影片
港铁北角站 A1 出口, 步行约7分钟
继续阅读
营业时间
今日营业
11:00 - 22:00
星期一至日
11:00 - 22:00
*截单时间: 21:30
以上资料只供参考，请与餐厅确认详情
萨莉亚可以话系好多人嘅饭堂，价钱抵，味道唔差，唔收加一但有服务，员工态度好，呢一点已经好过好多坊间嘅其他食店👍🏻甜虾沙律份量够味道好，沙律菜都好新鲜，真心好食过出面80几蚊一份嘅沙律鸡翼就唔使多介绍啦，大家每次嚟基本上都会嗌，热辣辣脆卜卜，而家仲可以买冷藏嘅返屋企自己整，随时随地都可以食到佢哋嘅鸡翼😚意式洋葱蒜蓉烧鸡，咁大块鸡扒仲有配菜味道仲要好食，30几蚊真系抵到爆！佢哋嘅汉堡扒味道都唔错，大家亦都可以试吓～食过咁多次咁多款佢哋嘅嘢食真系揾唔到有边款唔好食，基本上都系水准之上。
继续阅读
之前帮衬过呢间萨莉亚个印象都系比较污糟同埋服务速度比较慢，今次再来见到已经转咗做QR code电子餐牌落单，唔使等人过嚟落单，果然点菜速度快咗好多虽然楼面得两男侍应，一脚踢做收银、捧餐、收枱，但眼见一个人可以一手捧住三四碟食物真系好犀利，仲要好爽手，值得一赞！讲返食物，萨莉亚嘅意大利直接入口甜品真系冇得输！冇乜人，几好坐，食完正餐已经够钟last order，嗱嗱临点返个甜品！意大利松露朱古力雪糕 ($20) 咁高质美味嘅雪糕，只系$20鸡，唔系单单一球雪糕，而系有层次嘅除咗布甸🍮之外，全部甜品都只限堂食。好彩堂食嘅服务已经改善咗，可以再来帮衬了！
继续阅读
今日同朋友嚟咗呢一间系北角新开嘅萨莉亚餐厅，发现装修咗之后食物质素同埋格局都有所提升👍🏻正！ 我哋叫咗两款小食同意粉鸡翼、同鸡球一上到嚟热辣辣，又Juicy同埋外脆内软，比起之前真系好食好多，同朋友都食唔停口😋😋意粉煮得软硬适中，亦都相当挂汁，以呢个价钱嚟讲性价比真系好高👍🏻整体嚟讲装修咗之后，食物质素都提高左，唔错！
继续阅读
N年前去过北角新都城店，自从去过之后，就将呢间连锁店同「恐怖」挂勾，无论等位时间，服务（基本上都无乜，但系果时简单态度差到无论），味道，卫生都系地狱级别。如果想第二日请病假射波，去呢到食一餐就可以满足哂。但系估唔到和富呢间竟然差咁远，干净好多，食品又够热，味道都几唔错，人又唔太多。佢既意粉（明太子海鲜意粉）好好食，个田螺都好好味，真系可以一去再去！虽然佢有午餐，但系我就觉得散叫仲好，因为价钱其实差唔多。估唔到呢间餐厅真系改善左咁多，有时谂唔到食咩，呢到都系一个好选择！
继续阅读
嚟咗个水牛芝士pizza, 价钱咁平都唔要求热辣辣，自行切开pizza 之后，食中间没问题，但食到近饼边开始冻冰冰再嚟个午餐铁板汉堡，谂住「铁板」唔会再冻冰冰啦挂⋯⋯ 点知⋯⋯1. 炸虾炸薯仔粒：冇事。正常炸嘢唔会出现「冻」嘅情况2. 汉堡加肠：出事。食到中间又系冻冰冰各位⋯⋯ 食落肚嘅嘢真心唔好贪平
继续阅读