藍天茶餐廳 (已結業)

前幾日去食晚食,羊安同日式八爪魚公仔面幾好食!!不過d忌廉湯就唔好喇...都未煮好,d忌廉一舊舊野飲就叫左曲奇朱古力同芒果冰芒果冰ok,但係朱古力就超甜,飲左2啖飲唔落跟住成杯放係枱邊,之後個waiter黎叫碟果陣佢見到杯野問:呢杯唔要啦?我:係,唔要啦...佢:......係唔好飲??我:太甜啦佢:不如換過杯俾你呀 跟住我就換左涷檸茶,見佢咁好,咁有誠意雖然好飽我都成杯飲哂!!!

今日又去左依間茶餐廳食野,貪佢環境舒服同埋有好多野食簡。叫左個芝士火腿格餅,真係"芝"味到震呀!~芝士落足料,蛋漿好有蛋味又唔太甜,值得一試。而且今次D侍應服務快左,唔錯。

食左個燴鴨胸肉飯,勁正喎!估唔到茶餐廳都有好味既鴨胸肉食到,又唔肥又易咬,份量唔少,食到好飽,個汁都唔錯喎,係紅汁黎既!值得食多次!

昨晚同D fds 本來去榮X餐廳食飯,行行下見到有間好藍色下嘅餐廳,我D fds 話去試下但我諗住想睇下個餐牌先,睇下有乜好食,點知比我睇中左一樣就係鐵板豬軟骨啦!我上年在佐敦金X餐廳食過一試難忘,跟住再食就食唔番o個種味道啦~直至昨晚,我終於o係依間藍天餐廳搵番o個種味道啦!o個D豬軟骨係炸o架!同出面o個D好唔同,出面o個D大多係炆o既但o個D肉都好好味,最唔好係D骨唔食得,不過都ok啦!33蚊ja~我o個兩個fds一個叫左瑞士雞翼而另一個叫左個小菜食,估唔依度D小菜都ok 喎!仲諗住依間係西餐廳tim,D小菜肯定會爭D,不過又真係掂喎,個芝士蟹籽炒雞柳賣相幾好,食落仲好重芝士味tim,正~至於瑞士雞翼就唔好題啦!個女侍應同我地講要等10分鐘,我地等左成十六、七分鐘先黎到,我地都食飽曬啦~D雞翼都ok~不過係甜左少少。每人都係三十幾蚊仲有野飲都算係咁啦!

今日去食飯,想找人少少的地方,記得呢度唔多人,都算係一個合適地方…食左個蕃茄豬扒意粉午餐,意粉用牛油炒香過,好好味但點膩,有兩大塊豬扒,而且好淋好易食,味道唔錯,同埋鐘意佢有配菜,包括西蘭花,小紅蘿蔔,粟米,好足料!如果唔餓,兩個人可以share一個餐!仲有餐湯同餐飲喎!不過好搞笑,個waitress話餐湯可揀羅宋湯同碗仔翅,竟然係碗仔翅?好奇怪…不過都係傳統d好!所以我地無揀碗仔翅…值得一讚係waitress服務同態度都好好,要keep住呀!

又同朋友去藍天,貪佢唔多人,佢食個set lunch都唔太貴,因為32蚊有個炒粉有個湯仲有飲品,而且材料唔差,我食左佢少少炒米粉,都覺得炒得好香,而且唔多油;我自已食左個蕃茄鯊魚湯底既湯飯,一上桌已經好香,個湯底好紅好好味,每啖都食都蕃茄味,但係都會令你覺得好清喎!料都唔少,只係菇都有唔同類,又飽肚又健康!原來白飯浸係蕃茄湯就咁食係好好味架!一大碗30蚊,貴左少少,但ok啦!

兩科考試隔了四個鐘特登由九龍塘出尖咀搵食大熱天時唔理咁多見有間事事正正的茶餐廳就走入去食個下午茶雞軟骨與薯角雞軟骨幾好味好多軟骨同埋出面時時食開豬軟骨(我自己)好少食雞軟骨不過就多油左少少同埋個汁有d鹹薯角炸得脆卜卜應該都係急凍的了可幸的是沒有雪味整體來說一間茶餐廳的標準算是不錯

呢間係新開既茶餐廳,環境唔錯,比起一般茶餐廳,設計較新式,我覺得係附近坐得比較舒適的地方,餐牌方面又好得意,分類有”開飯喇”(飯類),”包嘆”(包類),”綠柔柔”(沙律類),”飲得杯落”(飲品)等等…見到有菠菜面食咁好,我都要左一個,係湯面黎既,單拼魚旦,價錢20蚊,ok啦!個湯底都唔錯,佢話係鯊魚湯底,我唔係好識,但係就覺得幾清幾好味,個面都好味,算係咁,而本地方清潔,食lunch 可以考慮呢個地點!