蛋記

营业中

休息中

買完手抓餅，旁邊就係蛋記，順便食埋。本來仲有空間試下另一間做下比較，但另一間寫住放假數天。店內掛住呀蘇個樣，個人對佢冇乜特別感覺，所以唔係重點。普通雞蛋仔就15蚊，不過見「店長推介」呢款即管試下。見好多人都話有個呀叔態度唔好，不過我當日就冇遇到，係個呀嬸整嘅，態度冇乜特別。芝士雞蛋仔 $20個樣就整得幾靚，滑滑溜溜好完整。作為雞蛋仔就蛋味有點不足，相對甜度就冇咁高；芝士味薄弱兼唔太平均，有啲食到有，有啲就冇芝士味。不過蛋記嘅雞蛋仔，真係幾脆口，稱得上外脆內軟。以廿蚊而言，呢個價錢咁嘅質素則有啲貴，性價比唔高。

之前看過介紹太安樓的報道，說是香港的夜市！這天去完龍脊行山，便順道過來西灣河試試。可惜時間尚早，很多食店還未開門。看到這間蛋記人頭湧湧，原來有我喜歡芝士和雞蛋仔！一箭雙雕！芝士雞蛋仔$20沒甚麼芝士味，有點失望，一底雞蛋仔應該只加了半塊片裝芝士？不是每一粒都吃得到芝士；雞蛋仔質感倒是蠻鬆脆，如果買原味可能會滿意一點～太安樓除了蛋記還有很多小店～下次再介紹。

話說P先生要帶我到西灣河，一嚐兒時至愛 - 雞蛋仔。店員在夾餅器上注滿了蛋漿，左右反動，不消一會，熱騰騰的雞蛋仔整底起出，放在風扇前吹涼後，便放入預先打好透氣孔的紙袋內。新鮮出爐的雞蛋仔，色澤金黃且漲卜卜的，咬下去外層酥脆，但內裏蛋餡的成份不多，沒有做到軟綿口感，味道不太甜，但略嫌蛋香不夠，水準一般，十五大元一底，並不便宜！

由細到大都非常鍾意食格仔餅，最鍾意當然係以前細細個食街邊嘅炭爐格仔餅啦～但係而家真係少之有少之餘，想搵檔好味嘅都難！幾年前，無啦啦走咗去太安樓掃街，見到呢間蛋記（？）一試就難忘喇！佢個蛋漿剛剛好，唔會太甜之餘，做出嚟外脆內軟，呢個就真係格仔餅最緊要嘅一環！見到老闆同老闆娘成日焗到個格仔餅咁上下，就會用支义拮下佢，唔知咩原因，但我估計就係令佢內脆外軟嘅原因～十幾蚊，就可以氹下自己開心，都好值得吖～ ！！！記得叫佢多奶多醬喎！！！

以前啲雞蛋仔真的好香，而家完全冇味。另外，手勢都差埋，見佢打開幾次個夾，整到個雞蛋仔爛晒，如果未俾錢就真係走人。價錢亦越來越貴，成15蚊底。都係行返去筲箕灣食低調高手好好多。

是日去太安樓掃下小食芝士雞蛋仔 - 算係外脆內軟，加咗芝士碎喺雞蛋仔裏面食落咸香，惟雞蛋仔裏面餡唔夠多，少咗份充實口感。後記：睇到排晒隊咁有啲期望，但覺得用料就住就住咁，見倒其他人叫夾餅落啲醬料都唔夠重手

眾所周知太安樓都係一個覓食既好地方嫁啦，今次一場離到已經忍唔到口要吞翻個格仔餅頂下癮先格仔餅仍然係烘蛋漿後加料，而哩間既料係煉奶，花生醬，白砂糖同牛油，每次食落都係即烘脆而甜膩，感覺好滿足好罪惡不過哩間格仔餅鋪已經係老字號，係太安樓開左十幾年，不過因為鋪租問題而加價加到傻，同埋餅底越整越細雖然感覺越食越唔抵，但點都因為quality仍然唔錯，同埋由細食到大既既童年回憶，所以一定繼續幫襯，當係一個回憶既懷免啦

