薏蘆 (已結業)

今天是星期六,下午仍在公司工作,中午飯忙著還未食,下午便到了我司樓下的薏蘆,快快地食個tea之後再回公司繼續工作.平日Lunch time時段,薏蘆就像飯堂一樣那樣多食客,想入座也不是容易之事. 今天已經是下午四點鐘,食客不多,於是我便入座,當然不會錯過下午茶的平價小食啦!今天在tea menu裏,看到鹽酥雞,這一刻便回想起我獨個兒台灣背包之旅,也是獨個兒在夜市吃著鹽酥雞. 好,今天就讓我再回味台灣的情景吧!今天鹽酥雞一到,立即便讓我失望,為何鹽酥雞沒有調味粉灑在炸雞上?之後再把鹽酥雞放在口中,完全沒有台灣風味的感覺,味道等如普通炸雞,就像KFC的沒有辣的粒粒雞.一口又一口地吃著,唯有和自己說,這一個便是港式鹽酥雞,如想再次感受台灣鹽酥雞,快點吃完回公司工作吧! 還未完成工作,什能有時間及金錢再飛到台灣感受呢?吃完這碟鹽酥雞+炸薯條套餐,便乖乖地離開回公司繼續工作吧!

去過兩次，很參差友人叫的炒飯，瑤柱炒飯，雖較大碟，卻淡然無味，甚寡的調味，也沒「炒的鑊氣」不佳雪菜肉絲炒米，以小方碟呈上...真的很小，一個唔覺意三兩下手勢經已完成炒米雖小，卻甚具「炒的鑊氣」，較佳最後，謹此向大家推介的是廈門炒米廈門炒米，在其他店子吃的，絕大部分已沒有那種「綠色皮長條形透明幼絲」（是酸瓜?）或「紅色長條形幼絲」，兩者皆是酸酸香香的在這兒，可盡享此兩種美味瓜菜而其他的雞蛋、叉燒、蝦亦絕不匱乏鑊氣更冠絕其他食品。另一名友人之豬扒湯檬，則看似較小量，看來只適合食量較小之人士吧位置的確不少，但中間位置的確較為尷尬...

今天冇飯帶,同同事一齊叫外賣,我叫左一碗什菇魚蛋濛,本來諗住叫什菇香茅豬扒米的,但睇下睇下再諗下諗下,餐紙都好大張,睇死我,睇左好耐先決定叫番什菇,不過就係叫什菇魚蛋,好想食濛粉,所以終於諗好啦!!同事分別叫左一碗什菇牛腩粗麵,另一個叫左五香肉丁米,佢仲叫左一個辣鹽豆腐添呀,佢地兩個仲飲埋菠蘿蘆薈特飲,勁豐富囉!!呢間餐廳係我地公司對面,好近,同埋送外賣都幾快手,我地食飯半個鐘前叫就啱啱好食飯時間送嚟啦.同事話原來加嘢飲可以平d,本來一杯菠蘿蘆薈特飲要18元,依家平左6元即12元呀!!我的什菇魚蛋濛都好大碗架.魚蛋有三大糕,還有魚皮大大塊三大片,仲好厚身架,都好爽口彈牙喎,好味呀.附送一小包辣椒油,我落左少少但原來都幾辣架,食到出晒汗,不過好味,什菇係廋珍菇及一片片既菇,唔知咩名,好鮮味呀!!濛粉都ok,不過碎左少少,食晒成碗好鬼飽呀!!

公司o係附近，所以午飯時間有時候會幫襯。一般快餐同出面無咩分別，所以平時都係食其他野。冬蔭功湯粉味道幾濃，值得推介。要彈既係服務態度，叫人寫野十問九唔應，侍應落錯單會要你啃左佢，唔肯就會黑臉加俾說話你聽。如果自問頂得順既話，不妨一試！

因為下星期開始 holiday, 所以今日要返公司清下 d 嘢, 同埋同事2人去薏蘆食個 lunch~~ 今日入到去好舒服, 無咩人啦, 反而出面有d平日見唔到既朋友仔, 有好多狗狗呀!!!! 可能有車位既關係, 咁就有幾個人都有同狗狗到來囉 (但係點解 D 人無啦啦 星期日會去 COMMERCIAL AREA 食 LUNCH 呢)??好啦, 我地一人叫左一個 LUNCH!! 我叫左菜心肉片炒河, 同事叫左星洲炒米........ 好大碟呀!!!估唔到都幾好鑊氣, 2個都好好食, 不過 $35 無嘢飲就差左小小囉~~2碟嘢都好大碟, 下次可以叫多一個人 SHARE, 不過, 今日得我地番工咋!!

今日同同事都想食d熱嘢, 公司附近都無咩好食, 行出小小啦, 食下呢間.....我地2個都叫左麻辣豬軟骨米線 + ice tea, 點知.....豬軟骨係硬既, 不過味道都 ok, 大大碗囉, lum d 就好喇!!! 好多人囉, 我同事食完就想快d走, 因為 d 阿姐好化似串串地咁....不過, lunch time 都可以接受, 人地都係打工咋!! 聽講 take away 唔錯, 下次叫其他嘢先!!

