蕉積妹 (已搬遷) 新店位置

元朗嗰間就聽得多啦，作為九龍人嘅勇者發現左原來葵廣都有得食香蕉pancake!二話不說立即🐶衝！好好彩呢日比較少人排隊，不過都等左幾個字~佢地嘅🍌🥞設有多種口味，包括榛子，阿華田，朱古力，花生醬等！我地今次就簡左阿華田口味🍫🍌🥞($36): Pancake嘅分量剛剛好！薄餅同內涵，香蕉同阿華田嘅比例都十分合宜，食落唔會太濟，又有十分之香濃嘅阿華田味🍫(仲有啲脆脆) 勇者食嗰陣時仲要啱啱出爐，新鮮熱辣辣，非常正，絕對推薦堂食！除咗🍌🥞之外，佢地都有賣焦糖燉蛋，炸鮮奶同泰式奶茶，聽講都係十分唔錯架！推薦大家一試！

蕉積妹好好食啲料好足 好脆 叫阿華田味好好食下次會食埋其他味但要留意隔離間賣衫果間唔係企佢門口食 企係蕉積妹招牌下面食 個女人都會發癲出黎鬧人 講哂粗口 要食 買走企遠啲食好啲

今日突然好想食香蕉煎餅，搵左幾間，睇左唔同評論，最後決定走去葵芳食，有唔同醬選擇，華田醬、朱古力醬、榛子醬、花生醬……叫左朱古力醬嘅香蕉煎餅，叫完等左15分鐘到，都有好多人買，滿心期待，雖然即整，熱辣辣，仲有學生優惠，但真心唔好食，係好難食，煎餅餅皮厚，一啲都唔脆口，非常淋，香蕉少，朱古力醬又唔夠，仲要有浸燶味，同埋燶咗嘅物體，最後揼埋，都小貴，嘥咗$32，希望可以好好咁改善，好失望，畢竟好期待，一定唔會有下次

掛住泰國美食 當然唔少得香蕉煎餅🍌唔止元朗 而家葵廣都有得食啦🥳行過呢間蕉積妹已經聞到好香 佢嘅香蕉pancake有好多味道揀😍今日就叫左榛子醬 覺得會最襯香蕉 的確冇令我失望 好似去咗泰國咁😎煎餅即叫即整 夠熱夠鬆脆 皮又唔會太厚 岩岩好💪🏻另外試左焦糖燉蛋 即場用火槍燒 畫面好治癒 🤩焦糖唔會太甜搶晒啲蛋味 而啲蛋都出奇地滑 呢個有驚喜😍最後仲叫咗個炸鮮奶😋係比較少見嘅甜品 雖然係炸 但食落又唔覺得油膩 反而覺得有少少過甜 感覺幾新穎 都值得一試嫁🤪蕉積妹 (葵芳)葵芳葵富路7號葵涌廣場1樓1092號舖

之前試左元朗香蕉仔，超滿意，今次黎葵廣掃街見到有香蕉煎餅，即刻買😍今次揀咗阿華田醬，相對冇咁甜，餅皮好脆！不過香蕉唔夠，建議可以再多d值得一讚係，超大份！另外等候時間大概10分鐘，都唔算耐值得一試！

葵廣又有新店進駐, 主打食超邪惡既泰式香蕉煎餅同焦糖燉蛋香蕉煎餅有幾款醬可以揀, 包括朱古力醬, 花生醬, 阿華田等等. 其實樣樣都好吸引,選擇困難症嘅我就要咗睇落最夾嘅榛子醬試試先😋落單之後店員話等大約10分鐘, 拎上手真係熱辣辣, 隔著口罩都聞到好濃嘅榛子味煎餅嘅餅皮厚薄適中, 香蕉蓉同榛子醬嘅份量落得非常足, 不過亦都因為咁食都中後期就覺得有啲漏, 食完之後要即係買嘢飲😂建議兩個/三個人分1份就啱啱好👍🏻

