蛇王良

营业中

休息中

雖然天氣未冷, 但想食蛇羹不須找藉口.店是小店模式, 很有家庭Feel, 牆上掛滿一些藥膳燉湯的餐牌, 有些成200幾元, 都幾貴.蛇羹不是很大碗, 賣30幾元, 不算太貴, 但不覺平; 份量比蛇王二的小, 不過蛇王二要賣到50元以下一碗, 所以這裡也不錯了.味道不錯, 可自行加薄脆及檸檬葉. 環境亦很企理.見到其他人食羊腩及糯米飯, 但我就突然想食叉燒飯同潤賜飯,配搭起來會更加滿足..天氣冷時, 會再去食多幾次..

原本打算今日襯亞仔考完試，同佢去打邊爐，點知佢話約咗同學傾 project, 咁唯有留番下次喇。見今日凍凍地，而且今個冬天又未食過蛇，決定同老公嚟呢度食蛇羹同糯米飯。叫咗個蛇羹 A 套餐 ($56), 個套餐包括細蛇羹一碗 (+$17) 轉咗中蛇羹 - 個蛇羹足料, 有蛇肉 瘦肉, 木耳, 雞絲, 冬菇等，可以自己加檸檬草和薄脆，加咗超多薄脆落碗蛇羹度，啲薄脆好正，差啲俾我食晒。北菇羊腩一碟 - 個羊腩放在枱上已經嗅到一陣羶味，夾了細細舊來吃，發覺羊腩炆得很稔，味道一般，始終不是我杯茶。白飯一碗 (+$10) 轉咗腊味糯米飯 - 糯米飯有潤腸, 臘腸, 臘肉, 冬菇和蔥粒等，可惜淡咗少少。 本來想試埋個咸肉菜飯，但今天有少少頭赤赤，影響咗胃口，還是作罷。老公飯後同我講話因為我吃了太多薄脆，俾老板娘眼掘掘，不過我背住佢坐，看不見。算了吧，鬼叫佢啲薄脆咁脆口好食咩！ 記住由4月- 8月，呢度逢星期日休息，唔好摸門釘呀。

這是小弟試過的蛇羹店中, 店舖裝修得最乾淨企理,餐牌是電腦出的, 白底黑字加上小圖, 很清楚。現在才知道, 那些"香草"叫檸檬葉絲. 價錢就唔係太"靚"... 一碗細蛇羹也要$34 (可能是租貴),份量未算多, 用料也是一般, 蛇肉不大份, 獻料就落足.味道一般, 不夠元朗 "蛇王倫" 好味! 吃完後, 買多碗外賣回家... 原來細蛇羹不用收盒錢; 蠟味飯就要加$1.

十月上旬•寒冷中有陽光 天氣還是寒冷，想起這裡，因為除了蛇，南乳炆羊也相當不錯。 蛇羹是杰底，用上的是蛇湯底，味道是有水準的；除了蛇羹，這裡的羊腩也很不錯，可惜這個跟餐的羊腩份量不多，真箇少吃多滋味；蛇湯及龜板湯也不錯，感覺是對身體有益的；單尾來一碗小小的糯米飯，很快便給我吃得碗底見天。 埋單百四，吃得飽飽，至少比去蛇王二又或是蛇王燊為佳，起碼味道是實在認真一點。想看足本食評及所有的食物相片，請參考下列網誌：http://gourmetkc.blogspot.com/2009/11/blog-post_22.html

我地五點幾行過, 仲飽飽地, 不過見佢咁好味又好想食, 諗左一陣都係食啦! 就兩個人分一個羊腩飯+小蛇羹我嗰舊羊腩冇想像中咁軟, 但係好重陳皮味, 都唔錯的; 蛇羹好多料又冇好似漿糊咁的茨, 好好味呀! 比灣仔那間的味道還要好而佢最勁係有d幾百蚊既湯, 要訂的, 唔知有幾大碗呢? 我見有人問老闆娘唔舒服飲邊種好, 老闆娘又唔hard sell咁解釋俾佢地聽, 我地再望下見到有中醫相關既cert係牆上! 好! 發左黎試下佢d湯先

十二月廿五日(星期五)同老公仔看完戲後,就到了北角,行來行去,終於找到了蛇王良了!一入去,還未有食客,之後慢慢坐滿了,還有很多人買外賣呢....我們點了一個餐有羊腩,蛇羹和白飯,另外加一個腊味菜飯羊腩份量不多,南乳味香,美味,很羶,而且炆得很稔,拍得住出面的大酒樓,真是意想不到的!主角蛇羹,相當足料,蛇肉多加上薄脆非常美味,我吃完也熱起來呢!!推介呀!!!菜飯也好吃,老闆說是加了沾米和糯米的!很香,而且都多腊味!!一頓蛇羹為我們慶祝聖誕節....很特別呢!!!

寒意未到既晚上先為身軀打底 獨個兒跑到蛇王良上一次小女子食蛇羹已是上年冬天的事 印象中的蛇王良不單子蛇羹了得, 而且還有我喜歡的咸肉菜飯 今晚人客不多, 點了個c 餐 先上是細蛇羹, 加點點檸檬絲, 蛇肉份量多更是一抽抽, 瘦肉, 木耳, 雞絲, 冬菇等對小女子來說最好方法是用筷子一注注咁食, 再飲湯, 感覺上很補身咸肉菜飯, 全無油膩感 飯質是軟身白飯, 白菜也細細的咸肉柔柔地發揮了調味的作用 只覺碗子大份量小吧 (對我來說) 想食蛇羹對小女子也不必多心了

