薈景

营业中

休息中

今日係我生日記念日，因為網評灣仔薈景Plus嘅buffet好好味，兩個月前已經WhatsApp訂位，當我一入到餐廳嘅時候俾佢入邊嗰個環境吸引咗，有一個無敵大海景1十分開陽，食物區十分寬躺，再加上枱與枱之間非常寬闊。講到今次的主角食物就就更加喜出望外了，驚喜度十足，少有的燒琵琶蝦👍龍蝦、粉絲蒸扇貝、清蒸比目魚、還有甚少見到嘅威靈頓牛柳👏甜品方面琳琅滿目😄另外意想唔到嘅竟然紅白酒、汽水、啤酒飲品全部無限供應😆😆movenpick雪糕任食。其實呢間餐廳由我WhatsApp訂位嗰日開始我都感覺到佢地嘅服務態度非常好👍👍👍我會一定再去🙇‍♀️🙇‍♀️🙇‍♀️

早前嚟到灣仔會展入面嘅薈景食自助晚餐，呢到場地空間出名寬敞，自助區亦都有超大空間俾食客攞嘢食🤓成人: $758-> $709長者: $658-> $615小童: $458-> $423 (6歲以下免費)⏰用餐時間6:30pm - 9:30pm首先講吓冷盤，呢度壽司設計同擺盤都相當精緻，好似一幅畫咁🥰刺身方面，三文魚，油甘魚魚肉厚切，油脂感重☺️帶子好大粒好厚身，赤蝦都好新鮮冇發霉✌🏻但相比之下凍海鮮就比較失色，長腳蟹比較鹹，肉亦都冇滑溜嘅感覺😕波士頓龍蝦都係偏韌，乾同埋冇乜味☹️反而海蝦大大隻，味道新鮮肉質幾好✌🏻跟住講下熱葷同甜品，新鮮蒸魚係超級好食❗️肉質好嫩滑，真係好似喺酒樓食咁😋仲有蒜蓉粉絲蒸帶子，呢個豉油做得好出眾🌟不過啲帶子就唔算大粒🤔切肉區包括燒牛肉同香草豬腩脆卷，豬腩卷香草味好突出，豬皮幾夠脆，豬肉肥瘦相間好好味🐷燒牛肉我就冇食，但屋企人話係過生同偏韌😕❗️❗️可惜係冇咗我最鍾意食嘅燒羊架🐏跪求佢加返❗️(幾年前嘅生蠔都冇左🥱)仲有鐵板烤大蝦，片皮鴨，牛油煎鱸魚，清酒烤豬肋骨等就中規中矩～跟住甜品有超多款式(起碼有兩個區域都係擺甜品)而且唔係重量不重質，我試

今次約咗客戶中午食商務午餐，午餐選擇非常之多，亦都係我最喜愛嘅半自助餐，自助吧有超過20款食物，大部分沙律同湯非常適合健康嘅人，主菜亦有咖哩薄餅，多達八個套餐可以選擇款式非常多，價錢亦都十分優惠，非常超值。主菜方面今次選擇了這裏最有名的咖哩豬，加哩味非常濃郁，甜鹹適中非常適合送飯，五花腩非常香口，但稍嫌比較肥胖，超過50%係肥豬肉，所以愛減肥的人是不太適合。甜品方面，因為而家做緊活動推廣粉紅甜品非常精美味，值得一試，免費嘅雞蛋仔亦都係必食之選，依家已經成為我既飯堂。

一直都有聽聞薈景嘅自助餐係幾出色今日夜晚就去試一試佢，咁啱萬聖節活動，只要有萬聖節嘅服飾或者頭飾都可以有8折，折完都係6百零蚊，Ruby加自助餐嘅價格嚟講都算可以接受🫰🏻✨👉🏻凍盤嘅龍蝦都好大啖肉，不過肉質略嫌小靭唔夠爽，但係都算新鮮！👉🏻對比之下，凍蝦就出色好多！肉質比較彈牙！同埋都比較實，點埋個辣汁真係更加好食！刺身就一般都係油甘魚、八爪魚、三文魚、蝦、帶子。👉🏻覺得最出色嘅係蝦+油甘魚😆🫰🏻蝦係超級鮮甜🫰🏻好似食左6-7隻🫰🏻🫶🏻👉🏻萬聖節關係，壽司都整得好有心機，好應節👉🏻煎鴨肝✨會不斷不斷咁樣推出，所以都唔使話排隊都食到！一咬落去啲汁流晒出嚟🫶🏻fatfat 🥰👉🏻甜品方面，最好食係焦糖燉蛋+玄米茶芝士蛋糕🥰🥰🥰其他萬聖節嘅甜品，個人覺得值得欣賞但係味道就試小小應節就夠😂

