蕃茄濃湯專門店 (已結業)

肉醬一口多士 $52 .難得入到元朗更係揾d港島冇既野去食😆😆😆 唔知食乜好 揾左哩間驚喜呀.多士係別出心裁之作 都算大粒同幾厚 有烤過 脆脆地 同肉醬芝士又match😆 叫得過呢..蕃茄滑蛋螺絲粉 $58.哩個好有驚喜 好耐冇食過蕃茄湯之類既野 湯好濃郁😙 隻蛋炒到好滑 仲配左個辣肉丸 其實好似有雞翼個d揀 .食完都飽左 對我黎講 有蛋既野特別溜..忌廉芝士磨菇釀雞翼 $56.哩個都唔錯 咬開d肉d芝士爆晒出黎😍 雞翼又煎得好香..本身諗住試蕃茄師兄定哩間好 最後揀左佢🥳

—2人套餐($126🐼外賣自取)包括兩款焗飯/螺絲粉+小食+飲品Mozzarella芝士豬扒焗飯(+$4.8)好cute畫咗隻豬去分辨邊款之前係列晒唔同款然係剔翻外賣錫紙盒係幾大 所以份量都多鍾意係炒飯底 酸酸哋嘅番茄好開胃加埋適量芝士好惹味豬扒切件上 亦都好軟腍白汁芝士海鮮焗飯(+$10.8)海鮮有蜆肉 中間係龍脷魚柳 同埋青口白汁芝士唔會話好膩 最後食唔晒翻焗 飯粒表面變到脆身 豐富咗口感香脆魷魚蝦枝條配wasabi醬底下包住嘅魷魚蝦粒有加胡椒粉醃延伸上去係脆卜卜嘅春卷 Wasabi沙律醬唔會好嗆———————————————————蕃茄濃湯專門店元朗建業街61號地下

經外賣APP叫過3次外賣都有唔愉快經歷第1次叫外賣遲到半個鐘,做完成個上晝野已經餓到死仲要遲到,唔關外賣員事係舖頭出餐慢 第2次提早半個鐘叫定外賣今次準時到,廚房師父出錯餐但影響不大第3次我已經怕佢會遲所以早45mins叫定,等左成個鐘啲外賣都未到,外賣員到左就話餐廳出餐好慢佢呆等左半個鐘先齊,但黎到發現送少左1個餐即時打電話去舖頭查詢但店員口吻好似習以為常而且語氣唔在乎顧客要求,最後退返1個餐既錢俾我但食到成肚氣,支持黃店無問題但唔好恃住黃店就可以無限包容叫3次外賣每次都遲到/有錯漏lunch time得1個鐘已經好趕仲要遲唯有再揀其他餐廳懲罰

之前去元朗諗住食羅東肉焿番但係就閂門，今次再去排勁長龍，由於趕時間關係，決定放棄😥行去附近嘅街搵到呢間番茄專門店就入去試下🍅。原本打算食焗飯，但係餐牌上寫住要等30分鐘，所以特登叫咗呢啲湯粉類，諗住夠快趣。等咗大約15分鐘有對情侶入嚟坐隔離嗌焗飯，點知仲快過我哋上🤯好嬲！#番茄漢堡螺絲粉 $58 6/10———————————份量都多，有一塊漢堡扒同幾嚿番茄🍅螺絲粉質感唔錯，唔會太硬同淋。湯底比較稠身，不過就無咩番茄味，因為啲香草太多，聽到隔離位都話香草味太勁！#韭菜餃子 7/10———————————每個番茄湯粉都可以揀款小食，我揀咗韭菜餃🥟餃子係拎去炸嘅，皮好脆但有啲位較燶😵韭菜餡好香，豬肉比例均勻，略嫌餡料太少😥不過味道確係唔錯👍🏻朋友叫番茄滑蛋米粉配煎豬扒，滑蛋好味🥚不過因為湯底好稠，米粉嗦湯嗦得快，朋友話似撈米多過湯米😂 另外煎豬扒油到呢......

除咗失望依然係失望叫咗個3重芝士pizza一開細到嚇死人仲要因為外賣，番到屋企已經凍哂好乾好難食仲要6x$ 好唔抵仲叫咗個芝士滑蛋雞排菠菜麵番到屋企又係凍凍地芝士味仲好濃 但唔夾個麵菠菜麵又凍係得個雞煎得幾香脆正常啲佢仲有杯凍檸茶跟餐的飲咗一啖..就飲唔落了

今次去左一間元朗既黃店食😆😆其實前前後後都食過幾次，終於有一樣覺得要推介比大家既野😆🍅🥩🍚 芝士豬扒焗飯 $76第一次幫家姐買外賣個時心諗一個焗飯都咁貴😅點之拎到上手就知點解，因為個飯好大😂基本上一個女仔係可以分到兩餐食😆所以個價錢係可接受既🙈除左個飯好大個，豬扒、芝士同蕃茄都好足🤩好明顯食到個飯底有用蛋炒起，所以好香😋因為好足料所以食半個已經好飽下😂但留意番佢係即叫即焗，個日都等左成30分鐘🤨叫外賣既話大家可以預先打定去叫佢整定先～🍗🍗脆炸雞鎚配柚子醬 $58是但叫多個小食食下，我自己覺得冇左柚子醬都係好食既😋啖啖肉！亦食得出係即叫即炸～仲要炸得岩岩好，一啲都冇過濃！而個柚子醬可以令成件事冇咁濟，fresh d🤣不過就略嫌少貴🙈🙈🙈 得4件～

