蘭芳園

营业中

休息中

兩個人叫左一個燒鴨叉燒飯、一個油雞叉燒飯，兩個凍奶茶。叉燒瘦而乾，食到牙痛，燒鴨凍冰冰又細舊油雞冇味又係好細舊凍奶茶味道還算不錯總共$124，完美演繹燒鴨價錢蔗渣味道

朋友台灣遠道而來，喜愛地道港食，選了網上聞名蘭芳園，實質名過其實，物非所值，只得虛名，可以不去。遊客吹捧不絕，過往的風光美食，不缺生意，店員無理，也似乎理所當然，哀哉香港美食天堂美名。心多多撈丁賣相求其，一般的撈丁，加三隻甩皮雞翼，既乾且嘿，已見食物質素真章。西多士不熱辣辣上枱。顯得油膩，遑論香脆。金牌豬扒包沒有追問台灣朋友時候感想。絲襪奶茶，不香不滑，略帶苦澀， 所謂馳名，吹太過分。

I went there at 1:30pm and did not need to wait.  I ordered the pork chop macaroni in tomato and potato soup.  The pork chop was good.  It was juicy and tender.  The macaroni was not soggy which was good.  The soup was a bit on the sweet side.  Portion was quite small and it's served in a plastic disposable bowl.Overall, I thought the food was just alright and the place a bit dirty.It's become more a tourists' spot and majority of the customers are Mandarin or English-speaking.  The set came wit

四條一放假無野做，L突然扮遊客去到中環蘭芳園為左杯香滑朝聖。本來想食鹹蛋黃金版，是日無得賣。唯有轉了心多多撈丁。本地客一次半次就無所謂，但收五十一蚊遊客價就真的物非所值了。

今日真黑仔，本身想去中環BEP食越南嘢，但等咗好耐，個哥哥仔係咁ignore我，比咗d位個籌仲後過我嘅人，嬲嬲地轉咗去好耐無去嘅老牌食店蘭芳園。鋪頭日日客似雲來，七成都係遊客，睇耐少少個餐牌都比阿姐問我係咪唔識睇中文，駛唔駛拎個英文比你。今日叫咗個芝麻牛肉汁牛冧肉撈丁，完全比佢個名呃咗。牛冧肉雖然嫩滑，但個汁真係辣到飛起，芝麻味就無，黑椒味過多，而且個一丁麵仲係凍同硬㗎添，真係要改善下。

本來諗住好耐無嚟，所以嚟食個lunch。點知，嗰啲對食物同食客嘅基本尊重乜都無哂。份量明顯地細左，價錢就多左，堂食碗碟轉哂外賣膠嗰隻，我叫嘅心多多撈丁，三隻雞翼都甩哂皮，所有員工都响啲一啲都唔歡樂嘅氣氛返工，服務又點會好。好可惜，咁揚名東南亞嘅餐廳，竟然變成咁。

今日閑遊中環, 行行吓見到"蘭芳園"緊係入去食個下午茶! 可能四點幾唔係太多人, 所以等得好快就有位喇! 裏面一向舊式風格, 都係迫迫迫, 不過預咗坐得麻麻! 食客遊客居多, 又國語又日文又韓文咁... 本身諗住食少少, 但見到佢既蔥油雞扒撈丁又心郁郁最後叫咗撈丁, 芝士牛脷豬仔包, 凍奶茶, 咸檸七! 反而撈丁我覺得一般, 而個芝士牛脷豬仔包好正喎..

今天，到了蘭芳園吃下午茶，因為一個人的關係，所以不用等位，已可入坐。
點了這裡的招牌美食，蔥油雞扒撈丁，雞扒色澤金黃色，外皮很香脆，肉質尚算嫩滑，賣相也不錯，出前一丁軟硬適中，配上蔥油及爽脆的椰菜，非常惹味。
餐後點了凍檸檬茶，茶味香濃，清爽怡人，可一解撈丁的油膩感。
雖然這裡的食物很美味，但美中不足的是空間十分擠迫，舒適欠奉，沒法了，就是為了這個蔥油雞扒撈丁。

老實講，一間茶餐廳嘅品牌除咗靠佢店嘅食品味道嚟衡量，另外一個好重要嘅方面成日都會俾人忽略，就係你嘅服務態度！！！就算你間鋪嘅野食再好食，服務態度唔得，一樣唔好！真心唔想同啲態度惡劣嘅人嘈，費事影響自己食野嘅心情..···香脆奶油豬仔包好平，都只係15蚊一個，不過賣相就好差啦，包皮都碎曬咁，奶油味幾濃，不過一定要趁熱食···絲襪奶茶，最好飲熱嘅，因為凍嘅會落好多冰，放得耐啲冰融曬會影響成杯奶茶嘅口感，淡曬。雞扒通粉，雞扒煎得有啲過，外皮都窿窿地，不過啲肉都仲食得，成碗粉最有味嘅就係雞扒，通粉根本無味。 豬肋骨米粉，米粉嘅份量好少，我一個人食都唔夠吖！！

