薄餅怪獸

营业中

休息中

土瓜灣有間小店叫薄餅怪獸，主打每日新鮮手製餅底，仲有心形pizza好特別。平日去都有唔少人幫襯同叫外賣，相信都幾受街坊支持，可以取替到唔少嘅係連鎖pizza店。今次叫左個set入面有一個中批、兩個意粉/小食同餐湯，仲額外叫左個小食。怪獸多寶薄餅揀左配蕃茄醬，見到order嘅時候都有唔同嘅醬可以自行選擇，自由度幾高。另外選擇左厚批，咬落去餅底幾鬆軟，唔會因為係厚批而焗到太硬太乾好難咬。而且有好多配料，洋蔥青椒火腿辣肉腸蘑菇菠蘿牛肉豬肉，食落去令人好滿足。芝士份量十分，邊邊位焗到香脆，切開仲拉到絲。海鮮焗闊條麵闊條麵新鮮焗起好夠熱，有蜆肉魷魚蟹柳，加埋個白汁。炸雞原味炸雞好香脆，咬落幾嫩有肉汁，小食黎講幾大件。仲有其他口味選擇。是日餐湯羅宋湯入面有幾多洋蔥青椒同菜，飲落唔會太酸，開胃又易入口。黑松露芝士焗啡菇啡菇焗到好juicy,切開仲有滿滿嘅菇汁同流心芝士。

黎到土瓜灣，都係舊區唔知有咩好食，朋友話有間pizza幾好食。今日黎開，即管就試下。舖頭係正馬頭圍道大街，好易搵。早早入到去，好在冇咩人，等我地叫齊野食，竟然都坐滿人啦，果然係有啲睇頭。今次叫左個2人套餐，都好抵，套餐有個中size pizza, 2款主食式小食，再有2杯野飲。份量好唔錯。Pizza有好多選擇，我地就叫左個多年批，貪佢咩都有。佢唔似一般既pizza舖，餅底大過餡，佢啲嘢都係爆多，我地已經叫左個厚批底，都放唔晒啲餡，真犀利。另外叫左焗肉丸拼香草腸，感覺冇想像中咁咸，都唔錯。仲有點左肉醬寬條麵，意外地唔係太多醬勁漏個種。可能係我自己怕太濕爆醬既意粉，佢而家呢個份量又ok好食。佢既飲品值得讚既，淨係見佢用既梗就抵讚啦。不過不失，飲得過。

今晚去左土瓜灣探朋友，走個時附近搵食，呢間怪獸薄餅，都好吾錯！裝修得好有型格，店員服務都好好 見到卡位又會問我地洗吾洗去個度嘅位置，更舒服，好細心。Menu都好多野食，我地揀左個怪獸pizza 先73元，都好大舊，要左吞拿魚白汁意粉，茄汁焗豬柳飯，再嗌左2舊炸雞同烤雞，仲有2杯凍飲，賣單先2百幾蚊。全部即叫即整，先嚟讚台式辣炸雞，超好食，炸得外脆內嫩仲有肉汁，熱辣辣正啊！麻辣烤雞味道都好好，吾算太辣，少辣朋友也會食到。吞拿魚白汁意粉，茄汁焗豬柳飯都份量好多，知道嗌少量，佢好好有多量，見好似冇加到價錢，白汁意粉creamy，吞拿魚份量都多， 豬柳又好嫩好琳，又入味，正！最後個pizza勁正，果然係pizza舖！我揀左怪獸薄餅，諗住舖頭名嘛，是心心形的，很靚啊！好多料， 有洋蔥，辣肉腸，牛肉，豬肉，青椒，火腿，蘑菇，菠蘿好正，好多料！而且喜歡佢可以自己揀醬汁，有番茄醬，千島醬，泰式辣醬，麻辣醬，燒烤醬，香蒜汁真係好多款啊！整體好食，價錢公道！下次可以外賣拎去朋友屋企食先！

