蔵鳶居酒屋

营业中

休息中

自從疫情之後, 真係少左出街食飯, 最近見疫情有緩和, 趁早放工出尖沙咀食個飯同朋友聚下, 想搵間坐得耐又可以靜靜傾下計既地方, 二話不說就諗起居酒屋我地去嗰晚係星期四, 去到就立即入座, 客人唔算好多, 店員帶我地到吧枱位置坐低, 裝修都好有日式風味, 燈光柔和帶昏暗, 感覺好自在落單點餐都係用手機掃QR code, 依家好多餐廳都用依個方式落單叫野食, 方便又環保! 我地點左幾樣野食醫下個胃先, 上菜速度都算快見到師傅係我地面前製作緊我地份特上壽司盛, 一共有10件, 每件都厚切肥美其中最鍾意油甘魚、帆立貝、牡丹蝦, 非常鮮甜嫩滑, 火灸左口魚邊入口即溶, 三文魚籽粒粒大粒鮮甜又唔腥, 最不得了係件海膽, 堆到成座山咁高, 好震撼辣味吞拿魚腩卷面頭有少少脆脆, 令整體增添多重口感, 帶少少辣味香明太子雞翼外皮炸得好香脆, 一啖咬落雞肉嫩滑多汁, 滿滿明太子餡, 咸度剛剛好, 好惹味!本身都好愛食免治雞肉棒既我, 去到居酒屋必叫, 佢依度係自家製, 雞肉表面搽滿醬燒汁, 沾蛋咁食多左蛋汁既甜味, 甜咸交錯, 雞肉燒得好Juicy, 完全唔會覺得乾身, 好好味傾住計必叫小食之一味醂雞泡

朋友放工後相約我到尖沙咀蔵鳶居酒屋相食晚飯聚舊。居酒屋門面配上的燈籠。店外店內裝潢具濃厚日式風,仿似置身於日本。我們就坐於剌身Bar台。可望到廚師細心製作美食。..............................【軟穀蟹沙律】 $68這沙律色彩豔麗又夠份量, 所以菜都好新鮮爽口,而軟殼蟹炸得香脆可口甘香,而且好鮮味呀！..............................【左口魚】(3切) $68  +    【深海池魚】(3切)$68.每片左口魚晶瑩剔透,入口魚味是比較清淡甘香。.厚簿切的池魚,肉質爽口帶嫩口感,口感豐富魚油潤感。..............................【生松葉蟹腳刺身】 $78首次食生松葉蟹腳刺身口感纖細,味道肥美甘甜,有海水的鹹味。..............................【明太子雞翼】 $38雞翼入口外脆內嫩滑, 並釀入鹹香的明太子餡料,口感味道豐富,實在令人回味。..............................【明太子玉子燒】 $48玉子燒中間有鹹香的明太子,入口香滑具蛋味,十分香甜美味。....

呢間日本料理位於尖沙咀 地鐵站行幾分鐘就到 要落地庫。店內有新鮮海產即叫即整。 我哋就叫咗新鮮蟶子皇 大大 隻 咬落好鬼 彈牙 充滿豐富的海水味。之後就叫咗原隻幾隻鮑魚 咬落煙煙韌 包原味豐富 即叫即燒 好鬼嘢味之後就叫咗個 清酒煮蜆 親手落的比例恰當好處 用來調味就最啱 清酒煮蜆把險的鮮味帶出 個湯底都非常之 鮮味。之後就叫咗個 燒 白鱔 非常之肥美一旦咬落 魚油從口中流入喉嚨非常之 好味白鱔肉質彈牙 咬樂肉質紮實爽脆 食得出係新鮮貨呀。店務員服務態度好好值得推介

