影片
营业时间
今日营业
11:00 - 20:00
星期一至日
11:00 - 20:00
以上资料只供参考，请与餐厅确认详情
食家推介
最近成为蛋卷迷，唔同牌子的蛋卷都会买嚟食！今次试蛋卷皇后，有几款口味，鲜鸡蛋，鲜牛油鸡蛋，椰汁及黑松露。除了黑松露唔敢试之外，其余三款都各买一盒。一磅罐装的有24条。铜锣湾店不用排队就买到，店员态度诚恳，可试食，但只限蛋卷，不包括黑松露味。基本上三款蛋卷都好松化，不容置疑！味道方面，个人较喜欢鲜牛油鸡蛋卷，牛油鸡蛋味特出，感觉比鲜鸡蛋味更浓，这是意料之外的。椰汁蛋卷都唔错，值得一试！密封式的铁罐装，如未开封可存5个月呢！
继续阅读
竟然好食过北角间徳成号仲要唔洗排队？！新年食唔到好味既蛋卷，新年后俾我行街发现到呢间蛋卷皇后，估唔到系咁好食！【鲜椰汁鸡蛋卷🥚(一磅) $123】蛋卷用咗新鲜椰子制成既椰汁，食落有好浓既椰子味！蛋味香浓，食落好松化好松脆！重点系佢冇徳成号咁甜同咁油，真心好食过徳成号，又唔洗倒塔咁早去同d霸位党争位，好开心可以揾到咁高质既蛋卷呀！
继续阅读
蛋卷食左好多间都系得北角一间食得满意。过年，家人系呢间小店买左盒鲜牛油鸡蛋卷，蛋卷层次清楚，拿上手结实及卷起既厚度适中，口感松脆，口感上有北角长期无货果间水准。不过，蛋香唔系好够，反而入口有少少油既感觉，得甜味同油既感觉，就真系可惜左少少。
继续阅读
J 的妈妈是蛋卷迷，正餐又唔见佢食嘢，但每次食完饭，返到屋企都会捧住盒蛋卷狂食。见妈妈食得咁滋味，贪得意攞条嚟食，点知一食就上瘾，现已成为了我的宵夜伴侣。Eggroll Queen的蛋卷是全人手制造，不含添加剂，是sell传统口味的蛋卷。包装用了传统的密封式铁罐，存气功能无得顶，我试过开了一罐新的蛋卷，唔记得食2个月，都keep到脆身，劲呀！皇后蛋卷的外表很普通，长度及颜色都跟一般蛋卷一样，不会像Fine Foods般将蛋卷缩短又用法式薄脆的方法去焗制....皇后的蛋卷质地松脆，却不会边吃边散，蛋香突出，牛油味偏轻，不会抢走蛋味。甜度适中，食多几条都不觉油腻。一大罐才$75元，好抵食。
继续阅读
除咗收到老婆个Luna Cake作为生日礼物之外，有个相熟食友都赠小弟一盒「蛋卷皇后」嘅家乡鲜鸡蛋卷，让小弟又认识多一个专卖蛋卷嘅品牌小店。从店家单张嘅简介所见，原来店主陈氏夫妇上世纪70年代已经开始先晌屋企，继而自设工场胼手胝足咁烘焙蛋卷，数十年嚟都以传统手艺制作，以一级新鲜原材料，无添加，坚持香港制造。虽然，依家两位都退下火线，正所谓守候多时，由第二代接手，重新包装，并改名为「蛋卷皇后」（据知前身称为「立洲食品」），更开设自家门市。产品方面，除主打家乡鲜鸡蛋卷，仲有鲜牛油鸡蛋卷、鲜椰汁鸡蛋卷、椰子凤凰卷及紫菜肉松凤凰卷，有1磅装及2磅装可供选择，单色铝罐包装，用色洗脱老字号味道，感觉较年轻。打开包装，长长嘅蛋卷上下两层排列，排得密密，每条长短不一，足见人手所做。每条蛋卷呈蜂巢状，入口非常松化脆口，蛋香味亦不俗，不过，牛油香味欠奉，味道较清。再细看成份，原来用上起酥油，所以不单做出蜂巢状，口感更喺好酥脆，亦因此唔会食到咩牛油香味。如果，想食得既有蛋香，又有牛油味，相信要试试另一款口味「鲜牛油鸡蛋卷」至知嘞。作为一间本地小店，喺值得继续支持一下，况且，晌依家铺租高、人工高、材料成本高，坚持香港制造著实不易。再次多谢食友嘅礼物！
继续阅读