呢日嚟到薄餅怪獸食lunch，店入面嘅裝修都幾新淨。調味同埋清水都係自助形式。午餐主食三個選擇，呢日想食清淡啲就冇叫Pizza。先來葡汁海鮮焗飯，新鮮出爐熱辣辣，海鮮有蜆肉蟹柳，配料份量都唔錯。 平日食焗飯最怕太淋，呢間啱啱好羅宋湯有啲黑椒味，酸酸地辣辣地非常開胃。田園沙律可以揀落芝麻醬，沙律菜相當新鮮。蜜糖柚子梳打另外severe 左一支梳打水，加入一片乾檸檬賣相相當吸引，打卡一流。仲有得揀少甜，啱晒健康人士。

唔太起眼幾chill家庭式menu有d 隱藏set, 掃QR code 入去可以叫$259 全包 再自己加個bbq 雞翼怪獸多寶  (中）洋蔥、青椒、辣肉腸、火腿、蘑菇、菠羅、牛肉、豬肉咁多肉，食肉獸必叫自家出品，餅底都好食葡汁雞皇焗飯都係自家feel, 足料好多汁甜甜地，幾開胃BBQ雞翼夠脆，必叫$36 唔算太貴招牌炸雞好大隻，新鮮炸起勁juicu凍檸檬茶勁大杯，味道正常薄餅怪獸 (土瓜灣)地址: 土瓜灣馬頭圍道418號樂意居地下2號舖

位於土瓜灣嘅［薄餅怪獸Pizza Monster］是一間親民平價Pizza店，價錢比連鎖店更大眾化，好抵食，值得大家去試👍🏻Pizza 由麵糰混合、發酵、磋製均係手工製作，餅底做得好好，除咗餡料好多選擇之外，仲可以自選醬汁，分別有蕃茄醬底、千島醬底同特色醬底，仲有最好嘅係pizza有分三個size，幾多人食都可以，炸雞同樣係必叫， 炸皮香脆厚薄啱啱好，肉質仲好嫩滑！✨今日我哋二人前，食咗咁多野 $ 300都唔洗，水準好食過好多大型連鎖店好多好多，喜歡這小店😋🍕▪️怪獸多寶薄批Pizza底充滿麥香，煙靭又鬆脆，非常好，餡料豐富，有洋蔥、青椒、辣肉腸、火腿、蘑菇、菠蘿、牛肉、豬肉、蕃茄醬汁，芝士仲好香濃，拉絲口感好正，好味道，推薦👍🏻🥘▪️葡汁雞皇焗飯焗葡國雞飯內里滿滿的食材，有雞腿肉、馬鈴薯、椰汁、洋蔥、橄欖油、黃姜粉、咖哩，醬汁有淡淡咖哩香氣，鮮嫩多汁的雞肉，加上濃郁的椰奶香醬汁，撈飯一齊食超正🍗▪️炸雞店舖名物，即叫即炸，有啲似韓式炸雞，脆槳厚薄適中，雞皮香脆，肉質嫩滑Juicy 夠入味，水準相當高，可以就咁食，或者點埋甜辣醬更惹味🫕▪️是日餐湯羅宋湯亦係用心做，蔬菜餡料多，味道夠濃郁🍹▪️青

以前常常在土瓜灣區，而家有地鐵站，來呢邊更加方便。這一天lunch time時間我們嚟到馬頭圍道一間Pizza店午餐。店內環境都幾設計新穎，有好多光管圖案，怪獸仔都好得意餐牌嘅選擇都好吸引我哋叫咗個二人餐，分別有一個Pizza，另外配兩個主食　　今次我哋揀咗厚批，欣賞佢做到餅底外脆內軟，材料豐富但完全不油膩，外層酥脆，餅身有彈性的，帶有淡淡的麵粉麥香味道，呢個感覺令我食多兩件也不會感覺到很邪惡。而呢個Pizza嘅材料都非常之豐富，有牛肉豬肉、辣肉腸、火腿、青椒菠蘿、蘑菇等等，有唔同嘅口感，蔬菜同埋肉類都好平衡。海鮮闊條麵的味道都OK，材料都好豐富。估唔到薯蓉嘅份量都好多！裏面嘅菇都好大塊，芝士味道剛剛好另外都喜歡佢哋喺麵同埋薯蓉上都配以沙律菜，感覺清新，食得健康啲。另外仲有餐湯，飲品嘅選擇。我哋叫咗呢日餐湯：羅宋湯，味道都唔錯的。仲有杯凍嘅即磨咖啡（多奶），都估唔到咖啡嘅味道幾香濃，奶滑嘅口感恰到好處。總括嚟講，呢度嘅薄餅口感及味道都非常不錯！見到外邊嘅宣傳單張寫住外賣有優惠，都好吸引，唔怪得好多街坊都會外賣自取。我地下次好想點佢哋嘅薄批同埋心形Pizza😊 期待

