人送左一大條鱔，超肥美，好想encore🤩肉類除咗海鮮，仲有羊扒，雞肉串，和牛，雞翼，豬髀肉，豬大腸，叉燒，雞軟骨…個人覺得燒豬大腸好正，燒到脆皮！和牛粒都唔錯🤩 丸類及其他大量丸類包括：芝士丸，海膽丸，台灣腸，魚肉春卷，漢堡⋯仲有鴨胸，鵪鶉蛋，獅子狗，豆卜，玉子燒估唔到玉子燒咁好味😋當然唔少得個個都好鍾意嘅蒜蓉包🥬蔬菜有茄子，紫薯，翠玉瓜，南瓜，粟米，冬菇個人最愛燒粟米🤩 熟食爽滑魚皮，咖喱魚蛋，炸餃子，東風螺，西蘭花，烏冬，豬紅，不過不失啦🥤飲品大量清熱飲品例如：涼茶，啤酒🍻仲可以仼飲真露😍 唔飲酒嘅，亦都可以選擇其他汽水或者茶類飲品🍨雪糕好多味道可以揀環境地方好大，每個位旁都有蝦池方便一夾一燒！又

流水大頭蝦、元貝、帶子、鮑魚、蠔、大眼雞任點任食～我講緊係呢間人氣燒烤店蝦蝦燒。同朋友好耐冇見喇🥰聚會食好野，嚟呢度夾蝦，一邊望住游黎游去嘅大頭蝦🦐，一邊燒野食，好有去泰國旅行嘅感覺🥰食材仲好新鮮！我地主力海鮮類 ，特別推介貴價嘅鮑魚和扇貝，剪開啲鮑魚放扇貝上一齊燒，加上放喺枱面嘅孜然粉，又鮮又惹味，而且有汁比較易熟，食到好多轉，另外已有醬汁醃製好嘅肉類和蔬菜超過五十款，有啲比較難夾嘅都用竹籤拮好，方便燒，refill速度快。特別推介安格斯牛肉串牛肉味濃，燒完肉汁豐富，落少少椒鹽提味就得，令人驚艷。另外熟食、飲品、雪糕都有，一定食到心頭好！

📍蝦蝦燒 🔍佐敦白加士街10-24號永富大廈1樓-----好耐都冇帶爹哋媽咪出去食好西，本身諗住帶佢哋食新嘢，點知佢哋指定要encore呢間蝦蝦燒。.七點左右嚟到唔算好多人，之後大概7:30打後，人氣就開始火旺起嚟，成個場熱熱鬧鬧，成個氣氛即刻嚟曬，令人食慾大開。.經過對上一次嘅練習，爹哋已經成為咗夾蝦小能手，一分鐘2隻蝦絕無難度。隔離水缸啲蝦夾到7788仲可以叫佢哋refill，所以由頭食到落尾keep住都好多蝦。蝦肉食落鮮甜彈牙，蝦膏都幾澎湃。如果唔想等太耐嘅話，出面嘅熟醉蝦亦係唔錯嘅選擇，不過鮮味當然係活蝦更上一層樓。.除咗蝦之外，亦有兩款唔同嘅鮮魚、大蜆、新鮮鮑魚、扇貝、生蠔及帶子等等，亦係場內嘅熱門之選，當中個人尤其喜愛飽滿嫩滑嘅燒生蠔。每位客人送一客嘅燒鱔更細魚骨細膩，魚脂豐腴，真心正，不過就得一舊，要好好享受。調味方面，蔥、蒜蓉、牛油、辣椒等等嘅基本野就一定齊，枱面另外仲有我好鍾意嘅孜然粉等，可以比客人換下唔同口味，唔會食到悶。.除咗海鮮之外，豬牛雞等等嘅肉類都應有盡有，經典嘅燒雞翼調味到位，仲有惹味嘅豬大腸、脆卜卜嘅雞軟骨都係我嘅飛佛。.食完海鮮同肉之後，我哋就開始食蔬

對上一次食 @蝦蝦燒🦐 已經係一年前事，今次去左另一佐敦店再食過，$348/位 任食兩個半鐘，有勁多野食！仲可加大閘蟹，$25/隻，我見有好多人都叫左幾隻，而我就無叫，主攻蝦🦐算1️⃣🉐大頭蝦生猛，喺玻璃池𥚃夾，一夾已經係咁跳，最好夾個身，立即放落冰壺度，凍到佢暈，之後剪鬚，放上爐整7至10分鐘！食得！我估我食左十幾隻！抵晒👍🏻2️⃣海鮮 包括魚🐟，沙白，生蠔，螺，魷魚，蜆，扇貝，鮑魚…每人送左一大條鱔🉐，超肥美，值頭想encore，海鮮新鮮，每樣都有試，個人最鍾意泥鯭，同扇貝！燒一燒就已經食，快靚正！3️⃣肉類有羊扒，雞肉串，和牛，雞翼，豬髀肉，🉐豬大腸，叉燒，雞軟骨…勁多肉，岩晒食肉獸，我覺得燒豬大腸，出面食勁貴！雞翼亦唔差，醃得好好味。4️⃣丸類及其他有芝士丸，海膽丸，台腸，🉐魚肉春卷，漢堡扒，鴨胸，鵪鶉蛋，獅子狗，豆卜，玉子燒…魚肉春卷平時多濕食， 未試過燒黎食，有驚喜wor5️⃣蔬菜有青椒，茄子，紫薯，翠玉瓜，南瓜，粟米，冬菇唔會齋食肉咁悶6️⃣熟食有爽滑魚皮，咖喱魚蛋，炸餃子，東風螺，西蘭花，烏冬，豬紅爽滑魚皮有驚喜，超爽脆，味道亦不錯！出面係勁貴lor7️⃣飲品有Qoo，鴻福堂，Heineken，啤

