薄餅怪獸

营业中

休息中

同個好耐冇見嘅朋友食飯，行過見到間Pizza未夠6:30已經坐咗一半客人，於是就入去試吓佢咩料😗😗一入門口就有隻好得意嘅三眼仔Pizza Figure 🥰🥰餐廳算係平民價格，百零蚊就食到一個九吋pizza。於是我哋叫咗一個千島海鮮薄批，薄批咬落好脆，而且上面亦都好足料，除咗蟹柳之外，仲有蜆肉，有我最鍾意同Pizza一齊食嘅菠蘿🤣🤣🤣睇黎我唔可以做意大利人🤣千島醬pizza一啲都唔漏。之後仲叫左檸檬蜜糖雞翼，個檸檬味好出，食落又真係有淡淡的蜜糖味，早知就嗌夠六隻啦🥲之後我哋驚唔夠飽，嗌咗個蒜香牛肉粒焗長通粉。長通粉有勁多牛肉粒，好似食餸仲多過食啲通粉咁，勁足料🤣🤣🤣餐廳有自助配料區，有得瘋狂加芝士粉，勁開心🥰仲有個洋蔥圈，即使放咗一陣，食落都係好脆口。配埋個泰式辣醬會食到停唔到口😗😗😗除咗Menu上面嘅嘢飲之外，仲可以嗌青檸梳打同埋柚子梳打。個柚子梳打我開頭以為冇乜特別，但係拎到上嚟幾有驚喜可以打卡🤣🤣一路坐喺度堂食，都見到不停有人嗌外賣，睇嚟都係區入邊親民價錢嘅小店。如果第日去開土瓜灣，都覺得係可以encore嘅餐廳，而且又冇限時可以同朋友慢慢傾偈聚舊😋

阿女話同事介紹土瓜灣有間薄餅怪獸，食物好味之餘價錢又大眾化，尤其佢哋嘅薄餅超好味，今日就同我一齊去試吓！餐廳裝修簡潔，主打意大利菜和素食。薄餅是即叫即做，上枱熱辣辣，而且分大、中、細三種size,前兩種重可以搵厚底或薄底，最細就一定係厚底。吞拿魚特色薄餅（中），材料包括粟米、菠蘿、吞拿魚、煙肉，千島醬，揀咗口感比較脆的薄底，豐富嘅餡料配埋千島醬，十分惹味！蝦兵蟹將：黃金炸蠔、黃金炸蝦、炸魚柳和洋蔥圈。全部都係即叫即炸，完全唔會太油膩，外層香脆可口，炸蠔新鮮冇腥.炸蝦爽口，炸魚柳嫩滑，洋蔥圈外酥里嫩。招牌炸雞炸至金黃酥脆，達至皮脆肉嫩，層次豐富嘅口感。香濃鮮茄豬柳焗飯，濃香的茄汁味道，配搭鬆軟的豬柳和香口炒飯，美味得讓人一口接一口停不下來。凍檸茶，檸檬芳香清新，茶味香醇濃郁。

話說都好一段時間冇嚟土瓜灣啦～ 今次約咗兩個喺呢頭返學嘅朋友嚟食嘢，大家都可能太耐冇食過pizza🍕，所以都對食pizza🍕有一種莫名嘅興奮！😆·香烤蒜蓉包沙律🥗食啲咁熱氣、咁邪惡嘅嘢之前，梗係食返少少fresh d嘅嘢濕濕個口先～ 健康人士就叫咗個沙律嘅⋯🥗份量係預期入面一樣咁多嘅，沙律菜嘅種類都算多～ 落少少沙律醋就已經好好食啦～～😬 不過⋯ 加埋蒜蓉包呢種脆卜卜又香口嘅嘢落沙律到，係豐富咗成件事喎⋯ 因為佢帶咗好爽嘅口感俾我啵～怪獸多寶💎我諗喺度講怪獸嘅意思係好多料，好癲嘅配料咁解，而且我係覺得好夾嘅～ 原因係有好多唔同嘅肉係豐富咗成件事嘅口感⋯ 加埋厚厚嘅芝士🧀️完美融入咗喺個pizza度，係正嘅～～ 今次就算叫咗厚批都好，因為夠晒足料同配料嘅口感多變，完全唔覺自己食緊厚批！😆🤣黑松露芝士焗啡菇🍄不嬲都係黑松露嘅忠實擁躉，今次落黑松露嘅量好夠，味道好出，連埋芝士🧀️焗口感唔錯。最重要係菇入面保留咗一定嘅水份，食起嚟成件事都好juicy…唔會話食到個口好乾～ 咁幾好啊～～👍🏻👍🏻芝士青口焗薯蓉🥔青口焗得唔算乾，咬落仲有些少水份。至於芝士🧀️焗嘅呢個配搭一向都係信心保證，加埋薯蓉成件事變

