蘭香茶餐廳 (已搬遷) 新店位置

老牌冰室/茶餐廳，並不是區區都有，能找到這些古早味十足的食店，其店子位置的本身，一定會是一棟古舊的樓宇。所以，有舊墟市的新市鎮，梗有一、兩間老字號飲食店殘存著，為大眾保留老味道，為大家添上一定的老回憶。這一天，因為要處理中學同學的聚會飯局而一早來到荃灣，事情辦好後，當然要就地食個好西，喜歡尋找老字號的我，在早上的這一個時間，我既目標就是楊屋道街市附近的《蘭香茶餐廳》。 這是一間很細小的茶餐廳，而且是那種把冰箱放在櫥窗的老味道茶餐廳。一看，就知道是眾冰室開始增強服務成為茶餐廳的初始狀態。亦因為地方細，座與座的空間感不多，真的是肥些少都坐唔入呀。 沒有餐牌給我找開，檯上提供的食品選擇亦不算多。那我只好點一個最完美的常餐。首先，有一個豉油湯底的午餐肉通粉。用上了豉油做湯底，吃起來的味道是份外甜甜的，有好香口的豉味，加上原片圓型的午餐肉及厚身彈牙的通心粉，感覺到滿足及開心。 另外就是一份火腿奄列加多士。火腿奄列外熟內也熟了，不過，蛋角很厚，蛋味很濃，內心雖熟，但夾有蛋香同火腿的香甜味，這個奄列又沒有幾好味道播...但好油。牛油多士就是一般的牛油多士，味道同口感都OK! 最重要的評分環節，就是奶

呢到都係第一次幫襯，見今日行山前就試下，叫左個特餐，有午餐肉通，奄列，牛油方包，熱奶茶。。好平，三十幾蚊。其實只係好普通既常餐，茶餐廳黎講杯熱奶茶都算唔好飲，重有個奄列真係好多蛋殻，完全唔掂～

叫左b餐，轉火腿奄列都有少少蛋汁，但就真係得果少少，食落去唔滑，感覺鞋鞋地，好一般貨色叉燒會意粉，份量真係細左少少，不過味道還可以，番茄汁甜酸度剛好，而且個底好多番茄汁撈意粉食無乜特別，都係多士一塊呢個雞翼真係唔多掂$48有7隻，雞翼食落唔嫩，感覺有點先煮過火左，鹵水味也不特出，街市燒味店d鹵水雞翼可能仲好食

星期六早上930和老婆到蘭香食早餐，舖外只有5人排隊。入座後要了叉燒意粉餐 及 通粉餐(現已忘記是什麼餸) 。茄汁叉燒意粉是舊式香港焗豬扒飯的汁，是橙色的。不是現在常見的紅色番茄汁。味道不錯，多汁不干。餐中有煎蛋，其用油都頗多！我要了杯凍奶茶，嘩。。似奶水多啲，我唔係好飲到有茶味。估唔到這舊式餐廳，奶茶不似預期，似西方的奶水多啲。真有些失望，希望這只是茶水當日失水準！！

現今社會，物質充裕，營養早餐一詞，總令人聯想起健康的食物，如麥皮、高鈣低脂奶、堅果等等。看見這份餐單，真傻了眼。但今天會去行山，有機會消耗大量卡路里，就豪一豪吧。 那些年，油水不足的日子，看見這份火腿煎雙蛋，肯定會兩眼發光。而今，少油才是時尚，滿盆的油光，就顯得有點落伍了。話説回來，雙蛋就煎得相當贊。焦黃的蛋邊、嫰滑的蛋白、流心的蛋黃，真的很完美。西多士是古早做法，無花生醬夾心，單片方包上，是我喜歡的做法。蛋汁稍薄，味道還是不錯的。

今朝早過黎荃灣做嘢，一個人食lunch通常都會揀茶餐廳... 荃灣有好多舊式茶餐廳, 今日我選擇咗蘭香食咗一個意粉餐配鮮油多，牛油仍然係咁厚，多士好香口，其實食完已經半飽另外個叉燒燴意粉好正，叉燒係半肥瘦叉燒，意粉燴咗茄汁好入味，但通常我會加勁多辣椒油，因為我覺得佢嘅辣椒油係超級好味，最後食埋個兩隻半生熟蛋同火腿，飽到飛起但好滿足的一餐