下班跟朋友一起去了佐敦人氣十足的蝦蝦燒食流水蝦。之前就曾經光顧過這家餐廳，這次到來他們的人氣又更勝從前，他們的海鮮非常新鮮，而且飲品種類繁多。場內可以任食新鮮蝦、魚、鮑魚、生蠔和扇貝等海鮮，還有大量肉類及蔬菜等，每張枱上都有一個電熱爐而且每一張枱隔離都有偌大的水缸，裡面更是一堆堆的活蝦任夾。.他們的鮑魚、生蠔和扇貝等貴價海鮮供應速度非常快，只要你食得落，輕鬆回本並不困難。而且他們的爐上可以擺放很多海鮮，店員還會細心教導怎麼可以放更多。鮑魚非常鮮嫩彈牙，生蠔鮮甜無沙，燒魚亦是質感彈牙。主角鮮蝦就不用說，現夾現燒，鮮甜就當然是一定的。.除了海鮮，他們還有很多不同種類的肉串，質量也非常不錯，當中個人最愛比土匪雞翼辣少少嘅燒雞翼。他們還提供孜然粉、辣粉和其他調味料等供客人自行調味，玩味十足，感覺像是自己開了一家串燒店一樣。.除此之外，我還非常喜歡他們的甜點，特別是燒窩夫，烤出來的外皮酥脆內部鬆軟，口感非常好，雖然不是什麼昂貴的食材，但是我實在忍不住多吃了好幾份。.整體而言，2.5小時任食，時間剛剛好，過咗少少都冇趕客，無論是質量還是價格都值得再次光顧。～～～蝦蝦燒 (佐敦)佐敦白加士街10-2

終於嚟到試蝦蝦燒喇！呢度嘅特色係任飲任食 3 個鐘嘅流水蝦同海鮮！唔止咁，仲有其他肉類、串燒、小食、熟食等等，加埋唔同口味嘅雪糕、雪條，同埋 5 大個雪櫃嘅汽水、茶、啤酒任飲，真係好多選擇 🍦🍻 入座時店員都好細心，會向你講解燒烤嘅注意事項，仲會送每人一串鰻魚串燒，手掌咁長，1cm 厚，呢串鰻魚真係好好味 🤤 講返流水蝦，差唔多每張枱嘅旁邊都有個水缸，裡面放滿嚟自越南或泰國嘅新鮮大頭蝦。佢哋真係好生猛，我哋夾起放入冰桶時，仲試過「走蝦」彈出咗冰桶兩次 😆 原來燒蝦前將佢哋放入冰桶凍幾分鐘，咁燒嘅時候佢哋就唔會彈走。呢款蝦嘅肉質好爽口，蝦膏爆滿，加少少鹽燒起嚟都好好味 🦐 除咗流水蝦，自助海鮮區有多款海鮮，包括貴妃蚌、鮑魚仔、花螺、魷魚、帶子、蜆仔、扇貝、生蠔，連原條魚都有得畀你燒，最近加錢仲可以食埋大閘蟹放題 🦀 熟食海鮮方面，有自家醃製嘅醉蝦、椒鹽蝦、麻辣花螺同魚皮等！ 至於串燒同其他肉類，我哋冇試過晒，因為實在有太多選擇！不過都想特別講吓有羊架、豬髀仔、土匪雞翼、雞軟骨，甚至連台灣腸都有！蔬菜方面就有原條茄子、燒菠蘿，仲有蒜蓉包，格仔餅都可以燒嚟食 🧄🧇  

今晚同朋友黎到蝦蝦燒食晚餐，太正啦！呢度有好多游水鮮蝦，可以即整即食，超新鮮！我地除左燒左蝦又外，仲試左鱔，好滑，好嫩，真係好值得食呀！蝦仔都好新鮮，隻隻游水！我地靜候蝦熟！我地仲食左雞翼，雞翼有蒜香同黑椒，兩款都好惹味，我地每人食左5隻，大力推介！仲食左羊架同羊肉串，羊唔蘇，好新鮮，肥瘦均勻，好夠香！我地仲食左小甜薯，好味到食左4串！仲有腐皮卷都係不錯既選擇，燒完脆卜卜，十分香口！飲品方面正常發揮，飲左烏龍茶、可樂！選擇好多，任君選擇！雪糕都好有驚喜，我試左豆腐雪糕，無諗過會咁清新同咁滑，細細杯，我忍唔住食左3杯先走。而且呢度蝦、鮑魚，各種海鮮都任食，食左咁多，今晚實在係太滿足啦！

海鮮串燒食評：新鮮的海鮮串燒帶著豐富的海洋風味，蝦、魚、蚌、蟹等品種多樣。燒烤過程中保持了海鮮的鮮嫩與甜美，口感彈牙，令人愛不釋手。每一口都能品味到海洋的鮮味，是海鮮愛好者的最愛。串燒食評：串燒料理多樣豐富，肉、蔬菜、海鮮等各種食材經過燒烤後散發出獨特的香氣。口感綿密多汁，外酥內嫩，讓人回味無窮。每一口都能品嚐到炭火燒烤的風味，是一道美味又有趣的料理。無論是與朋友一起享用還是單獨品嚐，都能帶來愉悅的用餐體驗。