平時成日經過呢間Pizza Monster，每次經過我都想食，但係奈何都冇咁嘅機會。咁啱琴晚有朋友上嚟開party，我覺得叫Pizza就最好，容易啲分，同埋有朋友唔係好識海鮮，咁食Pizza嘅嘢都比較適合～用外買平台叫都好方便第一次試呢間，都有啲喜出望外，啲嘢食嘅味道唔錯～我特別鍾意個薄批pizza叫咗夏威夷口味，係有菠蘿嘅，我最鍾意❤️另外可以點三個食物，都幾抵食，做緊優惠叫咗個黑松露雞柳意粉、葡汁雞皇飯、焗肉丸拼香草腸、蒜蓉包有八件，豐富得來有冇點食淨另外叫咗個芝士焗西蘭花，有菜食健康啲總共買單三百幾，四個人食，好抵，計埋運費，人均唔使$100

主打特色Pizza嘅薄餅怪獸係土瓜灣一直人氣高企，Pizza嘅口味獨特，有十幾款，仲有心型嘅細批，相當有風格😎我地叫左套餐$259，包一款中批、兩款意粉/小食、兩杯飲品，性價比好高，好抵食😝Pizza揀咗食肉獸，有辣肉腸、牛肉、豬肉、雞肉、火腿、煙肉，係蕃茄醬底，食落好惹味，有咁多種肉類，口感好豐富😍餅底可以要厚批或者薄批，厚批口感鬆軟得黎又脆脆地，介乎喺麵包同餅乾底之間，幾鐘意呢種批嘅口感😍意粉就係肉醬意粉，仲加左辣肉腸落去，食落幾特別🤩。小食要左原味炸雞，炸雞炸到超級脆，但肉質仍然好軟腍同juicy🤤除左套餐仲加左個雞翼，$36有4隻雞翼，醃到好入味，麻辣味辣得幾過癮😬

我哋喺土瓜灣嘅薄餅怪獸食咗二人套餐，有Pizza、焗肉醬意粉同埋檸檬香草烤雞，加埋啲烤雞翼。薄餅怪獸位於土瓜灣，餐廳的裝修風格以現代簡約為主，使用了大量的白色和灰色調，讓整個空間顯得明亮、乾淨。餐廳的牆面上掛滿了各種有趣的薄餅怪獸插畫，為整個空間增加了不少趣味性。座位之間有適當的距離，不會讓人感到擁擠。整個餐廳的設計簡潔明快，讓人感到舒適自在。Pizza，餅皮唔錯，有啲脆，有啲彈牙，佢嘅芝士同埋餡料味道出色。焗肉醬意粉，就好似佢嘅名字咁，焗得啱啱好，味道唔錯，意粉煮得唔會太軟。檸檬香草烤雞，個雞肉係啱啱好，啲香草味道都幾突出烤雞翼，我覺得佢哋煮得啱啱好，有啲香脆，啲醬汁唔會太甜