土瓜灣一向出名都多野食，今次就同朋友嚟食下呢間價錢親民嘅pizza鋪😋呢到有個自助區，可以自己斟水，拎紙巾。仲有唔同調味料，就好似茄汁、芝士粉、tabasco 辣椒汁、黑椒碎等等。心形星級夏威夷薄餅(細)💰HK$78材料鋪滿成個pizza面。雖然細批只有厚批，但個薄餅底好特別，外圍焗到好脆，中間有千島醬果到又好鬆軟，食落好有唔同層次，不愧為自家製嘅手制餅底，推薦推薦～黑松露雞柳炒意粉(無汁) 配是日餐湯💰HK$78雖然冇汁，但啲意粉充滿黑松露嘅香味，而且用咗好咗配料嚟煮，有磨菇、青椒絲，洋蔥、蕃茄、雞柳等等，一啲都唔馬虎～吞拿魚焗濶條麵(白汁) 配是日餐湯💰HK$61即叫即焗，熱辣辣，好多芝士鋪喺面。呢到嘅濶條麵同我想像中唔同，佢個樣係有啲似河粉咁～我地冇簡到野飲，因為想飲湯！是日餐湯係意式雜菜湯，有好多蔬菜，落足料！仲要酸酸甜甜，好開胃～芝士焗薯條💰HK$62平時食開炸薯條，今次就食下健康啲嘅焗薯條🍟都係充滿芝士鋪喺面，一拎起有拉絲嘅感覺！佢冇一般嘅炸薯條咁脆，但一咬開一樣感受到滿滿薯仔蓉嘅感覺～麻辣惹味烤雞(1件) 💰HK$21食落去隻味好似口水汁烤雞咁，味道好夠麻，係名副其實咁惹

最近喺土瓜灣行街，發現新開咗一間街坊Pizza店，俾佢門口寫嘅優惠吸引再去試吓。舖頭環境都幾骨緻，我哋咁啱坐咗喺招牌下面卡位，招牌好sharp。舖頭採取QR code落單，咁橋當日係星期三，中批餐有8折，可以揀一個中批、一個主食、一個小食、兩杯嘢飲，折完只係$200，超抵！我哋揀咗呑拿魚特色千島醬厚批、白汁意大利海鮮焗長通粉、焗肉丸配香草腸。Pizza上枱香味撲鼻，材料有菠蘿、粟米、吞拿魚同埋煙肉，好均勻咁分配喺個批面。個批底非常之鬆軟，原來係舖頭自家製，好推薦。長通粉同埋小食都好食，特別係長通粉落咗好多料，有勁多海鮮，性價比極高。另外我哋都單叫咗一個招牌炸雞、炸芝士年糕(6件)。芝士年糕咬落去好似流心嘅感覺，一定要趁熱辣辣嘅時候食，忍唔住一啖接一啖。個炸雞都好鬆脆，雞肉非常嫩滑，一啲都唔鞋，價錢仲平過連鎖快餐店，質素都好啲。買單我哋兩個人都係$300唔使，食到勁飽，之後經過一定會再試其他口味嘅Pizza。

