蓬萊咖哩屋 (已結業)

朋友聚會選在佐敦，其中一人提議到此餐廳，因之前光顧過，覺得咖哩做得好，而且可以選擇不同程度的辣，甚至走辣，而且價錢合理，又唔多人，可以坐耐D。Book 了枱，7:30pm 到達只見3枱客人，有些朋友先到，未齊人前，侍應生先每人送上餐湯及印度脆餅。餐湯是雜菌湯，有少許黑胡椒味道，西印混合的湯，幾特別。一邊等人，一邊睇 menu, 發現有意粉和 pizza, 真是間西印混合餐廳。既然朋友推介這裏的咖哩，當然要點咖哩的菜式。佢有一個set menu， 包括餐湯和一個咖哩主菜，任食印度烤餅和一杯普通的飲品如檸茶檸水。 主菜的選擇也有很多， 有咖哩雞、咖哩雜菜、咖哩牛尾、咖哩魚、咖哩蝦 ..., 可以選擇少辣和走辣。 大部分朋友包括我都唔食得辣，所以叫了小辣，而咖哩魚就走辣。 印度烤餅就點了原味和牛油的。當咖哩菜式和印度烤餅上桌時，大家也趁熱食。牛油印度烤餅有很香的牛油味，質感鬆軟, 大大塊的，再點埋D咖哩汁，真是越食越開胃。雖然D咖哩是少辣和走辣，但仍然充滿咖哩的香味，而且咖哩汁的稀稠適中，朋友即刻點了個白飯來掃埋D咖哩汁，真是好味到一D都唔想浪費。其後點了一個印度烤雞，但我已經飽了，無福消受

呢間尼泊爾餐廳都係我n call 再n call既一間飯堂。 首先講下momo,其實momo好似中國既餃子咁，但我覺得佢地比較著重香料同醬汁既配搭。呢間momo係自己包，果晚仲要係即叫即包即整，好好味。再到佢地個咖哩我地唔太食得辣，所以叫咗佢超級少少辣，一食d辣味又真係少咗啲但係都好好味所以我哋另外叫多兩個薄餅一個芝士味一個蒜蓉味，個薄餅都係即叫即烤所以出嚟又係新鮮熱辣辣。一點嗰啲咖喱汁真係野味又可口。本身仲想叫多個飯但真係太飽喇😂

星期日中午本想去同街的西餐，點知多人到爆，於是四圍睇睇有咩好食。此區都多咖哩食，呢間裝修平實唔覺有印度feel,唔留意都易skip左。侍應哥哥識廣東話英文，唔識英文都唔驚 -佢介紹午餐$69任食沙律、西湯、tandoori.雞、咖哩（三款）、炒飯、naan(必食！）、生果…都好豐富！咖哩味道唔會點差，咁平既自助餐就無豬牛羊，只有咖哩雜菜、魚同雞，都算係咁。無限量naan加咖哩食，唔過一百蚊都係抵！每檯上一支蒸餾水，係一支，飲唔哂可以攞走，非常方便。講真佐敦競爭激烈，價錢又抵又岩食認真唔簡單，原來佢地總店在元朗勁出名！遲d 多人識有咩影響就唔知喇！

本人同女朋友行完街唔知名食咩好， 行左去佐敦搵野食， 行行下搵到呢間印度野，睇左餐牌幾好價錢又抵就入左去試, 佢個set包左餐湯，印度薄脆，主菜 同埋杯野飲，凍飲唔駛加錢，個餐無加一。平得黎原來係好味架。個咖喱唔差，可以揀辣度，個薄餅好好味，底脆鬆軟，最意想不到係叫左個西式心pizza, 真係超好食，好多芝士，仲可以拉絲，我地兩個食完之後會再encore, 佢d服務態度好好，雖然侍應唔太識中文，但佢個menu有曬中文，溝通無問題，真心講，如果佢個位置係人流多既位一定唔係呢個價，因為d野食真係唔錯，大家不妨一試。

