蘭芳園

营业中

休息中

已經係第二定三次嚟呢間老字號，但對上都係中環總店而且都兩三年前。上兩次嚟已經覺得呢間店名過其實，但今次直頭係差，難食！奶油豬唔脆唔香口龍蝦汁蟹子撈丁，都幾難食，出前一丁煮到好淋，又無乜味，成個配搭好怪。西多士算唔錯，鬆軟可口。喇沙豬扒米粉，豬扒算幾鬆軟但唔夠香口，米粉極度淋好似糊仔咁，喇沙湯唔識評價但唔好飲。連最出名嘅奶茶都一般般，唔香唔濃，但係幾滑。之前嚟已經唔明白點解呢間鋪頭咁出名，食老字號嗰本唔係可以食得好耐，希望呢間鋪頭食物質素可以改善下，有啲嘢不進則退，而呢間鋪頭係退步得好緊要。

今日Lunch 去左尖沙咀食蘭芳園呢間餐廳已經食左好多年，食評就第一次寫🤣🤣餐廳裝修係以🌃港式懷舊為主🍃黎到蘭芳園一定要叫☕️杯熱絲襪奶茶☕️茶香奶滑🥛👍🏻😋今次叫左豬扒喇沙湯底通粉 + 🐽奶油脆豬🐽+ 一杯熱絲襪奶茶= $ 58💰💰奶油脆豬真係脆口 😍😍每次黎到都一到會叫黎食今次🐽豬扒🐽有小小失手🙈但都好味😋平時塊豬扒比較大塊d & 冇禁燶， 所以今次比較乾身&冇禁多肉汁喇沙湯底👍🏻👍🏻另外推薦心多多 & 🐔蔥油雞扒撈丁🍜依家午市套餐會有焗飯，都有好多食客叫黎食，望落個樣都好吸引，下次會試下😋

一家歷史悠久的茶餐廳，聲稱是絲襪奶茶的始創者，今日黎試試分店既奶油豬+絲襪奶茶⚠️食物：⭕️喇沙朱肋骨米線+迷你奶油豬仔包+熱奶茶$58豬仔包係精髓，一定要試！熱奶茶的確好好味，正宗港式奶茶。⭕️牛市餐 ：蘿蔔牛腩+白飯+例湯+熱奶茶雖然睇落好似好普通，但蘿蔔煮得幾軟熟，而且好入味。而牛腩亦都好林，一啲都唔韌 不過每日都會轉，所以要睇好唔好彩啦😆⚠️環境：尖沙咀分店在重慶大廈地庫一樓，要行到最入先見到2:00時間入座，不算多人，可以直入⚠️價錢：合理，職員服務都OK👍

在澳門搭船回港 肚餓了落船在信德中心醫肚~入左蘭芳園 平時吃下午茶多 未試過食晚餐點了叉燒煎蛋飯 和 蔥油雞翼撈丁叉燒肉質一般 蛋煎得幾美靚豉油汁唔錯 個人會鍾意多少少汁反而個撈丁塊蛋煎得唔靚蔥油味道似住家飯個種雞翼味道麻麻 比較乾身麵質普通 可以接受~整體都可以 cp值算貴

見到蘭芳園無咩人排隊就入去試試，叫左個普通噶叉燒煎蛋飯，太陽蛋煎得好靚，蛋白滑，蛋黃金黃色，而叉燒就還ok，可能瘦肉偏多吧，所以食落去好似有滴幹身，要點多杯奶茶或者凍檸先得，不過份量都好足，一個飯就夠曬食啦，服務還不錯，下次再來！

講開香港嘅奶茶，蘭芳園係幾出名，尖沙咀呢間鋪係地庫，環境都ok，覺得比總店嘅環境仲要好。 服務就還可以啦。奶茶確實唔错，飲起來确实幾絲滑嘅，茶嘅味道比較重，我鍾意😄豬扒包講唔上話好食但都還可以。 葱油雞扒撈丁就同平時食嘅都差唔多味,係幾香嘅😉 整體黎講，我最鍾意都係奶茶同凍鴦😆

平時諗唔到食咩都係蘭芳園快靚正！食物質素一定保持到我叫左鬼佬鴛鴦飯🙆🏻‍♀️呢個飯好正 有兩款 一邊係白汁 一邊係免治牛肉汁一次過滿足哂兩個願望😂都鐘意食免治牛肉汁👍🏻朋友叫左個薑蔥豉油雞扒飯薑蔥撈飯好正🙈雞扒入味我地兩個最後都食哂個飯😂

