薩莉亞意式餐廳 (淘大商場2期) (已結業)

落單方便，快捷，取餐時間準確，到達己可取得，食品美味，今次係叫左腸仔併薯角，薯角超好味，腸仔唔乾，有水準，pizza都十分好，同p記比較，佢win硬，下次會再叫

不嬲都鍾意食薩莉亞CP 值好高好高最鍾意佢個雞翼同忌廉海鮮湯本身鍾意飲湯呢個忌廉湯以佢個價錢真係無得彈了最衰而家只有外賣無堂食個MENU都少左好多野至少無左湯了今日就點左明太子意粉,雞翼4隻同雙併PIZZA個意粉可能我外賣就唔夠熱D汁比較難撈云平時食佢D意粉就無呢個問題呀雞翼就如常地幾好兩隻之後都仲想食多隻個PIZZA唔知係咪無幫我地切開我地要自己分番開4份其實味道都OK既正常質素呀

蕯利亞芝士薯角都幾好味，上面鋪滿芝士，芝士仲會拉絲，非常吸引。依碟小食又唔貴。下面嘅薯角，都好重薯仔味，形狀幾得意。兩樣配搭啱啱好，唔會太膩。配搭埋煙肉估唔到咁好味，我應該會經常叫。

(利申,我絕非薩莉亞黑粉,仲成日去薩莉亞食lunch)真心,我覺得薩莉亞係最抵食嘅意式餐廳之一,食物質素都係眾所周知幾好食,係性價比極高嘅餐廳不過,今日去食九龍灣德寶間分店,真係發生左件嚇親我嘅事...我同女朋友用餐嘅時候,我女朋友突然大叫話我櫈後面有隻細曱甴,我望轉頭嚇到我心都離一離,然後我即刻拎張紙巾cum死佢,跟住拎張紙巾俾個waiter,話岩先係張櫈cum死左隻曱甴,點知距好無反應甘接過張紙巾就繼續送菜...(心念:唔係應該抹翻抹張櫈咩)點知,食多陣,我女朋友又話我arm先係咪未打死隻曱由(我心念,有無甘靈異),一拎轉頭真係mute嗮音🙄🙄🙄即刻,食多啖意粉,就起身賣單走人,行到出櫃檯,我即刻提醒個waiter我張檯戈度有曱甴,點知距收完錢,仲不慌不忙甘繼續企左係收銀度...完全無唸住去捉隻曱由,好似見怪不怪甘....🤮🤮🙄🙄咩薩莉亞d衛生幾時變到甘,仲要係商場嘅餐廳🤬🤬食物味道同價錢,係完全無得彈,但係可以可以清潔好間餐廳呢！食餐飯可以見到兩隻曱甴系咩玩法,仲要提埋都唔去清潔翻...我真係對九龍灣呢間分店完全無言,下次再去我一定會影相投訴😡

上次黎呢間見到但係見到條龍超級唔長所以都冇入去食，今次見佢少啲人就去食。食物方面都係大同小異啦同其他分店，呢個價錢來講都算唔錯啦，不過個意粉就味道爭啲比較淡，焗菠菜同埋薄餅都可以嘅。講返嗰啲飲品啦，以前去過日本飲品給超級都好正，香港真係爭幾條街，不過都算唔錯啦佢有提供飲品機，但係呢佢個朱古力同美祿真係好唔掂，聞落去有嗰個香味，但係呢飲落完全冇味，真係好奇怪，我懷疑佢為咗節省成本加水太多搞到淡晒。咖啡呢我真係覺得佢咖啡豆麻麻哋，但後來呢發現加番啲淡奶混合正常好多，總的來說性價比都算唔錯啦又唔使+1，打衛生情況真係要再留意那其實個見到水機上面有隻好細嘅小強本身想同返嗰啲職員講但係呢佢哋忙到唔見人 走得又勁快所以就算啦

