蘭香閣茶餐廳

原本去附近間店食 burger. 点知要排隊～緊唔等😅室外體感 40度呀.... 就近黎食街坊餐廳～～估唔到好 okay 喎! 沙爹牛肉麵，奶油多士，香滑茶走！～～my 茶餐廳三寶！全部win呀。加炸脾薯條，生炸！好香好 juicy ～薯條係舊式粗條波浪形呢度仲有粥食，好想試，但太飽同太熱😅。仲有其他茶餐廳classic 野！地方就是街坊feel 囉，賣食味，夠出色，仲有人情味。下次經過會再黎！呢d老店，買少見少啦！…查看更多

早上起來，趕時間上班，在這裡可以坐得比較舒適，叫個雪菜肉絲麵，配火腿煎蛋，上班時間待應姐姐都加快速度送上早餐，食落味道與舊陣時的一式一樣，這裡的環境雖然已經歷過歲月的洗鍊， 無論枱櫈，牆上的一磚一瓦已變得陳舊，但好有兒時入茶記的感覺，麵底的質感軟滑易入口，有飽肚感，雖然是非常普通的一餐，但食過都會感到一份滿足，再加上待應姐姐的殷勤款待，倍感窩心，精神奕奕上班去，飲過杯熱咖啡更加醒神，這份早餐只是三十元，又好味又抵食，茶記小店更加要加碼支持，繼續經營保持住。…查看更多

繼深水埗逐一消失50年以上的茶餐廳以後，還有叉燒意粉茶餐的茶餐廳真是不多了。 點了一個茶餐，有牛油方包、火腿奄列、叉燒意粉: 可改公仔麵米粉，如果希望食出前一丁加三元正。凍飲加兩元。很喜歡火腿奄列，我覺得這個才是香港特色的美食。叉燒意粉的叉燒也是挺多的，公仔麵煮得十分，上檯時食到最尾還是煙韌的，控制麵的硬度值得一讚。由於很久沒有放縱一下，亦都點了一個西多士，整體西多士不是太油膩，感覺比較健康。冷氣簡直是凍到不得了，如果去的話請多帶一件外套。…查看更多

三十多度，在街上走，極為炎熱，輕裝上陣，比起裇衫經已夠輕便，慢慢吃個午餐就回去工作。其實，如果可以買外賣買東西回辦公室慢慢吃，好像更見舒適🤔，但上頭說恐防被人看見以為吾等在休閑吃飯，還是儘量避免🌚，難聽過粗口。🙏🏿過得自己過到人，做好本份，怕甚麼給人看見，難道外出洗手間也要掛個牌註明「上洗手間，稍等」？不知怎的，茶餐廳常餐/午餐，總是吃不厭，明明都是麵條，配炒蛋/奄列及冷熱飲料。雖然並非綠色細細粒階磚，但以長方階磚、內裏裝修、以及桌椅卡位擺設而言，可以見證這間餐廳的歷史。午餐，竟然沒沙嗲牛肉麵選擇；而特餐更奇怪，是吃粥的😵沒有牛肉也沒所謂，吃叉燒吧。叉燒麵，其實不太吸引，因叉燒應吃其焦香，但還好，至少不用迫你吃意粉，可轉配麵條，麵多大份，叉燒當然不會是半肥瘦，但不至於太瘦痴牙。火腿奄列，旁邊的蛋太熟，中間有點流質，和火腿一起，蠻美味的。還聽到其他食客要求，可將奄列轉煎蛋。茶走，茶味甚濃，沒有煉奶下，味道不甜，茶味突出，混和煉奶後更見香濃。…查看更多

看過食評決定一試其奶茶。店位置較偏，毫不起眼，店外有些「佬」用膳，又不知內裏環境，一時想放棄但結果進了去。格局是很典型的街坊茶記，坐位偏小，牆貼滿手寫餐牌。點了午餐轉火腿通+火腿奄列多士+熱奶茶。熱奶茶：杯是用傳統白色陶瓷杯，留着歲月痕跡。茶非常熱，等了一陣再試真，奶味偏重，有點creamy；茶味也濃，但茶、奶兩者又似乎不是太夾，整體未算得上好好飲，勝在不苦澀，飲了很久舌後仍有茶味的餘韻，中上水準。火腿奄列：出奇地有驚喜，蛋很香味道夠，不太生但也不過熟，又不覺油，有水準！火腿通：無坑通粉大大碗，味道不錯，惜通粉過淋，眼見通粉也發大了不少。…查看更多

一行三人食兩個午餐，楊洲炒飯配熱奶茶，個炒飯無乜驚喜，唔知係咪快餐嘅關係，無乜料，味道一般，除此之外，個忌廉湯好味，奶茶好滑，好有茶味另一個餐叫咗雞絲炒麵，開頭仲以為係類似豉油皇炒麵咁款，點知嚟到係干燒嘅，但都幾好味，兩個餐仲大大碟，加埋個味精中湯，同埋個香滑凍奶茶，三人食到飽飽了…查看更多

放假帶著我家小犬"小肥肥" 四圍去都係茶記有位比佢坐我哋有幸發現呢間不大顯眼茶記門口有2張枱吟我哋四圍行多陣希望佢哋食完就到我哋坐低之後我叫咗個午餐飯粟米班飯 + 例湯 + 熱奶茶只係 $30蚊超級抵 !粟米班飯食落清清哋無乜油唔肥膩個湯唔似一味靠冰糖有排骨紅蘿蔔好清甜 ! 扒餐加埋凍飲都係 $29賣相都 OK !煎的豬扒似住家 feel無乜油同樣唔肥膩不過味道唔算太鮮薯條炸得唔錯 !因為無乜油食完唔覺勁飽 放假最開心係可以慢慢0炭杯香滑奶茶呢度奶茶茶味香濃最重要係超滑啊 !香港人唔應該成日話飲咖啡喇 !本土茶記絲襪奶茶好應該多多支持吓將佢地發揚光大 …查看更多