無驚無險又到 happy Friday. 一早返到公司早餐都末落格，就有同事約食午飯。事源上星期有另一同事食過個自助午餐覺得底食就促成是次返兜午餐 Go go go。一行四人，行到門口大大個牌寫住$69 自助午餐。開頭重以為係湯、沙律、麵包、甜點就任食，主菜就一碟嗰隻。同事在公司討論嗰時都話今時今日茶記食個晏都要$4x，$70有找會有真任食？一入到餐廳眼見有湯、沙律、西瓜、菠蘿印式燒雞、春卷咖哩雜菜咖哩雞、白飯印式薄餅咖哩魚、炒飯係無咗出面寫嘅羊、牛。正式坐低見到支樽裝水送， 唔錯好過要飲水龍頭水。 先飲個湯一入口已經覺好過好多茶餐廳嘅白湯。沙律菜上算新鮮，不過無沙律汁提供。 三個咖哩餸菜都唔錯， 咖哩雜菜唔會一pat pat， 咖哩雞唔多骨， 咖哩魚係魚柳。 咖哩全部屬小辣，其實係咖哩香料為主。有食開咖哩嘅同事就話完全唔辣。印式薄餅送咖哩一流，炒飯、白飯一般無特別驚喜， 燒雞味道亦都冇特別，不過有三個醬汁提供。春捲就預咗放到林曬同預計一樣。任食食到飽每人$70蚊唔使加一都算抵，餓底來食的話真係有賺。

第二次黎呢間野 無論buffet定lunch set 都好好食同埋都好便宜 lunchset 最貴88 , buffet有好多肉好多咖喱食。淨係要66蚊，服務態度又超級好！上次食左一次，今次特登搵翻呢間！牛舌好好食！上次order 有問題，佢地比錯餐，跟住就直接送比我，一個人食兩個餐！超級好人！

啱啱食咗個晚餐，食完之後好飽，好正！餐廳嘅經理同埋侍應係南亞人士。一開始嗰個錢財前菜都唔錯， 然後嗰個湯真係好好飲！然之後上左個燒雞都唔錯。最後主菜上嚟係印度薄餅同埋咖喱，我同我朋友兩個人分別點左一個牛肉咖喱，同埋雞肉咖喱。薄餅呢我就我點左個蒜蓉薄餅，都幾香，嗰個咖哩少少辣得來又幾過癮。食晒嗰個蒜蓉薄餅之後就免費加個普通嘅薄餅。但係都好香脆。嗰間餐廳雖然人流唔多，但係估佢唔到幾好食，每人食左100蚊都好飽😋

買咗groupon黎試二人餐，七點黎到冇其他客人，waiter淨係識講英文一，不過服務好好，好細心。野食好好食，好特別。我地叫左個pizza， 好大份，兩個人食都夠曬飽。熱咖啡好飲!

位於佐敦近寶靈街的南亞餐廳 All you can eat 由11:30-14:30on,任分有沙律菜沙律，鮮果沙律，印尼烤豬肉，印度烤雞腿，什菜春卷，蒜蓉青菜，印度烤餅，紙巾薄餅，咖喱雞，咖喱魚，長通粉，白飯，熱湯，蒸餾水，待應招呼好，環境干淨舒適，仲要每一樣都好味道，任食3小時，都系收$58免加一，一般小朋友大約六歲以下免費，加飲品都系+$8,去茶餐廳食個午餐既價錢，真系冇得頂😊!👍yummy😋，仲要逢一至日都有得供應，

今日同女朋友諗住喺佐敦四週圍行下、搵下野食，跟住見到好大個「水牌」寫住「印度自助餐」，仲要都幾抵，咁未走入去試下。入到去D南亞裔既侍應態度超好，有新鮮食物出，就會同每檯都介紹一下，甚至拎埋過黎問你要唔要，真係「茶餐室既價錢、酒店既服務質素」。雖然自助餐既食物選擇不多，但樣樣都好好食。P.s.呢道有其他散叫既食物，都好好食👍🏻

食過呢間餐廳兩次都覺得唔錯，所以特意來推介一下！個侍應嘅服務好好！需要用英文溝通。坐得都幾舒服，唔會太擠迫。可能因為午餐時段幫襯嘅人唔係太多前菜係同其他鄰近餐廳一樣的嗰塊餅，味道唔會太咸。我食過雞肉配薄餅，個雞肉好香好好味。朋友兩次都係叫牛扒，佢話呢度嘅牛扒都做得唔錯，個價錢就貴啲，午餐都好似要八十幾。嘢飲如果嗌佢特色嘅奶茶，味道會有啲怪，我自己就唔係好接受到啦⋯⋯叫過一次之後都唔會再叫啦， 好似飲緊涼茶，有啲草藥味。可以叫汽水，咖啡味道都可以。呢度係開蒸餾水比人客飲，不過唔使加錢喎！

Tried this place out with a Groupon voucher set meal for two. Came in for lunch and the initial impression was already very good - the place was neatly set out and seemed quite clean, and we were greeted politely. The starters came fairly quickly and first of all we had the daily soup which was a creamy mushroom soup. Then came a fried platter of onion rings, samosa and papadums. The samosas were really delicious and appetizing. I would've asked for more of it as it was free flow but I was not p