薈聚軒

营业中

休息中

今日去咗一個住科學園附近嘅朋友屋企玩，然後大概到黃昏時間就落去酒樓食個飯。 朋友介紹食呢間薈聚軒，佢話價錢比較貼地，水準都好OK，所以今日試一試。我哋一行四人，入座時間好早，大概六點。見到片皮鴨嘅優惠吸引到我，才$168一隻，唔係唔食呀嘛？再試埋個「今晚食好啲」嘅四人餐$888 ，夠哂！呢個餐包括上湯龍蝦伊麵蟹肉粟米魚肚羹清蒸游水東星斑一斤再揀多兩個小菜。。。我哋揀咗欖角骨西蘭花炒帶子上湯龍蝦伊麵龍蝦啖啖肉，伊麵底超多，伊麵仲好彈牙添！最後都食唔晒要打包！蟹肉粟米魚肚羹🦀粟米蛋花，蟹肉味道鮮甜，質地都好順滑！東星斑🐟魚好鮮嫩，肉質味道比較淡，火候都可以。欖角骨🦴半煎炸，鹹香惹味，加咗少少蜜糖，令味道更豐富咗。呢一道菜，我十分欣賞😉西蘭花🥦炒帶子西蘭花炒帶子係港式酒樓經典菜色，大廚煮得帶子好香軟，烹煮後仍能保持堅挺唔縮水👍🏻片皮鴨一食🦆配料有四款，有填鴨醬、青瓜、哈蜜瓜、京蔥，片皮鴨肉質細嫩，唔會太肥，鴨皮亦烤得非常香脆可口，配上薄身嘅餅皮，卷住一齊食口感極為豐富！最尾仲有糖水，紅豆沙，起哂沙喎🤭正！！！呢間酒樓性價比都幾高有魚有肉，每人都係$300左右，真係算係咁！推👍🏻👍🏻👍🏻👍🏻👍

薈聚軒店內裝潢因為運用了大面積的落地窗設計，白天用餐環境採光明亮，用餐座位的間隔距離規劃不錯，就算客滿也不會覺得擁擠，至於點心、小菜等近百種品項可選擇，讓人無法招架，好想每種都嚐一嚐。沒想到薈聚軒可吃到沙薑白雲豬手粒，沙薑白雲豬手粒爽口彈牙，骨膠原豐沛，香濃的沙薑真的是誘人一口接著一口停下不來，喜愛豬手的吃貨們這一道可以說相當推薦。火爆安格斯牛柳條一端上桌，整個香氣都湧上，滑嫩的安格斯牛柳條搭配辣椒絲爆香，火辣辣的好咀嚼，安格斯牛柳條保有本身牛汁與嫩度，香辣惹味，有夠好吃。柚子蜂巢酥以豬油網包覆餡料酥炸而成外層蜂巢，內餡的主角芋泥已經急不及待要露面，搶先破巢而出，芋泥佐上酸甜的柚子蜜更是可口美味，令人回味無窮。香脆墨魚餅鬆脆的炸粉不油膩，咬下是滿滿的墨魚肉，口味討喜，墨魚海鮮的甜度，外皮的脆度，裡頭的彈勁，吃在嘴裡讓人十分驚喜，沾上酸甜醬又一種風味。雪山脆皮叉燒包上面的焗烤酥皮聞起來有一股微微誘人的甜蜜香味，一咬開裡面的肉餡非常飽滿，橘紅色的叉燒先鹹後甜，每一口都不想錯過雪山脆皮叉燒包的每一處，吃完還依依不捨的舔一下嘴巴，吮指度絕對是第一名。薈聚軒特色鮮蝦餃晶瑩剔透，輕薄的餃皮下蘊藏豐