最近喺土瓜灣開工，收工嗰陣都見到呢間Pizza舖頭幾多人幫襯，所以就約埋另一個半收工過嚟試吓好唔好食餐廳裝修幾特別，有唔少pizza嘅擺設，餐廳有pizza，意粉，焗飯，炸雞同小食，定價都係平民價錢，入到舖頭係用QR code點餐，原來仲有套餐，二人餐都係二百頭有交易，幾抵食咖喱角&招牌炸雞兩款食物都係新鮮炸起，所以都好熱同脆卜卜，咖喱角都係正常味道，但炸雞就幾出色，外皮好香脆，內裏就好Juice，雞肉又嫩滑，幾好味肉醬焗闊條麵客人可以自己選擇要闊條麵，意粉或長通粉，闊條麵本身煮得啱啱好，唔會太淋或太硬，肉醬夠味，加上有少少芝士嘅鹹香味，令味道更豐富千島海鮮中批Pizza上既材料都唔少，鋪滿成個Pizza，海鮮有蟹柳，蜆肉，蝦肉，魷魚等等，批底方面今次叫咗厚批，批邊焗得香脆，批底都鬆軟，唔會似食緊麵包，係唔錯既凍檸茶凍檸茶就同普通餐廳嘅質素差唔多，茶底都有茶味，夏天飲係幾爽

同男朋友行開土瓜灣, 朋友話有間平民價Pizza 超級好食! 所以今日一於就去試下-薄餅怪獸Pizza Monster, 位於土瓜灣馬頭圍道418號既薄餅怪獸, 環境簡單舒適, 價錢平民, Pizza有好多款式選擇我地最後叫左個田園沙律($66) 送餐湯, 沙律菜好新鮮,加上酸酸甜甜既沙律汁, 好開胃, 羅宋湯一樣開胃, 配菜好多香蒜大蝦炒意粉($68) , 我自己本身幾鍾意食有蒜味既野食, 呢個意粉蒜味重, 粒蝦都好大, 炒意粉好乾身, 整體黎講好惹味. 呢間薄餅怪獸既Pizza有好多唔同款式選擇, 仲可以簡埋唔同既醬底, 分別有蕃茄醬底, 千島醬底同特色醬底, 可以滿足到唔同口味既朋友! 而我今次就簡左蕃茄醬底既怪獸多寶中批($138), 男朋友超鍾意佢d pizza, 個底真係勁脆! ❤️同平時食開既Pizza完全唔同, 好有驚喜! ❤️蕃茄醬底勁重蕃茄味, 超級推薦比其他人試! 配料亦非常足夠! 超級滿意!🫶🏻聽到有個外賣客人食完覺得好正，仲落嚟叫多幾個🤣🤣

薄餅怪獸 (土瓜灣)土瓜灣馬頭圍道418號樂意居地下2號舖二人套餐即磨咖啡香濃順滑，雨天必備羅宋湯全素蔬菜熬煮，酸甜滋味，完全沒有味精怪獸多寶主角係自家製厚底，厚度適中，麵餅鬆軟，配角有菠蘿、腸仔、辣肉腸、蘑菇、青椒、芝士，以二人餐來講，份量都真係幾大，兩三個女仔食一個厚批都已經飽㗎喇焗肉醬意粉見佢呢個係餐廳推薦特色意粉，啱啱焗起，啲芝士拉曬絲，裏面有豐富嘅肉醬同蘑菇片，口味偏酸，份量都好大，叫多兩個人嚟食都冇問題招牌炸雞兩件香脆多汁，最難得係炸出嚟係多汁而唔係多油，一定要現場食，大大隻啖啖肉檸檬蜂蜜雞翼六件見到佢炸雞咁出色，忍唔住又嗌多咗個小食，焗出嚟嘅雞翼加埋蜂蜜檸檬，香香甜甜，唔使10分鐘就食晒啦

