影片
港铁佐敦站 C2 出口, 步行约4分钟
继续阅读
开饭介绍
于元朗及佐敦有两间分店，名人食家如蔡澜、邓达智等都曾推介，开业超过20年，由尼泊尔夫妇经营。菜式都是自家配方，用当地运来的香料制作多款特色咖喱，香料味道浓郁。
继续阅读
营业时间
星期一至日
11:00 - 15:00
18:00 - 23:00
以上资料只供参考，请与餐厅确认详情
朋友聚会选在佐敦，其中一人提议到此餐厅，因之前光顾过，觉得咖哩做得好，而且可以选择不同程度的辣，甚至走辣，而且价钱合理，又唔多人，可以坐耐D。Book 了枱，7:30pm 到达只见3枱客人，有些朋友先到，未齐人前，侍应生先每人送上餐汤及印度脆饼。餐汤是杂菌汤，有少许黑胡椒味道，西印混合的汤，几特别。一边等人，一边睇 menu, 发现有意粉和 pizza, 真是间西印混合餐厅。既然朋友推介这里的咖哩，当然要点咖哩的菜式。佢有一个set menu， 包括餐汤和一个咖哩主菜，任食印度烤饼和一杯普通的饮品如柠茶柠水。 主菜的选择也有很多， 有咖哩鸡、咖哩杂菜、咖哩牛尾、咖哩鱼、咖哩虾 ..., 可以选择少辣和走辣。 大部分朋友包括我都唔食得辣，所以叫了小辣，而咖哩鱼就走辣。 印度烤饼就点了原味和牛油的。当咖哩菜式和印度烤饼上桌时，大家也趁热食。牛油印度烤饼有很香的牛油味，质感松软, 大大块的，再点埋D咖哩汁，真是越食越开胃。虽然D咖哩是少辣和走辣，但仍然充满咖哩的香味，而且咖哩汁的稀稠适中，朋友即刻点了个白饭来扫埋D咖哩汁，真是好味到一D都唔想浪费。其后点了一个印度烤鸡，但我已经饱了，无福消受。我们共点了五个餐，连埋印度烤鸡，散叫的白饭，三个椰青(朋友话超正)，两杯青柠梳打, 埋单$770 有找,7个人，每人都是花费百多元，确实是抵食又好味。
继续阅读
呢间尼泊尔餐厅都系我n call 再n call既一间饭堂。 首先讲下momo,其实momo好似中国既饺子咁，但我觉得佢地比较著重香料同酱汁既配搭。呢间momo系自己包，果晚仲要系即叫即包即整，好好味。再到佢地个咖哩我地唔太食得辣，所以叫咗佢超级少少辣，一食d辣味又真系少咗啲但系都好好味所以我哋另外叫多两个薄饼一个芝士味一个蒜蓉味，个薄饼都系即叫即烤所以出嚟又系新鲜热辣辣。一点𠮶啲咖喱汁真系野味又可口。本身仲想叫多个饭但真系太饱喇😂
继续阅读
星期日中午本想去同街的西餐，点知多人到爆，于是四围睇睇有咩好食。此区都多咖哩食，呢间装修平实唔觉有印度feel,唔留意都易skip左。侍应哥哥识广东话英文，唔识英文都唔惊 -佢介绍午餐$69任食沙律、西汤、tandoori.鸡、咖哩（三款）、炒饭、naan(必食！）、生果…都好丰富！咖哩味道唔会点差，咁平既自助餐就无猪牛羊，只有咖哩杂菜、鱼同鸡，都算系咁。无限量naan加咖哩食，唔过一百蚊都系抵！每台上一支蒸馏水，系一支，饮唔哂可以攞走，非常方便。讲真佐敦竞争激烈，价钱又抵又岩食认真唔简单，原来佢地总店在元朗劲出名！迟d 多人识有咩影响就唔知喇！
继续阅读
本人同女朋友行完街唔知名食咩好， 行左去佐敦揾野食， 行行下揾到呢间印度野，睇左餐牌几好价钱又抵就入左去试, 佢个set包左餐汤，印度薄脆，主菜 同埋杯野饮，冻饮唔驶加钱，个餐无加一。平得黎原来系好味架。个咖喱唔差，可以拣辣度，个薄饼好好味，底脆松软，最意想不到系叫左个西式心pizza, 真系超好食，好多芝士，仲可以拉丝，我地两个食完之后会再encore, 佢d服务态度好好，虽然侍应唔太识中文，但佢个menu有晒中文，沟通无问题，真心讲，如果佢个位置系人流多既位一定唔系呢个价，因为d野食真系唔错，大家不妨一试。
继续阅读
无惊无险又到 happy Friday. 一早返到公司早餐都末落格，就有同事约食午饭。事源上星期有另一同事食过个自助午餐觉得底食就促成是次返兜午餐 Go go go。一行四人，行到门口大大个牌写住$69 自助午餐。开头重以为系汤、沙律、面包、甜点就任食，主菜就一碟𠮶只。同事在公司讨论𠮶时都话今时今日茶记食个晏都要$4x，$70有找会有真任食？一入到餐厅眼见有汤、沙律、西瓜、菠萝印式烧鸡、春卷咖哩杂菜咖哩鸡、白饭印式薄饼咖哩鱼、炒饭系无咗出面写嘅羊、牛。正式坐低见到支樽装水送， 唔错好过要饮水龙头水。 先饮个汤一入口已经觉好过好多茶餐厅嘅白汤。沙律菜上算新鲜，不过无沙律汁提供。 三个咖哩𩠌菜都唔错， 咖哩杂菜唔会一pat pat， 咖哩鸡唔多骨， 咖哩鱼系鱼柳。 咖哩全部属小辣，其实系咖哩香料为主。有食开咖哩嘅同事就话完全唔辣。印式薄饼送咖哩一流，炒饭、白饭一般无特别惊喜， 烧鸡味道亦都冇特别，不过有三个酱汁提供。春卷就预咗放到林晒同预计一样。任食食到饱每人$70蚊唔使加一都算抵，饿底来食的话真系有赚。
继续阅读