蒲頭島 (已結業)

咩叫人氣就係一出LIFT門就已經迫到入唔到去餐廳我地卜左位都要等大約半個鐘先入到就知係幾多人啦～ 好彩位置都算係舒適, 揀左湯底就可以劃食材仲有D食材係可以即刻係外面D自助雪櫃到拎到非常方便 食物既選擇好多, 我地叫左個兩溝湯底, 有辣有唔辣自己任揀 我最鐘意既第一位一定係呢個肥牛肥牛不嬲都係打邊爐既精髓佢既雪花分佈好平均只需要輕輕碌10秒就已經可以食到一塊靚肥牛!! 第二位我會比魷魚佢呢隻係透明既魷魚任食邊爐都幾少見, 值得一試魷魚吸收哂我個沙嗲湯底既精華勁好味, 仲要係燒極都唔會變老的!! 

蒲頭島主打就係食材不但多, 而且岩哂我地後生仔口味我地今次叫左既係鴛鴦湯底, 因為想試下唔同既湯底有咩分別我地就分別叫左個沙嗲湯底同埋 食材既選擇唔算多原來仲可以去雪櫃自己拎(個D冇得落單)有豬紅, 菜, 魷魚, 魚丸等等 仲會每台按人數比呢支呢度獨有既飲品(唔知叫咩名)我飲既係橙色, 係橙味黎, 幾特別, 仲可以打卡影呃LIKE相TIM 眾多食物之中我覺得最特別又最好食既會係手打鮮牛丸紅卜卜的外相似係唔我地平常會食個D丸咁樣但係味道同口感都比一般食開個D更加重牛肉味道個人黎講非常喜歡!!! 海鮮類既味道都唔差, 黎既速度都好快!! 

呢間任食感覺同平時d任食場好唔同d鍋好特別～ 好多款，花多繚亂，唔知揀咩好～ 要咗花果酸辣海鮮鍋  + 西班牙海鮮鍋汽水啤酒任飲醬料有別其他地方，有好多特別醬料～連黑松露、蜆肉芥末醬都有裝嘢飲個杯好得意有汽水機花果酸辣海鮮鍋，真係有玫瑰花架～～ 飲落有d似冬陰功湯，惹味～西班牙海鮮鍋有濃濃青椒番茄味第一次見呢呢種一次性筷子，哈哈青口蜆～ 每樣嘢分好一份份，方便攞有我最愛的泰式酸辣汁～～～ 夠開胃惹味～牛肉唔錯菜都乾淨新鮮少見的秋葵都有

同朋友食飯,去了佐敦ge"蒲頭島"打邊爐,距話朋友食過,湯底幾正,所以就黎試下.8點鐘左右上到黎,都已經開始要等位,好在店鋪外面有凳比客人可以坐低等位.好快就入得去啦,坐低之後,見到呢度都有成10款湯底,仲可以叫鴛鴦湯底,反正就係總有一款啱你食啦XD 例如呢度有d都幾特別ge湯底,好似 西班牙海鮮鍋,花果茶酸辣鍋,綠茶青木瓜鍋等,我都覺得幾特別,都係唔系系出面常見ge湯底!我地就叫咗個鴛鴦鍋,分別系 花果茶酸辣鍋& 人參白玉鍋話咁快個湯底就送到上黎,花果茶酸辣鍋 入面就有d水果,玫瑰花,檸檬葉等,有d泰式ge感覺,幾惹味,而且好香,人參白玉鍋 就清新d,好香ge人參味,一邊濃味,一邊清d ge配搭都好唔錯.之後店員仲送咗2杯特飲上黎,系一d果汁黎,但就有d霧飄出黎,幾特別.呢度ge火鍋配料例如d丸類,餃類,菜,粉麵等都可以去到出面ge自助吧枱自己拎,一碟碟整齊咁擺放系凍柜入面,食幾多就拎幾多,好方便.然後火鍋紙上面就有d肉類可以比客人order啦,例如個蒲頭島牛拼盤,我就好中意食,入面有一口肥牛粒,牛利托,牛展話,美國肥牛4款,肥牛真係幾唔錯,牛味濃.另外仲有d羊卷柳片,五花肉等,甚至