蛇王良的招牌菜是蛇羹和各類補湯，但最好的其實是燜羊腩。羊腩給得不多，但質量勝於份量，每一塊都是連皮的黑草羊，肉厚兼且肥瘦均勻。這一次幸運，一塊骨頭裡竟還有羊骨髓吃。南乳味濃香，羊肉都很入味。蛇王良不給腐乳是明智的堅持，是唯靈說的。小至一塊馬蹄都甜極爽脆，可惜隻有一塊。如果上碟時再熱點就完美了。蛇羹料足，蛇肉不小，不過最好的就是可以自己加檸檬草和薄脆。上海菜飯想不到分量頗大，肉和菜都較細碎而且不多，但味道好。作為北角街坊，當然每年都一來食食蛇羹，但挂念的卻是他的南乳燜羊腩。

兩口子向來對蛇羹都頗抗拒，但晚上有點寒，跟老婆決定一試蛇羹，點了羊腩餐及糯米飯餐。蛇羹材料足，初入口有少許腥味，但越吃越鮮，羊腩非常腍及入味，可惜只有三件，糯米飯炒得軟硬適中，口感一流。他們還有各種燉湯，下回再嚐！

今個寒冬都未食過蛇, 今日同大舊專誠過黎食野要左2個套餐 咸肉菜飯 +細蛇羹＄46 : 先講下蛇羹，足料到可以用筷子夾，味道不會過鮮，食細碗會有點唔夠喉; 而咸肉菜飯做到好上海店感覺 但無油膩感, 一個套餐份量亦剛好大糯米飯+ 細蛇羹 $49: 糯米飯感覺似蒸飯多點, 有潤腸, 臘肉, 臘腸, 冬菇等 , 份量都唔小, 比我未必食得晒 總結 : 蛇羹足料抵食, 套餐選擇也多 , 由於係街坊店子, 入去食野既都好似係熟客仔, 幾親切

o尋日老爸話好耐冇食過蛇羹, 睇報紙介紹話呢度好得, 於是去o左北角試下. 我地叫左A餐( 細蛇羹 + 白飯 + 羊腩), 細腊味糯米飯餐, 同埋咸肉菜飯. 個人認為蛇羹算多蛇肉, 味道都ok, 都夠熱; 羊腩好腍好入味, 但只得三件, 唔夠喉, 而且冇腐乳醬, 好像差梗d野咁!! 姊姊同老爸都覺得糯米飯唔夠硬; 老媽話咸肉菜飯又咸左dd, 不過大致上也算ok. 價錢唔知算平定貴 (因為好幾年冇食啦!), 大約每人$45, 都食得過!

12月22日，16:00在寒流襲港預警下，肯定要有防禦措施。便到這裡來份蛇餐A，白飯轉糯米飯。蛇羹：蛇絲粗壯，木耳絲和冬菇片不絕。羊腩：南乳味濃烈，炆得夠腍和入味，美中不足是不夠熱。糯米飯：飯夠綿糯，配料多：兩式臘腸粒、臘肉粒、爆香的蝦米和香蔥。差不多離店前，傳來陣陳藥材香味，原來有客在享用炖湯。題外話：我寄望這A餐，能助我抵禦明早的寒流，因我要晨早回深圳。

Q : 為甚麼於中午來這裡食蛇?A : 因為在鰂魚通返工，想吃些特別的東西，在Openrice找到這間蛇店，便來一試。Q : 覺得怎樣?A : 入到店內，感覺幾好，乾淨企理，最重要是沒有以前傅統店有一堆蛇及蛤蜊放在你身邊的鐵籠內，感覺安心。而且店舖周圍都貼上不同款式的燉湯資料，很專業，但其價錢亦同樣專貴: 平均要$200 - 500一盅不等。Q : 有哪些食物推介?A : 蛇羹，很多蛇肉，頗足料，附送的檸檬草及薄脆新鮮又衞生。蛇羹有很香果皮味，還間中吃到果皮絲，很討好；唯一美中不足是不夠滾熱辣，端上桌時只是微溫，我很怕食微溫的食物（微溫通常是快餐的特色），感覺曖昧，我只可給予70分。(食蛇都係想暖身，但連碗蛇羹本身都唔熱，我又點會暖？）另外，我相信這裡的燉湯應該不俗，但由於價格太貴，相信我亦不會幫襯，如果你們afford 得起，不妨一試。Q : 會否再來?A : 短期不會，始終除了那杯免費贈送的熱茶是熱的外，其他食物都不出煙、不滾熱辣，確難討我歡心。

這裏十年如一日，老闆在天寒地涷下還是一件白色底衫橫行舖面，其實這裏除了蛇外還有寶湯售賣，冬天最合適的。一個蛇羹大約四十多到五十多元，看你是配上海咸肉飯還是臘味糯米飯的了。香港很少找到極美味的生炒糯米飯，因為大部份店舖都不是真的生炒，味度當然有所析扣了，難得的是老闆講到明這裏的糯米飯不是生炒，因為成本問題，雖然不是生炒，但是我覺得都算幾好味的了，說回主角蛇羹，用料十足，食完居然會出汗，可見是真蛇肉令人暖身，加上檸檬草、薄脆(在鐵鑵內但還是很脆，神奇)，很美味，如果有機會大家應該試一試。埋單150蚊，有三個餐，三個人食，都算是這樣的了。http://icuteee.mysinablog.com/index.php?op=ViewArticle&articleId=1479936

Have always love to eat 蛇羹, but 95% of the snake soup found in HK are not up to standard - with too much 生粉. But in 蛇王, I gurantee that you can find the best 蛇羹 Other choices besides 蛇羹 - 燉湯,咖喱雞翼飯, 糯米飯 炆羊肉 - 南乳味十足They also provide set in a reasonable price, only $4x. E.g. 炆羊肉 with 細蛇羹