食物有名的火腿奄列，又燶又爛，個米粉得一啖，個剪雙蛋又係燶同爛。多士加錢後完全無烘過，同普通牛油方包無分別！價錢超級貴，早餐要成$34凍飲另計，多士又要加一蚊！

完全不值一試！見朋友由香港仔長途跋涉都要到荃灣食個早餐，我住得近荃灣，行過咁啱又只要等一兩個人，就去試試。食完後，完全唔知點解要排隊或長途黎食，我只叫咗最普通嘅餐肉通+煎旦面包+維記朱古力，通粉過淋，湯色水夠但居然唔夠味，煎旦油到連個包都索唔晒啲油，又唔夠旦香。完全不值一試，吹噓！店內應該係家族生意，無手寫單，全部女人用把口大叫落單，嘈爆。店內有蕃加汁嘅食品都好多人食，但絕不會再去試。就算免費唔洗排隊，都不願再去。

一個人的下午茶！我叫了營養A餐！分別有火腿煎蛋，加央西多少，加杯飲品。火腿煎蛋: 火腿份量略厭少左D，煎蛋有兩隻，並不是完全熟蛋，蛋汁撈火腿吃，另有一返風味。加央西多少，但裡面沒有加央，只有花生醬啊！不過，牛油加蜜糖醬絕對是最佳配搭。多少烘得脆脆的，食落香口鬆脆。我好想飲枝裝朱古力，好Old School。現在不是間間茶餐廳都有提供。跟餐加HK$2～要煲熱的，另加HK$1。原來偏重奶味，朱古力味無咁濃，感覺凍飲好味好多呢！

行開楊屋道街市，途經見到呢間茶餐廳便入去食D野。店內坐位不算多，時常聽到伙計叫客人坐在一邊不可以兩人坐晒4人卡位，語氣不太友善吧😅😅😅我坐下便叫了個B餐，但水準真是一般，不知為何有咁多人客，或者地點近街市舊區內喇！牛油多士：全個餐居然最好食是最平凡的 ，麵包新鲜，外脆內軟，牛油份量不多不少剛剛好👍火腿煎雙蛋：蛋是即煎給客人，到口中感到是熱的👍但火腿放在蛋下，食完蛋發現有好多油在火腿身上 义燒燴意粉：個汁算幾好但略為淡了些少。熱奶茶：最差居然是杯奶茶，送到客人前居然只是微暖不熱，沒有茶味 ，就因這杯熱奶茶咁難飲，我應該不會去第二次了，失望😲😲😲

一直有朋友話蘭香茶餐廳好岀名而且好好味，搞到我一直都好想去食下，今日同朋友到荃灣行下，就去左個到食，我哋一共四個人，叫蘭香炒飯，雞翼河粉，牛腩河粉，咖哩牛腩飯，一黎個炒飯個樣都幾好只係食上去有啲乾，味道好普通，個咖哩牛腩飯難食到不得了，啲咖哩汁稀到好啲水咁，得個辣字，個雞翼河一般，並冇其他人話到咁好味，有啲失望。我叫左杯少甜奶茶，一啲都冇少到。

This restaurant is very old and traditional; and that is why I like this place so much.  It is very small and packed inside so don't expect you can take your sweet time eating there. Nevertheless, the food is very delicious and I pretty much order the same thing every time.The set I ordered was 'B'.Their cold chocolate isn't very chocolatey and the chocolate taste is very faint.  Personally I feel the hot version is better.  Runny fried eggs with ham which is part of set 'B'.  They go great with

好鍾意幫襯依D街坊小店 一來食物質素同水準較連鎖店穩定，其次係人情味 ，比果D木口木面既連鎖快餐富有親切感。蘭香係食物質素上雖然唔係話好超班，但起碼食完冇投訴先，特餐厚厚午餐肉加通粉，即叫即煎既俺列同勁多牛油既多士，D野食熱就一定比果D一早煎定既餐廳好味，最憎就係果D蛋又凍多士又硬既餐廳，依間日後會繼續幫襯的。

放假瞓到自然醒蘭香定必例入「最常&想去的食店」之一！食物實而不華，最重要是小店充滿人情味，輕輕鬆鬆的吃件塗滿牛油的多士，再順便探望店內小貓，和店東一家談談養雞逸事 放假還是hea著最好！雜醬蝦球湯麵是次選吃公仔麵雜醬味道有點像沙嗲，充滿濃厚的洋蔥味，加點辣椒油，滋味得很！有誰能抗拒軟熟的熱烘多士加滿滿牛油的誘惑？！忍唔著認唔著咬左一啖呀~(這多士...其實是屬於我男友的 )咬一啖點夠喉？最後決定叫多件油占多，哈！好滿足呀~

咖哩牛腩飯，咖哩浠過水而且夾雜大量毛髮，雖然侍應換過碟，但情況繼續，並無改善 ，懷疑已經一鍋熟 。另外，特餐通粉過"林"，差不多變成糊，無口感可言！完全不能理解點解會有人覺得係荃灣地標，必食之選，環境衛生一般，絕無下次！