今日因為與朋友聚餐，所以選擇了薈景的輕怡自助餐。我都係第一次食，環境的確很舒服，座位與座位之間有一定距離。 我們 3 個人給了一張6人枱，第一感覺已經好正，好開心 😁。。。食物方面，湯有兩款，西湯是甘筍湯，中湯是蟲草花栗子湯，兩款湯都很不錯，很好飲，我仲飲咗幾碗😋 麵包方面都有四款，黑炭麵包和芝士麵包都不錯。 沙律方面，慢煮雞肉卷非常好食 😋😀😍，芝士略嫌少選擇，沒有我喜歡的軟芝士 😅。。沙律菜都有幾款，都算足夠 😆😆。。 有些藜麥，中東米等澱粉質類食物，因為我不太喜歡吃碳水化合物，所以沒嘗試 😜。飲品方面，都有多款選擇，有橙汁，茶類，咖啡任飲。 雞蛋仔就簡直是非常好吃啦。。😂😂。 其他甜品都ok。。 相信很快會再去食過。。😁😁。

從來未去過香港會議展覽中心食自助餐，聞說週一至週五的自助餐是健康沙律，我和honey都喜歡。沙律的種類很多，有紅菜頭、藜麥、粟米、吞拿魚、雞肉，新鮮的羽衣甘藍、羅馬生菜等等，選擇十分豐富，而且全部非常新鮮！最驚喜的是這裏的麵包很好吃，我們試了各種麵包，有芝士包、芝麻包、豬仔包等，全部做到外皮脆脆，但內裏軟綿綿，食落彈下彈下。麵包的牛油味恰到好處，不會過濃，麵包的質素完全不是一般餐廳所能媲美甜品一份份，甜度適中，味道不錯。來得這裏食自助餐，當然要欣賞一下香港的美景，我們被編配坐在窗邊，可以眺望維港的景色，在這個美景之下享受一個健康的沙律自助餐，十分開心🙂

近期食過質數最好嘅自助餐，龍蝦任攞，長腳蟹有番咁上下，刺身有帶子，赤蝦。熱盤有鐵板炒大蝦，粉絲蒸元貝，蒸魚…..以往食過多次都只限叫一杯飲品，今次有橙汁，檸茶咖啡任飲，仲有汽水啤酒。以往經常為人垢病的甜品，有極大進步，款式多味道好，員工亦非常有禮貌，性價比高冇得輸的自助晚餐。

好耐無食，極度失望後悔慶祝爸爸生日，平日為方易而去龍蝦勁膠，煎蝦又霉魚生又一般，完全唔值佢價格唔怪得全場只得小貓三兩隻最過分係，餐廳歧視老人家有一樣甜品，本身無定價格，事前從來冇知道自助餐價錢會有野唔包，問員工拎就被一口咬定枱上有牌要like ig，唔like ig唔俾食我枱上面係無牌既，我們同老人家又無ig, 無得食事問餐廳又唔多人，仲要玩歧視，睇下佢點做落去以前成日食，以後唔會再黎，謝謝

已經很久沒有去过會展、地鐵開咗會展站、第一次去、開通後方便咗好多。朋友好早已經卜咗位、去到餐廳不大多人、可能平日嘅關係、餐廳都好大、對住海景食野都唔錯🤩湯有兩款、一款羅宋湯、一款中唐排冬瓜湯、味道唔錯、羅宋湯就認真麻麻、味道太酸。沙律菜都好新鮮、有火腿粒/雞粒/波蘿/粟米粒/番茄仔/吞拿魚/長通粉都好多選擇、醬汁都有四種配搭、對於喜欢食沙律嘅人仕、是不錯選擇。甜品系一set 拎、味道都唔錯、另外杏仁糊都滑溜、唔太甜、都OK好味。還好有幾款麫包配餐湯、重有飲品、咖啡、檸檬茶、橙汁、蘋果汁任飲。總括嚟講: 這間餐廳、若果鍾意食沙律嘅人、真係唔錯選擇、若要食主菜、也可以加60元有三種主菜任你選擇。

係某平台見到14:00後有半價$79的buffet，好吸引，就book黎試下!係youtube 見到好多介紹話薈景食物唔錯，lunch buffet 係健康餐 ，多菜少肉為主，所以都好期待有咩食...我去到俾張6人海景枱我，坐得好舒服，一路望住維港景，一路食，好寫意😍😍🤩🤩呢d價錢唔會要求有好款多野食，有大量沙律菜，有麵包，有中西湯2款，有咖啡果汁檸茶，甜品芝麻糊（唔係開粉，芝麻味好香好足料，唔太甜），雞蛋仔好脆有蛋香，細食又鐘意食沙律的朋友，可以來試下...今日埋單$100蚊有找，多謝服務員俾我坐係到慢慢食，冇趕我走!😆😆（2點半後冇食物提供，我拎哂返枱慢慢食ge）

