蓮香居 (已結業)

沒辦法，自自然然將蓮香居與蓮香樓比較。有兩層，地方大得多，假日到來也易找到位子。而且細檯多，竟然給我倆獨佔一張檯！點心出得密，用不着下下去搶。不過大包是例外，仍是手快腳快有，慢一點就無。有幸試到。包算大，而皮仍軟熟，好食。不過與殘留腦海的小時候印象有點不同，感覺以往的大包內裏包羅萬有，現在的則似是加了蛋黃的加大版雞包。馬拉糕、蓮蓉包及豬潤燒賣都保持蓮香樓的高水準，唯獨普洱感覺好像沒有那麼順滑，當然這是雞蛋裏挑骨頭。可是如果有朋自外國來，我估我會帶他去蓮香樓，試試搭檯、搶點心，感受一下真正舊式茶居的風味。

2009年08月08日，14:30早上又在OR找地方和太座一盅兩件，見到這店有哭臉，便細閱。最後決定進行印證。乘電梯到二樓，飯市末客人仍多。亞姐有禮地為我們安排了坐位。要了普洱和鐵觀音，伙計開茶時竟替我們洗茶近三時，仍有多輛點心車，自由地遊蕩。老店點心車祇能作蟻行，因剛出廚房門，已行不得，被茶客重重圍住。可能是時段不同和地方較寬敞，令新店缺少了這氣氛，我亦少了搶點心的意欲。第一輪太座順利的要了蝦餃和燒賣，第二輪要了鳳爪和雞札，等不到腐皮卷，最後要了叉燒瀨。(太座裝惾，問金錢雞瀨是否樣特價)蝦餃：新鮮熱辣，皮不算極薄，口感不錯；蝦鮮爽、筍清香；因不是眼明手快一族，在老店無緣吃蝦餃乾蒸燒賣：夠熱，偏鹹鳳爪：賣相和口感好，可惜亦偏鹹雞札：烹調過的雞鮮和入味、肉片亦不化學、厚大魚肚味豐。叉燒瀨：叉燒不愧蓮香名物，半肥叉燒，肥的入口油香溢出，瘦的味濃、軟硬適中，口感好，湯底仍是燒豬骨老火湯，結果一滴不留。整體點心仍有水準，古早味尚在。我們坐在二樓，點心無不夠熱情況。太座認為點心在二樓出車，遊蕩一輪後，再遊電梯河到三樓。若然三樓冷氣特強，便有點心被吹凍情況。看來話事人需想辦法改善了。可能是人手更充

聽聞蓮香居比“樓”闊落企理, 食物質素相約, 找位較易就不得不蒂仔女來試試. 一個師奶帶兩隻奀皮小鬼去“樓” 其實很搵位好難的啊!這天下雨, 唯有在香港站打的到蓮香居去. 11時許到達, 地下的餅店正在裝修. 我們走樓梯上, 窺見二樓客滿, 上三樓去, 啊只有四五桌客人, 冷氣超凍, 立即幫仔女加衫, 但仍然是冷.(待應說溫度不能調高)開了普洱, 滾水 -- 普洱茶是“樓”的水準第 1 架點心車是腸粉, 要了蝦腸 -- 夾了一條給女兒囑咐她吹凍才吃, 怎知我影相時女兒說“凍ga” 吓? 凍? 架點心車出煙格……自己試下, 唔係冰凍,但真係唔熱,屬微暖. 腸粉皮軟綿但欠米香, 蝦是爽但無鮮味的雪藏蝦吧, 本已一般, 唔熱就差矣!第 2 架點心車是鵪鶉蛋燒賣, 熱辣辣ga! 點解個鵪鶉蛋又韌又怪味嘅? 有d似壞咗嘅鷄蛋味, 因為鵪鶉蛋細吞了算, 燒賣呢 -- 一般 (唔知仔女嘅鵪鶉蛋有無問題? 佢哋無講.)第 3 架點心車是鷄扎 -- 魚肚是真的, 不是猪皮! 有骨的鷄肉 不是“霉淋淋”的雪藏鷄, 這鷄扎雖不是超好味但挽回了叫下一道點心的信心!第 4 架點心車是 -- 梅菜叉燒

