蘭香閣餐廳 (已結業)

鐵板羊膝色:3/10香:1/10味:4/10雜菇有怪味,醬汁又小,而且羊膝好乾無肉汁,不過好在食落無渣.個薯角又唔夠脆口,味道不過不失.

稍為high class既茶餐廳比較乾淨同埋靜d伙記唔會唔整齊,大大聲野食有平有貴啦不過比較返出面既其他頏廳就貴左d..正常一碗粉面+杯野飲出面20蚊,佢呢度要23蚊我諗果3蚊就係貴在個環境..抵唔抵就見人見智啦

蘭香閣既和風飯鮑片鴨胸飯好好味, 個餐仲有超水準既羅宋湯, 冷熱同價的餐飲, 只收35元免加一, 我覺得好超值, 好飽呀~~~

其實都係好幾個月前嘅事, 不過前兩日經過又令我諗起喺呢度一次唔愉快嘅經歷...有一晚8點零鐘突然好想食菜遠肉片炒河,由於食開嗰間裝修緊,於是就試下呢間...唉...點知...一入到去見收銀個位無人坐喺度,於是就四周圍望下邊個侍應得閒同我落單,但係我成個傻婆咁企咗响度成分鐘都無人理,雖然一分鐘唔係好耐,但係試想像您喺一間人來人往而且四周圍d食客眼望望嘅餐廳裡面嗰一分鐘係幾咁漫長呢,最嬲嘅係期間有兩個亞姐係望到我的(我sure),但係就唔理我,終於我都忍唔住開口叫了一個望住我的亞姐...我:唔該...(客氣地)亞姐:咩事呀...(粗聲粗氣地)我:想買外賣ga...(仍然保持笑容)亞姐:要d咩呀...(唔望我)我:想要一個菜遠肉片炒河拎走ga,唔該...(禮貌地)亞姐:無wor...(勁晦氣)我:肉片炒河wor???(疑問地...)亞姐:無呀...(開始唔耐煩,仲轉身走咗去)我:...("o"哂口,然後勁勁勁無奈咁走)過程中佢全程黑面+完全無表情,好似我殺咗佢全家咁...=_=其實以前(未裝修&未換老闆)我都幾鍾意喺度食野ga,貪佢平靚正又快,小時候仲好鍾意佢嘅茄汁豬扒意&香蕉船tim,而家

又是這三十多年屋邨。在邨內的圖書館借書後,便來食個下午茶。人不多,隨便找處坐下。看裝修也算新淨,雖設計上不算新式。再看看餐牌,原本這店也有三十一年歷史。下午茶的款式選擇頗多,點了白汁蘑菇雞絲意粉,加杯凍檸水。這裡有電視觀看,也有雜誌提供人客閱讀。求其拿一本,打算邊食邊看。等了約十分鐘,意粉到來。份量一般,但以下午茶來說已經足夠。白汁份量足夠,也夠味,但意粉似乎偏腍,雞絲是雪藏雞,有少許雪味,幸肉質不算鞋身。環境上尚算寧靜,看看雜誌渡過一個下午本應是好,但鄰檯的小孩拿著玩具槍射射射,但父母卻沒有阻止他。服務不錯,侍應有禮之餘,也主動、細心,食物來的時候會提醒人客「(食物)到了,還熱的,小心燙倒」。雖然食物一搬,但服務不錯,有下次的。地址應為:沙田瀝源邨商場2樓210號舖