夏天熱辣辣最啱食啲涼浸浸嘅嘢，日本魚生就最適合不過。有人成日埋怨我同朋友食日本嘢又唔同佢食，今日一於帶佢嚟食呢間日本餐廳食魚生丼做lunch。我哋被安排坐壽司吧枱，睇住師傅即席為我哋炮製魚生丼飯。日本馬糞海膽赤蝦丼定食每個定食到餐都包括左湯，沙律，前菜，茶碗蒸。茶碗蒸味道唔錯，質地滑嘟嘟。主角終於上枱，賣相吸引，打卡一流。各款魚生望落去都好新鮮，魚子粒粒飽滿，晶瑩剔透，肥美嘅三文魚，大大隻嘅赤蝦，還有香蔥吞拿魚蓉。重點還有主角馬糞海膽，細細的一板鋪在飯面。急不及待先嚐一口馬糞海膽，果然鮮甜美味。日本米以赤醋調味，連同魚子，海膽加上吞拿魚蓉一齊放入口，鮮味在口中大爆發，相當滿足。赤蝦好大隻，非常鮮甜，質地爽滑，蝦頭還有好多蝦膏。極上海之幸丼定食呢個丼飯嘅材料大致都差不多，同樣有三文魚，大赤蝦，香蔥吞拿魚蓉，魚子，但係就多咗蟹肉，吞拿魚及鰻魚。這個丼飯本身沒有海膽，但係師傅大贈送，送咗海膽俾我哋，即時心心眼。蟹肉份量都好慷慨，啖啖肉，而且有鮮味。而鰻魚我哋係睇住師傅即時用火槍火炙，零舍香口。海膽亦都好甘甜，但當然冇馬糞海膽咁鮮甜，但都相當滿意。食完魚生飯，飲碗熱辣辣嘅味噌湯，感覺好舒服，味

今日放工同朋友去尖沙咀覓食，嚟到一間日本居酒屋🇯🇵，裏面很特別，入到去就見到一個好大的魚缸，海鮮非常新鮮，充滿日本的氣息。落單都非常方便，用手機數QR code，慢慢落單都可以！📲二人時令濱燒盛 🦪蠔兩隻、鮑魚兩隻、老虎蝦兩隻、蜆、扇貝蜆肉非常大隻，非常鮮甜，完全沒有沙，值得推介👍🏻👍🏻👍🏻👍🏻鮑魚大隻，口感彈牙！扇貝都好新鮮，非常爽口！老虎蝦燒的時間剛剛好，很厚肉，很有蝦的鮮味！蠔都值得推介，好鮮甜，啖啖肉！😋海膽手卷一向我都很喜歡吃海膽，好新鮮，沒有腥味！🤩大吞拿魚腩壽司炙燒左口魚裙邊壽司三文魚子壽司、芝士飛魚壽司、芥末八爪魚壽司厚燒牛舌心、鹽燒雞軟骨牛舌入口即溶，雞軟骨亦都好味！😋

首先要講，這裏裝修從很精緻，店員告知用電話下單的，很方便，一路食一路下單，食物夠晒新鮮。軟殼蟹沙律，賣相很好，新鮮炸起軟殼蟹很脆口，配合沙律及酸醋，十分開胃。鱈魚棒，居酒屋常叫小食，每一片都很薄很脆。喜之次一夜干，熱辣辣燒起即刻吃，香脆嘅魚皮，加上醃得正好的鹹味，唔錯！串燒盛很豐富，當你想吃串燒同時又有選擇困難症，這個很不錯，串燒盛有的我都覺得味道很好。赤身刺身，重魚味，肉質厚實，有咬口，唔錯。三文魚刺身每一件都肥美新鮮，口感细嫩。馬刀貝壽司，賣相靚，爽口鮮甜。朋友是三文魚癡，基本上可以選擇的三文魚食物都已經點了🤣一連2碟三文魚三味及散件三文魚壽司，一眼看過去真是一個三文魚大拼盤，每2件鮮色三文魚便夾著火炙三文魚，哈哈！野菜天婦羅新鮮炸起，當中南瓜天婦羅特別香甜。