呢間小店以前係屯門新墟，果陣重未有咁多食蕃茄濃湯嘅店，我好中意食蕃茄，所以，以前成日係呢到食lunch，係平價又好味嘅選擇！但自從佢係屯門執左之後，就一直都好掛住佢嘅蕃茄濃湯同滑蛋，早排發現原來佢係元朗重開，即刻心心眼😍好想去食返回憶嘅味道😋到底有冇唔同咗？一齊嚟睇下啦！👇🏻👇🏻👇🏻👇🏻— — — — — — — — — — — — — — — — — — — — — — — —【滑蛋蕃茄濃湯配雞扒】$58食左第一啖，回憶真係返哂嚟呀！蕃茄果陣嘅濃郁，係清甜而唔會過鹹，而且湯入面重有蕃茄蓉同洋蔥絲，係真材實料用蕃茄煮出黎嘅湯，唔係用加工調味料煮出黎，所以飲落唔會濃到令你口渴，我自己幾中意呢種天然而濃郁嘅味道😋另外，雞扒煎得好脆好香口，醃得好夠味，每個蕃茄濃湯真係啱晒🤤🤤不過呢，個滑蛋我覺得冇以前咁滑，煮耐左少少少少少，不過個味道都係好好食嘅！— — — — — — — — — — — — — — — — — — — — — — — —【忌廉黑松露雞翼焗飯】$68呢個覺但係以前冇嘅，原來係呢間餐廳唔止蕃茄濃湯好食，連焗飯都好好食㗎，我知道最多人係食蕃茄焗豬扒飯，我就試吓新野，令人喜出望外

幾年前去屯門新墟食過「蕃茄濃湯專門店」，印象中味道唔錯，今日去元朗嘅朋友屋企玩，上去之前係附近買個lunch，咁啱見到佢原來開咗喺元朗，就決定再試一試有冇保持到水準。🍅滑蛋蕃茄濃湯螺絲粉配煎豬排（$58）外賣嘅蕃茄湯同螺絲粉係分開裝，唔驚會浸腍啲螺絲粉，外賣自取仲有折扣優惠💰依度嘅蕃茄湯係帶少少酸味，飲落開胃夠refreshing，豬排大大份，幾抵食，不過因為較薄所以有少少乾身，如果厚啲多啲肉汁就更好🥩

單看餐廳的名字，便知道主菜與蕃茄用關。朋友知我是蕃茄控，故推介Tomato Otamot 給我試試。望望餐單，其實除了蕃茄濃湯系列，還有車打芝士濃湯系列。當然一場來到，我首選蕃茄濃湯系列。蕃茄濃湯系列都有幾款湯底選擇，分別為滑蛋蕃茄濃湯，漢堡蕃茄濃湯，西蘭花蕃茄濃湯及芝士蕃茄濃湯。我點了芝士蕃茄濃湯配炸薄皮韭菜餃子（5只）烏冬，友人點了自家制麻辣肉丸子（豬肉），分了少許給我試試。蕃茄湯底還有鮮茄，反之芝士沒有搶去濃湯味道，配上烏冬一流👍🏻。至於餃子，可算是我試過最薄皮的一次。此餐奉上熱飲或凍飲另加$3，至於即磨咖啡或其他特飲另加$8-$13。

焗豬焗豬係焗豬呀🐷係為星期六晏就十二點左右去到唔洗等位就入得，樓面唔算大，可放大概7-8枱人客。$76 鮮茄炸豬扒焗飯😋兩個人去食晏，大家都好想食佢嘅焗豬🐷唯有叫兩個🥰焗飯用木箱仔裝住上，用黎打卡一流！飯係炒飯底，上面滿佈芝士同蕃茄🍅入口唔會太酸，亦冇刻意落糖整甜蕃茄醬👍🏻炸豬扒炸粉唔厚，咬落仲脆口，肉質夠稔😋豬扒唔係厚豬扒厚肉地，但勝在瘦肉同肥肉分佈平均👍🏻本身睇落飯唔算多，好似薄薄一層飯，但食落都好夠飽！女仔食到尾其實仲有d濟😂因為會忍唔住食哂成塊豬扒同埋飯🤪午餐包埋熱飲。見到有蕃茄濃湯/車打芝士湯底都好想試，仲想試埋個慢煮牛舌👅但太飽了，唯有下次來試😁

