影片
依家搬左新场，新祥街 8 号地下。老板班宠物移晒出门口做生招牌，佢地好可爱又好肥美呀 ﹗快啲比我食啦，哈哈 ﹗搬左新舖大左干净左空气又好左，价钱都加左，饭羹汤套餐 HKD100，可接受，最紧要好味道。最初坐低只 order 左细蛇羮同细蛇汤乍，但见到其他食客食蛇油鸡食到津津有味，香气不断地侵袭我 ﹗忍无可忍呀，老板唔该帮我转食套餐鸡饭啦 ﹗可恶 ﹗咁就有羮有汤有饭，大满足。蛇汤，香浓味美又清甜，甘香药材味道直击味蕾同嗅觉，热烫烫送入口中，回味无穷，好正。见到有果皮、圆肉、杞子、等等，太好味啊 ﹗一滴都无剩，可否添饮呢？蛇羹，厚薄适中，无话杰挞挞一旧旧，蛇肉非常肥美，弹牙啖啖肉，用足料无揾笨，好多配料，味道甜美丰富，超足料，蛇肉、冬菇、木耳、等等。无投诉，太好味喇麻！超水准表现，食客越多就越好味，货去得快，出品特别新鲜好味又热辣辣。食左两啖原味，好好食呀！非常香甜。不过我钟意醋既味道，浙醋配胡椒粉就更加开胃醒神，如果有左显记辣椒油我就更开心啦。蛇油鸡饭，哗！食左两年第一次有鸡髀食呀！开心死！系咪肥佬叔叔见到我系 open rice 投诉佢只有女仕有鸡髀食呢？哈哈，真系唔好意思。但我仲未 upload 架㖞，系咪 boxing day 益街坊乍？依碗饭无得输， 超级无敌蛇油捞饭 ﹗甜美带咸香既蛇油捞热辣辣饱满白饭，好味到不得了，加埋自家姜葱油，香上加香，得一碗白饭点够呀！可以捞到几碗饭食架，余香不停系口腔中打滚，爽到爆 ﹗鸡髀肉鲜甜嫩滑无比，满分满分！蛇油鸡饭，蛇油加上姜蓉葱油简直系如虎添翼，您点停得口呀？
继续阅读
每到天气冻既时候，总系想食碗蛇羹暖下身，起上水就一定会嚟依度到食蛇，嚟到先发展原来搬左去隔离街，新舖比旧舖面积更大更好坐，不过望一望个餐牌发现价钱又贵左，真系百物腾贵。坐底叫左个鸡饭餐同细蛇羹，咁就要百几蚊，真系唔平。蛇羹一上到枱就知道对办，好足料真系啖啖蛇丝，鸡丝同木耳丝，加埋柠檬叶和薄脆，食完非常暖身，很好吃。鸡饭套餐包个龜苓汤，汤入口热辣辣，味道浓郁，有少许药材味几香几好饮。到碗蛇汁鸡饭送上枱时，一阵香味扑鼻，入口鸡肉够滑配合埋蛇汁既惹味，加上自家制既姜蓉，真系一阵就食晒碗饭。
继续阅读
秋风起,梗系食蛇羹啦.既补身又美味.今次就在上水找到蛇王兄.新店已经搬了去新祥街喔.环境尚算新干企理.不过次次去食蛇羹,心入面总有个疑问,到底那些活生生的蛇系唔系真系会在店内?不过讲到底如果无蛇咬我都算啦,唔理得咁多.通常蛇店都有套餐,呢度都唔例外.今日心水是A餐$96,包一碗细蛇羹,一碗蛇汤和一碗蛇汁鸡饭(可转腊味饭)除了套餐,亦都有少量蛇既料理先送上蛇羹.虽然叫细碗,但份量绝不少,我实在想像唔到大碗有几多.蛇肉超级多,而且木耳和冬菇既份量亦不少,每一口都是材料,味道浓厚,蛇肉像猪瘦肉的感觉,但不干口,由于在冬菇和陈皮等等材料影响下,变得十分鲜.如果爱食碗仔翅既朋友,我谂绝对会爱上蛇羹.当然唔少得加点脆脆放系面,更加多口感层次蛇汁鸡饭亦都是美味,又系O个句,蛇汁既味道都系一个谜.好难解释.但呢度既出品有点似无咁咸既鲍汁.捞饭当然过瘾.难得既系鸡肉既鸡味不淡,而且好有弹性.葱蓉唔会系呢碗中有任何作用了.蛇汤既材料有著不同既药材,类似沙参和元肉等等,有肉香之余又不失药味,而且甘而不苦.总之就好多料.96蚊虽然不便宜,但蛇羹真系好足料!估不到系上水终于找到美食了
继续阅读
去完图书馆后，还没到吃晚饭时间，而我亦肚饿！阿妈今日突然话想食蛇羹，所以便到此店吃蛇羹。好好味呀，材料好多，果ｄ薄脆放系蛇羹里好好味！服务态度不错，很好呀，有机会吃它的鸡饭。
继续阅读
好耐冇去呢间蛇店细细个食过一次，果阵时多人到排队入到去都系一如以往，环境冇变叫左个A餐有蛇羹, 蛇汤, 糯米饭料足, 多蛇肉蛇汤就好够味糯米饭就一般, 过得去埋单78
继续阅读