年紀漸大，對任食其實已經唔太大興趣，寧可比多少少錢食有質素既野多過比錢要局自己食好多野不過朋友極力推薦，就睇下到底係龍定鳳啦去到雖然訂左位但都等左成半個鐘，冇諗過咁好生意，見到配料要自取，即刻冇咩好感（港女我覺得比左錢係應該有人serve我🙃）點知坐低之後發覺d湯底好有新意，本身好想食西班牙海鮮鍋，但最後我地一行三人都覺得要點招牌蒲頭鍋（有章魚、紫菜、青口、蝦米...）好似食緊個海咁，好惹味配料方面都好豐富，個人推介水餃必食，蝦膠讓冬菇、手打墨魚丸蒲頭牛拼盤好正，超越任食打邊爐既水準，仲有牛舌添，比木魚都係必食

這間蒲頭島火鍋放題價錢十分抵食，優惠時段只要$108起一位！小編星期五黎，樓下搭電梯嘅人龍都排到彌敦道啦！ 太多人啦！，上到餐廳，7點幾，等左一陣間就有位啦，而且一睇就見差唔多full house 呀！呢到啲湯底好有特式，例如綠茶青木瓜鍋、西班牙海鮮鍋等，比起其他人參雞湯黎得特別又年輕。小編最愛就是西班牙海鮮鍋，足料青口、蜆(不過有沙), 甜甜地幾開胃呀！每枱每位都有杯奇怪樣子嘅welcome drink, 不過，我地掛住食，就唔記得飲啦。。。場內設有自助醬料，超過10款配料任撈，當中有意式紅酒醋、野菌松露醬、蜆肉芥茉醬等等，不過，湯底已經夠味道，基本上唔使醬料啦。至於飲品方面，可選擇嘅盒裝及罐裝飲品都唔多，不過，大路又好飲嘅飲品都有，足夠啦！。 推介食物：1. 蒲頭島牛拼盤 (鮮香牛肉味) 2. 脆鯇魚片扎 (好爽脆)3. 雞子 (未見過咁大粒又彈牙) 4. 駝鳥肉(好少見，一定要試)

天氣開始凍就當然要去打邊爐啦。揀蒲頭島係諗住佢新開，地方應該比較企理。上到去，果然有驚喜，裝修好新好靚好乾淨，仲坐得好舒服TIM。先黎有杯WELCOME DRINK，雖然只係果汁，不過個設計幾靚幾有新意，用黎影相打卡呃下LIKE都唔錯~先黎揀個湯底，都有成10款比你揀。我地想食清D，所以揀左蟹肉冬瓜拼珍味雜菌。珍味雜菌入面真係超多菇呀!!雖然兩個湯都有少少味精味，不過都接受到。呢到有預備一把長筷子比你夾生野用，原來呢個筷子係獨立包裝，要自己裝上去，我都係第一次見，感覺真係好乾淨呀!!!先出去拎醬汁，有成10幾款唔同既醬比你揀，混醬都已經花多眼亂。而且個醬汁區夠乾淨，唔會成枱都係豉油漬，很好~除左肉類係用紙ORDER，大部分既食物都係自己出去拎。而佢地唔係用開放式既凍櫃，而係有門既，感覺真係衛生好多。而且D食物用一個個兜分好左，最貼心既係，D兜既設計係可以一個曡一個，甘每次出去，都可以拎大量野食，唔駛行甘多轉喇。呢到食物既種類都幾多，基本上一般打邊爐要食既野都有，響鈴唔錯，幾新鮮，唔會有油益味! 好少放題會有甘既質素。而魚腐同埋D丸類都唔係雪到起哂冰，食落都冇甘驚。蒲頭島牛拚盤D牛都幾靚

