蘇媽.蘇媽馬來西亞茶餐室

营业中

休息中

餐廳座落於上海街的一幢活化大廈內，進入餐廳便能感受到濃厚的馬來風情。牆上畫上一幅幅描繪馬來西亞風貌的壁畫，再加上懷舊玩具和單車作為裝飾，地板則鋪上紙皮石，宛如時光倒流，令人勾起不少童年回憶。📌檳城白咖喱海鮮麵🍜這道海鮮麵材料豐富，包括豆角、芽菜、豆腐魚旦、雜菜腐皮卷、魚蛋、蝦、蛋、豬紅、青口和啦啦（花蛤），每一口都充滿鮮美的海鮮風味。麵條選了滲滲，即油麵和米粉的混合，使口感更加多樣。白咖喱湯頭香甜濃郁，撈上特色參巴醬，為湯底添上一抹辣味，令人胃口大開。📌百吉爹肉骨茶（豬腳彎）🫕這款肉骨茶質地十分濃厚，藥材的甘香味濃郁，當中的當歸和川弓更是滋補佳品。豆卜吸收了肉骨茶的香味，咬下去爆湯的口感爽呀。豬腳彎肉質嫩滑彈牙，含豐富骨膠原，沾上黑醬油一起食用，風味更佳，不愧為店家推薦食品。📌榴槤多士餅配雪糕🍨兩片金黃鬆軟的熱香餅夾著超香濃幼滑的榴槤蓉，搭配軟滑的雲尼拿雪糕和美祿珠珠，味蕾口感已然豐富；一冷一熱的配搭，在口腔內冰火交融，味道、質感與溫度的衝擊，令人陶醉。大力推薦一口就要有齊全部食材的食法，才能把這個甜品的精髓嘗到極至。真的一試愛上，是是夜亮點、本席的至愛 😋🤭🤭。

喺朗豪坊行完街就嚟咗呢間之前喺荃灣食唔到嘅蘇媽蘇媽，餐廳位處文物保育兼在旺區入面有些兒時陳設，勾起兒時回憶。室內環境尚算寬敞，樓底高，空間感夠大。價格都適中，唔算好貴。甜品恐龍蛋，新品推介，最早上枱，次序有D倒轉； 不過少甜ok👌嘅，健康D紫菜肉鬆咖央多士，都係新品推介，要上枱時即刻趁熱食，隔多陣就會差少勒，椰香味略少咗D。檳城白咖喱海鮮麵（ 油麵)，都係新品推介，味道尚可，也不算好辣，ok好食😋。

好耐無黎食蘇媽了都唔洗好似以前咁大排長龍唔洗等位 直入之前黎食 一坐底就會上肉骨茶 依家唔知係轉佐定點 係唔會有一細碗肉骨茶飲住先肉骨茶湯底好似無以前咁好 藥材味比較淡 唔突出試佐個新出既紫菜肉鬆咖央多 都係原味好食好多好似都KEEP唔到一開業既水準咁....

第一次嚟旺角嘅呢一間懷舊馬來西亞風餐廳食lunch，星期六12點幾嚟到已經幾乎全場爆滿，裝修好有特色，場地四四方方，樓底幾高，用餐環境舒適。～～～餐牌選擇都幾多，由馬來西亞出名嘅藥膳肉骨茶、撈粉麵、湯粉麵、馬拉咖喱、咖央多、等等的都有，價錢唔算太貴。～～～一個人黎食一碗檳城亞參叻沙米線、一杯怡保白咖啡（凍），再加個椰香咖央多士，已經食到好飽。～～～檳城亞參叻沙米線同平時食嘅喇沙都幾唔同，湯底係魚肉湯，酸酸辣辣帶有少少蝦膏味，材料有魚蓉、青瓜、生菜、紅洋蔥、波蘿、薄荷葉等等，濃郁得黎，又有啲蔬菜增添清爽感，不過整體都偏辣，唔食得辣嘅話可能要試下其他。～～～椰香咖央多士就係佢哋嘅招牌之一，多士烘得夠脆，醬嘅份量慷慨，帶濃濃椰香同牛油香、，仲有少少斑蘭香，質感有點像Mousse。～～～怡保白咖啡少甜少冰，甜度恰到好處，幾適合香港人口味，搭配椰香咖央多士好夾。～～～蘇媽.蘇媽馬來西亞茶餐室 旺角上海街618號地下G01號舖

