蘭芳園

营业中

休息中

某日收工同老婆去食飯，去開尖咀，諗住睇下有咩好食啦，發現原來活方開左蘭芳園，去過中環嗰間食過已經覺得正架喇，凍奶茶入面有啲冰係用奶茶做嘅，茶又夠濃，好味、正！但可惜尖咀嗰間凍奶茶無奶茶冰，可惜、可惜！

在一個很新的商場內有一間好懷舊(包括裝修)的茶餐廳, 感覺好得意之前食過2次都係茄蛋通, 而且今次唔係幾餓就試試其他..很滑的奶茶, 甜左少少的西多士, 不錯的豬扒包不餓但後來還是追加!!! 雞翼有點過焦.. 紅豆冰同薯條一般, 可接受 不抱太大期望的話還是可以的。

上次食係上年ge事了, 覺得蘭芳園貴, 貴得來又唔係好好食, 今次再去, 因為約了朋友傾一些特別的事情, 但又唔知去邊好, 咪入去坐坐本來只係飲杯凍檸茶就算, 不過午餐都未食得飽, 倒不如整碗通粉食下啦蕃茄豬扒通, 估唔到咁好食濃郁的蕃茄湯底, 令每粒中間空心的通粉都塞滿了茄汁, 因為茄汁用了新鮮的蕃茄煮, 所以好好食豬扒上次食豬扒包都試過了, 保持水準下次都會因為le碗通粉而來的

這一張真的是過火了！晚餐的焗飯焗得太過火(黑了)!豬仔包夠脆，奶茶ok！雞翼，好咸！但伙計的態度真要改下！太不可一世了！

日日係尖咀返工有一日係活方見到佢今日終於有時間去食中午時間,十分鐘有位,好窄好迫環境真係好麻麻但我以為食物會好好公仔麵撈龍蝦汁,好難食..金牌豬扒包.+凍茶奶茶100分!豬扒包好迷你......男人食2隻先夠我地叫左一個撈丁,一個包餐,另外再叫一隻十蚊既朱仔奶油最好食係豬仔包!!超級好食!!2個人埋單食左81蚊走之前仲買左罐咸檸檬!25蚊罐大家唔使去食撈丁,但我推介你食豬仔包通粉同撈丁都粗制濫造,你自己煮都仲好食

今天考一科，早放，打算同呀媽去佢果頭食個lunch，輕鬆一下，呀媽話佢知訂（地方），於是就去左一個唔系幾顯眼既地下商場「活方」，果度都有好幾間高級食肆，正躊躇吃什麼時，忽見走廊盡頭透出一片白光，雜聲傳遍整條通道，似乎這家的人氣是挺可靠的。這家是分店，店鋪內外都刻意勾畫出懷舊的意象，尤其喜愛那青花白石瓷磚，佈滿地面，天花板吊着的三葉風扇，再配合木屏風，冰室味十足。牆壁還貼滿了譚校長的照片，活像「生招牌」。想要在尖咀吃經濟點，常餐是逃不掉了，這裡的常餐一律賣四十蚊，在尖咀來說算是不過不失了。叫了一客黑椒西冷牛扒飯，凍檸茶，和一客白汁蘑菇吉列魚柳飯，熱奶茶，三分鐘速到，上桌香氣撲鼻，黑椒汁香濃，牛扒肉味十足，微有嚼勁，碟內有雜菜伴碟；檸茶一般。至於吉列魚柳飯，白汁重忌廉味，配以蘑菇片，更增鮮味，魚柳炸得香脆；還值得一提的是這裡的絲襪奶茶，以靚紅茶葉、花奶和絲襪冲製，奶茶香滑細膩，紅茶味香醇，奶味濃郁，一流。盛奶茶的瓷杯杯身都花哂，可證其歷史之悠久。