作為一個蕃茄湯Fans 一定周圍試下💛 比蕃XX兄嘅湯更濃❤️ 我叫左蕃茄西蘭花湯菠菜麵（加滑蛋）配雞排💰5️⃣8️⃣➕8️⃣外賣每個盒+3不過有9折返到去只係15分鐘湯略微吾夠多菠菜麵少少漲，痴住一舊似油麵咁，不過應該健康D啦西蘭花吾係生嘅！ 啱啱好配埋個湯一齊食好正蕃茄湯入面有原舊蕃茄，我都食埋！甜！😍雞排好大舊 食左3舊已經飽🥰 好抵食炸得好香焗左陣，但食個陣仲脆友人食煎豬扒，都好大塊堂食應該會更正如果有辣湯揀就好，定係有，我吾知😂😂好似蕃X門咁

〈番茄濃湯系列〉久違嘅番茄濃湯，以前喺屯門嘅時候成日食，咁啱經過見到終於有時間可以食返呢個好懷念嘅蕃茄濃湯😍- 芝士蕃茄濃湯 米粉（+$8滑蛋）配 鬆軟豬扒-下午茶餐• 蕃茄濃湯米粉 配芝士西蘭花鬆軟豬扒煎得非常香脆而且堅鬆軟💕豬扒醃得入味唔會過咸蕃茄濃湯湯底用新鮮蕃茄打作蓉成湯，所以茄味香濃但又無生茄嘅腥味💕質地較濃稠嘅湯底掛湯簡直一流😍芝士/滑蛋係同蕃茄嘅完美配搭百搭無死🥰西蘭花竟然係煮得淋嘅質地，多數餐廳都係求其烚下就算㗎！正💕-店員真係好貼心，見到我食到無番茄湯竟然主動幫我加湯😂不得了好窩心！

又係懶洋洋嘅一日，叫左熊貓外賣，諗住食完就返工，本身話20分鐘左右到，但送外賣嘅人個gps一直向我哋屋企相反方向揸，兜嚟兜去都唔知去咗邊度，最後遲左一半到。黎到係一個同胞，我問佢係咪唔識路，點知佢話另外有兩個外賣喺另一邊所以送咗嗰兩個先😨叫咗個二人餐B。好彩啲嘢食都仲熱，焗豬有好多茄醬同芝士香噴噴，豬扒用少少炸粉炸過，脆口，仲好大塊添，加埋炒飯底，幾好。另外叫咗個雞扒鮮茄湯螺絲粉，配雞扒同埋炒滑蛋。雞扒同埋蕃茄湯都分上。所以螺絲粉同埋雞扒都唔會浸到淋晒。二人餐跟一個小食，叫咗魷魚蝦枝條，初頭以為係好似南記嗰隻蝦條咁大大條再拎去炸，點知係一條魷魚絲左右嘅大細再包住拎去炸，所以其實都只係食到嗰層炸皮😳驚唔夠食所以叫咗個拼盤，有芝士磨菇釀雞翼，炸一口芝士，爆芝蝦球，車打芝士腸。（加$70）芝士腸就同喺超市買嗰隻差唔多味，一口芝士都好香脆，蝦球入面就類似係蝦條嗰隻味，雞翼就食到有芝士但食唔到有蘑菇嘅味道。全部都係芝士今餐真係好肥😂

自問係蕃茄迷，見到元朗有間既係黃又係專攻蕃茄湯，忍唔住試吓自由配搭小食嘅蕃茄濃湯麵賣$58係幾吸引蕃茄濃湯系列係招牌菜式試咗滑蛋蕃茄濃湯、芝士蕃茄濃湯分別配搭香煎豬扒同香炸惹味雞翼兩款小食再配上螺絲粉同菠菜麵豬扒同雞翼上枱時的確幾吸引但入口偏硬，而且太乾，欠缺juicy感覺得似普通茶記出品豬扒表皮煎得香口，只係肉質唔夠鬆軟而雞翼亦炸得香脆，入口係啖啖肉比豬扒較好，無咁乾身滑蛋蕃茄濃湯同芝士蕃茄濃湯只係加咗唔同配料嘅分別滑蛋配蕃茄湯就令湯底有蛋花感而芝士配蕃茄湯就令湯底再帶些微黏稠感蕃茄湯黏稠感重，所以螺絲粉同菠菜麵都掛湯但炒蛋似乎選擇一丁麵比較適合湯底的確有蕃茄蓉，幾開胃會有粒粒蕃茄肉，甚至蕃茄皮同蕃茄核基本上係正常水準，但未知是否用咗蕃茄汁定茄膏去調味感覺未算鮮，蕃茄味唔算好重，但夠甜另外發現湯底有微辣感有少少暖胃，但嗆喉，未知係加咗胡椒粉定辣椒仔香港太多蕃茄濃湯店，難免有比較，覺得水準一般，蕃茄湯較遜色

鮮茄豬扒焗飯 😋4/5焗飯個表面落咗芝士一上枱就聞到好香，茄醬夠濃幾好味，有蒜香，個飯係炒飯底夠正宗，豬扒係吉列炸過，用木盤裝住個焗飯，貼心之餘又唔會辣手👍蕃茄芝士韮菜餃子烏冬 😋4/5餃子炸得外脆內軟，餡料新鮮唔係雪到無晒味果種，蕃茄湯底都幾濃又有茄肉落咗芝士就算食烏冬都覺得飽肚啲 .