Lunch 未必係去餐廳食嘅，有時候去掃下街都可以，今次係去出名嘅太安樓太安樓裏面出名平靚正，連街頭小食也足料過人，唔怪得名人也推介蛋記雞蛋仔可以話係食得過15蚊一底雞蛋仔雞蛋仔蛋漿足料，烤出黎蛋香十足，味道不會過甜，新鮮出爐，外脆內軟，內裏有軟棉棉的蛋漿，口感十足

今次去西灣河食大排檔，每次到西灣河，總被太安樓的香味吸引，呢間格仔餅以前要排長長人龍，怎麼今天消失了！心想不會轉手了吧！即叫即整，看外形沒有不一樣不會過厚，薄薄的，脆脆的，砂糖牛奶牛油花生醬，依然落得剛剛好！就是從前的味道，蛋香濃全個脆脆的，！

芝士雞蛋仔 $20評分: 8/10雞蛋仔即叫即整，食落真係外脆內軟👍🏻外層好脆，入面夠哂綿，芝士鹹香味又好出👍🏻食落好香😍正過九龍城個間👍🏻👍🏻不錯喔

太安樓雞蛋仔為何那麼出名，我就要感受下。 今次我想試食格仔餅，外層鬆脆，蛋味就非常濃，有花生槳練奶等配搭就最好不過。但略嫌蛋槳份量不夠多，所以未能做到好豐滿既效果，但比起出名好多鋪頭都好味啊。

今日興之所至去咗太安樓搵宵夜。食完紫薯手抓餅仲有quota，就試下呢間阿蘇讚嘅蛋記雞蛋仔。前面得一個人等緊，$13一份，等兩分鐘有得食。雞蛋仔要好食，我覺得都係三個要求：外脆、內軟、有蛋味。以呢三個要求嚟講 -外脆：咬落會卡卡聲，都算做到脆，不過有少少硬。內軟：做到。而且佢嘅份量唔多唔少啱啱好，唔會質得太實，又唔會得個殼。有蛋味：對唔住，真係冇乜，呢個係主要扣分位。總括，都係合格有餘嘅，不過仲有進步空間囉。

雞蛋仔唔甜, 直情係有D 淡。外脆內軟, 同埋佢個脆, 係可以保持好耐, 都OK 呀, 不過無特別LAW佢仲有芝士味,不過無試其實我唔知太安樓邊間雞蛋仔出名, 試左呢間, 原來呢間唔係出名果間.... 搞錯左添.... 下次要試出名果間....是頭婆黑口黑面, 驚驚地,試一次便夠...

夜晚睇完戲行行下，去到太安樓地下尋寶~~見到雞蛋仔檔，好似好耐無食過，所以即刻衝埋去，食下我地香港的地道小食~~ 唔好以為宵夜就唔駛等，都等左幾輪先到我地，証明都幾受歡迎!! 講香，佢係唔夠利強記的香。但講味道呢，佢真係唔錯的~~ 外表夠脆，內裡煙軔，唔會燶~~蛋味亦濃~~ 唔知大家有無親手整過雞蛋仔呢?以前有朋友貪得意買左塊整雞蛋仔的夾板，我負責上網搵recipe，採購材料同調蛋漿，諗返起都有笑有淚 整過你就知，要做一底成功的雞蛋仔是多麼的難!!蛋漿份量以外，火喉、油的份量、烹調時間等等都會影響到雞蛋仔的味道。所以每次遇到好食的雞蛋仔，我感受都特別深，因為看似簡單的東西，背後可是經過了多少嘗試、失敗、辛酸。

住係西灣河差唔多20年，睇住太安樓由街坊宵夜變成全民宵夜，之前都係得西灣河人識去食，依家一到夜晚就有好多人係其他區專程過黎食，我諗都係網上力量帶動，對食店黎講就賺多d，對食客黎講就係要排隊等食。以前都幾鍾意的蛋記，不過自從阿so介紹完後就開始唔同左，愈整愈無以前個種足料感覺，食落粒粒幾乎空心，但係好在蛋味都仲算香濃，而且烤得幾脆，間中食下都okay。