蔡潤記 (已結業)

蔡潤記去大埔周圍都有一間魚蛋粉，個個大埔友總有一間心水魚蛋粉念念不忘，仲意佢浸味同魚蛋唔再話下，仲有由細食到大既⋯人情味。今日為大家介紹係大埔魚蛋粉三甲之一既蔡潤記，記得係東昌街個間蔡潤記，唔係「新蔡潤記」，大家唔好搞亂呵。朋友係大埔友，誠意推介呢間蔡潤記魚蛋粉，唔怪之得成日都咁多人排隊，點解一碗魚蛋粉可以有咁多人排隊？等我去試下先。我試係一碗淨魚蛋，老闆好快手，唔洗兩分鐘就上左魚蛋，有魚蛋、炸魚片同埋炸魚蛋，用上牛腩湯底，一粒粒白色魚蛋浮係棑色既湯上面，配少少蔥花，望落已經好吸晴。第一口當然會飲湯先，牛腩湯但唔係好油，再食埋粒魚蛋，牛腩湯同魚蛋又出奇地夾，一啲違和感都無，魚蛋好有魚既鮮味，粒粒彈牙爽口，唔係廢話，因為隱約間仲見到半掩到門入面有人打魚整魚蛋，真材實料既魚蛋，當然係魚蛋有魚蛋味，唔係平時急凍魚蛋個種質素。再試下魚片，都係好彈牙有魚味，佢既魚片係每日手工做，細細塊既魚片出面炸左，多左一種香口。我見好多食客會食牛腩面再加碗淨魚蛋，大家下次黎都可以試下。據聞佢既牛腩面都好出名。食完魚蛋叫左支玻璃樽既可口可樂，因為出面唔係成日有架，玻璃樽既汽水特別多氣好飲，大家見到都可以叫番支爽

今天光顧東昌街的蔡潤記外賣，外賣叫得慢啲都俾你串，去到最後俾話比你咁做生意唔得，你話以後唔做我生意仲要問候我老母。感覺非常不良好，就算佢有幾好食以後都唔會幫襯。其實今天新街市欽記和洪記冇開先走來幫襯你。講真有得選擇我都選擇街市嗰啲先！

魚蛋魚片細又薄很淋冇咬口，湯是豉油黑萌萌，無鮮味，都唔敢飲！一碟牛肚，牛筋和牛腩，冇鮮味很鹹汁又是豉油汁。不明白為什麼可以成為名店？香港太多魚蛋粉店都好過他，中伏，永不回頭！😡

蔡潤記 (大埔)大埔東昌街7號地下超旺場既牛腩粉店😂大家有心理準備去到要搭枱湯底同出面其他粉面店有少少唔同睇落色水好似好濃估唔到食落又好清超正既系店內系提供支裝玻璃樽汽水魚旦河魚旦魚片彈牙煙韌牛腩牛肚河牛腩牛肚好入味👍🏻好林好易咬評分：9/10

一個大埔兩間蔡潤記，一新一舊，舊的以前新做，現在已是舊；新的離去再回流，以前是舊，現是新。歷史先不談，講回食物先。星期日老店排吓排好正常叫了《牛筋腩河》《牛筋腩麵》《油菜》《淨魚蛋和魚片》炸魚皮未兩點已經買曬，下回請早。除了魚片好食啲，粉和麵OK正常，其他都……湯-夠味但鹹，牛腩-比較韌但沒起渣，全瘦肉牛味一般；牛筋-夠淋但沒有咬口，都算入味；整體未至於難食，順路可以體驗下，老店嘅風味，專程入去大埔就可以慳番。 不過眼見唔少街坊幫襯，所以每個人都有兒時味道。食物賣相＝(滿分20) 12食物味道＝(滿分20) 12服務質素＝(滿分20) 10 （老店的態度）裝修整潔＝(滿分20) 10性價比率＝(滿分10) 7回頭指數＝(滿分10) 5Total：56分

大埔出名魚蛋、牛腩河大埔真係美食太多，就連食粉面都有幾間食到街頭巷尾都知，其中一間: 舊蔡潤記1. 必食筋腩(河) 個人中意兩溝，因為牛腩都易痴牙，拼埋牛筋就會食埋兩個口感佢嘅牛筋牛腩睇色都知相當入味，事實上都係，同埋個腩汁加埋入湯令整碗湯河都非常濃郁 加埋蔥花就錦上添花啦!!(如果中意食) 2. 必食魚蛋(河)佢嘅魚蛋係入到大埔街坊的頭三甲所以唔叫一定對唔住自己 魚蛋同蛋片都夠彈形煙韌。仲有，係必食佢個辣椒油!!! 正常碗SIZE 係$34，加底另+$4

