蜂茶台灣料理及甜品 (已結業)

最近同幾個朋友行開九龍城,經過一間以吃台灣菜為主的小店，見餓餓地就同朋友入去坐低原來呢間店開左兩個月倒，所以睇上去都幾新淨衛生。裝修幾簡約舒適，有少少似去左cafe，食物質素都唔錯，由於個日太肚餓關係，同朋友叫左好多食物，包括有滷汁台式拼盤(油雞中翼、滷蛋、滷豆腐、滷肉、滷豬手)($88) 、台灣紅燒牛肉麵($65)、滷肉飯(半肥瘦豬肉($54) 、蠔仔泡飯($55) 。食物方面，台式拼盤味道頗不錯的，味道入味而且不膩，尤其是豬手，口感煙煙韌韌。牛肉麵麵條質感較腍，不夠爽滑。滷肉飯係我最愛的食物，滷肉汁同肉好入味，好易入口，配左少少碎蘿蔔乾，開胃又好味。蠔仔泡飯份量都幾足夠，用一個的湯碗上，而且幾足料，味道其實都唔錯，如果可以加埋大地魚就仲更加惹味。甜品方面，我們點了士多啤梨窩夫($58)。窩夫好似海綿蛋糕咁，上面放左士多啤梨雪糕，周圍佈滿了朱古力彩針、cream、士多啤梨和士多啤梨醬，非常吸睛，用泥呃like一流。味道沒有賣相那般驚喜，就像吃士多啤梨蛋糕一樣，建議大家可以同幾個朋友share，因為都幾飽肚架。另一個甜品就係叫古早風味涼粉冰($26)，可以揀甜奶/花奶/糖水，toppi

今日同S先生衝出新蒲崗去九龍城食下野，食完好好味既泰國菜再搵甜品食，其實都話不如番新蒲崗先食甜品，但係佢話試新野，所以試下，本來想食果間，但真係太多人排（唔係冇原因）所以揀間外觀ok既台式餐廳。食飯時間都冇乜人，都心知不妙，但menu個樣好似幾靚，就試下啦，中大伏時間開始.....餐牌上面既甜品同正餐差唔多錢😰不過果時諗賣相靚又好味的話，$55個甜品都接受到，但係唔係。香蕉船-S先生叫既，$48+10%香蕉船話貴唔貴，呢區黎講我覺得唔平囉，S先生第一啖食已經變樣，我試左啖「士多啤梨雪糕」好假好膠果種，其實佢d雪糕係味放入個波既模整？可以硬到咁？由外硬到內？味道同西九龍果種$5/球果種cheap cheap雪糕一樣味，但留意番呢道收緊我$48 3個球+一隻蕉，總結：難食雪山金露-大拿拿收我$52+10%,到底有咩響杯野道呢😂就係一大舊硬膠芒果雪糕，由於「不」唔開，所以成舊上，最後食左一半太難食放棄左（S清埋，難為左佢）入面有芒果，火龍果，西柚，好多爆珠同有幾舊好好好好好難食類似橙味啫喱既啫喱，真係食左一啖就想嘔，最好食就係d生果，可憐比成快$60食幾粒生果😂間野冷氣又凍（明趕客，不過都冇

We had a milk tea and a souffle. The milk tea was quite thin, whilst the pearls were sweet, and well-cooked. The souffle was abit tasteless, not sweet enough. Overall, you could give this place a miss. 

熊左叫左個肉澡飯，幾好味份量亦都正常。老虎就想試下佢個價值 $46 既鹽酥雞茶餐，仲加左 $5 要埋個麵。諗住咁既價錢既雞細極都唔會差過X大大好多，點知一上枱感覺比人搶錢咁，四件每件仲要同老麥麥樂雞差唔多大 ，咁既然中左伏唯有試下啦！味道幾香（應該係個七味粉），但太乾。加 $5 個麵反而夠大。老實講唔加麵既話兩個餐都唔夠飽，仲要係下午茶份量都不如但正餐既價錢！另外要講佢地成日拎亂野，間鋪一睇睇曬，係入面半粒鐘左右，睇見侍應拎錯野比客不下五次！總括而言，不可一不可再！有圖有真相！

