蘇潮韓海火鍋私房菜

营业中

休息中

門口大堂寬敞闊落，入座前會有人帶我地入去梳化位等，仲有個好靚既打卡位，入到去見到座位舒適，我地5個人先叫左1元半隻雞煲，黎到已經可以食得唔洗等，叫左個黃金響鈴好好食，即炸入口脆卜卜，食完之後再叫多次，都係咁好食，海鮮新鮮好食，雞煲又係惹味，食完雞煲我地就再叫多個海解鍋，龍蝦開左半都仲郁緊，証明唔係死左好耐既龍蝦，另外雞泡魚干都燒到岩岩好，下次一定再黎，職員友善有禮，仲會問我地野食物好唔好食，認真，真心值得推介

班姊妹話要約打邊爐，記得之前行開大鴻輝附近見到有傳單介紹新開左間火鍋店，咁就去試吓啦。火鍋店地方好大環境都好乾淨，侍應安排咗我哋坐窗口位唔錯唔錯。不過到揀火鍋就出現咗少少矛盾，有人要食麻辣火鍋，有人唔食得辣，正常就係鴛鴦鍋啦，但係佢呢度竟然麻辣鍋係唔可以有鴛鴦鍋🤯 最後我哋叫咗兩個湯底=兩個鍋😝 咁就皆大歡喜。不過兩個湯底就唔可以坐窗口位所以我哋要調去中間位梳化卡位。椰子雞鍋湯底上枱之後，侍應會即場開個椰青倒到啲椰青水落去，等佢滾起即刻試啖蛋湯好清甜。 麻辣湯底就好夠辣，但係就唔夠香。-手切安格斯牛小排（例牌）（雪花均勻，勁重牛味👍）-滑牛肉（真係「滑」，好嫩）-蒙古羊肉片（夠so)-珊瑚蚌-爽滑豬膶-白柏葉-脆鯇魚骨腩-鮮腐竹-生根-香菇貢丸-炸響鈴-娃娃菜-萵筍片呢度嘅食材好新鮮呀，所以價錢都偏貴少少，不過一分錢一分貨啦，而且服務都好好👍 下次人多啲仲可以book房添。*有一樣嘢唔好就係九宮格內嘅醬料其中蒜蓉有陣酸臭味，應該係擺咗好耐😨 叫職員換過第二盒蒜蓉味道就正常返😅埋單$18xx。

行完街都係決定去大鴻輝覓食每次都係食放題多，今次想試下新野，就去佐新開呢間火鍋私房菜。環境：🌟🌟🌟🌟🌟服務：🌟🌟🌟🌟🌟品質：🌟🌟🌟🌟價格：🌟🌟🌟🌟 入門有位置比較適合打卡，有面幾靚嘅綠色牆同塊大鏡。一路行入去有好多vip房，出面d座位都好闊落，比人感覺好舒適。 店員比較親切，有禮貌❤️ 🥥椰子雞煲（一隻雞🐔）$298上佐嗰湯底之後會有店員拿椰青過來倒椰青水落去👍👍 落佐雞滾一陣，就緊係唔少得飲啖湯先湯底有兩個椰青味道非常鮮甜，雞肉比較嫩滑，有雞味。間中食舊椰汁肉，椰香味布滿成個口😍😍唯一美中不足就係欠缺靈魂醬料（沙薑青檸）有埋個靈魂就真係無得彈 🦐哈蝦油條 $78呢個係油條夾蝦滑整成嘅，好好味值得推薦👍👍用湯浸10秒左右再食味道更係一流 手打四丸🍢🍢$88個頭唔算大粒，味道中規中矩 新鮮肥鵝腸$98 （爽滑👍）