新派打邊爐? 舊式打邊爐我都打得多， 就睇下你有幾新派， 朋友一場介紹， 一於黎試下， 食餐好嘅， 佢同一般打邊爐一樣都係任飲任食。湯底選擇都好多， 有啲要加錢， 有啲唔使加錢， 好似真係比出面多啲款式， 但係一次過點是得曬。醬料一樣係自助式，不過當中咗幾樣係最特別嘅。蜆肉芥末醬，野菌松露醬，意色紅酒醋，意大利香草醬，自家製香辣醬。 幾種都各有各特色， 不過個人覺得蜆肉芥末醬， 真係唔錯， 芥末味夠香， 冇一陣蜆肉嘅腥臭味。我哋點選咗 人蔘白玉鍋， 真係有人參嘅， 都算幾足料。食物食材都好新鮮， 選擇都叫唔錯，又夠多， 唯一真係要講嘅， 佢同一般打邊爐， 面對嘅問題一樣， 就係你落order嘅時候，無論你寫幾多數量都好， 佢都只係畀一碟你， 成件事冇咗落order，任食嘅意義。飲品一樣係自助形式， 如果想要酒類， 其實店舖裏面都有， 不過當然價錢唔同呀。 soft drink 黎講， 種類都叫多， 但係真係缺乏咗一種，叫做可口可樂， 如果有埋真係perfect。樣樣都唔錯， 但係就樣樣都爭咁啲 ，去唔到完美嘅感覺， 但係佢真係新派得嚟 ，又幾有趣。

記得以前我地幾個間唔中就會出黎食飯自從大家有家庭之後見面就少左岩岩今次其中一個朋友派帖我地又再約出黎聚下我約左係佐敦較為中間點打邊爐其中有個朋友食過話不錯，等我今次食下先上到去都好滿座，好彩預先訂左位坐底後，店員奉上一筒好特別既飲品上次仲放左四支飲品，個筒仲噴出陣陣仙氣都幾靚，飲品味道似汽水，但就無汽水咁多氣跟住就揀湯底我地揀左珍味雜菌鍋，用三種乾、鮮菇製成味道清爽、菇味香濃另一邊就係野味沙嗲鍋的確好惹味，係依一邊淥既野食唔駛蘸醬都好味至於醬料方面就出去自助整蔬菜、大部份食材、飲品、乳酪都可以出去出面任拎牛肉豬肉等就要係紙上點好款式都幾多，結果我地拎到成檯都係味道水準都不錯，而且仲百幾蚊，都真係幾抵

呢個係特飲按人頭俾, 好似無得再加...入面係SODA+唔同既口味黎..有d迷霧彈出黎, 好有特色!呢到d豬肉呢就中中上上啦, 但因為價錢唔算貴,所以質量正常嫁啦, 無咩大問題, 肉類食品都新鮮,選擇都算多..肥牛都係中上質量都係任叫任食, 醬料都多所以算係幾好味得黎又幾抵食!最大問題就係2人桌比較細難d 去放野食, 所以食起來會有小小逼..無得食得太放.鍋底就比較多選擇,咁黎得就試下新野,我地試左人蔘白玉, 湯底未算好濃都幾香既, 入面都落足料, 呢到湯底選擇都算幾新, 同出面既打邊爐湯底都唔太相同!整體黎講我覺得幾滿意, 價錢不貴, 食物質素都ok仲要好多特色花款!

一班朋友最鍾意就係打邊爐 ❤今次就約左朋友們去試一間新開既火鍋店無可否認起初係比場內寬敞舒適既環境所吸引但試左之後發現原來食物亦都好多選擇同高質素😍😍淨係湯底都有10個選擇👍🏻👍🏻 我地最後揀左個鴛鴦鍋 法式牛肉濃鍋同西班牙海鮮鍋💕個人比較偏愛海鮮鍋 加入濃烈既蕃茄味味道一流😍😍👍🏻醬料亦有好多選擇 但由於湯底已經好濃郁 我只係簡單揀左豉油+炸蒜 🤗🤗 飲品就揀左平時打邊爐必飲既忌廉溝鮮奶😝😝而食物入面最值得推介嘅就係鴕鳥肉 其他火鍋店都好少見到 今次特意試一試 口感好鬆軟👍🏻👍🏻😍😍味道好好 打完邊爐仲有雪糕食Tim 好滿足啊😋😋