沙田科學園原來現在都有好多餐廳食物可以選擇，頗為方便。今日假期跟家人來個沙田一日遊。先入科學園飲茶吃點心，之後再逛大型商場。薈聚軒在19W大樓2樓內。門口看上去很高級。大堂寬敞，可以舒服地吃飯傾計。我們都是吃平常飲茶必食的點心。例如 蝦餃，燒賣，金錢肚，山竹牛肉，叉燒包，蒜香鮮蝦春卷。再叫多碟卡邦尼蝦球伊麵。这家的點心味道整體都很不錯。尤其有蝦的食物，例如蝦餃，蝦很大粒，也非常之彈牙，有口感👍。蒜香鮮蝦春卷，蝦大粒彈牙，春卷脆口，口感豐富，食唔停口。其它點心味道也很不錯。燒賣也好味😋卡邦尼蝦球伊麵$168。大大粒蝦面上淋上了溶了的芝士。拌勻後一啖蝦一啖伊麵地吃，很滋味。餐牌上的片皮鴨及火爆安格斯牛柳條也很有名。下次有空可以試試。11:00-15:00佢有2人份量特價點心可以叫，可以有特價試多啲唔同嘅點心，抵食啲。價錢連茶芥加一$500左右。

餐廳位於科學園商場內, 環境雅緻, 落地大玻璃、樓底極高非常開揚, 主要提供粵式點心及中式巧手小菜✨我們點了原隻鮑魚雞粒酥（3隻） 是店內的招牌點心, 賣相非常精緻吸引, 鮑魚大大粒啖啖肉, 雞粒酥皮酥脆香口, 必食推介😍特色鮮蝦餃 蝦餃晶瑩剔透、皮薄而爽韌, 原隻蝦肉鮮美香滑, 滿滿的蝦肉餡料, 肉質爽口彈牙醬皇蒸鳳爪 非常入味軟稔, 吸收了醬汁和香氣, 非常美味千層馬拉糕 口感軟熟, 充滿豐富蛋香, 味道香甜可口雪山叉燒餐包 外皮是香甜的白色脆皮, 叉燒餡料豐富、口感鬆軟避風塘魷魚鬚 份量比較多, 外皮金黃香脆、新鮮鮮魷有咬口很惹味😍甜品原個椰皇燉鮮奶 椰皇燉蛋白滋陰同時又可以養顏, 淡淡椰香味、甜度適中, 非常香滑清甜假期大部分時間都需要排隊入座, 所有點心新鮮熱辣即叫即蒸, 大約需時10分鐘, 放滿整整一枱, 點心味道高質整體ᴄᴘ值不錯, 很適合一大班朋友聚會, 服務員主動有效率, 服務態度有禮

我哋住喺沙田咁耐都好少去科學園，今日特意渣車入嚟行吓。原来科學園入面有好多餐廳食肆，而且地方好大、空氣清新，行到嚟19號19w大樓1樓呢度有條長走廊，仲有啲特大梳化可以坐喺度輕鬆傾吓偈，真係心曠神怡！隔離有間酒樓叫匯聚軒，係食粵菜嘅，環境同裝修都好舒服。我哋商量後就坐低，點咗幾個菜。菜式方面，火爆安格斯牛柳條辣勁十足、賣相吸引，每一啖都嘗到牛肉嘅細嫩同新鮮；而瑤柱貴妃雞嘅味道恰到好處，肉質適中不柴；至於椒絲腐乳炒生菜，炒得火侯恰當，既保留咗青菜嘅爽口，又帶出腐乳嘅香味，真係令人食慾大增。每次嘅探索，科學園總會帶來意想不到嘅驚喜，期待下次再訪，繼續發掘更多精彩嘅美食同享受。

難得星期日，我和朋友踩著單車從沙田出發，一路遊蕩到白石角科學園。到了傍晚時分，肚子開始反抗，我們就想找一家中餐廳解決晚飯。看到一家叫做薈聚軒的粵菜酒樓，環境很舒適，我們馬上下坐下點菜。服務員推薦了一個超值的海鮮套餐，才458元，性價比超高。套餐包括姜蔥焗美國生蠔、蒜蓉銀絲蒸蘇格蘭聖子和清蒸老虎杉班，每道菜都讓人垂涎欲滴。薑蔥焗美國生蠔好大份有八隻咁多，生蠔好厚肉又軟滑，每人仲有兩隻非常抵食；聖子雖然不大，但是很新鮮，爽甜，吃起來脆脆的；老虎杉班差不多有兩斤重，蒸得剛剛好，配上醬油和蔥花，味道超棒。我們邊吃邊聊，度過了一個愉快的晚餐時光。最後，我們還約好下個星期再來這家餐廳。薈聚軒不僅菜品美味，環境舒適，價格也很合理，下次一定要再來嘗嘗。