下午時份，獨自去了九龍城逛下街shopping一番，行了一會都有點疲倦，其後去了一間「蜂茶台灣料理」食個tea 順便歇一會。正在下午茶時間，點了一份茶餐「滷蛋肉燥(+$5轉新竹米粉)」，滷蛋都夠滷香，整個肉燥味道都算濃郁，米粉較幼身，煮得不會過腍，份量十足，吸盡肉燥香味。  加了$3轉胚芽珍珠，珍珠都幾煙韌，胚芬份量都適中 可是味道不夠茶香而且有點甜， 同時送上枱時，茶碟上都有些茶，弄瀉了些少奶茶，賣相真是不太理想。可讚環境都好企理又寧靜。

時常在九龍城出沒，也多留意了在九龍城新開業的餐廳。數月前已留意到有新店裝修，因為店舖處於大街的位置比較顯眼，後來掛上蜂茶的招牌，還以為是台式飲品店。開業初時只見門外放有甜品及飲品餐單，後來才知道有主食供應。店舖地理位置佔優，理應很多人光顧才是…但開業數星期後人流還是不多，確實令我有點擔心；但因為我對台灣菜有偏好，還是拉著助手進去試試。以九龍城的食店來說，店舖地方都算大，座位不少。我們在晚飯時間來到…可見人客很少。【泡菜】（港幣 $25）店員送來免費的泡菜…雖然開胃好吃，但台式的泡菜主要用爽脆清甜的高麗菜加白醋或糯米醋浸製而成，不會太辣，酸味較重，醬料顏色呈透明色；以一間供應台灣菜的餐廳，用上非台式泡菜算是一大敗筆之處…【台灣精製紅燒牛展麵】（港幣 $65）吃台灣菜，必要試試牛肉麵。這裡的紅燒牛肉麵湯底的味道，充滿著多年前毓民牛肉麵的影子…湯頭帶有紅蘿蔔和白蘿蔔的清甜，色彩雖然夠深，但味道其實非常清淡，又欠缺紅燒該有的調味料香氣，只屬普通不過的醬油湯底。扁麵條的份量亦有點少；牛肉厚身，肥肉比較多，炆得有點老，但牛味不香。【茄子肉燥竹筒飯】（港幣 $58）竹筒飯…在這裡其實只是竹筒盛載的飯

與友人們在附近吃晚餐後，便找地方吃點甜品，看到這間好像較新的店舖便進去一試，可惜令我們失望。或許因為用了蜂蜜的關係，我吃的梳孚里真的太甜，連我這個愛吃甜的也覺得有點多了，有待改進。

首先要講下本人是第一次寫食評，原因係無可能唔寫！話說有日晚上9點幾，我地一行4人，當中我地有人食佐嘢都飽飽地，而有朋友就未食晚飯，咁諗住揾間又可以坐下，食下甜品，食下晚餐嘅餐廳。於是乎行行下就見到呢度有哂我地想要嘅嘢，又有甜品，又有麵食。跟住我地入到去就叫佐2個麵，2個甜品啦，之後我地食食下就有個人（原來係經理）問我地：呢2個麵有2杯餐飲，要飲咩？ 我果2個朋友都好奇問：咩有餐飲嘅咩？（因為明明記得個餐牌都無話有）咁當時佢問到，咁我地咪叫佐1杯凍冷茶同1杯珍珠奶茶。食到咁上下，個經理就走過黎同我地話埋單先，我地見到張單係點解杯凍冷茶要十幾蚊？杯珍珠奶茶要廿幾蚊？咁好正路我地會問：你頭先唔係話有餐茶咩？就係呢個時候，果位經理突然係我地面前一野掉我地本單簿過隔離枱，仲要講：咁我唔做囉！你想點？係我落錯！咁我唔做囉！咁我唔做囉！咁當時第一反應我地係呆佐，之後我問佐佢一句：咁你想點？（當時其實真係好嬲，但事關我地係4條女，點都會驚佢唔知做啲咩，所以無同佢嘈）然後，條友再話：依家係邊杯嘢飲？唔好飲啦！我同你掉佐佢！講完，佢無掉杯嘢飲，自己走佐返佢個cashier 度一邊係咁掉嘢，一邊改返張單。