#星星之食評➿➿➿打邊爐，係一個聚聚嘅好地方～聚聚之餘，吃好一點也是一種享受～🍲 🍲 🍲今次來到了蘇潮韓海火鍋私房菜～首先我地叫左麻辣鍋～本人至愛麻辣，又要辣又要食個下好爽～表面係幾辣嘅但係食落還好～但係！食落就越食越辣～爽！🌶 🌶 🌶上等手切牛腹肉簡直超好食，食到停唔到口～口感嫩滑無比，食落唔韌～中意食牛嘅一定要試～🥩 🥩 🥩本地手切肥牛本地牛都有好食嘅，雪花紋好靚同埋夠新鮮～🦐 🦐 🦐蝦滑蝦味夠濃，夠哂彈牙，好味好味～🦑 🦑 🦑墨魚滑配上蟹子既墨魚滑，係我打邊爐必叫嘅選擇～墨魚滑有鮮味，都係食完再食之選！🍣 🍣 🍣海膽蝦壽司海膽最緊要係新鮮，濃厚海膽味加埋下面嘅蝦，實在太正～ ❤️ ❤️ ❤️總括來講，依間火鍋店好岩來聚聚之用～三五知己食食邊爐聊即心事，人間一大樂事～📍 📍 📍蘇潮韓海火鍋私房菜地址: 荃灣眾安街55號大鴻輝(荃灣)中心21樓

用料新鮮，食物質素高。服務人員態度良好，誠懇友善。咁樣嘅情況完全出於意料之外。今次係食母親節飯，由於坐位人數限制問題，故要分開2張檯，導致入單混亂，上菜時間過長。經查詢後，佢哋即刻幫我哋跟進。我哋多次要求check 上菜紙，佢哋都無乜厭煩，兼一直keep住問我哋有無漏嘢未上。還經常過嚟開心我哋嘅用餐體驗，驚招呼不周。實在值得加許。

一家人賀母親節，一早book 定間房打打牌再開飯，間房仲要有電視睇⋯太開心！無諗過啲小菜真係咁好食，一黎個燉湯已經好足料，條魚蒸既火喉又掂，真心講唔係好多間海鮮飯店做得到😱個人強烈推介個龍蝦配煎米粉底+ 咭嚕肉，個咭嚕肉全家爭住食，如果唔係嗌左咁多餸，勁想嗌多一碟食👍🏻生炒糯米飯都勁足料，食啖啖都差唔多有臘腸臘肉，唔係齋得啲糯米飯既！成間鋪啲人都好有禮貌，雖然坐房，你一襟服務鐘就有人入嚟，唔會嫌你煩！父親節都打算再卜間房食飯慶祝👏🏻

讚1 環境好闊落，應該係成座大鴻輝最舒服既一間2 啤酒好抵飲3 服務相當好彈1 食物全部都係中伏級，栗米湯底已經係最好，但入口都係極淡，豚肉雪得硬晒，四款餃子既皮厚到不可思議，腐皮竟然唔係即叫即炸，而係現成貨！成六七十銀噃，連送果個小食椒鹽豆腐都係凍既！真係唔好咁Hea好噃2 貴，無叫海鮮無叫牛都人人五百唔建議

$388，二人火鍋餐，外賣自取再9折。呢個價錢，真係抵食，CP值高！湯底，揀左「粟米忌廉卜卜蜆湯」，居然有意外驚喜，係花甲呀！！！ 唔係用普通蜆。配料芫荽蔥，都俾好足量。仲要送埋加湯，唔使加滾水溝淡個湯底。2人餐，份量剛剛好。咩都有d，咩都食d。水餃好好食，特別係鳳城水餃，隻蝦新鮮仲識旭，唯獨牛小排就少左d，菜有2款2大盒，整體黎講2人份已經好夠食！勝在款式選擇多。另外，仲有2個烏冬，同埋2罐汽水。

