薩莉亞意式餐廳 (淘大商場2期) (已結業)

薩利亞剛在本區開了分店，附近的得寶商場也有一間。素聞餐廳平靚正，但一直未曾光顧，今午試了，價錢果然親民，食物的味道不錯，餐廳的環境亦佳。平日午市的餐牌，供應時間為11:00-17:00，價錢已包括飲品。冷熱飲品以自助任飲形式在「飲品區」供應，雖然咖啡和奶茶的味道只是一般，不過還可選擇幾款汽水和清茶，分別供應紅茶和綠茶兩種茶包。用餐想更節省的，可以叫沒有飲品的散餐，單點意粉和薄餅的價錢，比套餐約便宜$7:00-$9:00，價錢比在快餐店吃更平。但這裏是間餐廳，可以舒舒服服地就坐，按下在檯邊的呼叫器，便可點餐。至於味道如何？我點的黑椒雞肉意大利粉($38)頗好吃，意粉質地做得軟硬剛好，加了黑椒和香草炒成，味道濃郁，甚有鑊氣。雞肉味道反而一般，但也算嫩滑，意粉看似是乾炒，吃起來卻有點汁液，味道不錯，份量亦足。下次會再試pizza和甜品，淘大商場內又多一間長龍店了！

薩莉亞向來以平見稱, 我最鐘意食呢度既煙肉意粉, 每次都一定要叫 ”多汁”. 佢D意粉雖然唔係話好高檔次, 但勝在夠平又好味~ 意粉配上煙肉, 兩者味道配合得剛好, 仲有小小的蕃茄粒, 正!! (再講一次, 最緊要叫多汁, 唔係成個意粉就會好乾..好難食..）辣味雞奕亦係我至愛, 雖然雞奕好難整得難食, 不過調味都好緊要架. 呢度既雞奕辣度適中, 果種味道諗起都好想食!! 鐵板雞扒, 大大塊, 仲配有粟米, 薯角, 加埋D黑椒汁好好味呀~~~加多12元仲可以任飲水吧, 有汽水、咖啡、朱古力飲品等等, 都算唔錯喇~~~