岩岩過左下午茶既時間，台式野食黎講正價既價錢有啲貴，不過野食吾錯豆腐肉燥竹筒飯，推介 !肉燥個味整得吾錯加上用珍珠米，更加贊! 紅燒牛肉，個牛肉就差啲個麵同湯就幾好本身係叫鹽酥排骨，黎到變左鹽酥雞扒。。廢事再換。雞扒炸到好香口，肉質都滑身，都幾好。野飲: (黑糖薑母茶)呢個都ok，(金桔綠茶)呢個有啲難飲。。。(珍珠奶茶)味偏淡，仲冇啦啦變左少甜(我冇要求過少甜)同勁多冰既關係，另到杯野飲淡上加淡。。我諗如果濃番少少其實都幾好飲

星期六的九龍城，午市時段，一些「出咗名」的老食店，門外排長龍。是否值得排隊，見仁見智。但是，大多數「出咗名」的食店，服務態度就變差，未食完就想「趕你走」。既然如此，不過試吓新開的食店啦！九龍城不時就有新食店開張。今天經過蜂茶，看到店內窗明几淨，Honey話，不如試一試。Honey不選擇午市套餐，散點。他選了台灣牛肉麵。湯頭不太濃，挺清甜。牛肉腍滑，配清甜的白、紅蘿蔔，不錯。散叫了凍奶茶配爆珠。這個就麻麻哋！雖說台式奶茶不及港式奶茶濃厚，但此杯奶茶，茶味太淡，浠浠的！（我選錯了，爆珠是水果味的，酸酸甜甜，跟奶茶不配搭。）我選擇午餐：酥炸排骨。看菜名，還以為是鹽酥肉排。待上桌，才知道是生炒肉排。也不錯！剛炸起，還脆脆的。酸酸甜甜，挺開胃！跟餐點了熱奶茶（同樣，浠liu liu ，欠茶味）加$3加胚芽，胚芽不少！加了胚芽，才夠香！第一次幫襯這間新食店，地方和服務都不錯！希望食品越來越進步！P.S.午餐價錢合理。但，散點就稍嫌貴。牛肉麵$60's，飲品$20's。$60's的台式牛肉麵，在小王或其他較出名的台式食肆，也是這個價錢，但別的店，好大碗、多啲牛肉！此處的，細碗得多！而$20's一杯浠

初時開張無見有主食。得糖水。 今次再次見到。心絲絲想試。入到店內感覺不錯。看到meau，叫了一個酥炸豬扒飯和一個三杯雞飯。送前菜和熱飲！首先，上了第一個酥炸豬扒飯! 酥炸豬扒唔錯,鹽酥皮很薄,配上醉酸菜,不錯的。過左一陣, 三杯雞到啦, 一看,賣相很差。只來是雞翼同蒜頭而已,也要$63大元,內有8粒切開了的雞翼(即4隻)當中的雞翼是有雪味的。真的呆了! 

沒有誠意，沒心經營嘅餐廳，我地7人幫襯，叫了不同的甜品，沒有一樣可以讚的，非常難食，最重要就係店舖的經營態度，對客人的誠心，每個甜品太約收$40-55的價錢，只是得個樣可以看得下……服務非常差，我地其中叫咗兩個綠茶味雪糕甜品，雪糕是綠色的，但入口不是綠茶味，是哈密瓜味(藥水味)雪糕，於是問侍應，係咪俾錯雪糕?侍應入完廚房出嚟答覆，啊！係呀綠茶雪糕賣完了，所以用哈密瓜. 真係即刻好嬲，賣哂綠茶味，侍應係咪有責任同客人講, 等客人選擇另一樣甜品? 現在兩杯雪糕都我地已經食咗一兩口，我地可以什樣? 我地又唔敢話唔要，唔俾錢……這樣會俾人覺我地似某國家人民，但真係好嬲，明明叫咗綠茶，食嘅又唔係自己鍾意嘅味道，仲要$55杯，好似俾人呃……如果侍應同我地講聲，我地都可以換下朱古力或自己第二選擇呀！宜家就好似迫我要食哩個甜品，見到侍應個樣，感覺佢地都唔覺有問題，唔同你講，係理所當然……最後真係食唔落哈密瓜味，我地只可以自己要求，要第二種味雪糕球……(注意:係要我地自己要求)我從來都唔會寫食店唔好食，但今次，真係又難食，又嬲