兩口子拍拖，行吓行吓到咗土瓜灣，見有間食pizza嘅舖頭，就一於入去試試。有一邊牆身用咗不同形狀、不同大細嘅pizza托板做點綴，幾特別吖！揀套餐最實際，首先有千島海鮮薄批配蕃茄醬底，店主表示餅底係每日新鮮手製。材料極之豐富，蟹柳、菠蘿、青椒、洋蔥及海鮮雜錦多籮籮。薄批焗得夠脆身，香噴噴，所有鮮味一次過爆發，一食就停不了。焗肉丸拼香草腸，份量十足，每款三件。肉丸爽彈多汁，香草腸個皮極之爽脆，好惹味，啱晒胃口。我地揀咗台式辣味炸雞，有兩大件，炸漿薄身，炸得好脆，雞嘅醃味適中，入口香味飽滿，唔會多油，外面加咗辣味粉，令鮮味更突出。 一杯少甜凍檸茶，冰凍解渴，解油膩，非常好！凍齋啡唔落糖，唔落奶，真正飲到咖啡回甘嘅香味。見到午餐嘅款式都好吸引，價錢大眾化，揾日再嚟一次先得。

細女喺土瓜灣工作，今日專程請我地兩老外出食飯。由於爹哋喜歡食pizza，就揀咗 “薄餅怪獸”。店面唔係好大，但佈置有特色，卡位亦別緻。掃QR code落單，見有套餐就必揀。有三個人就再叫多一份蝦兵蟹將，即叫即炸，好快上碟，非常吸睛。有炸蝦尾、炸蠔、炸墨魚塊及炸洋蔥圈 ，每樣有三件。材料新鮮，炸得脆身，甘香鬆化，鍾意炸物嘅朋友一定喜歡。 套餐pizza係點咗厚批嘅怪獸多寶，名副其實，有洋蔥、辣肉腸、蘑菇、牛肉、青椒、火腿及豬肉等等，多不勝數。個批焗得透徹，特別在麻辣醬底有驚喜，食落慢慢滲出辣味，越食越精彩。跟住有海鮮焗闊條麵，白汁味濃，夠creamy，各式海鮮，例如：鮮蝦、八爪魚粒、蟹柳及菇片，鋪滿麵條上，啖啖都惹味非常，闊條麵柔韌有彈性，客人仲可以要求加大麵條份量，值得讚同畀like👍🏻仲有炸雞，一碟有兩大件，有三種口味選擇，有辣有唔辣，我哋揀咗招牌原味。外皮炸得香脆，冇油膩，裏面雞肉粉嫩多汁，咬落鬆軟唔乾身，真係唔錯。餐飲有熱嘅即磨咖啡，味道濃郁，加少少糖，香甜好飲。另一杯係健康少甜嘅凍檸茶 ，有好多檸檬，茶味突出。套餐只係二百零蚊算抵食 ，食物質素又Okay，下次應該可試到更多的好

今晚忽然想吃pizza,便和朋友去了這間吃pizza的專門店。怪獸多寶薄餅（中）（$138）：材料真的非常豐富，有洋蔥，青椒，辣肉腸，火腿，磨菇，菠蘿，牛肉，豬肉。見到都覺得好滿足，那麼多材料，一次吃哂真係好正，芝士好香，然後菠蘿酸酸甜甜咁，辣肉腸不會很辣，即使平時吃不得辣的朋友也可以吃。然後牛肉，豬肉也很多，挺好吃，咸咸的很夠味。麻辣惹味烤雞（$21）：辣辣地又幾香口，幾好食。烤雞很香滑，完全不會韌，肉質很鮮嫩，挺好吃。招牌炸雞🍗（$20）：炸得非常香脆，又嫩口多汁，非常好吃。而且才$20，都好抵食。小食拼盤（$92）：有春卷，咖哩角，洋蔥圈，雞翼各4件，都幾豐富，好多野食。雞翼幾香口，春卷，咖哩角同洋蔥圈都好脆。柚子梳打（$32）：好清爽，幾好飲。

係OpenRice 見多好評就特登揸車黎買🚗、結果令人失望到慘不忍睹，個Pizza一半都食唔到。買番屋企仲比屋企人話我。個餅底仲差過Circle K啲Pizza。好似食緊麵包舖大型pizza包咁🤦🏻‍♂️食落口個餅底粉到飛起…完全係麵包feel…本來都唔打算寫出黎….但見OpenRice好評水文多到咁…覺得點都要講出嚟😩希望你哋唔好再掛住單單做宣傳….改善一下食物質素人一定會多番、因為香港真係好需要你哋呢種小店💪🏼💪🏼