平時黎蘭芳園一定係食撈丁🙆🏻‍♀️今日見佢午餐又好吸引😎所以最後選擇👉🏻午餐🥣是日午餐：滷水雞脾叉燒飯/意粉 或 煎墨魚餅飯有例湯🤤老闆講到明係老火湯 無味精👍🏻老火湯果然無味精仲好夠火喉👻滷水雞髀不錯 質感好滑同好入味 叉燒有驚喜 無諗過蘭芳園叉燒好食 唔太燶又唔硬👍🏻👍🏻煎墨魚餅都好好味 唔會好粉 真材實料😋真係想加飯🙊食蘭芳園一定要配返杯奶茶🙈我地今日4個人食 好輕鬆 唔洗排隊就有得入😎未試過嘅一定要去試吓🤪不過要提一提大家 午餐每日都唔同架😈

9月1號，打住3號波落老蘭食野，有唔一樣嘅感覺。為數不多可以直入唔洗等有卡位坐，第一次起蘭芳園坐得咁疏落，4個姐姐起樓面一齊工作，神色凝重，落單時姐姐有講要放假啊咁... 幸好依然堅持香港味道香港精神，姐姐落力介紹建議晚餐有咩食，最後嗌左 鴛鴦鬼佬飯 配 絲襪奶茶 和 龍蝦汁蟹籽雞扒撈丁 配 凍鴛鴦少冰甜。 鬼佬飯滿足多心嘅人，魚柳蝦蟹柳白汁加香草免治牛肉醬配煎蛋絲苗米，飽肚。撈丁係芝士底龍蝦汁爆爆蟹籽配嫩滑雞扒，野味。飲品是只能在本港才能找到的香滑味道，其他地方複製唔到。P.S. 姐姐好落力用港式煲冬瓜sell僅有遊客 獅子山🦁⛰️

之前經過幾次它的總店，每次也為了工事也冇得停下腳步嘆一嘆。 終於今日放假經過它的尖沙咀分店，可能假日餐廳唔忙有位，今天有緣見到，冇理由再錯失它的奶茶。熱奶茶夠香夠濃又夠滑，完全正宗絲襪奶茶味道，十分正。蔥油雞扒撈丁蔥油香，雞扒煎得皮夠金黃，肉質仍嫩，不過份量略細。凍奶茶雖然加了冰塊，但奶茶仍夠香濃，看到奶茶面浮出細緻泡沬，就看到它的香滑度。豬肋骨喇沙湯米豬肋骨炆得夠林，不過喇沙湯底一般。迷你奶油脆豬仔包外層烘得夠脆，好味。

少少服務既意見即係咁 我一行入去坐低 幾秒都冇 就有一個戴眼鏡瘦嘅短髮姐姐行埋黎問我食乜 其實我唔係熟客仔 未睇餐牌我係唔知道要食乜我一路睇餐牌 佢就一路企係側邊問問問 我地商量緊食乜 佢就不斷插嘴 俾佢不斷問到最終落咗一個order先 之後佢就一路問：咁你呢？咁你呢？咁你呢？🙄 其實作為香港人 生活壓力都已經好大 放工都想好好地食個晚飯 點解你係都要係咁逼我呢？連少少思考時間都唔俾我？嗰個moment門口冇人等緊位！又唔係全場滿座！你有必要咁Chur嗎？可能喺老闆面前你咁樣係一個表現好好嘅員工 但對客人黎講你真係好煩 我一路都忍住唔出聲 直到有另一個姐姐行埋黎嗰陣時 佢同另一個姐姐講都唔係好想落單 擺出一個好唔耐煩嘅樣 之後再擰過嚟問我要啲乜 我終於忍唔住問佢：乜你好趕時間咩？可唔可以唔好係咁催我！佢仲要駁嘴話佢冇催我！又問我落左單嗰個仲要唔要落！咁你係咪即係玩野姐！你咁樣係咪趕客啊？都係打份工啫使唔使咁呀！使唔使咁嘅態度呀！唔通我去食嘢都要受你氣？睇你面色？我見其他姐姐都冇咁！可能呢個係個別例子！如果大家去食 就睇你好唔好彩啦！Anyway, 呢間嘅茶走真係好好飲！