每次做完gym都想搵d平靚正既野食補充番到下！薩莉亞就係一個好選擇今日就食左好邪惡既雞肉薩莉亞同鐵板燒雞排，再加個焗田螺。下午茶時段又唔洗等位，上菜又快，又有自助吧野飲！超好。芝士一上到黎勁香，啖啖拉絲，係飯底唔係咁好，一分錢一分貨啦，d米唔係靚米。但最主要都係食上面既芝士。30幾蚊有咁既質素好好，然後又係30幾蚊食到鐵板，雞排味道一般，不過勝在鐵板，夠啦。整體都不錯，同其他分店比，都唔差，可以接受。

今次來到這間九龍灣內較新的saizeriya, 其實不遠處的商場都有一間，但到晚上這間分店仍會大排長龍，可想而知saizeriya的吸引力有幾高。今次來吃，純粹是下午茶時段想找個位坐坐，所以主要要叫了些小食。有一段時間沒來，發現菜單都變了不少。叫了兩個新菜式，包括蒜蓉青口，和蒜香雜菜。青口是很不錯的，和他的舊菜式蒜蓉焗田螺有異曲同工之妙。青口上桌時是十分熱辣辣，非常新鮮，好食！至於雜菜就失色一點點，味道很清淡，不夠濃味，像是烚菜一般。

又係做完運動先中意食大餐今次唔想食太貴 因為洗突左於是友人都和議去食薩利亞 岩哂我地心水🖤甜蝦沙律先黎個沙律 自我感覺良好啲先 無咁guilty呀嘛 女人係咁架喇 吹咩☺️🖤周打蜆湯🖤辣味雞翼 基本食辣味 基本食8隻🖤pepper 蜆初嘗 好過癮 好多黑椒 基本上三條友係辣住咁食蜆肉都大粒 性價比非常高🤙🏽🖤水牛芝士pizza配有大量芝士粉 頂呱呱食完成口芝士味 目的達到😇🖤雞肉粗管粉都係初嘗 係過癮 不過依然份量多啲就最好lu

薩利亞不嬲食開，第一次食呢間分店🤮依家睇得出好舊😣環境好污糟，地下好似成個月冇清潔咁😑😑😑我張枱枱面冇咗個鐘撳掣😊全店嘅玻璃樽芝士粉都冇芝士粉， 冇晒員工亦唔會添😟食物質素都比其他分店差，尤其是個菠菜三文魚意粉🤮成個面勁乾🤮乾到唔係好食到🤮沙律🥗比平時細份，但三文魚比其他餐廳好味👍🏻Pizza正常。😡😡😡😡總結黎講超級唔建議大家去呢間分店， 唔明白點解同一間公司質素可以差咁遠🤮🤮🤮

今日是6號8月趕到有時間去薩利亞慢慢坐低吃趕忙落order 一個焗白汁雞肉菠菜只要25元覺得好抵食女侍應問我仲有沒有需要大破慳囊叫多個任飲吧一個人13蚊個菠菜是剛焗好滾熱辣見到有bubbles 芝士頗多很好吃菠菜食左會力雞肉飽肚勁多白汁溝埋焗芝士令人滿意13元的水吧我立即按了杯熱巧克力很濃厚再加一杯莫加咖啡都係好濃郁貪心又拿起一包煎茶刻意拍攝杯朱古力底部可見其濃度上面是莫加我生平飲咖啡都認為真係好okay

同朋友去完九龍灣行街，就決定去附近嘅淘大商場搵嘢食. 呢個商場有好多嘢食，呢間經濟實惠嘅儀式餐廳已經好多人排隊。入到去地方幾大幾闊落，位都幾多，坐得都幾舒服，好啱一班朋友坐低一邊傾計一邊食野。👍🏻👍🏻叫左明太子魷魚蝦仁意大利粉，明太子整嘅白汁配意大利粉好夾好好味，魷魚同蝦仁份量都好足，$34真係幾抵食😋😋都叫咗甜蝦粗管面，芝士味好夠可以拉到絲tim😌😌叫咗個蒜汁燒魷魚，係用鐵板上菜嘅所以係熱辣辣燒得好香😇😇