蕉積妹葵廣掃街見到網上面既朋友仔都推介呢間既香蕉煎餅，所以一於搵呢間「蕉積妹」黎試試，原來香蕉煎餅上面既有咁多選擇，包括「朱古力」、「阿華田」、「花生醬」、「煉奶」、「榛子醬」。今次我就選擇左榛子醬，叫完之後店員好貼心叫我地周圍行下先，因為煎餅即叫即整，需時15分鐘。行完一個圈返到黎煎餅終於完成了。香蕉煎餅+榛子醬 36$拎上手真係好熱焫焫，食落口仲有小小焫嘴，果然係即整，榛子醬配上香蕉煎餅味道都很好，不過唔知係咪榛子醬既甜味搶了本香蕉自身的甜味，但香蕉依然很有蕉香味，另外煎餅皮都算鬆脆香口，整體食落都幾好，有一種去了泰國既感覺。但食完一個香蕉煎餅已經好飽的感覺，所以其實份量真係好足夠。

蕉積美食今日同兩個仔去葵廣配眼鏡, 順便掃街食下野。葵廣出名好多美食小店, 仲越開越多, 今次揀咗呢間叫做招積妹, 食下泰式香蕉餅🍌🌮其他唔選擇唔多, 但係樣樣都好好味。 由於星期五關係, 好多人嚟掃街, 而且呢度仲係即叫即製😋, 所以要等十分鐘左右。華田香蕉煎餅 - $36香蕉🍌煎餅係主打招牌, 所有人嚟到都必定叫嚟食! 在可以揀朱古力🍫醬 / 榛子🌰醬 / 花生🥜醬或者阿華田味。 餅面仲有啲煉奶, 非常正! 我哋揀咗阿華田味, 煎完出嚟熱辣辣, 仲好重香蕉味, 同泰國嘅差不多, 一樣咁好食😋炸鮮奶六條 - $38呢個都好多人叫, 價錢亦都好抵食, 好耐之前酒樓賣嘅炸鮮奶🥛, 一碟八條左右, 都要$70-$80一碟! 而且佢即炸好新鮮, 牛奶味好重, 內裏好滑, 真係外脆內軟! 😋泰式奶茶 - $19我見到好多人買, 因為用咗個好可愛嘅熊仔🐹樽裝住, 泰式奶茶係自家製, 奶茶味好香好滑, 唔係太甜, 味道唔錯! 舖名: 蕉積妹地址: 葵涌葵富路7號葵涌廣場1樓1092號舖 (電梯口隔離)

蕉積妹以為真係會好蕉積點知nice到爆🤣唔好問我揀左咩味我揀左廚師發板🤣但我期望既廚師發板係兩隻味一半一半🤪香蕉煎餅 $36煎餅好有蛋香味 比較淋身 可能只有四邊脆但入面既香蕉真係好足料👍🏻而且入面啲香蕉感覺似平時啲燒野食燒到啲香蕉溶哂咁唔似有啲鋪頭食咁切好一塊塊生既香蕉係入面可能香港人會比較中意食脆餅底🤣但食過正宗泰式煎餅都應該知道🙊泰國夜市食既香蕉煎餅都唔會係脆既加左$9有泰式奶茶熊仔樽好cute cute❤️

香蕉煎餅-$36(4/5)佢有好多唔同味可以選:失古力醬/花生醬/阿華田醬/榛子醬/煉奶/師傅發板,我就選左榛子醬❤️order完佢即刻整，所以要等10分鐘左右。一上手，熱辣辣，正。個餅底煎到好脆，中間夾住香蕉溶，再上面有滿滿既榛子醬。🤤🤤🤤🤤勁肥！勁好食！

泰國大熱香蕉煎餅🥰竟然喺葵廣都食得到！除咗香蕉煎餅受歡迎之外聽店員講焦糖燉蛋同樣受歡迎👏🏻今次小編就揀咗花生醬香蕉煎餅！大概等咗10分鐘左右，熱辣辣嘅香蕉煎餅就出現了！花生醬選用了小編最愛的粗粒花生醬，花生味濃郁，配合埋煉奶絕對又邪惡又美味！去葵講諗唔到食咩一定要支持下小店！