🇲🇾【 蘇媽.蘇媽馬來西亞茶餐室 】 🇲🇾⋄ —————⧫♟⧫————— ⋄一直係「蘇媽」嘅粉絲，以相宜嘅價錢就食到正宗又好味嘅馬來西亞菜式🤎 主食、小食、飲品，連甜品都有，選擇多籮籮，一應俱全😌 每人百幾蚊已經食到好飽，性價比超高💯🦐檳城福建蝦麵雖然湯底赤紅色，但事實上係用蝦殼、蝦頭熬煮，湯頭鮮甜濃郁，適合唔食得辣嘅朋友❣️配料有鮮蝦、豬肉、魚片、水煮蛋、通菜等，超豐富❤️‍🔥 麵底可以揀米粉、滲滲、河粉、油麵、米線、老鼠粉、米通粉，非常客製化😁🐀招牌砂煲老鼠粉老鼠粉即係我哋平時食開嘅銀針粉🤍另加入豬肉碎、魚乾、豬油渣同雞蛋，食之前撈勻，調味唔錯，鹹香十足🤤🍞椰香咖央多士我的最愛🙌🏻 多士麵包香脆，塗上鮮牛油，再夾一層厚厚自家製椰香咖央，好香，好美味👏🏻🍢馬拉沙嗲串燒雞牛豬可以自由配搭，我哋各要咗一串，肉質嫩滑唔會嚡，沾上滿滿沙嗲醬，回味無窮🥰🥞榴槤多士餅配雪糕想講連個甜品都好好食😂 作為超級榴槤控，呢個durian多士餅真係跑贏💯榴槤味勁香濃，外層熱香餅鬆軟，配埋一齊食再加雪糕，簡直世一🏆☕️馬來西亞拉茶跟餐配熱飲，可以自由選擇多奶、少奶或走奶😊⋄ ┄ ┄ ┄ ┄ ❖ ┄ ┄ ┄ ┄ ⋄

▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼主打馬來西亞菜式嘅「蘇媽蘇媽」於旺角上海街618號有分店✨打開menu，美食種類多不勝數👏🏻包括肉骨茶、椰漿飯及砂煲老鼠粉等，下次有機會一定要試埋其他菜式😋🔸檳城福建蝦麵 改米粉（$66）➰跟餐配馬來西亞拉茶（熱）湯底以鮮蝦熬煮而成，混合辣參巴醬後味道更吸引😻配料有豬腩肉、蝦、魚片、通菜等，相當豐富呢💋而跟餐飲品拉茶製作相當考功夫，以「拉」嘅動作將奶完美混合於茶中，味道鮮美，口感香滑☕️🔸招牌砂煲老鼠粉（$88）➰跟餐配馬來西亞拉茶（熱）老鼠粉(即銀針粉)用熱焫焫砂煲呈上🍲加入大量豬肉碎、蒜粒、魚乾、蝦乾、榨菜乾等配料，撈埋雞蛋、黑醬油一齊食更添滋味🔥🔸椰香咖央多士（$42）多士烘得酥脆可口，咖央醬份量相當有誠意🥪咬落啖啖濃郁椰香同咖啡味道，大滿足💕🔸馬拉沙嗲串燒 - 雞牛豬（$48/3串）沙嗲串醃製得相當入味，而且燒得恰到好處🙆🏻‍♀️外表微焦香脆，內裏肉汁豐沛👍🏻🔸榴槤多士餅配雪糕（$58）多士餅鬆軟富蛋香，中間餡料係香濃榴槤蓉💫配上柔滑雪糕口感更加豐富🍨▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲

朋友去馬拉旅行，話當地d馬拉野食好正，搞到我都肉骨茶癮起。好在香港係美食之都，想食邊一國美食都有。多年都係蘇媽Fans，可惜銅鑼灣分店無咗，好在呢間旺角分店人流旺盛，希望佢Keep住做落去。咖央多士可以選擇減牛油或者唔減牛油，為咗食正宗嘅味道，都係決定唔減牛油，咬落個包非常酥脆，咖央醬香濃幼滑，牛油香氣令咖央嘅甜帶有微微嘅鹹，令整體甜得更有層次。高佬麵都係馬拉嘅特色乾麵，香港比較少地方可以食到，但係係馬拉就隨處可見，質感彈牙，帶點點蛋香，加埋溫泉蛋，入口更為滑溜，而豬軟骨則軟腍入味。肉骨茶是個人喜歡的藥膳風味，濃郁甘甜，而且可以無限續加，豬腳彎入口啖啖膠原感，半皮半肉，口感甚佳，而且份量好多，抵食。最後拉茶則是打卡必備，上層滿滿的一層泡沫，非常IGable，飲落係奶多嘅港式奶茶Feel，不錯。