難得週未同先生二人世界，當然離不開我哋至愛嘅火鍋，今次揀咗位於大鴻輝嘅呢間火鍋店，貪佢近之餘口碑亦唔錯。火鍋湯底同配料選擇都非常多，特別係湯底，配搭用心，價錢方面亦合理。落單後侍應為我哋送上醬料，選擇豐富，而且感覺乾淨企理。湯底方面我哋揀咗花雕藥膳醉雞鍋，湯底一送上已經香氣撲鼻，非常吸引。我哋揀咗半隻雞但望落去份量非常多，雞件用花雕醃過帶有陣陣酒香，肉質鮮嫩，肥瘦適中。美國桶蠔一份四件，係意想不到咁大隻，而且非常新鮮，入口鮮甜無比，絕對係必點！牛肉方面我哋點咗頂級牛王拼盤，價錢唔平但絕對冇令我哋失望，真係一分錢一分貨，特別係A4和牛同牛胸爽，質素極高，令人超級滿足，每一啖都係享受！食完咁多肉當然要清返腸胃降低罪惡感，蔬菜籃超豐富，而且樣樣都好新鮮。餐廳無論火鍋湯底定係食材都係超水準，服務亦係非常好，絕對係近來食過嘅餐廳入面印象最好，非常推薦！

荃灣都有高質火鍋，呢度係商場頂層，可以睇到荃灣全貌，而且座位寛闊，有好大空間感。先黎9格調味架，自己可以自選調味醬，有辣椒、XO醬、胡麻醬、蒜蓉醬、芫茜等等椰子雞湯鍋椰子雞湯鍋有好多椰子同雞，好香椰子味，其實佢哋都有好多湯底選擇，但我地想食雞又想飲到雞湯，所以揀左半隻椰子雞湯做湯底上等牛腹肉上等牛腹肉肉質幼嫩，雪花紋理均勻，入口好軟身，肉味好香手打四寶丸新鮮手打四寶丸，新鮮即製四款丸，有牛豬墨魚丸同蝦丸美國桶蠔原來係超級大隻美國桶蠔，好大隻好好味好食火鍋之選

想打邊爐又諗唔到去邊😜真係好推介你嚟《蘇潮韓海》環境好好！坐得好舒服好闊落-鮮椰子雞煲 半隻$198椰子🥥另上，即刻倒落湯底度俾我哋🥰本身以為半隻雞一定喂唔飽我哋，點知食食吓其實都飽飽地😋-日本黑豚肉片$98必點🔥🔥🔥好好味！一致同朋友覺得好出色！-滑牛肉 $118呢碟滑牛肉真係滑到用筷子要夾幾次先夾到😆同朋友係咁講，呢碟真係滑牛肉黎🤣-薄切牛脷 $108-白鱔片 $88-海中蝦滑 $82-雜菜拼盤 $68菜比好大份，一啲都唔孤寒！最近疫情啲菜賣到好貴，同朋友係咁講，快啲食多d菜，啲菜貴呀🤣

_____好味指數：🌟🌟🌟🌟抵食指數：🤑🤑🤑🤑今日同朋友嚟荃灣，咁啱大家都想打邊爐🍲見到呢間新開嘅火鍋店，就嚟試下😋餐廳裝修舒適，餐具和佈置都給人高雅的感覺，咁啱有窗邊位，可以一覽荃灣風景🌇點菜後店員就會端上九宮格醬料，選擇多可以調配自己喜歡嘅口味✅蕃茄薯仔牛腩湯鍋♨️ 配料非常多，牛腩炆得好腍又入味，番茄味非常濃郁🍅就算唔點任何醬汁都覺得好夠味✅上等手切牛腹肉🥩油脂分布平均，入口充滿牛香味☺️店員話特登將牛肉切成細細片，呢個size 唔洗擔心牛太厚會淥太耐變老👍🏻✅桂花蚌桂花蚌爽滑彈牙，好鮮甜！而且size都幾大✅豬頸肉豬頸肉口感厚實，出奇地同湯底幾夾✅手打四寶丸分別係蝦丸、墨魚丸、豬肉丸、牛丸。手打丸擺盤精美口感彈牙👍🏻✅ 竹蔗茅根水叫咗一壺竹蔗茅根水清一清熱氣，清甜解渴👍🏻