係中環同同事專程坐的士黎呢間食lunch, 雖然係遠少少, 不過真係好古色古香, 而且價錢合理!地板保留舊式茶樓樣式, 檯塊玻璃下面有木板可以放野, 呢間比起中環有間舊式茶樓更乾淨最重要服務態度超好!幫我地倒茶既叔叔態度一流, 每次都笑笑口同你倒茶見你張檯太多水, 又主動抹乾淨 每個侍應倒茶都一樣好小心等你移開個人先倒, 亦唔會倒到檯面勁多水, 水煲拎出拎入都就住d位, 非常細心! 仲有呀~佢地真係會一見到你個茶壺無蓋住, 就即刻幫你倒水!試過d同事話個茶壺太熱倒唔到落茶杯, 拎起左個蓋抖涼...個侍應就走埋黎想加水, 結果個同事話唔係啦...即時就有個可能係高級d既侍應走埋黎, 笑笑口話:「哦, 你無蓋住d侍應就會係咁走埋黎架喇~」非常有禮貌!!! 而且佢地一見客人搵唔到位坐, 就會主動幫你物色~仲幫你開埋茶, 搞掂好晒, 幾乎幫你洗埋杯先走開!呢方面對於老人家黎講係非常有用的! 佢地行得耐會辛苦呀, 侍應就四處幫佢地搵位, 好厲害! 就連推車仔阿姐都一樣好態度!見你未必留意到有車仔經過, 會主動埋黎問下有冇野想要當我地問有冇某某食物時, 如果無, 佢就會好有禮貌笑笑口話無拎食物黎仲

已經是前個月初的事了。十三個人來體驗一吓這「新爐灶」。地方比舊店”肆”正，而且乾淨得多。服務亦較積極和親切，但我們一到場，就「不停地」催促我們點炆班翅/尾和冬瓜盅。金錢雞做得極之出色，比得龍還好。那片薄薄的冰肉，爽口而不膩。鴨腳包太乾，鵝腸長得誇張(有近呎半長)，都是紫荊閣的最好食。八寶鴨味道也不錯，鴨比想像中細隻，鴨肉不多，獻汁過多，有點似食濕透了的裹蒸糭。醬燒骨保持舊店水準，但今次幾肥吓，連我也不敢弘食。炆班尾上次在舊店食過班翅，所以今次試班尾。雖然翅位油份較多，但總覺得是手工問題大D，今次做得頗硬身，肉也比上次少很多，魚皮也不及上次的”煙UN”。煎蓮藕餅幾好食，脆身而料足。焗西米蓮蓉布甸第一次食的，覺得太淋了，如果可以企身一點會較有質感，而且蓮蓉也少了一點，只得中間部分有。還有兩個都以菜為主，記不起了。

三人由沙田專程去, 二樓滿座, 所以上左三樓, 上次晚飯有鋪枱布而今次冇, 侍仔來加水或我地洗杯碗都攪到張枱濕晒, 不習慣!(1) 雞扎 - ok (不過原本另有淮山雞扎叫, 走才見到)(2) 大飽 - 寶湖酒家的比這兒好食多點(3) 牛肉腸粉 - 不夠好彩海鮮酒家或翠亨邨的滑及好味(4) 燒腩卷 - 太鹹, 否則就very good(5) 黑椒爽肚 - d爽肚是雪藏貨及似經化學過程軟化, 麵根好味(6) 鴨腳扎 - ok(7) 馬拉糕 - good, 但北角鳳城更好(8) 蓮蓉飽 - very good另外打包兩個大包走.

無心插柳下, 還在無需等位下晚飯 , 是晚客人十分多 影左一輪杯杯碟碟後, 就開始點菜, 小菜價錢也經濟平均4-50 元, 點了鬼馬牛肉 : 最先上枱的一味, 原來係係西芹炒牛肉, 而牛肉大大片, 有咬勁, 應該無用鬆肉粉 , 而西芹也炒得翠綠, 踏實的一味小菜 雜菜粉絲煲 : 大大煲都咪話唔勁, 主打有白菜, 菜芯, 西蘭花, 冬菇舌大量粉絲 , 無乜油味道偏淡, 自己覺得麻麻地 焗鵝腸 : 等了又 等, 問第一個伙記話要焗所以等耐d , 過了15 分鐘後再搵個老伙記跟, 佢話: 估清啦,無人通知你地咩 ? 頂 ! 人地等左成半粒鐘先話無, 於是老伙地識趣地送上兩碗陳皮紅豆沙 , 陳皮味香加上大大粒天津紅豆點會唔好食呢？奈何溫度唔夠熱，扣點分　　由於蓮蓉飽食得多了, 今次要了馬拉糕, 要等 10 分鐘, 好野又怕咩等呢 真係熱辣辣, 相機鏡頭都比佢煙一煙, 等一等先影到相, 味道不像大榮華的甜溜重味奶黃, 真是正正常常的馬拉糕, 而質感更是非常的鬆軟加上淡淡的甜味, 真是全晚的高潮, 我倆還好似小孩子般 搶食呢