曾幾何時，「蘭芳園」是一家名店，慕名而至，在中環擺花街外排長龍幫襯它的大有人在，其實自己也曾是其中一員，想不到自從它在九龍區大展拳腳，開枝散業之後，質素竟似有所退步，雖未至於得到哭臉的地步，但這天往試，試了幾款招牌食品，包括「奶油脆豬包」、「蔥油雞扒撈丁」和「凍鹹檸七」等後，總覺得相比起以前，似乎食物水準未算特別出色，究竟這是因為自己已不是第一次吃它的招牌食品，失去了新鮮感，還是它的食物水準有所退步，那就不得而知了。雖然「奶油脆豬包」的賣相平平，這包仍算香脆，香甜的奶油也絕不會不好吃，但隨著其他食肆愈來愈多的跟風之作，這包似乎顯得不算特別出色。「凍鹹檸七」獨特的鹹味確是大異其他飲品的味道，雖然這始終不是自己的最愛，但既然老婆仔喜歡，那便唯有捨自己較為愛喝的絲襪奶茶而取「凍鹹檸七」，和她一同分享啦！相對來說，自己覺得水準最不及從前的是自己曾經頗為喜愛的「蔥油雞扒撈丁」。這天所試的雞扒，仍算煎得雞皮香脆，肉質不韌。雖然撈丁味道仍然偏鹹，但蔥油下得不多，麵質也只一般，感覺上是有特色的一道撈麵，憑此獨一無二的出品在當年打響名堂亦不出奇，但這次再試，已不再覺得特別好吃，假使下次再來的話，也未必會

唔係男友帶我嚟都唔知呢個商場變成咁, 同埋有呢間嘢嚟到覺得陳設好有特色好懷舊, 特別係地下的綠色階磚, 以前嫲嫲舊居都有用, 我都好耐冇見過了; 另外店內勁多譚校長大碟做裝飾, 唔通呢間嘢係譚校長粉絲開的?嚟到男友推介撈丁, 我揀咗豬扒撈丁, OK啦, 杯凍奶茶也不錯, 不過一個餐要成4x蚊(凍飲), 味道又唔係有咩特別...

第一次行活方經過被佢外觀吸引到,,仲話校長有幫襯過..今日就決定去試下..有校長推介ge menu,,搞笑..兩個人嗌左兩個tea set..-金牌豬扒包+奶茶好細個,,我食完飲埋杯奶茶先[]岩[]岩頂肚..佢cut half左,,都幾好,,一邊d肉嫩,,另一邊就搞到我"痴牙"..奶茶都ok,,重茶味,,對於唔中2奶ge我,,就冇咩問題..-蛋牛治烘底+咖啡有茶餐廳風味,,但唔係特別好食,,起碼好食過其他快餐店果d..

心多多撈丁有煎蛋，雞翼,五香肉丁,煎蛋熱辣辣,雞翼爽,五香肉丁濃,但薑蓉太鹹,令本來己有味道的配料鹹上加鹹,如薑蓉落小d鹽會更好,雞扒撈丁ok,奶茶比中環間遜色,但環境有懷舊feel

之前在總店食過，但自從有佐黎間店，就無嗮過海甘遠食啦，但由於太方便，開佐之後就無入過。黎次路過就有心入去食個下午茶。點佐經典的絲襪和金牌豬扒，唔知是我太久無食定系確實偷工減料，奶茶無以前甘滑，豬扒包真系比之前細佐好多，成個MACARON甘（有滴誇張，但怨氣十足）！食落其實仲不差，豬扒都很嫩，但一口就落肚，麵包佔據佐個口大部份，無法細細品味，$28蚊都系貴啦，比起之前...總體食落，環境比總店好，唔嗮過海，但滴野無總店咁好，魚與熊掌不可兼得，睇你選邊個咯~