啲人一聽到有人喺科學園返工，就驚嘆嗰度冇嘢食，做咩要返咁遠？不過今時唔同往日㗎喇，多咗食肆喺裡面，其中呢間酒樓連假期都好多人走入嚟飲茶得兩條友飲茶，想試好多嘢但又怕怕，好怕食唔晒，好彩呢度有2人版點心佢地嘅蝦餃好大粒，皮薄餡多燒賣啲肉打得好勻，質感又唔會好實炸鮮奶係必食，絲炸嘅形態未見過，口感倍增地脆口，裡面嘅鮮奶非常之香棗皇糕係女人恩物，呢籠都蒸得好綿，中間有層椰糕幾香。流沙包食時要小心，一搣開就爆汁，好彩有用碗仔裝住啫，麵包軟綿流心雪山叉燒包係呢間嘅名物，外脆內有肉香，叉燒控必食估唔到呢間嘅鹹水角咁出色，啲皮炸得勁脆身，完全唔膉煎蘿蔔鉻原來係煎餅，有蘿蔔絲喺裡面，質感鬆彈牛肉腸都幾大份，粉皮拉得好延綿，牛肉好滑，兩個人食好飽見食咗咁多肉，就嗌蟲草花浸菜心，等胃弟食吓蔬菜，啲菜都翠綠，份量都算大最後嚟兩份甜品，椰汁桃膠一人份好大碗，椰汁好濃，桃膠煮得腍又多，同時唔會太甜。椰皇燉鮮奶都好香，鮮奶蒸得好滑，又激香椰味，感覺食完好補

新年難得外出走走 帶左媽媽去科學園行下順便飲個假日開年茶揀左呢間位於19W大樓既薈聚軒酒樓主打粵菜 舖面裝潢堂皇且氣派十足環境寬敞舒適 加上落地玻璃窗設計 日光感滿滿望望點心紙 款式選擇都可真不少仲意外發現有二人前點心供應 認真貼心二人份量既可以滿足一下自己二來又可以多點好幾款點心 不用怕浪費而呢度飲茶既價位亦不算太貴最低$17起就有交易 遠超過想像特色鮮蝦餃大大粒真材實料 外皮晶瑩剔透不會太厚而且非常飽滿蝦仁至少應該有三隻以上 入口彈牙爽口有鮮味瑤柱鮮蝦菜苗餃鮮味飽滿有咬口 蝦既份量雖然未至於蝦餃咁多不過同樣係大大粒 混合鮮嫩菜苗 口感豐富有層次螺片棉花雞螺片雖然是罐頭貨 不過食落爽口入味魚肚口感爽滑多汁 雞是一般滑雞勝在不過不失雪山脆皮叉燒包外層酥香鬆脆 食落鬆化有微微帶甜叉燒餡料剛好不過不失龍蝦湯脆皮鮮竹卷外皮香脆酥化 配上鮮甜濃郁龍蝦湯 意外地味道好夾 別有一番風味椰香棗皇糕入口煙韌彈牙 微甜之中帶點椰香味道菜遠龍躉球煎米粉米粉兩邊煎得香脆 入口香酥味美值得稱讚的是 呢度既米粉同醬汁係會分開上枱 非常貼心龍躉肉質略帶爽口 醬汁帶點微鮮味算 不過不失

開工大吉🍊今日跟同事去飲茶科學園廣東點心首推薈聚軒這𥚃的點心款式超級多可能太久沒吃點心了看到滿滿一桌有點少感動🥺我覺得這裡的點心比別的酒家飽滿也比較像自家製不像工場交來的貨色尤其是蝦餃、菜苗餃、燒賣三款都是我的最愛，感覺燒賣最出色比別的酒樓足料鮮蝦腸粉跟蝦春卷，凡有蝦的蝦的份量總是超級多！晶瑩剔透！必吃的還有流沙包熱食冒著煙還流心的好過癮不得不說喝茶茶也很重要這家的茶泡了很多遍仍不錯聽同事說火爆安格斯牛柳必試今天售完了，留下次吃吧

