蒸廬

营业中

休息中

新年開始當然要食餐好啦下午茶時間都要等20 min 先有位果然係人地店一入來就有會問你要甚麼茶有香片 壽眉 普洱茶 可選沒有很多選擇 但不會比其他酒樓輸蝕但由於人手不太多要吃美食真的要等 上菜也要等大概25mins蒸廬拼美點上菜時好熱辣辣 超正燒賣超大粒好多蝦似好足料呀菜餃蝦餃都好好食其他甜點不會太甜 剛剛好金銀蒜香海蝦飯勁香的蒜香味配上大大隻海蝦 太香好似出面無見過鳳爪鳳爪都好正 唔係D 好梅的鳳爪仲係有彈性的原來最後仲有糕點可以賣今日有點趕時間 沒有問清楚下次食去訂呢個糕先

收工又唔知去邊到食好，就決定去左石門廣場睇下有咩食。行左成個圈就被佢係廚房蒸緊點心個師吸引左入去！店好細，所以預左要share台齊齊坐既啦。一見到個menu呆左，因為好平，之後就打開左尼個瘋狂點餐好想試哂所有野！栗子蟲草花膠湯 好足料呀！飲落去第一下就係由栗子帶出黎既甜味，之後再飲落去就到大大舊花膠！點心拼盤全有野都想試哂既我 一定會叫尼個點心拼盤，馬拉糕、蝦蛟同埋燒賣係最好食！因為燒賣實在太好食，所以仲另外嗌多左一籠煎芋頭唔洗講，一定要叫，煎得夠香又唔會濕淋淋！但係荷葉蒸蝦飯同黑金流沙包就正正常常，普普通通。

我特登帶屋企人來吃的!!! 剛剛開門(11:30)時竟然已幾有幾枱坐低了, 有點漂白水味因為店家開鋪前嘅全面清潔地板(讚讚讚!). 剔點心紙先, 好多款之餘連籠仔荷葉蒸飯, 中式甜品同燉湯都有, 最吸引我阿姨眼球當然係*非假日免茶芥*但其實只係4蚊位真係邊度仲揾到🤩?>籠仔荷葉蒸飯- 南瓜🎃鳳爪排骨飯 (HKD50)點心紙背面係全日套餐, 如果想飲原盅燉湯一定係li度剔最抵食. 首先講li個籠仔真心大個, 原塊荷葉鋪底, 飯份量多, 南瓜, 鳳爪, 排骨整齊擺位, 即蒸熱辣辣, 面頭嘅菜心切左粒蒸好先放所以唔會係老嘅, 排骨夠腍, 好好味呢.>特選燉湯A (+HKD43)黨蔘天麻川弓燉魚頭湯, 一如menu所寫足料, 第一口便知係原盅燉, 湯料各方面製作認真, 可以肯定自已煲唔出li個無添加嘅味道, 我飲左一羹覺得好甘😂. >晶瑩蝦餃皇兩件 (+HKD14)仲有個Add On蝦餃, 晶瑩餃皮內裡包滿鮮蝦, 高質!!>蒸蘆拼美點9件 (HKD55)蝦餃, 燒賣, 鮮蝦菜苗餃, 馬拉糕, 叉燒包, 千層紅棗糕, 蔗糖馬蹄糕合共九件點心, 啱哂兩個人開心sha

石門真係出左名多野食，睇完d comment 再加埋Facebook ga page，決定黎試一試同支持一下佢地。店舖係一間小小ga 鋪頭，大概有8-10 張枱左右啦。最初因為正值午時太多人，我地一行4 人就坐左係張比較逼ga 枱，細心ga 疑似老闆娘後黎提出幫我地轉張大d ga 枱野食方面，我地叫左個點心拼盤，有9 種點心，可以一次過試哂燒賣好大粒，馬拉糕就有椰汁香味。今日仲有黑金流心包，唔錯呀，好多奶皇流出黎。特別推介黃金芋絲餅，好少點心鋪有得食，好脆口同埋綠茶紅豆煎餅都好特別 最後佢係無收加一嫁😻四個人$300 都唔使就食到飽一飽～唔錯喎 下次再黎試下其實點心或者湯水先