有事要到尖沙咀, 到下午都未吃飯, 便試走去渺無人煙的活方看看有什麼吃~整個活方都好靜, 間間鋪都冇乜人行~轉角再轉角, 見到曾聽人講過的"蘭芳園"~嘩~~ 我估全個活方最多人的地方就係呢度~ 咁多人既?!點了奇奇怪怪的龍蝦汁撈丁餐~D檸檬點解咁硬, 好難篤~ 杯係印有譚詠麟演唱會, 好搞笑~ 其他枱枱櫈櫈都有個"蘭"字~個樣都有D吸引, 望落似好多汁, 但一撈起, 原來係唔夠汁, 撈起後蟹籽好似唔見左咁, 太少吧~ 汁味道其實似咸咸地的白汁, 係冇任何海鮮/蝦/龍蝦味, 雞扒略乾~ 裝修係有D特色既..........其實又唔係下面別的食評講得咁難吃, 只屬普通茶餐廳質數, 而價錢又唔算太貴, 尖沙咀區其實差不多啦~ 不過我個人覺得新記的撈丁好食D~ 如再來, 我會想試下奶油豬~

幾星期前, 不覺意經過, 被裝修吸引了,然後, 我快地看看餐牌, 也像很吸引。於是, 幾星期後, 要走來嘗試。坐下, 選擇了:焗豬扒飯餐。失望得好緊要。服務員之一, 態度十分不著緊,豬扒飯只是一般, 合格,但那個羅宋湯有點苦味, 橙皮太厚, 因為太大 "舊"。最失望, 是很期待的 "絲襪奶茶":係完全無茶味, 奶超多, 又不滑。我沒有飲完, 便要放下。不會再來!

12-2-2011中環的兩間蘭芳園曾經係我的飯堂, 知道佢開了分店喺尖沙咀, 趁是日夜晚到文化中心聽音樂會前的 dinner 要快手快腳, 又落嚟試試. 例牌一人一奶茶, 再一人一撈丁.熱奶茶: 作為中環店的「名物」, 嚟到尖沙咀分店當然都要叫吧, 不過賣相奶多過乜, 飲落亦然, 唔澀, 但茶味 vs 奶味近乎 2:8, 飲到黑晒面 主食叫了叉燒煎蛋撈丁: 醬油汁份量夠「撈」的 (其實仲有薑蔥, 不過我無撈...), 丁麵亦爽口; 煎蛋全熟, 喺底的叉燒就黑黑的又樣衰衰, 不過食落鬆軟帶甜, 亦幾有肉味, 估唔到都幾好食. 整體唔差的, 不過好好食就梗係唔係啦.無試朋友的豬泵兜撈丁配叉燒汁了... 朋友就話 d 汁辣辣哋, 「豬泵兜」就係豬頸肉, 唔知好唔好食?亦叫了一客奶油豬, 牛油及奶油都落得好多, 不過牛油唔溶, 奶油就明顯係求求其其唧 / pat 落去就算, 食了少少「上層」仲係韌多過脆的, 還是華康 (http://www.openrice.com/restaurant/commentdetail.htm?commentid=153623) 好.環境裝修係「新淨的懷舊

係isqaure睇完戲, 想找茶餐廳喝杯有質素的奶茶, 於是去了尖咀蘭香園, 點知換來一肚氣9:50pm入去(沒有人告訴我們佢地要10:30閂門), 一坐低個侍應己經追我地落單, 話要收工, 得番撈丁和飯...其實我地都係打工仔, 知道唔好阻人收工, 於是快快脆點了蔥油雞扒撈丁, 雞脾蛋飯, 熱奶茶, 同熱o茶....點知落完單後, 個侍應不停咁同其他同事講: "有2個客唔點"訂", "鍾"左入黎"...聽到真係好激氣, 1)佢門口無寫收幾點, 2) 你大可係我地入黎時講明已經收工, 3) 我9:50入黎, 你都係收10:30 ...食左5分鐘(真係食左5分鐘), 個侍應又走埋黎, 竟然叫我地食快d, 佢要收工, 有無攪錯 講真, 個撈丁, 奶茶係好味, 雞扒炸得夠脆....d 麵好爽, 個好茶子滑, 不澀...但態度咁差, 我下次唔會幫襯...