由上次登呢間食市既食評到依家,我同我同事都keep住一個星期最少有一次係叫佢地的外賣,因為我地2個都好鐘意食佢地既野,雖然有時係等得耐左d,但鐘意...無辦法!依家一次過列埋平時我地叫開的外賣食品出來:乳香雞亦雲南酸辣米線: 湯底好味, 夠酸夠辣, 雞亦醃得好好, 好香南乳味, 每週必吃!什菇手撕雞湯銀針粉: 好香雞湯味, 個湯做得好, 你會唔覺唔覺湯連粉全部食晒什菇秘制豬軟骨湯銀針粉: 湯味好濃, 因為"筆"左d豬軟骨既汁落去, 又係會成碗食晒.乳香雞亦撈檬: 雞亦基本上已經做膽, 只係睇下拖d乜野腳, 撈檬個酸汁又係做到剛剛好, 夏天食好舒服, 唯一既缺點, 就係佢比太多花生同金蒜了, 不過你可以要求佢比少d的!特別推介: 下午茶餐的椒鹽魷魚鬚: 一個字 - 好好食有同事試過夜晚同屋企人去堂食,佢都話幾好, 唔錯~~~~各位九龍灣區工作既朋友仔,你地lunch叫外賣時都可以試下啊~

什麼是鄉佬柱飯？答案是鄉下佬瑤柱炒飯。但是究竟這個炒飯有什麼材料？不要以為有瑤柱，我找來找去也不見其蹤影。最明顯的只有翠玉瓜。不過食落其實幾好，飯一粒粒，炒得夠乾身，而且有點鹹香。服務亦不錯。但是咁齋的一餐都要$40樓上，不便宜。

我同男朋友一向都係o係九龍灣工業區呢邊返工o既!咁o岩今日行過,見呢間薏蘆都開o左幾個月又仲未試過,就同男朋友膽粗粗入去試o下喇,點知.........換o黎o既就只有饑住個肚出返o黎 + 一肚火!首先,我o地入到去,waiter都無個,好唔容易先搵到個waiter叫佢落單,之後佢話:「o黎緊、o黎緊!」,o個時我就真係第一次目到咩叫口不對心喇!佢把口就係咁話o黎,但就係咁執枱,執晒我o地附近o既5-6張枱之後......佢走o左!之後有D就扮睇唔到你呀,有D就話唔識落單呀,之如此類!如是者我o地終於搵到個又識落單,又望到我o地o既人喇!落單啦,而落單o既時間係...........8:45a.m.,order有沙爹牛麵跟腸蛋 & 炸雞堡跟腸多士!然之後先係最忙o既時間開始..........等到9:00a.m.,十分鐘D o野都未o黎,吹一吹佢啦,9:05a.m.....o黎o左兩杯o野飲......9:10a.m......o黎條腸蛋......9:15a.m.....o黎埋個沙爹牛麵!兩份早餐足足等o左半個鐘都仲未o黎齊...........算喇,我唔食喇,我埋單喇!埋單o既時候

新開的一棟大廈新開的一間餐廳因為我lunch time係係公司食飯的, 通常都係帶飯,但偶然都會叫下外賣,九龍灣d外賣..., 老實講........同事返工行過拎左呢間野既外賣單張,見未試過, 今日兩條友就叫黎試下! 銀芽肉片炒河$34 - 濕炒既河, 但d汁唔會杰撻撻, 炒出黎又唔會有層油肥淋淋, 炒得不錯! 酸辣米線配牛展+韮菜餃$32 - 個湯good, 夠酸夠辣, 牛展好林, 唔會好似咬柴咁, 韮菜餃個餡好味, 只係塊皮唔知點解咁大塊, 2隻餃已經遮左大半碗, 哈! 我d米線同d湯無分開上, 但d米線又無浸到林晒, 仍然都好夠湯.由叫外賣到送到office大約用左30-35分鐘, 呢間野d價錢我覺得算貴,不過係公司附近搵到間好食既食市叫外賣,食完個lunch做野都做得開心d呢~所以你地要keep好d個水準呀,九龍灣真係搵唔到一間好食既外賣架,而且呢頭d食市.....好容易結業的! 加油~

星期一同同事出左去食飯,本來想去食烏冬的,但趕唔切,就嚟左呢度啦.12點鬆d,就好少人,我們三個人叫左兩個米線套餐,另一個是食素的,所以每次嚟都叫一個咖喱雜菜蛋飯.我叫左麻辣豬軟骨米線,加熱華田,個米線都幾大碗,都算辣的,豬軟骨都幾多及好淋好味呀.同事叫左一個三寶改拉麵,加3元,佢本來叫茶走的,但係突然諗起可以叫奶茶紅豆冰,想改,但係d仕應完全唔理我地及話出緊嚟,但係其實根本未出,佢地只係唔想改姐.後尾未出都變成出左啦.攪左咁耐.12點半後就開始好多人啦,食物都好多選擇的,但係服務認真麻麻,完全未睇就話出左,叫極都唔應你咁囉.