今日同老公到土瓜灣辦點事情，卻突然落起大雨來，匆匆忙忙入左一間餐廳避雨和午餐！ 我哋入咗一間Pizza店～薄餅怪獸，食落幾有驚喜，好啱我同老公嘅口味👍🏻😋餐廳用QR code落單，非常方便！我哋叫咗個二人套餐，有下列食物：千島海鮮厚批～雖然我哋選擇了厚批，但餅皮入口好鬆軟，一點也不靭 ，而且上面鋪滿海鮮，有墨魚、蜆肉、蟹柳、蔬菜粒，還可以自由選擇多沙律醬，口感好豐富又有層次，超讚啊意大利海鮮焗意粉～原來和海鮮薄餅配料十分相似，但有更多新鮮的八爪魚粒，我和老公都是海鮮控，所以非常享受😋，而且掃code落單時，可以選擇多或少意粉，十分人性化👍🏻👍🏻檸檬烤雞兩件～這個烤雞是最驚喜的，雞皮烤到微微焦香，脆度剛剛好，鮮雞肉質嫩滑，配上檸檬汁，酸酸甜甜，非常開胃，而且一點也不會覺得油膩！青檸梳打凍奶茶是日餐湯～羅宋湯呢個套餐真的非常豐富，埋單只係二佰多，性價比非常高！亂打亂撞入咗間美味的餐廳，我同老公都非常滿意，下次一定會再來光顧！

朋友話土瓜灣一直都有好多隱世美食😆喺附近行咗一陣，就見到呢間都幾多人食嘅pizza master, 見佢幾抵食又唔收加一，就入左去試下🤤🤤餐廳主打街坊客生意，感覺充滿人情味💕餐廳係手機落單同自助拎水~怪獸多寶心型pizza $73我地叫左個細嘅厚批，自家手製心形pizza賣相好吸睛🤎披薩上面有辣肉腸、火腿、蘑菇、洋蔥等8種配料，口感豐富😍而個餅皮同出邊好唔同，食落脆卜卜但又一啲都唔油膩👍🏻自己一個都ko 到之餘得來又抵食，推介要叫😆👍🏻檸檬蜜糖雞翼 $53 6隻雞翼嘅表皮烤得有啲微焦，配埋檸檬蜜糖食酸酸甜甜，熱辣辣食啲仲有肉汁😌正蝦兵蟹將 $88呢個小食拼盤有黃金炸蠔、炸蝦尾、炸蟹鉗、炸洋蔥圈😝啲小食都係即叫即炸，要趁熱辣辣食～炸蠔一啲都唔腥🤩其他整體正常👍🏻性價比好高～芝士煙肉焗薯蓉 $42薯蓉鋪滿左芝士和煙肉碎，但食落真係驚喜地覺得一啲都唔滯😳！反而仲食得出薯仔香味，本身飽飽地都忍唔住食晒🤣真係幾好食😍整體覺得餐廳食物質素好好，性價比又高又唔收加一💕下次去土瓜灣一定會再幫襯🥰

怪獸多寶 中批呢就係九吋，仲有得揀後厚批定薄批。話說，朋友喺落單嘅時候唔小心撳錯咗厚批——上枱時，我本身有啲失望。但係冇估到咬落口之後，都非常之好食，應該係我食過最好食嘅厚批 pizza 🍕! 順帶一提，所謂嘅怪獸就係有多款唔同嘅餡料：洋蔥，青椒，臘腸，火腿，菠蘿……惹味烤雞 $21如果你鍾意食類似KFC烤雞嘅話，你更加要試呢一個，佢嘅檸檬蜜糖烤雞整得好有水準！肉質鮮嫩。我跟Set Lunch Pizza 咁叫、就平啲就有兩隻。焗肉丸拼香草腸肉丸似IKEA嗰種，香草腸都幾香、好味～香烤蒜蓉包沙律 $76沙律菜嘅份量都幾多，我哋四個人平均分，都覺得幾足夠！餐湯佢哋嘅餐湯係、羅宋湯都幾好飲。味道一啲都唔重味精。點埋蒜蓉包好好食🤤 黑松露芝士大啡菇 2 隻 $96