薩莉亞意式餐廳 (大本型)

营业中

休息中

上友人家麻雀短聚，為免朋友煮飯麻煩，叫了乖女兒去買外賣回來，呢間餐廳有網上餐牌方便，揀好晒友人女兒落街買，好快買到回來外賣係錫紙盒，包裝企理，上到來仲熱菠菜配煙三文魚忌廉意大利粉：錫紙盤包裝，打開仲熱，焗三文魚行程中焗到熟咗，魚味幾濃，意粉幸好唔算淋，菠菜菜淋身，忌廉汁幾香，整體ok!友人食：黑魚汁意大利飯：肉醬多利亞：蒜茸包：（唔記得影相）方便行先，味道ok，本來想叫雞翼，可惜無得賣（唔記得係唔係賣晒）外賣盒要加錢

平時經過門口永遠都咁多人排隊，今晚6點到就即時有位即入，間野出名平靚正，今晚叫左一枱野食到飽飽每人都係$86。白汁意粉同菠蘿煙肉pizza都是必叫的，還叫左菠菜煙肉、原味雞翼、黑椒蜆肉、餐湯、飲品任飲冷熱都有當然要比錢😂我都飲左3大杯，食物份量唔係太多，勝在夠平反而可以叫多幾款，好過自己煮，我見甜品都好平，不過今次太飽食唔落，唯有下次先叫😅 唔怪之得平時咁多人食，底食過必X勝好多，現在好小餐廳咁平👍🏻👍🏻👍🏻

蕯莉亞登陸香港已多年，細想原來我還未正式光顧過，油塘新店開張初時，午市晚市都幾乎要等上一個小時。現在稍有減退。蔬菜湯，忘記了正式名字。相信它能發展至今，中央工場少不免。湯的質素對比價錢，是收貨的，甚至比不少彷西餐廳的都要好，蕃茄是罐頭味道，雜菜不少，甜酸味都有。沙律，冰凍爽口新鮮，沙律汁開胃。芝士法包，芝士份量多，法包外脆內軟。燒汁魷魚，細隻，過火，而且唔夠熱，欠調味。話雖如此，但賣二十幾蚊，其實已收貨。野菌薄餅，芝士，茄醬。餅底稍乾硬，但三十幾元，也無謂挑剔。肉醬多利亞，即是芝士，肉醬和飯。雞翼三隻，十幾元。明太子意粉，有魷魚蝦仁兩三粒。這個調味很好，開胃，海鮮反而是其次，三十幾元。整體而言，假如想平平地食西餐，絕對可以來。大多數價錢已忘記確數，但賣單不用二百元，無加一服務費，晚上來，配杯白酒，已很寫意。其他分店相信質素相約，留意個別店舖衛生就好

夜晚想食唔同種類的食物，但又不想太貴的話，薩利亞永遠都是一個很好的選擇。簡單叫了一條鯖魚，一碟菠菜，一碟蜆，加多4隻雞翼，非常滿足。鯖魚味道還好，肉質不用期望太多，但都有點汁，不會太乾，以三十幾蚊嚟講，質素唔錯。菠菜就冇德寶果間咁好食，唔夠鹽及胡椒，味道差一點。最正係燒雞翼，食完4隻都仲想食多4隻，的確係當放題咁食的節奏。以我這樣放縱的食法，都只是用了$87，非常抵食。我覺得呢間餐廳絕對適合一大班人一齊毫無節制咁食，抵過食放題！

上次排隊排到唔想再排食其他野，今次見等十幾個就有位就去等下，點知入到去坐低，拎杯飲水，d杯又唔洗乾淨，見到都唔想再飲，之後再望下炬d碟又係有污漬既，即埸扣晒分，以後都唔想去，真係見到你點會再敢再黎食野。。。。。

等位真的很久呢！曾經試過3小時也等不到位置，今次只等了1個半小時，可能就是味道真的不錯，價錢平，平絶全港，食物款式很多，不怕沒合口味的食品，而甜品也不少，相堂吸引，上菜速度出奇地快，一般都在數分鐘就上枱，沙律更是驚人，一分鐘上咗，另外小童3-12歲，加8元任飲飲品，大人也只加13元，可以選的飲品種類也不少，可惜的是杯就洗不乾淨🤢，各人也只好用飲用的水喉在洗杯子！還有酒精飲品提供，座位也不窄，適合大人小朋友合家歡！

今日同girlfriend睇完新屋就黎大本型食個tea, 430 拎飛 5點先入到去 個餐廳唔算大 不過乾淨 應該係新開 Tea就叫左唔算多野食 叫左一個蝦salad意想不到咁多蝦 不過太多醬 菜新鮮叫左一個細chicken wing 燒得幾好 多肉汁 性價比高一個卡邦尼意粉 唔算大碟 個温泉蛋幾夾 d意粉夠爽 不過都係比較多汁 最後一個鐵板燒蜆 非常爽口 都有幾多 然後叫左個drink bar得氣水同coffee杯 華田個d都13 蚊一位整體百幾蚊 drink bar唔抵

油塘一向都無咩好食，難得開左薩莉亞又好耐無食就同男朋友去食。可能因為新店開張超級多人排隊，不過我地都照拿左位再周圍行下。都等左幾耐左右先可以入去，入到去即刻叫野食。小食叫左雞翼同芝士焗薯角，雞翼煎到金黃色，少少辣好惹味，每隻都幾厚肉。芝士焗薯角就每次都必叫，一啖包曬芝士薯仔煙肉好滿足。主菜就叫左水牛芝士pizza，忌廉蘑菇意粉同雞肉多莉亞。pizza一層厚厚地芝士食落幾有質感。蘑菇意粉忌廉汁都好足夠，唔會話乾爭爭好難食，而且蘑菇粒都幾多，麵亦偏厚身有彈性。至於雞肉多莉亞就正常都ok好食。另外叫左兩杯自由斟，初初斟左芬達但唔知點解個味怪怪地好淡，男朋友飲檸檬茶都係好淡，之後斟左可樂就正常d。兩個人食左咁多野都係150蚊左右，想食平民西餐薩莉亞係個唔錯既選擇。