簡單一個豆腐豬骨湯底，已經食得好滋味！而且環境舒服，服務唔錯，可以慢慢食慢慢嘆😋❤️上等手切牛腹肉 每一片都雪花均勻，賣相已經好吸引！淥一淥就熟，油脂香加牛肉既香味，非常高質🧡手打四寶丸 擺盤精緻既四寶丸，手打牛洲和牛丸好彈牙，芝士蝦丸好爽口!!💛鳳城水餃 好飽滿既餡料，有豬肉 木耳 鮮蝦，皮薄餡靚💚黃金鮮魷 外層薄薄一層咸蛋黃香漿包住新鮮彈牙既鮮魷，好有驚喜Overall 樣樣野食都唔錯，食材全部都好新鮮好高質，而且賣相都好吸引～不過相對地食材靚d 價錢都貴dd🤫

今日同朋友仔去咗荃灣火鍋之塔大鴻輝中心🤣🤣🤣呢個名真係唔係浪得虛明，真係成座都係打邊爐!!!! 由於任食火鍋質素參差不齊，揀咗一間單點火鍋😇😇😇感覺質素有保證。餐廳景觀開揚，落地大玻璃可以睇晒成個荃灣。設有獨立VIP房，相對衛生好多，有自己一間房咁就唔使擔心社交距離嘅問題啦! 呢度嘅座位好闊落，坐得好舒服，裝修新淨好靚。值得一題係佢哋啲碗碟好用心、好靚，食得好開心😃❁路邊雞煲 半隻 $198雞煲有得自選辣度，揀左小辣，雞肉嫩而且好入味，雞煲入邊仲有唔少椒、芫荽等等嘅配料。好期待加水做火鍋湯底😛正。❁ 頂級本地手切肥牛 $298手切肥牛好新鮮，切得幾薄身，牛味重而且少脂肪，大大碟爭啲食唔晒，賣相好掂🥩🥩🥩❁ 日本黑豚肉片$98由於同行朋友仔唔食牛，一於叫黑豚肉俾佢啦😁黑豚肉脂肪比例均勻，肉質嫩滑，大大碟，好抵食😝❁白柏葉$42呢款配料份量好誇張🙈多到食唔晒，我鍾意佢哋切到好幼身，因為牛柏葉本身好難咬，細細條方便進食，餐廳好細心。❁手打四寶丸$82有牛丸、雞軟骨丸、蝦丸同墨魚丸，整體都高質。牛丸值得推介，咬開除左香濃牛味，有牛肉汁滲出來😋😋😋好正!!!!❁娃娃菜$38

晚市禁堂食鐘意打邊爐既我點會放過中午打邊爐呢？早前聽朋友講 荃灣有山景火鍋好奇心作怪既我所以就上去睇下餐廳位於荃灣大鴻輝頂樓環境好寬躺 坐位全部都係卡位坐得好舒服 又方便放袋玻璃窗外盡是荃灣市區景色非常開揚可以一邊慢慢享用食物一邊觀賞荃灣新舊建築景色養生松茸菌湯底湯底有多種菇菌 味道清香材料用料十足 而且味道天然鐘意食菇菌類朋友 推薦頂級牛王拼盤款式夠豐富 包括牛胸爽 牛腹肉 和牛牛舌等等 一次過滿足晒鐘意食牛既朋友仔味道方面各有各好食之處牛胸爽油脂充足而且質感爽口和牛味香濃而且脂肪分布平均梗有一款啱你食海中蝦滑蝦滑表面見到粒粒分明海蝦入口非常爽口彈牙 鮮甜台灣新鮮鴨血口感嫩滑 Q彈細緻雜菌拼盤新鮮 乾淨 美味最後值得一讚係餐廳廁所乾淨職員服務都好好👍🏼