自有記憶以來，蔡潤記是我的童年回憶之一，人愈大愈會掛念從前的味道，成日都會心思思想黎食返碗！以前一入鋪既時候會嗅到陣陣火水爐味，但依家已經嗅唔到，不過裝修、擺設都係10年如一日，一眼望去幫襯熟客多一樣咁多，老店確實有存在的價值。必點推薦系列:1. 淨蛋片 - 魚蛋細細粒好彈牙、魚片好爽口、湯底好鮮味2. 牛根牛腩河 - 牛根牛腩好入味、厚身河粉值得一讚、湯底牛味濃3. 炸魚片(可惜太晏去所以賣完)大家都有心目中的一碗魚蛋粉，蔡潤記的環境、食物、服務方式未必係個個接受到，大埔土生土長的我雖然食過港九新界咁多間，但我始終鐘情於依碗魚蛋粉，享受食物的同時也享受著童年回憶吧！

細細個，小學嘅時候我已經係常客，爸爸媽媽帶我去食。牛腩魚蛋河，走青。辣椒油係靈魂😊❤️加多一支玻璃樽嘅忌廉，無得頂呀^_^魚蛋好彈口，牛腩好入味，不得之了呀👍🏻👍🏻👍🏻

今日去左大埔好出名既「蔡潤記」食lunch，因為之前去，佢都好早關門（3:00 就關了星期六）今次我地1:00幾就去了😚😚本來想吃炸魚皮，也賣完，鋪頭好似都係幫襯熟客多，一去到餐牌都未睇，伙記就問我地想食咩😂我地叫左牛腩麵（$34）同牛根米（$34）好味既特別係個湯，面都唔錯，不過牛腩同牛根都不太特別。。。無話好多汁或者好重肉味😅😅有一點點失望😞不過佢既環境好地道香港風，值得一讚，而且依家好少餐廳有枝裝汽水🥤喇！

星期日上午竟然不用排隊，仲唔洗搭檯，今次疫情對香港經濟真係影響好大，我就冒著危險都來支持一下啦！本來一心來吃粉腸，點知今日無粉腸賣，唔知是否因為客人唔多，所以暫停供應呢🤔咁就唯有叫碗魚蛋魚皮麵($34），魚蛋係必點的，細細粒，好彈牙，魚皮連魚骨，炸得好脆，正！不過份量真係唔太夠，男士正常應該要加底(+$4）先夠吃。朋友就叫碗最普通的魚蛋魚片河粉($34），雖然魚蛋同魚片係同一樣嘢，但吃起身口感完全唔同，味道同以前一樣，如果可以大碗少少就好啦！

好耐無過黎食，對比以往，今日叫好好好少人，因為疫情，少左好多人出街食。今日難得出黎踩單車，順便食埋先返去。味道同以前一樣，裝修都冇變。不過今日黎得唔及時，油菜同粉腸都已經賣晒。點左牛肚 好入味，推介推介

牛筋牛腩河加魚蛋加底，見好多人都係咁叫，梗係照跟喇！去大埔無數次，都係朋友介紹先第一次幫襯，上晝十一點半到，由於得兩個人整粉麵，所以等左半個鐘先有得食。34蚊一碗單拼麵，每加一個餸就加16蚊，算係良心價。魚蛋真係好彈牙，細細粒易入口，所以好快就食完要後加一碗淨魚蛋先可以滿足。牛筋同牛腩牛味濃，另外，炸魚皮本身好脆，浸一浸湯先食效果唔錯。總括唻講我會俾4/5星。本身鍾情於大埔群記嘅我，食完蔡潤記之後，會多些來幫襯。

十幾年都keep住食佢嘅牛腩河湯低十幾年都保留住牛骨嘅味道十年如一日，牛腩係採用半肥瘦嘅崩沙腩，河粉囗感又滑簡直絕配另外牛筋都係必食，唯一食過會入口即溶嘅牛筋，食完滿口骨膠原

入到去要自己搵位，唔緊要，但我未試過食快餐要等成20分鐘先食到碗牛腩河，仲要碗牛腩河勁難食，完全唔知點解佢咁出名？！牛腩河嘅牛腩同湯都冇味，等勁耐先黎，真係等勁耐又勁難食

講開食魚蛋粉，最鍾意就係食蔡潤記。不過佢的營業時間係賣晒就收工，所以平日要番工都好難去食到。唯有趁放假先有機會去食！一睇門面的裝修就係以前舊式的魚蛋粉鋪頭。舊式的裝潢，極老字號！每次去到必食牛筋魚蛋米，牛筋切到細細件，食落好淋，冇牙都食到呀！魚蛋彈牙，非常新鮮，魚味勁重，個湯底夠晒熱，又唔會太咸，食完唔會勁口渴，不過有冇落味精落碗湯到就唔知啦。還有炸魚皮，每次都唔會失望，魚皮脆得嚟很香囗，亦屬必食。