星期六去咗尖沙咀行街，見到呢間日本餐廳有午市定食好似唔錯，就入咗去試。餐廳採用bar枱形式，師傅喺我哋面前即做刺身丼。電子點餐不久後，店員就送上沙律、前菜、茶碗蒸。茶碗蒸熱辣辣，蛋好嫩滑，餡料足，味道唔錯。日本馬糞海膽赤蝦丼定食$198丼飯有一小板馬糞海膽、兩塊厚切三文魚、一隻大赤蝦、三文魚子、吞拿魚蓉，賣相幾靚。刺身款款新鮮，赤蝦大大隻，蝦頭部份蝦膏好甘香。其中我最鍾意海膽，非常鮮甜甘香，要來撈飯食味道一流。極上海之幸丼定食$188呢個材料超級豐富，有蒲燒鰻魚一件、兩件厚切赤身、兩件厚切三文魚、一隻大隻蝦、三文魚子、蟹肉同埋吞拿魚蓉。鰻魚都幾肥美，刺身一樣新鮮，用吞拿魚茸加三文魚子同埋蟹肉碎撈飯真係極上享受，超好味。食丼飯嘅同時，店員送上熱辣辣嘅麵豉湯，味道適中，唔會過鹹，食完丼飯飲碗熱辣辣嘅湯幾舒服。

尖沙咀區有間旺中帶靜，隱世的日式居酒屋，裝修非常日本風，暗黑燈光。有串燒區又有魚池，廚師還會即撈即劏，很特別啊！食物選擇實在太多了，點了後廚師即叫即做，我和朋友也偷師了一會。日本馬糞海膽赤蝦丼食材新鮮，馬糞海膽比普通海膽鮮味更濃郁，入口立即完全溶化，一小版上更覺專貴，還有三文魚、吞拿魚他他、三文魚籽及赤蝦刺身，與日本靚米一同入口，完全是味覺享受。軍艦三味用料絕不手軟，餡料多得快跌下來，特別愛蝦膏壽司，鹹香新鮮美味非常。炙燒金目鯛壽司魚油充足，差點封印了咀唇。溶岩海膽名字奇特，原來是類似墨魚丸狀包著海膽，又彈牙又軟腍的多重口感👍🏻。味醂雞泡魚干是佐酒佳品，最愛魚身那種小煙韌感，是雞泡魚才有的質感😋喜之次一夜干大條又抵食，魚身原條開邊起雙飛，魚肉有咬口沒有腥味。濱燒鮑魚即叫即燒，上枱熱辣辣，進食時要小心太熱。玉子燒(櫻花蝦)有水準，能做到內裡仍有蛋汁的效果，不會過熟，與櫻花蝦很搭配，想像自己去了日本一轉啦😂

尖沙咀加拿芬道 The One後面隱藏兩間日本料理，其中一間即是「蔵鳶居酒屋」，和式風格，氣氛溫馨隨意。店內食物款式多樣，包括刺身、壽司、燒物、和食、唐揚、濱燒等等。首次光顧，每種也點一些，嘗嘗究竟。螢光魷魚昆布漬滑溜溜的螢光魷魚小巧而晶瑩剔透，味道鮮甜不腥，昆布漬酸甜開胃。揚富山白蝦炸白蝦稍為欠缺熱度，勝在份量多，蝦肉柔嫩不霉爛，炸皮薄，口感香脆。清酒煮蜆蜆肉粒粒飽滿多汁，清甜無砂，吸附淡雅清酒湯底。湯底淡淡酒香，鮮甜幽雅，帶蜆肉鮮味。明太子雞翼雞翼燒至皮脆，掏出骨頭釀滿明太子，肉嫩多汁。店內的壽司飯比例適中，以赤醋調味，口感柔軟中富韌性。壽司、手卷及卷物均用此來料理，味道更豐富具層次。鮪五色壽司五色吞拿魚，由赤身至大拖羅，五款里刺身及灸燒均有。刺身件件厚切肥美，完整覆蓋米飯，入口豐盈，油潤脂香化嘴間。特上壽司盛（十貫）不到三百元的壽司盤，包含昂貴食材，海膽、三文魚籽、鯖魚、吞拿魚等，價廉物美。刺身整體質素不錯，與米飯比例佳，大小剛好一口一件，鮮味充斥口腔。鵝肝京蔥天婦羅卷師傅以反卷形式包裹鵝肝京蔥，再落油炸香，米粒更煙韌香口，不過個人喜歡清淡傳統類別。總括來說，若果要環境舒適，吃上