之前係旺角行街耐唔耐都會見到呢間蘇媽.蘇媽但一直都未食過 去到今日朋友極力推薦下終於嚟咗試呢間馬來西亞餐廳 招牌砂鍋老鼠粉 (走炸蔥頭) (走炸蒜)老鼠粉姐係銀針粉 口感煙韌彈牙 入面有乾魚仔 豬肉碎 炸蝦米 豬油渣 生蛋同蔥 配料好豐富 撈勻再趁熱食好惹味紫菜肉鬆咖央多士呢個係新品嚟的 多士嘅表面烘到金黃色 除咗有咖央醬仲有牛油係入面 連埋紫菜肉鬆食落好有層次感馬拉沙嗲串燒 (3串)豬牛雞都各嗌咗一串 肉質juicy而且燒完仲keep到肉汁 點埋沙嗲醬食 味道香濃

與友人到旺角吃飯，想吃特式菜，不久便座無虛席店內裝橫充滿馬拉特色，座位寛闊坐得舒適檳城白咖喱海鮮面 $68有魚蛋，蝦，豬紅，青口等超多配料，將參巴醬攪拌後，嘗一口湯底，香濃的白咖喱味帶點微辣，配上油面，非常惹味又足料，推介檳城亞參喇沙米線 $64正宗的檳城做法，有大量蔬菜香葉，包括洋蔥，菠蘿，薄荷葉等，特別的味道，第一次吃喇沙覺得有清新爽口的感覺百吉爹肉骨茶（豬腳彎） $88湯頭濃郁帶藥材味，喝下聞到獨特香氣，聽說可行氣活血，而豬骨彎豬皮爽彈，肉質軟冧入味，肉骨茶更可免費任添，必點位置方便，價錢合理，值得再來

講起馬來西亞菜，一定想起“蘇媽”。“蘇媽”一直以來都以正宗馬來西亞美食而聞名，食物有辣有唔辣，適合不同人的口味。這些道地的美味，讓我們得以一窺馬來西亞獨特的飲食文化。《檳城福建蝦麵》$68湯頭濃郁甘美，帶有海鮮的鮮甜。麵條韌勁十足，吸飽了湯汁，每一口都讓人回味無窮。配上鮮嫩的大蝦和豬肉片，還有半隻雞蛋，讓人食慾大增。《檳城白咖哩海鮮麵》$68檳城的另一絕品就是白咖哩海鮮麵。這道菜的亮點在於濃郁香醇的白咖哩湯底。用椰奶與各種香料熬煮而成，滑順綿密，回味悠長。麵中加入鮮甜的鮮蝦、青口、花甲，還有一字骨、白魚蛋、豆卜、豬紅……口感鮮美多樣。麵條Q彈有勁，令人滿足。《馬來西亞拉茶》$28作為馬來西亞最富特色的飲品之一，拉茶絕對是不可錯過的。這款由黑茶、煉乳與調味料製成的飲品，口感濃郁香甜，帶有一絲微苦。喝下第一口，你就會被這種獨特的滋味所吸引。不同於一般的奶茶，拉茶有著自己的個性，濃濃的茶香與奶味，餘韻悠長。

成日聽朋友講香港有間馬來西亞連鎖店幾好食🙉開左幾年今日終於試🤝🏻今次去左旺角分店，喺正朗豪坊對面超方便👍🏻店舖裝修幾有特式幾懷舊🕰️-🥘辣死你媽配仁噹牛肉辣死你媽即係椰漿飯🟢配上青瓜絲、魚仔、花生、雞蛋等等👅仁噹牛肉辣辣哋幾惹味🤤同個飯幾夾❤️‍🔥-🫕湯咖喱豬頸肉米通粉豬頸肉大塊又唔會好韌👍🏻咖喱汁掛晒上米通上面😗確保每一啖都好夠味😌不過都幾辣😂-🍞椰香咖央多士多士烘得啱啱好🤝🏻開頭以為中間個餡係比較流質🤣但係實物係比較似咖央蓉😋杰身啲😆又幾夾幾好味🤤-🍹冬瓜龍眼茶正常一杯冬瓜茶😃有兩粒龍眼同一條冬瓜喺入面🤣-🧋恐龍下蛋白咖啡白咖啡好正🫶🏻唔會太甜又唔會夠味😌仲加埋雪糕球同埋美祿粒粒真係一流🫡