2009年07月25日，16:00慕名這新店，決定一試。奈何太座要看完薇娘大結局才出發。結差不多16:00才到達。新店有電梯，太座樂得不用爬樓梯了格局和老店相若，雙層玻璃檯，被防火膠板取代。那古風茶具和大水煲尚在。分別要了普洱和壽眉，茶湯仍是香淳無比，沖了近十次，也沒變淡。開茶時伙計告訴我們，點心不會再出。- 心裡驚叫，淨飲雙計啊他幫忙到廚房查看，有何剩餘物資；最終還有蓮蓉飽、馬拉糕和鳳爪，但需翻蒸。- 據口感，但我認為是新蒸。太座再要了碗切雞瀨粉。切雞瀨：湯底清甜，應是菜乾、南北杏煲燒豬骨；雞竟是腿，太座大喜；皮滑肉嫩，難得有雞味。豉汁鳳爪：賣相一般，有口感和好食味；不會是梳打一族，調料惹味。馬拉糕：老店名物之一，太座不太欣賞；但我仍為：夠鬆、軟滑、清甜。蓮蓉飽：皮香且軟；蓮蓉細滑、清甜；蛋黃流油；但她的身價，比她近親，蛋黃蓮蓉月，差了廿倍。在離店前，味部掛出了一串一串，剛出爐的金錢雞，賣相好吸引。這店一定會再來，但肯定提早一些，我相信要在14:00前。

到達蓮香居，地下賣餅的舖面正在裝修，乘升降機上三樓，古色古香，和蓮香樓一模一樣，但較寬敞舒適，侍應招呼不錯，點了香片和水仙，茶香撲鼻，好茶 每位 $8。點心車不斷巡迴，非常吸引，叫了下列點心：鴨脚紮、豬肚燒買、蒸排骨、牛肉球（四碟中點）每碟 $14，冰花蛋球、酥皮奶黃包（兩碟小點）每碟 $12，每樣點心皆新鮮美味，水準一流，這一餐吃得稱心滿意，共銀 $96，抵食。

以為蓮香開新店, 所以六月之星選新店慶生辰, 怎知原來家族因此新店而起事端。當晚訂了位, 去到覺得擺設差不多, 叫了豉油中蝦、火腩煲、白飯魚炒蛋、金錢雞和壽包。 除了火腩煲不好吃外, 其他都很好。首先, 火腩煲芡汁太杰, 火腩和配料一點味道都沒有, 難道大廚忘記調味? 總之, 對火腩煲極之失望。豉油中蝦的蝦大大隻, 肉質鮮美, 豉油惹味。 金錢雞不算太油膩, 但一舊起兩舊止, 始終都多油。白飯魚炒蛋好味, 平凡得來有驚喜, 味道好好。捨棄西式生日餅改食壽包, 怎知壽包又唔熱, 皮有些少硬加上蓮蓉饀甚少。 有無搞錯, 壽包應該叫才蒸, 怎會預先蒸好呢? 令我們失望和對六月之星深感抱歉。