到酒樓飲茶歎一盅兩件是香港人的假日活動，不過每籠至少都有3、4件，通常需要多人聚會才可以吃多幾款，週末在位於科學園的薈聚軒 就發現有二人前點心供應，星期六、日及假期午市10am至15:15pm有即叫即整點心、炒粉麵飯供應，茶錢每位$19，另有二人前點心紙，星期六、日及假期最平低至$17起，二人份量就可試盡更多款式，又不怕會浪費食物，兩口子飲茶絕無難度，內裡樓底夠高，面積寬敞，裝潢一洗中菜館的俗套老氣，散發典雅的東方韻味。薈聚軒特色鮮蝦餃 $32蝦餃外皮剔透柔韌不過厚，內裡餡料豐富飽滿，蝦肉爽彈有鮮味。蟹籽鮮蝦燒賣皇 $32點心即點即蒸，確保新鮮熱辣辣，燒賣口感扎實，蝦肉與豬肉比例掌握得宜。瑤柱鮮蝦菜苗餃 $32 每一顆看起來都被餡料撐得脹鼓鼓，蝦肉內餡混合幼嫩的菜苗，讓口感更富層次。蠔皇叉燒包 $28 最傳統的叉燒包款式，包身軟綿不黏口，稍為裂開露出中間餡料，叉燒肥瘦適中。香煎臘味蘿蔔糕 $22蘿蔔糕表面煎得香口帶焦香，口感比較實在。柚子蜂巢酥 $32蜂巢芋角的新派變奏版，中間餡料由柚子和芋泥取代常見的鹹水角豬肉餡，相對沒那麼滯膩，一口咬開享受到酥、脆、軟糯等多重口感。千絲脆皮炸鮮奶

上網見到片皮鴨做特價，加上又未入過科學園咪決定入去試下火爆安格斯牛柳條：火爆我諗應該係指碟食物上有d辣椒絲。牛柳條都幾大舊又厚切，唔孤寒，食落都幾有牛味，雖然碟野無汁，食落唔會太乾身，加上微辣，都幾好食。有幾個唔同既海鮮組合揀，我地叫左個B有薑蔥焗美國桶蠔：約有6隻～隻隻都幾大隻下，夠晒肥美，啖啖蠔肉，d蔥又夠惹味。蒜蓉銀絲蒸蘇格蘭蟶子：好香蒜蓉味，粉絲索晒d豉油同埋蒜蓉，堅好食。雖然唔係蟶子皇，唔係大大隻，食落都新鮮。清蒸老虎杉斑：約有一斤重，四個人食都可以。魚肉滑。京式片皮鴨：唔算好肥，多肉。配料平時都有既大蔥、青瓜仲有第一次見既哈蜜瓜條。一齊食，無咁肥膩。二就揀左七彩炒火鴨絲：呢個份量好足，七彩係指芹菜、紅蘿蔔、木耳，紅黃椒，食落幾惹味下。鴨肉絲好足，絕對無偷工減料，唔柴。另外叫左個老火湯，粉葛赤小豆煲豬骨：都唔錯足料，又無落味精，唔會淡如水。最後埋單仲送紅豆沙：夠晒熱，唔會過甜。🥢薈聚軒📍沙田白石角香港科學園科技大道西17號19W大樓1樓106-107號鋪