本人最鍾意支持小店，咁啱要去土瓜灣，所以就入咗呢一間薄餅屋試下。位置都幾方便，係土瓜灣地鐵站出黎2分鐘就到。餐廳座位唔算好大，中間放咗兩排長枱，如果一大班朋友去食都得，地方好乾淨，坐得舒服。煙三文魚千島醬薄餅 $138 👍🏻呢個薄餅一上枱就超級香，薄餅上面既餸好足料，我哋揀咗厚枇，餅底好鬆軟，蟹柳同埋煙三文魚份量都好多，搭埋濃郁的千島醬同埋芝士，唔會好油膩，兩個人食岩岩好。小食拼盤 $92👍🏻拼盤有咖喱角、炸洋蔥圈同埋煎雞翼，每樣都有4件。咖喱角炸到脆卜卜，內裡香濃既咖喱味道好開胃，再加上店主自製的醬汁，都幾好食。煎雞翼煎至表皮微焦的，入面既keep 到嫩滑，唔會煎到好乾。春卷炸到唔會好油，入面既肉餡好足料。洋蔥圈炸到香酥可口，平時少食洋蔥既我，都食了好幾件🤣海鮮白汁焗闊條麵 $66海鮮闊條麵極多白汁，闊條麵軟硬度適中，加了魷魚、蟹柳、蜆肉等等，鮮味十足。整體價錢比一般cafe 便宜。

好耐冇嚟過土瓜灣，上OpenRice見到好評非常多，入去試吓，睇相就好靚，出到嚟食物縮水一半，唔好食，價錢貴性價比低。食物質素同我屋企自己煮用氣炸鍋差唔多！屋企三個人食完一致認同唔會返轉頭。尤其是個拼盤，我老婆鍾意食個蟹鉗，一咬落去同麵粉一樣質素平過我去凍肉舖自己買。食個大姑影相就好大份，拎到出嚟縮水一半。豬肋骨冇乜肉，好似用氣炸鍋屋企自己煮咁樣。pizza冇味道唔趣口，臨走時送coupon俾我應該都係浪費

叫咗兩個pizza 一個厚批一個薄批，出奇地連厚批都係脆卜卜，感覺成個批底炸過嚟，但食落口又唔會覺得油膩。材料都好多。秘製燒豬排骨$138蟹兵蟹將$72，吉烈蠔，吉烈炸蝦，炸蟹鉗，炸洋蔥圈每樣3件整體嚟講係好食既 ，價錢都平，可以一試

比起連鎖pizza店更有心更好味更便宜的pizza店🍕🍕🍕心型💕pizza。怪獸多寶。第一次見有人賣比型pizza，好有創意，好sweet，岩晒今日3月14日既白色情人節。怪獸多寶就似某連鎖店的超級至尊，多料，多肉，味道十足。招牌炸雞🍗。應該都係佢鎮店之寶，味道好香，火喉剛剛好，唔會太燶或太咸，食上口又唔會太油，必食之一。甜酸雞翼。加左泰式辣醬既雞翼，唔算好特別，但都係好味。檸檬🍋蜜糖雞翼。好香好好味，街上無咩地方有呢隻味，好味。但蜜糖味再重dd會更吸引。加料。檸檬🍋蜜糖焗雞。由於食完雞翼好好味，加料再叫多件焗雞，口感比雞翼好，再多左陣焗既香味。正！芝士🧀煙肉🥓焗薯蓉🥔。面層唔會太乾，中心更有濕度，幾個人share，份量岩岩好，多d芝士更prefect。白汁海鮮🐟🦐🦀闊條麵。面層好多料好豐富，雖然唔係咩山珍海味，但都有蜆肉，墨魚，蟹柳等。麵既軟硬度恰到好處，吸引。走時見到lunch有pizza加個麵先六十幾蚊，下次lunch再黎過。

之前試過外賣，今晚試試堂食。薄餅熱些比較好吃少少，但批底怪怪，不是手拉的，見隔離枱薄批不是脆薄那種。蝦意粉份量比較少，味道可以。用膳期間，有好幾個食客，即使年紀輕，但不佩帶口罩就在店內行來行去，由店舖一邊走到另一邊取水飲用，完全不講衛生，甚至有機會周圍播病毒，而員工完全無視一切，任由無罩人士行來行去！