萨利亚不时听人地讲又话好污糟、又垃圾、又咩老鼠头、又话咩预制菜，咁我就一试到底系衰到咩地步。我地冇嘢多就系人多，我地一行4人嚟到油塘比较多人嘅分店，就睇下佢嘅质素如何，最后又有冇肚屙收场呢？我地点咗《青酱鲜虾西兰花意粉》、《香焗白汁波菜》、《意式疯狂水煮鱼》、《原味鸡翼》、《肉酱多利亚》、《黑椒蚬肉煮》、《青酱烟三文鱼配西兰花》、《鲜虾冷盘》、《欧陆风烤香肠》、《三倍水牛芝士薄饼》、《开心果冰雪蛋糕》、〈比利时朱古力千层蛋糕》、《天使蛋糕》、《壸装葡萄酒》、《Pinot Chardonnay Don Raffaele》同《Lambrusco Rosato Dolce》。《青酱鲜虾西兰花意粉》，只系一个35蚊嘅意粉，我食过啲百几蚊都系呢种味，完全颠覆我嘅想法，就算系萨利亚都做到高级餐厅嘅质素。要弹嘅咪就系「冇摆盆」🤣。《香焗白汁波菜》，我完全难以相信呢个只系$20蚊！好creamy，冇谂到波菜可以咁整，又系完全颠覆咗我嘅想像。《意式疯狂水煮鱼》，我系听到隔离枱讲水煮鱼，我仲吓咗声「水煮鱼？」，我睇番menu，原来系西式，我见到二话不说要点佢，味道系好正，有点带酸味但又令人开胃嘅菜式。《原味鸡翼》，佢嘅鸡翼相信系我食过最好食嘅鸡翼，一嚟唔算细只，二嚟好入味，我唔知佢用咩腌，但个味道系非常正，正到我几乎想买佢个冰鲜鸡翼。《肉酱多利亚》，我一向都讨厌肉酱，但佢个肉酱又偏偏出奇地好食。《黑椒蚬肉煮》，味道算系正常嘢，但略嫌有少少干。《青酱烟三文鱼配西兰花》，呢个对我嚟讲好一般，甚至可以话唔好食，连我咁钟意食三文鱼嘅人都「咦～！」咗声，可以唔使叫。《鲜虾冷盘》，呢个可以用差嚟形容，冇味，一啲都唔好食，我认为要删除佢呢个菜式。《欧陆风烤香肠》，属于正常嘢，又讲唔出有咩个人之处。《三倍水牛芝士薄饼》好香浓嘅芝士味，我想话$38蚊，超市买急冻都唔得啦。《开心果冰雪蛋糕》，浓郁嘅开心果味，完全系我想要嘅味道，听讲某啲冰鲜店有得买，要去入货先。《比利时朱古力千层蛋糕》，好香浓嘅朱古力味，得知出面都有得买，又系可以入定货。仲有一堆出唔到咁多相就唔讲了，只系纯粹分享一下呢个体验，佢嘅嘢明知系预制，但又劲多人食，始终佢又真系平靓正，听讲话佢已经加咗价「贵咗好多」！好似我哋咁叫法就真系贵咗好多😅。对我嚟讲呢度除咗美食，更加系一间好正嘅酒吧，有得食又有得饮，饮饱食醉就返屋企，最正就系咁。…查看更多