去開科學園，同朋友飲茶。揀左薈聚軒酒樓，午市滿座爭熱鬧。佢哋有好多嘅點心選擇，點心由$35-$85不等。茶芥$19/位。由於仲係新春期間，有唔少新春點心菜式。髮菜蠔豉燒賣好意頭，燒賣滿滿蝦肉，有蠔豉、髮菜、豬脷。黑椒金錢肚配上香辣嘅黑椒醬汁，味道唔錯。原隻鮑魚雞粒酥一定要試下。酥皮香脆，鮑魚同雞粒夠味。蜜汁叉燒腸幾滑，蜜汁調味帶嚟一種甜蜜嘅味道，唔錯。八味脆豆腐炸至金黃色，外脆內軟，八味調味帶嚟一種香辣嘅味道，好開胃。另外香脆墨魚餅，外層酥脆，內裡有著鮮嫩嘅墨魚肉，味道鮮美。

今日係年初十同老公帶姑姐姑媽嚟科學園食中菜順便逛下自己都好少入嚟首先叫左火爆安格斯牛柳條$198賣相幾靚仔雖然叫牛柳條但好厚肉食落微辣惹味有肉汁火喉剛好唔乾海鮮組合B $488薑蔥焗美國桶蠔大概有6隻～隻隻都肥美厚肉咬落去爆汁唔錯蒜蓉銀絲蒸蘇格蘭蟶子好香蒜頭味粉絲索晒d精華加埋蟶子既鮮甜一絕清蒸老虎杉斑都幾大條～魚肉嫰滑好新鮮中菜又點少得京式片皮鴨呢？推廣價$168隻加$88兩食片皮鴨唔肥多肉好驚喜幾欣賞塊餅片薄得嚟唔易穿唔會食幾塊就頂住個胃配料除左大蔥、青瓜仲有哈蜜瓜條第一次食片皮鴨有哈蜜瓜條夾埋一齊覺得有解膩感覺出奇地夾兩食我地揀左七彩炒火鴨絲有芹菜、紅蘿蔔、木耳一齊食幾惹味即使係炒既鴨肉都保持到肉質嫰滑唔簡單老火湯$168/例今晚係粉葛赤小豆煲豬骨啱晒我袪濕、清熱、去骨火有埋湯渣真材實料啖湯好溶有住家感覺最後仲有紅豆沙送好滿足，熱辣辣甜蜜蜜，為今餐劃上一個完美既句號店員親切有禮，好主動換碟加水，有機會會再嚟試其他。

很喜歡到科學園的薈聚軒開餐，除了環境優美寬落外，泊車又容易，基本在這裏用餐，都能獲得免費泊車。彩色條子的椚椅，時尚有格調，環境又寬敝舒適，深得我心。這裏的四位晚飯自選套餐，只需$498，實在吸引。四餸一湯，性價比超高，是難以抗拒的價位，立即下單，不作他選！首先是上湯大蝦球伊麵蝦仁大隻，伊麵軟熟，還有西蘭花伴碟，吸睛又美味 😋😋是日足料老火湯，是粟米🌽甘荀豬𦟌湯，家常老火湯水，足料夠火喉，清潤好味。清蒸沙巴龍躉，目測都有一斤重，鮮甜肉嫩，加上蔥絲的點綴，美觀又好味！再來瑤柱貴妃雞半隻，大愛的餸菜之一 😂😂啖啖肉的大肥雞，雞肉嫩滑，皮香有肉汁，脂肪唔多，很不錯。至於蔬菜，點了西蘭花炒帶子帶子火喉剛剛好，熟透唔韌無嚡口，保留帶子的鮮甜味。可惜沒有喜愛的蝦醬，不然更完美。輕而易舉便拿到免泊了，抵食又好味，不日再來光顧！

呢間餐廳位於沙田科學園入面,19W既1樓位置,一入到入面就有一部好大既電視機,同埋好靚既環境佈置,我地坐低左叫左一碟全隻片皮鴨,呢度既片皮鴨好出名,而且仲係限量發售每日得20隻,片皮鴨配有哈蜜瓜條,蔥條,同青瓜條伴碟,仲有唔少得既係包住片皮鴨既皮,全部即時蒸好,夾埋片皮鴨一齊食加埋個醬汁岩岩好,一啖一口,片皮鴨既份量都幾多有十幾片,而且好抵食,鴨肉好香同JUICY,之後我地仲叫左碟花膠海蔘煲,所有食物都係熱辣辣即叫即整,海蔘仲好厚肉切成細粒方便易食。