同屋企人嚟到薩莉亞餐廳吃午飯。這裏的食物出名是款式多及價錢便宜。好處是可以嘗試很多不同的食物款式，但因為每一份量較少，所以其實結帳時的金額也跟平常出外用餐差不多的。這個是明太子魷魚意粉，賣相不怎麼樣，但味道我覺得還挺有驚喜的。這個是雞肉焗菠菜。坦白說，我覺得薩莉亞餐廳需要改善的地方，是他們需要添加更多蔬菜的款式。為了一點蔬菜，我們點了這個雞肉及過長。味道是不錯的，但稍嫌有一點油膩，可是沒有其他更好的蔬菜選擇。普通的薄餅，很一般。這是肉醬多莉亞。是肉醬混合芝士，再加上焗飯。但醬汁偏多，令整個菜式好像吃醬汁一樣。一樣飯又十分少，未能做到焗飯的效果。這是甜薯焗蛋，就是薯仔加芝士加粟米加蛋。可是蛋弄的非常之乾，我們一直覺得不好吃。最後每人埋單約$60。對於午餐來說，其實並不是真的非常便宜，但勝在能嘗試不同的菜式。

工作冇咁忙，就去左就近食既西餐抖一抖啦，自己一個叫得唔多呢個係明太子海鮮意粉，新餐牌新出既，明太子醬並唔腥，明太子醬都好多。海鮮粒就還好啦，正正常常。不過份量一於概往既大份。小食有香辣雞翼同炸蝦🍤雞翼係必食既，因為好好吃又熱辣辣。表面有輕輕烤過既感覺，有時會諗佢出埋蜜糖雞翼應該總多人食。炸蝦都唔差，唔算乾，有醬可配，談談都係肉。總言係不過不失但價錢又好商議既一餐。簡唔中都會黎食一次，而且上菜速度超快，唔怕會餓親啦

今日去咗九龍灣牛頭角附近做嘢，搞到2點先完成，响淘大搵食期間，見到樓上有薩莉亞，好耐無食過嘞，想起佢好抵食，唔駛再搵其他啦。佢哋上菜好快，點菜無耐就有得食周打海鮮湯，實在太肚餓，飲咗兩啖先至諗起影相。味道OK唔錯，仲有幾隻蜆肉仔...黑椒蜆肉鐡板煮呢個好得送嚟時睇佢個樣好似乾乾哋，食落一啲都唔乾，仲好鮮甜好好味，黑椒唔會搶去蜆嘅鮮味，好食過某貴價火鍋店嘅xx蜆。芝士法包法包焗到外脆內軟，芝士味香濃，好食啊水牛芝士薄餅個人好鍾意食水牛芝士，放响薄餅焗溶咗又係另一種滋味，香噴噴又帶啲微酸香，好食唔會濟......表面微微焦香，裡面軟熟，火候控制得啱啱好呢度食物款式選擇多，價錢又非常親民，份量又適中，啱晒貪心想食多幾款嘅人。

話說同個friend 睇完場戲，周圍行下搵下有咩抵食，上openrice 睇見d 野食唔錯，所以就同個friend 黎呢到試下，去到餐廳好多人等位，咁就等下啦，坐底望望menu 先，D 野食全部都好平同細份，你可以叫多幾種唔同既野食真係幾ok 架，首先就叫左個焗雞肉多利亞，D 雞肉入口即溶，同埋d 芝士好正真係食到lam lam 利呀辣味雞翼都好入味停唔到口，最後仲叫左個水牛芝士簿餅食，個餅原來簿底黎，食落口感真係一流，一定會再去食不過要早d 拎位。