睇啲菜式名就知道好邪惡：榛子醬、煉奶、阿華田 加埋香蕉，肯定冇得輸雖然一份甜品睇落唔算好多，但兩個人食一份啱啱好今次叫咗阿華田味嘅香蕉煎餅。即叫即做，時間大約等咗15分鐘，前邊有六個人排隊，所以感覺上都唔算等得好耐，期間都可以行吓其他舖頭。個人來講香蕉味好濃，不過可能一開始太熱，阿華田味唔算好突出，不過等溫度降低少少之後就食得出阿華田味。所以建議大家買返嚟之後可以等4至5分鐘先食。另外見到泰式奶茶好可愛，好用心地見到舖頭老闆逐個逐個畫公仔喺隻泰式奶茶熊仔上邊，覺得好用心。

已經好耐無去泰國了🇹🇭 記得以前去買宵夜一定去買香蕉煎餅 又平又好食見到葵芳呢間新開嘅忍唔住要試吓價錢大概係泰國三倍🫣▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃❀ 香蕉煎餅 （$36）總共有四款醬可選 今次揀咗榛子醬 等咗大概三個字先有得拎🤓 拎上手十分之熱辣辣 外脆內軟😍😍中間夾住香蕉🍌塊 配上面頭嘅榛子醬同練奶 10分夾 比起泰國食到嘅唔算太甜 同埋冇咁油膩 可算係健康版本 如果香蕉味可以再濃啲就好🧐雖然冇100%還原泰國嘅味道 但係味道唔錯 而且健康版本更得我心😛😛大家有經可以去試吓🤩🤩

見到隻蕉，應該無論有冇去開葵廣掃街既都會諗起最近新開大熱既蕉積妹🍌🍌🍌香蕉煎餅既醬可以配朱古力/ 阿華田 / 花生 / 榛子，第一次食就揀左朱古力🍫應該最穩陣🙈🙈因為係即叫即整，好彩當日唔算多人排隊，只係等左5分鐘左右就有得食😋熱辣辣，蕉味撲鼻🍌加上滿滿既朱古力醬，邪惡指數相當高，難怪咁多人介紹😂😂😂香蕉餡唔算爆餡，份量適中，但竟然食落冇乜蕉味，朱古力醬亦都唔濃郁，就算加左咁多都唔似食緊朱古力醬😅只係食到甜味外皮稍為硬左啲，唔夠脆口，我期望一係好脆一係好煙韌，可惜兩頭唔到岸😅就算我同另外2個朋友一齊share,都覺得太漏，食都食唔晒😅😅

食飽晚飯都係感覺好空虛? 睇嚟又用*甜甜的東東*慰藉我咃寂寞既肚仔了🤤🤤今次我地就嚟到位於葵廣既「蕉積妹」😏🍌未到門口我哋已經俾濃濃既蕉香味吸引住😍，所以當然就要試下佢地嘅皇牌「香蕉煎餅🍌」啦。佢地既香蕉煎餅有4種口味選擇，包括: 榛子醬/ 花生醬🥜/ 朱古力醬🍫/ 阿華田醬。我地就揀左朱古力醬味。香蕉煎餅係即叫即煎，不過只係等左大約10分鐘就有得食😝佢哋會先係廚房為煎餅表面搽上朱古力醬，之後出到嚟會再加上煉奶(份量多少可以同店員講😋）。香蕉煎餅🍌 $36外觀非常吸引😍，一淡食落口就知道完全無令人失望🤤。首先香蕉＆朱古力已經係絕配🥳，少少煉奶嘅點綴令到口感更甜蜜飽滿🍼，煎餅嘅表面更加有一層焦脆香甜嘅焦糖🍯，再加埋裡面嘅香蕉內餡🍌，又甜又香嘅蕉香味道完全滿足到鍾意甜品嘅我哋呀🤤💕🤤。（下次一定要試埋佢哋嘅炸鮮奶😝）