咁難得約o左一大班舊朋友出來食飯...竟然遇上「莫拉菲」吹襲香港!! 好彩佢黎得慢, 我們吃得快....盡管蓮香居沒有五星級的環境; 食物及味道, 但他們卻有五星級的服務態度相信一大班朋友在點菜時總是有類似的問題....如有乜好食, 食乜好, 貴唔貴, 夠唔夠食等都是常常會出現的. 但我們今次卻出現了"18號", 一個幫我們解決所有問題的好好好服務員.他的出現...使我們只須說出想要的budget....便為我們編寫出一份美味而唔超出budget的菜單... 單是他這份以客為本的態度已令我會再次光臨 "蓮香居" open rice 不單這樣....01號也不能不提, 單是看他為我們加湯時放碗的一份細心...亦令我非常滿意.讚完人都要讚吓食物... $2080的菜單有條2斤半的生猛大班(一班兩味)加一瓶超過30碗的湯加9碟餸加一碟炒飯 (重要加大)加8籠點心 (4籠千層糕 + 4籠馬拉糕)再加即時造的西米蓮蓉糕總共15樣食物....我們15個大人加1個小朋友....似食緊20個人的份量....真係大件夾抵食...個個都飽到上心口加15位茶....總計$2140 15個人平均都係...$1

1) 普洱茶味香濃, 不會只得顏色 2)唔收加一和茶錢, 只收芥錢$4/位, 好少夜市會咁, 算抵3)員工很有禮貌4)飯後送紫米露, 我覺得甜左少少5)叫左蓮藕餅, 炸得好脆, 藕餅有碎馬蹄, 食落爽口, 我估藕餅並未加上很多鹽去醃, 所以上菜時, 有一碟醋是跟埋一齊上, 點埋醋, 更好味6) 北菇扒蔬 (上碟是生菜)7)鬼馬牛肉, 即是油炸鬼, 馬蹄, 西芹, 牛肉炒埋一碟 ; 牛肉炒得OK,不會 ''UN'''8)酒樓內不是豪裝, 天花的燈也只是光管而已

食物(主要點心)味道同舊鋪差唔多。 較優勝是環境舒適整潔，坐位數目較多，冷氣足。待應(應該是新請)服務幾好，有禮貌，唔似舊鋪果D咁有性格。見到已經有遊客到，應該不是看旅遊書吧。此店應該搶了舊鋪不少生意吧，好處可能是令舊蓮香易D搵位。

一行十人浩浩蕩蕩於蓮香居晚膳。坐唔夠10分鐘已經發覺 ... 好嘈 ... 好應聲。侍應服務唔錯。食物質素有待改善。當晚菜單如下：冬瓜盅(大) 唔知點解要200幾蚊一個懷舊吊燒金錢雞古法退骨鴨腳紮八寶鴨炆班翅 蓮香樓比蓮香居好食好多魚腸焗蛋 完全唔惦，蓮香樓比蓮香居好食好多鯪魚釀涼瓜 食之無味，棄之可惜蓮藕餅 食之無味，棄之可惜上湯芥菜焗西米蓮蓉布甸每位125元港幣 (連小費)坦白講，唔會推介這間比朋友。

話說林則徐任江蘇按察使時，眼見鴉片害人，便下令江蘇全面禁煙。他發現有人不理會禁令，繼續吸食鴉片，便微服出巡，換上富商的服飾。他留意到一艘遊船有一縷縷的輕煙飄起來，十分古怪，便召船家駛向遊船。林則徐為了試探船家，假裝不耐煩地說：「船家，前艙那東西很香，我何時才可過過癮呢？」船家便捧出鴉片煙，讓林則徐使用。林則徐臉色當堂一沉，指着桌面的一道沒骨菜問是什麼，船家回答那是蘇州船菜「出骨八寶鴨」，林則徐便回應：「哼！你連「骨」（「骨」與「國」讀音相似）也賣了！有像你這樣的人，國家怎可富強起來？」船家才認出眼前的富商就是下令江蘇全面禁煙的林則徐，此事傳遍蘇州，也有人將這件事編成歌謠，而那道八寶鴨，亦因為林則徐而聲名大揚，成為蘇州名菜。這道蘇州名菜八寶鴨也就是蓮香居招牌名菜之一。雖說是八寶鴨，但重點並非在鴨肉本身，內裡乾坤才是主角。鴨腔內「八寶」除銀杏外都被炆得粉腍，一切配料盡數吸收鴨之精華，濃油膩醬，嚼下去倒有點像濕透了的糯米雞但卻有八、九種不同口感層次，實為上品。八寶鴨是道功夫菜，集炸、蒸、釀、炆技術於一道菜上，不但花時間亦考功夫。市面上有供應此菜之食肆不多但亦偶有所尋。曾經嚼過一道完全不同風格