一黎到呢間餐廳見到長長既人龍真係心知不妙下次都係訂定位先好D等左大約30分鐘就已經入得LU 一入到去就感受到店員既熱情同其他店好唔同呢間差不多全部都係後生仔做好有活力問佢有咩湯底推薦都比到意見!! 因為有朋友係唔食辣既, 所以我地叫左個雙鍋湯底自家製香辣鍋再加蟹肉冬瓜鍋 然後都係剔MENU一開始見到佢個MENU既選擇唔多正常個D都冇既去到出去拎野飲先知原來有好多食材係可以自己拎唔洗等佢出!!! 魷魚, 豬紅, 菜等等既食材應有盡有 醬料都好多選擇, 可以自己MIX到自己鐘意既混醬 今次打邊爐既個人FAVOURITE一定係呢個比目魚!!冇骨之餘仲要好嫩滑!! 成件魚滑溜溜的, 我地前後應該叫左超過10份!! 仲有不得不提既係呢個特色飲品!! 我覺得橙色係最好味, 佢係每台都會送一盤的!! 影相打卡一流

話說有日開Facebook ,見到有雜誌介紹呢間火鍋店，有海鮮又有牛肉，仲話有刺身甜品。二話不說即刻約朋友一齊去試吓。打去訂位，原來早鳥時段五點至七點半連埋加一醬料全包只不過係$130，即刻覺得好抵！雖然最後成六點鐘先入座，但係食咗個半鐘頭已經夠，因為冇乜特別好食。一嚟每台有一人一杯welcome drink. 有gimmick 但杯野飲七彩顏色好唔吸引，我見咁多枱都無人飲。呢度提供好多種唔同嘅湯底，有啲都幾特別，不過要另外加幾十蚊。所以我哋揀咗唔使加錢嘅冬瓜薏米湯底，順便諗住佢個湯底清清地試吓啲牛肉同埋海鮮。點知先發現原來海鮮得「是日海鮮」一種，今日係硯。另外仲有啲一般嘅魚片同埋花枝片。牛肉拼盤望落都幾靚同埋新鮮，不過食落有啲un ，我哋只係叫咗一次就冇再添食手打蝦膠、墨魚膠我本身好鍾意食呢啲膠，覺得好好食，特別蝦膠好彈牙，不過食落兩種都冇乜鮮味好多種唔同嘅火鍋料，朋友話同一般酒樓任食嗰啲打邊爐差唔多，不值一提好多種醬料唔知係唔係特價時段，我哋走嘅時候見到其他枱有新鮮蝦食😐唔知係唔係正價先有刺身同埋其他甜品呢？唔好咁老土啦，做唔到質素就唔好學人做特價🌚提提你餐廳地下好滑，溜冰咁樣小心

食物款式頗多，大部分自己到雪櫃自取，丸類ok但較細粒, 肉類ok,唔好expect好好。會免費送Welcome Drinks, 幾有Gimmick, 但好難飲。。湯底佢係賣fusion, 試左野味沙嗲同法式牛肉濃湯。。很普通，後者無咩味

三五知己圍爐食過火鍋超高興，難得大家邊滾邊吹水，今次去左佐敦倫敦廣場嘅新火鍋店，睇雜誌介紹fusion火鍋價錢經濟任飲任食，人頭勇勇記得訂定位呀。 環境裝修落本，坐得都尚算舒服，食物新鮮選擇又多，基本調味架配料多選擇有兩張湯底同食物紙比你去畫，睇完心諗咁少choice 咁，原來另外出面還有凍櫃供應不同食材，見到d菜好新鮮還整理好一盤盤小碟將食材準備比客，細心又衛生，食幾多囉幾多唔好做成浪費，份量剛剛唔夠可再添好似尋寶咁 每款都不同雲吞，水餃，各色各樣手打丸，油炸鬼釀墨魚膠，生根，魚皮，響鈴，麵類，還有好多不能盡錄，午餐肉，芝士腸，牛拼盤，牛粒，滷水豬腸，牛脷，冰豆腐，蟹柳，帶子 ｡ 其實打邊爐食物新鮮同火鍋湯底好緊要，佢地亦有數十款選擇，要左個蟹肉冬瓜蓉鍋 ,清甜好多蟹柳粒，加上唔同食材碌下，全陪精華係口湯中 特別推介冰豆腐，可以吸晒湯精華，好好味道！手打丸較細粒可以試多幾款 蝦丸，墨丸，牛丸，豬肉丸蟹柳係貴價個隻唔好一碌散晒 蜆，青口，魚片同元貝都好甜又鮮同埋單每人$200 有抓還可以食足2.5 小時