上兩星期8月尾 同咗朋友去食 灣仔會展嘅薈景 餐廳食中午自助餐 ，好多年前都去食過 就麻麻哋 ，今次重新裝修後第一次再去食，今次進步了好多，當然每一間酒店每一樣嘢都唔係十全十美，有好食或者不好食…但今次這個 自助餐，燒牛肉等等都幾好味喺 ，中午自助餐都有任飲紅白酒及飲品，鐵板龍蝦仔 幾好味，凍龍蝦就麻麻哋，魚生可以，所有熱盤都不過不失，龍蝦湯好好味 好少做到外國味道，甜品方面不過不失，侍應執枱好快 ，地方寬闊 ，中午價錢優惠 食嘢個人口味不同 不妨可以試試

一直都聽講話會展嘅餐廳都好好食 今次有幸朋友仔帶我嚟呢間食個半自助午餐入到餐廳 環境好舒服 對住個海出去拎野都好方便 係正中間位 有沙律吧 茶水同湯 甜品 係兩邊 我哋主菜揀左咸蛋煙肉忌廉汁意粉同西班牙飯 薄餅配咖哩雞 之後就出去拎沙律有三款菜比客人揀 之後嘅配菜多到數唔到牙醬汁都有四款任君選擇 湯有中西兩款 我就揀左蔬菜湯 好濃味好多雜菜🫶🏻 主菜嘅話講番個意粉先咸蛋好多！勁正！意粉軟硬適中 煙肉同忌廉汁永遠都係好朋友西班牙飯好好食 配埋個咖哩雞 好軟身 個薄餅都一絕！凍左都唔會變硬 好軟身 點埋個柚子醬新世界一定會再嚟試埋晚餐！ 午餐都可以安歌

今日我一家四口(27/8/2022)到薈景吃自助餐，成個自助餐得六個蟹蓋，俾人拿完後唔會再補給，一開始海鮮都大排長龍，海鮮（除了麵包蟹）都有補給，但是龍蝦補給速度慢海鮮種類有：麵包蟹龍蝦青口長腳蟹等,海鮮質素不錯其他食物有：印色薄餅、咖喱、片皮鴨、燒牛肉、漢堡包、薯條、炸雞……飲品有咖啡、橙汁、汽水、紅白酒、啤酒、清酒甜品有雪糕、蛋糕等沒有鵝肝、生蠔!小部分員工態度差！收碟速度良好，大部分食物質素良好。

27/8/2022 dinner buffet一家四口去薈景食自助餐，非常滿意！地方大，空間感夠，非常寬落。人手非常充夠，收碟快。食物種類多，每一樣都好味。片皮鴨，蒸扇貝，蟹粥，燒牛肉，鐵板燒大蝦。凍海鮮：龍蝦，麵包蟹，長腳蟹。move pick 杯裝雪糕，梳夫厘，紫米露，鷄蛋仔，萄撻，各款蛋糕 / 布甸。橙汁，紅白酒，罐裝啤酒 / 汽水任飲，不另加錢！最開心是小朋友六歲或以下免費！美中不足：沒有鵝肝，燒味，生蠔，車仔麵。

適逢老公生日，在網上見介紹尼間自助餐多款式，有外面好少吃到的威靈頓牛柳，琵琶蝦同好靚嘅羊架同焗蠔，於是喺早一個月已book食薈景自助餐，到當日懷住好開心好開心嘅心情諗住去試， 一去到現場未開始食嘅時候我已經周圍去睇下有乜食物，點知😡 我所有想食嘅全部都冇，於是我向侍應查詢，回答係轉咗主題，當晚 完全冇我想食嘅琵琶蝦，威靈頓牛柳，羊架， 焗蠔全部都冇，取而代之就係燒大蝦只是加咗長腳蟹，我覺得尼間酒店自助餐嘅餐廳好有問題，有乜可能中午自助餐嘅食材名貴過夜晚嘅食材，好唔正常呀，而夜晚嘅價錢貴過中午二百幾元，午餐係＄490加一，晚市折咗都要＄710， 連大家話好好食嘅雞蛋仔都冇，簡直一肚氣，就算個view靚都冇用，因為太不對板了， 之後我唔會再嚟尼間酒店食任何自助餐😡😡