應該冇乜人會一個人去飲茶、食點心，因為食得一兩輪已經飽晒，食唔到多嘢。價錢都要around $60-70，都不如去食常餐、快餐，仲抵啲。上次梨呢度食過蒸飯都覺得唔錯，見到原來都有唔少差評，同我所食所感好唔同，所以決定再次嚟，試吓其中飽受差評嘅燉湯，同蒸廬拼美點。先講燉湯，我叫咗黨蔘天麻魚頭湯，如圖所見湯料好多，成大舊魚頭。第一啖確實唔夠味，正如侍應姐姐所講，冇加味精冇加鹽，自己加返然之後味道就確實唔錯，藥材味好豐富。而我更鍾意呢個蒸廬拼美點，9件點心：1件蝦餃，2件菜苗餃，1件馬拉糕，1件薑汁糕，1件叉燒包，2件燒賣，1件馬蹄糕。份量一個人絕對食得晒，係唔係現製我就唔知，但全部味道都唔錯。不過建議其中一件菜苗餃或者燒賣可以轉做牛肉球，咁就可以食得更多唔同點心，滿足更大😄

石門真係好多好野食，今日去食lunch，叫左個流心蛋牛肉飯，用蒸籠蒸，荷葉墊飯底。每啖飯真係有荷葉香味，牛肉係山竹牛肉質感，好夠味，唔洗落豉油都好好味。份量都唔少，男士一個夠晒，大食女士如我都只食到3/4。套餐仲可以配可樂，係樽裝呀！🤩樽裝可樂係最好飲架！成個餐都只係$50，好抵食。流心蛋令牛肉飯更香滑🤤 最欣賞飯面有粒粒菜芯，唔洗另外加碟油菜👍🏻而且店員好善，起初我都擔心BB車會阻路，但佢好好，幫我安排位置，移開啲椅子，nice👍🏻👍🏻

it is rare to have such exceptional service attitude in a small restaurant like this one, and their food quality was equally exceptional. Even by my mother's standard, for its soup and dessert. Their friendliness and service was unseen at others, and it is at par as The Peninsula Hotel. I have never heard so many "Thank you", "Excuse me", "Welcome" in an hour of different dining experience in HK. After two years of operation, but still has this positive attitude in HK environment, I am total

家人飯聚晚上可以飲茶🍵，而且地方乾淨清潔 唔算迫🖒點了幾款燉湯，口感不錯真材實料🖒🖒點心大部分...正常喜歡佢地既檯＆椅幾款蒸飯、芝麻包，都落左唔小味精 越食越口渴找數都有咁多方式，小店來講算唔錯

之前我和朋友也來過這間餐廳吃午餐。我很喜歡這裏的點心拼盤及湯品。所以每一次都會飲湯同埋食點心。大部份朋友也覺得這間餐廳好好味。食物夠熱，而且還有很好客的服務員。今日我就帶咗爸爸媽媽一齊嚟食嘢！！爸爸媽媽佢哋第一次嚟呢間店。所以我幫佢哋叫一些啱佢哋食嘅嘢食！佢哋都食得好開心！我哋話下次一齊再去希望下次爸爸媽媽可以食到勁多好味嘅點心啦

父親節請老豆食飯，因為佢老人家除左中餐之外既都麻麻，所以穩陣起見都係去飲茶，但又唔想又去酒樓咁悶，所以搵左間另類既點心鋪試下。鋪頭細細，去到唔洗等位入得。因為得3個人，食得落既份量有限，所以都叫得唔多。點心唔算好特別，不過蝦餃幾juicy唔會好乾。海蝦飯鋪面既蒜蓉略苦，我都尚接受到，但老豆就唔太鐘意無咩點食。燉湯清清地幾好飲，本身都遍清淡，枱面有放鹽可以按個人口味加，不過始終係雞湯避免唔到偏油。至於焦糖燉蛋就略嫌失望，係凍既，而且唔滑唔香質地好實😓