會話蘇媽真係香港CP值最高嘅馬來西亞茶餐廳🥹價錢親民仲要好味，你話點算😂-👢高佬麵配雞扒 $68每次都會叫，撈麵加超大塊嘅雞扒真係好邪惡😈雞肉外皮外脆肉質鮮嫩-🥘仁噹牛肉撈麵 $72油麵底配咖喱汁好夾，平時食車仔麵鍾意加咖喱汁食嘅朋友仔一定鍾意🤪-🐔🐮🐷馬拉沙嗲串燒 $92叫咗雞牛豬嘅馬拉風味串燒，加埋個秘製沙嗲醬，三串真係唔夠食呀😋-🍞紫菜肉鬆咖央多士 $46咖央多士就食得多🤌🏻加埋紫菜肉鬆真係令到口感再昇華🆙

裝潢滿滿懷舊味道，牆上壁畫 室內佈置是走馬來風座位乾淨闊落 坐得舒服，場地頗大 夜晚未到七點已經滿座，好彩早少少到🤭店員姐姐好好人 細心的介紹新菜式🔸高佬麵配仁當牛肉 $72高佬麵其實係馬來西亞特色哥羅麵，曲曲地既外表 同公仔麵有啲似 入口彈牙 好適合乾拌食，表面淋左微微辣偏甜+少少麻油香的醬汁，牛肉煮得好腍 香料入晒味 啖啖肉惹味🔸椰香咖央多士 $42多士烤得金黃香脆，咖央醬比例好好，椰香同斑蘭味兩者又出又平衡 再配合半溶牛油，口感味道都一流🔸椰汁班蘭冰 $38估唔到斑蘭味會咁香濃，厚滑的椰汁冰 滿足度及得上食甜品*不設+1服務費

今日去咗蘇媽.蘇媽馬來西亞茶餐廳食嘢,佢喺香港嘅分店愈嚟愈多,都知佢呢個價錢嚟講質素真係有驚喜！首先試咗佢嘅檳城白咖哩海鮮麵($68）,其實海鮮料好足,有大隻鮮甜嘅蝦同青口,彈牙嘅魚蛋,配搭上香濃醇厚嘅白咖哩醬汁,麵條質地’彈牙‘,好吸收咖哩嘅味道。另外試咗佢嘅椰香咖央多士($42),外脆內軟,椰香味加上咖央嘅香濃鮮味,難怪深受食客歡迎,。再嚟係蒜香青龍菜($78),今次係我第一次食青龍菜,而呢個菜式嘅特別之處在於它保留咗青龍菜原有嘅嬌嫩脆口感,同時加入咗蒜香,為呢道菜增添咗一股清新爽口的味道,真係令人大開胃口。食完青龍菜後,我又試咗兩隻蜜糖燒雞翼($48),出乎意料嘅是,雞翼皮脆肉嫩,蜜糖醬汁將雞肉醃得啱啱好,唔會過於甜膩,反而非常好入口。最後,我飲咗佢嘅檸檬薏米水($30),酸酸甜甜好開胃,解膩又清新,再嚟係新出品嘅白咖啡蛋糕($39),呢個蛋糕質感非常好,綿密濕潤,唔會過於乾澀,咖啡味恰到好處,無諗過連鎖茶餐廳會做到呢個質素嘅甜品。蘇媽蘇媽呢度嘅菜式都好好味,用心烹調,價錢抵得嚟品質非常出色,不愧為香港人氣十足的馬來西亞茶餐廳。

作為一個地道香港人,我最近有機會來到旺角嘅蘇媽蘇媽分店一嚐佢哋嘅道地本地小吃,以下為我對佢哋嘅食物印象:首先要推介嘅就係佢哋嘅檳城白咖哩海鮮麵。麵條Q彈,加上大大粒又肥又甜嘅蝦肉同青口,配搭上香濃滑順嘅白咖哩醬汁,令人回味無窮。每口都能感受到海鮮鮮甜嘅味道,再配合濃郁嘅咖哩香氣,實在係一絕!再來就係佢哋嘅椰香咖央多士。外脆內軟嘅多士配搭上香濃椰香同濃郁嘅咖央醬,實在是個完美組合,一口接一口,根本停唔到口。光是這一款小食已經令我垂涎欲滴。此外,我亦有試過佢哋嘅蒜香青龍菜,非常新鮮脆口,加上濃郁嘅蒜香,開胃程度超乎想像。光是聞到香氣已經覺得食慾大增。最後,我更挑選咗佢哋嘅蜜糖燒雞翼,出乎意料之外,雞翼皮脆肉嫩,蜜糖醬汁完全將雞肉駕馭到恰到好處,又唔會過於甜膩,真係令人回味無窮。光是食完兩隻就想再去拿多一份。總括而言,蘇媽蘇媽呢度嘅小吃確實好味到令人驚喜,價錢亦相當實惠。如果你有機會嚐過佢哋嘅菜式,我相信你一定會跟我一樣,迫不及待想再次光顧!