🍴濱燒老虎蝦兩隻 64 蚊🔥🦐整成心形都幾得意 雖然個蝦殼有 d燶 但入面既蝦肉冇野 個蝦幾新鮮彈牙 唔錯 🍴芫茜天婦羅 58 蚊🌿🔥第一次食芫茜天婦羅 上層有 d蠳花蝦點綴 , 🦐天婦羅炸得好香脆 食到有 d油炸香 跟住就係芫茜既香味 好食: 🍴玉子燒 鰻魚芝士 68 蚊🥚🐟上層有紫菜絲 蛋整得好香滑 帶 d甜香 咬落去熱辣辣 入面有 juicy既鰻魚同半溶既芝士🧀夠哂層次感 🍴燒蟶子皇2 隻96 蚊🔥大大隻蟶子皇 用左鹽燒既方法 保留蟶子既鮮甜同 juicy亦燒到剛熟 唔錯👍🏻 🍴日本馬糞海膽赤蝦丼 218 蚊🍚大大板馬糞海膽 夠哂軟林同濃味 仲有香濃既吞拿魚蓉 🐟juicy既大魚子 仲有大大隻赤蝦🦐 啖啖肉 而佢既日本飯本身 已調左少 少味 帶 d酸同豉油香 如果唔夠味再配 d酸薑同出醉豉油都 ok🍴蟹肉赤蝦雙籽丼108 蚊🦀🍚新鮮既蟹肉🦀 加水爽口既魚子蝦子 配埋新鮮赤蝦 連埋醋同豉油醃過既白飯 而飯粒夠軟林 整體係一個唔錯既丼飯#丼飯 #海膽 #赤蝦 #鰻魚 #芝士 #玉子燒 #虎蝦 #天婦羅 #芫茜Score 平均分 <8/10>Taste 味道：👍🏻

蔵鳶居酒屋位於尖沙咀THE ONE 附近, 行到落地下好有日本東京橫街窄巷的日本居酒屋 feel。蔵鳶面積唔算大, 除咗長吧枱, 仲有幾張細枱及獨立房間。今日我地坐BAR檯, 大趨勢, 避免接觸餐牌交叉感染, 蔵鳶居酒屋都採用自己手機掃QR code 落單, 方便快捷又衛生。今晚一人叫一個主菜, 我叫了特上壽司盛10貫, 友人叫咗海鮮丼, 再加2個小食。炸池魚仔 ($35)池魚拈了少許天婦羅炸漿, 炸得乾身脆口, 佐酒一流。明太子雞亦 ($38)即炸上枱, 兩隻雞翼脹卜卜, 雞皮炸得焦黃脆口。雞翼內塞滿了明太子, 雞翼皮帶點油份, 一口咬落去, 明太子鹹鹹香香, 雞翼香口, 很惹味的小食, 呢個小食賣$38 頗抵食。北海道海鮮丼 ($188)小朋友叫的主食, 材料非常豐富的海鮮丼, 內有三文魚、帶子刺身、三文魚籽、甜蝦及海膽, 同樣配上赤醋珍珠米飯。材料新鮮又份量十足切咗個自家多餸少飯丼, 三文魚油紋充足, 新鮮肥美, 海膽用上日本海膽,  味道冇咁濃卻換來清甜, 入口幼滑細緻, 甜蝦則甜滑, 帶子刺身鮮味十足, 甜得黎帶點微爽, 且份量十足, 至那個鹹香爆脆三文魚籽用嚟撈煙韌赤醋飯最