蘭香閣茶餐廳,一間不太起眼的茶餐廳,由於附近的茶餐廳都吃過加上物價高漲,今日終於有機會讓我遇見它今早因為約了要去大嶼山吃齋,所以一早起來吃個早餐補充體力,路過此家茶餐廳問問阿娘有沒有吃過,她說有,都幾好架,d奶茶仲唔錯,所以就決定入去會一會,入去一看,一付舊式茶餐廳風味,卡位椅子放雜物,充滿90年代懷舊味道這裡沒有餐牌,想吃什麼都要向牆壁望,早餐很多選擇,中式西式都有,我要了沙爹牛肉通粉+腸仔炒蛋+凍奶茶,蛋煎得很滑,我平時的食法是用麵包夾一半蛋+腸仔吃,邊吃還有些蛋汁流下,吃得有點狼狽,凍奶茶很滑,不過這裡用的是碎冰,我喝得慢所以越來越淡,沙爹牛肉通粉味道不錯,吃得很飽如果覺得我的那份太HEAVY,可以選擇奄列餐,我阿娘叫了一份叉燒奄列+牛油多士+熱奶茶奄列都好大份,這個沒有試吃,熱奶茶應該會比我的凍奶茶好喝!最後埋單先留意到,我的早餐凍飲要+2蚊,但奄列餐凍飲就不用加,所以要留意清楚價錢哦!慳咗2蚊…查看更多

時常會經過呢頭，但就唔知點解總是走漏眼這間茶餐廳，咁多年來從沒有來過，仲話係地頭蟲，認真慚愧。是晚，緣份來了，雙腳不自覺地走到這裡。快餐四揀一，選了一樣辣的，星洲炒米；飲品，則要杯熱奶茶。星洲米的份量很多，肯定吃不完，早知係咁大份就叫扣底。咖喱粉仲未勻，要自行去撈，有點那過。吃一口，並不刺激的。米粉唔得爽口，材料雖算豐富，但感覺不很好吃，如蝦仔和叉燒都很一般。奶茶相對好一些，起碼是滑，茶味夠，喝得舒適。…查看更多

之前見到依間野~出面睇落好殘~都唔係咁想入去~不過今日返完學冇咩野做~又想食平野~見到佢個餐牌真係幾平~咁就同個朋友仔入左去~入到去見到都唔係咁多野食~都係一般大路野~但係為安全計~都係叫左黑椒腸仔雞扒飯~同埋廈門炒米~但係估唔到既係熱奶茶黑椒腸仔雞扒飯真係好安全~不過可以一讚既係塊雞扒都幾滑~廈門炒米一拎出黎就好有鑊氣~而且見到好足料~GOOD~熱奶茶先係我估唔到既野~佢真係好滑~又有茶味~飲左咁多間~最香既頭三位一定有依間份呀~依家我雖然好少飲奶茶~但係黎依間一定要試下下次再黎一定要試埋佢D咖啡先得~…查看更多

因位置較為偏僻，偶然之下才發現此店。記得第一次幫襯時，覺得食物味道唔錯，價錢又經濟，於是我和老公對此店留下了印象。適逢又經過附近，我便提議再到此店吃下午茶。我們點了干炒三絲意、夏門炒米及涷奶茶。 雖然是下午茶餐，但是干炒三絲意及夏門炒米都十分大碟，而夏門炒米卻比干炒三絲意好味。夏門炒米送來之時，一陣陳酸香味撲鼻，令人為之一振，食落味道唔錯；相反干炒三絲意的意粉則沒有什麼味道，遜色一些。至於涷奶茶則不及上次叫熱奶茶好飲，因上次比較有茶味。…查看更多

從沙田馬場出來, 帶點疲態的坐在巴士上. 心想著整杯奶茶提提神. 以往路過多次的舊茶餐廳, 剛好醒一醒, 就衝落車, 試下杯奶茶得唔得.入到去, 只有老伯同中年阿叔幾個, 仿佛大部份都是街坊熟客仔, 未坐低已能道出他們所需. 我亦有此待遇, 茶未到伙記已問定我想要什麼.當中有個叫營養特餐, 麵包火腿雙蛋, 本來是鮮奶配搭但他們說沒有鮮奶. 那當然轉回奶茶一杯.雙蛋, 美麗地相連在一起. 流汁的蛋黃, 撈了在火腿片上, 加了一份滑溜. 奶茶味道夠晒香濃. 靚既奶茶是否真的憑多年的茶漬而增加其好飲程度. 總是覺得, 茶壺越黑, 沖出來的茶越香. 呢過營養特餐收我 $21, 唔算平. 看見其他老街坊, 有吃粉麵飯, 有吃菠蘿油. 若不是下午茶到訪, 可以試真一點. 不過在東京街呢個位, 真的只有街坊生意. 像我呢的到處食, 好又一餐, 唔好又一餐, 平貴不拘, 又布幾多呢.…查看更多

蘭香閣係我中學時代常去既茶餐廳。間野古色古香,超old school !!鐘意集體回憶既人一定要試下。果度唔洗睇menu嫁,因為你講得出ga,而佢又有材料煮既都可以落order,呢個係蘭香閣既最大特色!!蘭香閣d送幾夠鑊氣,而我比較鐘意既係果度既豬扒飯。特別係咖哩豬扒,d豬扒又香又林...真係會食上癮。飲開果度既熱奶茶,都唔錯嫁。可惜既係間野7pm就會閂門....晚上無得食嫁。學生餐$18...正價大約$25啦!!好味..抵食之選。推介咖哩豬扒飯。…查看更多