蘭芳園係中環已經有好多年歷史，好多白領同遊客幫襯架，經常大排長龍。 每次黎我都係食葱油雞扒撈丁同埋熱奶茶 雞皮烤得香脆可口 ，雞扒啖啖肉啱我口味，肉質嫩滑，份量十足。一丁麵配上大量葱油，惹味又彈牙。 奶茶入口啖啖紅茶的香味，茶味夠晒香濃幼滑

最近無聊，成天過來呢邊玩，所以都成日過來呢邊搵野食，我覺得仲系D茶餐廳比較合適我，又平又靚阿嘛！今日同阿堅叔一起，就帶佢來試試咯，呢個系龍蝦汁蟹籽撈丁，哇，超好味，而且雖然唔系比龍蝦比我地食，但系龍蝦汁真系無得彈，淋上蟹杍，正！仲有食左個飯，魚扒加個蘑菇，蘑菇汁超級濃郁可口，加上魚扒，超級搭配！

系咪呢度上菜都咁慢嘎，我等咗都幾耐先上菜，可能因為我太餓吧，反正我催咗超多次，佢先上菜，而且仲要分開上，急死我啦！先上咗呢個雞扒，除咗上菜比較慢，其實都幾好味，雞排煎的剛剛好，唔會話太焦，而且配菜比較足，有半隻番茄，仲有D西蘭花最後上咗碟黑椒牛扒，佢話雞扒無曬，得豬扒、牛扒，就點咗呢個牛扒，都幾唔錯！

啱好經過蘭芳園附近又啱好中午喇，肯定係過來食番嘅lunch先喇，呢度嘅厚多士係我嘅心頭好吖，以前係呢邊做嘢嗰陣就成日都來呢邊食嘢，不過依家就少咗好多辣，厚多士一如既往嘅香吖，炸過嘅表皮好香，有D脆脆地，裡邊又好嫩，最鐘意淋多D蜜糖係上邊喇，好甜好香好滿足。同埋呢度傳統嘅絲襪奶茶，冰冰嘅，滑滑嘅，有dd苦味，又有DD甜味，真係絕配吖絕配，多士同奶茶真係絕配吖！豬扒包覺得唔係幾好食，嘅包同埋塊豬扒都幾厚身下，不過我自己就覺得豬扒有DD偏乾，覺得豬扒裡邊無曬肉汁，不過呢嘅可能就是豬扒包嘅味喇，鐘意食嘅人都會欣賞佢，加埋中間夾咗番茄同D醬，都係唔錯嘅

去中環泰昌餅家買蛋撻嘅時候發現有間蘭芳園，啱啱好我又有啲肚餓，咁就覺得dinner系度食啦~~。有一個單獨嘅亭系買奶茶嘅，不過去到已經關咗門啦。。隔離就系蘭芳園，除咗飲品之外都賣飯菜，去到嘅時候已經系夜晚6點左右啦，因為餐廳系7點關門，所以我地只能坐系出邊食~~貴妃雞同脆皮鴨嘅雙拼飯，40蚊左右，每樣雞大概有4到5舊，雞肉無咩味道，鴨肉幾肥下.. 奶茶，20蚊一杯，無絲襪奶茶咁濃嘅茶味，甜味偏重

俗語講的好咯，食得鹹魚抵得渴，今鋪真系我自己搵嚟嘅，所以都系自己嚟負起責任喇，從今日開始就要生生性性做人喇，希望老豆老母可以開心啲，放心啲。記憶之中好多嘢都變咗味，唯有蘭芳園嘅奶茶系一直都保持住咁樣嘅味道，滑滑啲，sweet sweet咁，細細個就好鐘意飲，價錢又無貴，好平下。金牌豬扒包我就覺得其實系有變化嘅，不過都系一中可喜嘅表現，因為我覺得越來越好食咯，豬扒包好大一隻，最精華嘅豬扒就更加之中重分量喇，好大塊嘅豬扒，每一啖落去都系必定有豬扒嘅，咁平簡直系好抵喇，而且豬扒好脆，入口仲有些小嘅芝麻香味，十分之吸引我！