俾燉湯兩隻字吸引左入黎。叫左一個栗子蟲草花花膠雞湯，一個猴頭菇螺片湯... 個盎入面係好多料，但湯真係無味囉。雞無雞味，菇無菇味淨係飲到藥材微酸的味，應有的香味完全無 -_-“ Seriously 茶餐廳例湯都仲好飲d... 猴頭菇螺片湯係堅多菇嘅，有>5粒桂圓，有好多舊肉仲有粒蜜棗，呀仲有1cm x1cm兩塊螺片咁大把。不過咁樣都係連桂圓蜜棗的香甜都無個栗子蟲草花花膠就咪提喇，唉花膠當然無影啦，當佢溶左囉...蒸飯係ok嘅，幾多肉，飯都有咬口算係咁點心似雪藏返蒸，零鮮味唔會再黎 / _ \

適逢阿仔就快考公開試📚近排佢嚟石門區某地方溫習👣呢日我放工後就嚟呢度，同阿仔搵地方食晚飯諗住搵間有湯飲嘅食肆，上「開飯」按地區搜尋，我一向喜歡食點心，又愛湯水，見到「蒸爐」兩樣都有，未及看食評就決定一試。柯打左兩款湯，分別係粟子圓肉蟲草花燉🐔和椰子蟲草花燉🐔湯，燉湯好快就送上枱，侍應要用毛巾包裹🍵真係好熱騰騰的燉湯。可惜經過試味後，兩款湯水味道差不多，前者味道很淡，後者味道比較濃，但重點係兩款湯都好多油，唔係好頂得住我地另外點左一款籠仔蒸同樣地油份太多，幾隻🦐嘅肉係霉的（阿仔咬左一啖就無食）埋單時我忍唔住問收銀姨姨 點解啲湯咁多油，佢瞪大雙眼答我「我地啲湯無味精，連雞皮燉所以係咁樣，如果去雞皮燉啲湯會無味⋯」我聽完後只回應「哦！」 即係口味呢樣嘢係主觀的反而燒賣同蝦餃有睇頭又好味道抵食夾大件

本身特登住坐車入來石門諗住食點心,點知食開戈間無開,所以就來左呢間。見佢主打燉湯,嗌左盅花膠雞試試,幾十蚊唔算貴,好足料,的湯好清,真係有花膠,但應該無落鹽,所以好淡。至少算真係無味精。牛肉球一般蒸荷葉飯好足料,又唔貴。如果一個人食可以點個飯加個湯就正。點心拼盤,價錢係抵,但味道真係麻麻,所有餃皮都厚,馬拉糕就好乾,紅棗糕得薑味,仲要好辣。呢個蓮藕餅算中挺鳳爪不過不失。總括來講,係抵食同飽 好食就算唔上。

有無朋友好鐘意飲湯？見襯湯都會叫，上至例湯，下至燉湯。今日訓醒好想飲湯，就搵到哩間新開嘅餐廳。由於係午飯時間，都等咗一陣先有位座。先叫咗兩個湯，一個蟲草花螺咩湯，另一個唔記得咗了。兩個湯嚟到都好深色，諗住一定好香濃。第一感覺係好油，之後就淨係飲到蟲草花味，兩個湯都有蟲草花，所以啲味差不多似。好肥好油嘅燒賣，啲肥膏好似無切咁。兩個蒸到就爛嘅腐皮卷同糯米雞，腐皮卷就夾都唔掂，仲要超油。糯米雞個飯都變一pat漿了。仲外賣咗個雪梨糖水，反屋企食完甜到傻。

次次同友人行開依頭，有幾次都已經好想試下依間餐廳，見平時依間餐廳食飯時間（午餐）都好多人今日終於的起心肝黎食個令令午餐😆環境唔算闊落比較迫促，可能因為人流比較多，服務人員都比較急促茶芥每一人要收取$4佢地有個Menu 有兩頁既原盅燉湯（唔怪得經常差多人)叫左個雙蒸菇雞粒飯（$45）友人叫左個雙拼美點（$55）上菜速度好快，個冬菇雞粒飯同出面茶樓有得揮，雖然叫雞粒但唔算好細粒雙拼點心就適合輕盈人仕食，味道都唔差