今日同妹妹一起去body check，完事後去食過遲來的早晨，十一點去到蘭芳園竟然見全店滿座，都幾好生意，在場所見大部份是遊客，等左幾分鐘後就有位，剛好安排了卡位，幾好唔駛同人搭枱。店內多人但唔算嘈雜，研究左個餐牌一輪，見撰擇唔多而且價錢偏貴，最後點了兩款餐。薯仔鮮茄湯火腿通粉+迷你奶油豬仔包+絲襪奶茶 ($39)薯仔和蕃茄都好淋身，茄湯有點偏咸，食食下只想飲少點湯剩食通粉，通粉細細粒煮得剛好，配埋火腿栗米有口感無咁寡。豬仔包話明迷你，比正常細少少，試下都ok，皮薄少少脆內軟身，味道正正常常。奶茶係幾滑偏多奶感，飲落唔覺有茶香，味道一般。蔥油雞扒撈丁+凍西檸檬茶($58+$3)麵唔多油，撈蔥油唔算太咸味道剛好，主角雞扒皮薄身，皮有煎過但無香口惹味和脆卜卜的口感有點可惜。雞肉無咩肉汁似烚完再煎，無咁油應該都係健康煮法掛。檸檬茶有四片檸檬味道正常。

而家講翻港式茶餐廳，蘭芳園肯定系“個中翹楚”。唔同於翠華或者太興，我覺得芳園嘅出品同埋味道都要好d。但呢排太多遊客，上次居然排左成個鐘。*地理位置：尖沙咀彌敦道36-44號重慶大廈地庫WK廣場26號舖，港鐵尖沙咀/尖東D1、L1、N5出口均可抵達。*餐廳環境：好細間店，基本都系同其他人搭臺。超級多譚校長嘅相片。*服務態度：服務生都有禮貌。*菜品味道：我最中意窩蛋牛肉，拌勻之後基本每壹顆飯粒都好香，食落去覺得點可以甘好味架。呢間餐廳嘅奶茶是招牌，我中意走甜少冰，好飲。

上星期五出開尖沙咀，記得有一間曾經網上介紹過 而且校長譚詠麟都介紹過的一間食店蘭芳園， 外表看上去只是一般嘅茶餐廳格局，但係從未試過去食， 店內有好多校長譚詠麟經典照片及過往唱片封套照片等等，對於粉絲嚟講係好開心嘅，因為我都係校長嘅粉絲，所以入去食特別有唔同嘅感覺。我點咗店裏面推介龍蝦汁蟹子嘅雞扒撈丁，出名嘅絲襪奶茶同埋奶油脆豬仔包，個撈雞丁其實真係好一般唔係想像中咁好味咁有驚喜，唔係太多龍蝦汁味， 個雞扒又冇乜味，反而個奶油脆豬仔包我覺得好好味好正，個奶茶係好ok好有奶同埋茶嘅香味 唔似有啲茶餐廳只是有茶澀味😝。 如果想試嘅朋友都可以一試當係食一餐飯都ok嘅😄😄。

星期日在isquare睇戲前想飲杯奶茶。去左蘭芳園。已經好耐無黎。呢次黎完應絕不會再去。呢間野性價比真極低。本來根本食茶餐廳吾想寫食評。但他太差所以我先寫當時正值大雨。店內只有半滿我地2人坐左架位因為吾餓所以沒叫麵餐(58蚊。麵+豬仔包+飲品)。食開的人都知蘭芳園沒set。所以我地散叫左熱凍奶茶各1(22蚊+24蚊)個茶膽係ok good 的超細個的金牌牛脷包(26蚊)。少爺話味道ok。但真超細。完全吾值26蚊我的金牌豬排包(26蚊)。舊豬非常細。味道無乜特別又係完全吾值呢個價。食食下野。後面3個普通話後生女遊客。講侍應落錯單。短髮女侍應態度非常差。同她們講無落錯單!。點點點。。我同少爺對望：乜料呀？講野態度甘差? 個旅客明明好有禮貌問野。。轉頭又有3個普通客入黎。果個客人見有位想坐下(他們說有4人)。另1侍應又用不禮貌語氣講：您齊人未? 吾齊吾准入。。但明明店內好多位想點呀? 成間店7成係旅客。但係服務就甘差。埋單98蚊。食物亦吾值甘既價。根本吾值得旅客排隊。甘既待客之道。我係香港人都吾會再去