男朋友話尖沙咀開左間個名好特別的居酒屋，今次起尖沙咀睇戲，就順便去試下😂😂😂店舖其實起美麗華同the one 中間，唔難搵，落一層樓梯就到！一落樓梯入到餐廳，就見到好大個魚缸，裝修都好有日本風味好大個酒櫃，鐘意飲酒既人可以留意下有無心水！坐起bar 枱，可以近距離欣賞食物既製作過程而家燒緊三文魚腩！炙燒三文魚腩手卷$28這個就是上圖即場燒的三文魚腩手卷因為即場燒，所以師傅一路包，一路聞到燒出嚟嘅香味，三文魚腩燒到出晒油，咬落去啖啖油香，口腔充滿住三文魚腩既油脂溶岩海膽$58網上見到有人食，個樣幾特別，就叫黎試下食落去，出面黑色既似丸，入面係海膽醬，成個感覺係高級版既海膽丸，當然呢個價錢，佢入面既海膽醬係濃既，海膽成份都有番一定份量！擺碟都好靚😊啱晒鐘意影相既我海膽丼$208俾呢間餐廳吸引，某程度上同呢個海膽食有關！望落去，眼睛發光！！！一上菜見到成碟都舖上海膽，問左呢個係用上加拿大海膽，可以見到海膽較日本海膽的大片。海膽份量好足，可以做到每啖飯都有海膽起上面！味道鮮甜，問左師父海膽飯係用七星米同赤醋。季節魚薄切刺身$148今日季節魚係魴鮄魚，之前都食過覺得味道不錯，所以就叫黎試下師傅收

今日同朋友去尖沙咀食飯，揀咗呢間叫「藏鳶居酒屋」嘅日本餐廳嚟試試！餐牌嘅選擇好多，有串燒有刺身有壽司有飯有麵，基本上我所有想食嘅日本嘢餐牌上都有！我哋先叫咗個軟殼蟹沙律，真係有成隻軟殼蟹，而且個汁好夠味，酸酸甜甜，好開胃！刺身我哋就叫咗三文魚同左口魚等等壽司我哋叫左口魚同帶子海膽：串燒我哋都叫咗幾款，有燒牛舌：燒芝士年糕：燒海膽丸：呢個丸入面有海膽，食落好彈牙：燒蕃薯仔、燒芝士秋葵：燒茄子：燒焦糖菠蘿：菠蘿非常juicy，而且仲有層脆脆嘅焦糖面，我同朋友都好鍾意！明太子玉子燒：因為一開頭驚唔夠飽，我哋仲叫咗呢個北海道白咖喱飯：

放工約個朋友吹下水，catchup下，選擇依間日本餐廳原因係有不同菜式可供選擇，又有魚生壽司又有串燒又有鍋物，餐廳分兩邊，開放式廚房，一邊整壽司，一邊整燒物，仲有多個魚池，可想而知食材有幾新鮮海膽茶碗蒸－好滑好有蛋香，同海膽好夾多咗一層鮮蝦味，唔會太單調櫻花蝦玉子燒－甜蛋厚度剛好，加上櫻花蝦多了口感串燒盛－雞軟骨，雞翼，豬腩肉，冬菇，唔辣又貌似秋癸嘅辣椒鹽燒白鱔－燒得外脆又不失魚肉嘅肉汁，加上鹽花提升鮮味喜之次一夜干－一上枱就聞到喜之次嘅魚油香，燒到皮香脆，魚肉仍滑口日本馬糞海膽赤蝦丼－採用赤醋飯，感覺更好食更健康，大量海膽魚生，三文魚腩同三文魚籽都好新鮮