蒲羅

营业中

休息中

遲到其實係一種藝術，因為要識得點樣去拿捏分寸，同埋掌握對方嘅底線⋯我曾經以為等一個人個半鐘已經係我嘅極限，點知今次就等咗我兩個鐘⋯⋯😅😅😅·遲到好過冇到，我係咁樣諗嘅～ 至少有好嘢食，咁我就可以心平氣和返⋯ 平時好少食南洋嘅嘢，今日就一於食返吓⋯⋯·蒲羅蝦麵🦐佢係用咗好傳統嘅南洋濃湯帶出咗蝦嘅鮮味，加埋啲豆卜，仲有蛋同比較粗身彈牙嘅麵，再加埋少少辣味，就更加開胃添～😌·海南雞飯拼喇沙🐔食得南洋嘢點可以冇海南雞飯，無骨油雞配上雞皮，嫩滑有雞味，再加埋特製嘅酸汁就一流。跟住仲有一碗細細嘅喇沙，適合我呢啲想食好多款嘢，但又唔食得多嘅人。雖然係細細碗，但係都好足料，椰奶味亦都好出、辣辣哋係夾嘅～·“Sambal”雞肉串燒🐔🔥其實就係沙嗲雞串燒，不過就有少少唔同嘅⋯在於佢個沙嗲醬，會多少少有質感嘅果仁粒，同埋做得濃啲、稠糊身啲同加多咗少少辣油。成件事甜甜辣辣又有燒雞肉嘅香，又真係幾好味㗎啵～🤪·傳統烏打😙唔好話你，我食之前都唔知係咩嚟⋯嚟到就發現⋯原來係一塊香葉包住一嚿好似蝦餅咁嘅餡⋯嘅一種嘢嚟⋯⋯食落有幾特別同埋有鮮味，我嘅形容係一種幾唔錯嘅食物⋯😬連埋香葉嘅香味滲咗落去嚿肉度，我覺得效果又唔

我好鍾意食喇沙，覺得味道好特別！少少椰汁香味加上辣勁，都幾刺激👍！今日食呢個蒲羅喇沙摻摻 $72裡面除左喇沙一定有既蝦，魚片，竟然仲有螄蚶😶。第一次食螄蚶，原來都幾有鮮味，唔錯。摻摻米粉比例多啲，油麵得好少，感覺似食米粉多啲。仲有海南雞飯 $72不過海南雞就一般，雞肉不夠嫩滑，無咩特別，主要係個醬味道唔夠，油飯有啲硬，所以整體覺得一般😶。飲品試左桔仔話梅水，都幾濃，咸咸酸酸好開胃！午餐$150兩個人，份量唔多，都唔算好平😅！

今日與同事送文件到將軍澳，無意中發現了一間裝修具有東南亞特色的餐廳，好奇心俱使下決定入內試一試。⭐️蟹粉蟹件喇沙摻摻$82材料有流心蛋、魚蛋、魚片、芽菜、蟹膏及蟹鉗等；蟹肉鮮味，蟹膏香甜！摻摻湯頭濃郁，味道香氣撲鼻，椰香同辣度都好均勻，摻摻原來是指油麵及米粉兩溝，口感相當獨特。⭐️海南雞絲湯米粉$42下午茶套餐之一，非常超值；用料十足包括有雞絲、豆卜、雞皮、豆芽及米粉等。湯頭清甜，實屬健康推介之選。⭐️凍南洋白咖啡白咖啡以其味道醇香低咖啡因聞名，而且加冰後風味更為獨特。⭐️咖吔多士配溫泉蛋$28咖吔多士整整齊齊地切開方形4份，甜度適中配上烘得香脆的麵包剛好。溫泉蛋呈現外熟內軟的狀態，光滑軟嫩的蛋白加上溏心的蛋黃，非常好味。⭐️鹹蛋黃單骨雞翼$38上枱時已傳來陣陣香氣，單骨雞翼外皮炸得香脆可口，而且均勻地沾滿了鹹蛋黃，惹味十足；而內裏的雞肉仍能鎖住肉汁兼肉質嫩滑。

今日黎到將軍澳行街，就約咪閨蜜去行街食飯，比我地發現左呢間餐廳，就入去試下啦，呢度服務員好熱情招待，好有歸屬感。首先我地叫左個小食咖吔多士配溫泉蛋，呢道既咖吔係必食既，真係好有驚喜，一大塊牛油配咖吔，麵包烘底，真係好好味，食到流曬口水，個溫泉蛋非常大粒，撈飯食一流。我個人十分喜愛。主食方便我就選左海南雞飯拼喇沙，一次過滿足三個願望，海南雞已去骨，啖啖肉再點咪啲醬汁一齊食特別野味，油飯又粒粒金香，非常有口感。喇沙又好好味，一次過試到唔同既口味，必食之選。閨蜜就選左蒲羅喇沙摻摻，麵底係米粉同油麵結合，口感一流，喇沙既味道非常正宗，食星馬泰野又使咩坐飛機先食到，呢道將軍澳就食到。飲品方面就選左凍薄荷班蘭冰，呢個沙冰十分冰涼止渴，唔算太甜好適合減緊肥既我。閨蜜就選左凍班蘭薏米水，煙煙韌韌，口感十足，而且味道都好好，閨蜜十分喜愛。

新加坡餐廳蒲羅愈開愈多現在將軍澳區都有分店新店地方寬敞光猛裝修充滿熱帶風情被安排至卡位坐得十分舒適Order了咖哩砂鍋大魚頭以砂鍋奉上非常巨型三文魚頭煎得香口肉質鮮美扎實黃咖喱內的椰漿下得多香味濃厚辣度不算太刺激十分惹味咖喱內有秋葵和豆角作配菜秋葵黏液令咖哩變得稠身咖哩亦令秋葵變得更易入口參巴雞肉串燒一客有4串串燒肉厚表面烤得香口肉質仍保持Juicy軟嫰參巴醬辣中帶甜令串燒風味大增咖吔多士切成4份預先飛邊口感更佳每件夾滿班蘭醬及厚牛油非常邪惡溫泉蛋拌著醬油一起吃外遊的感覺又回來了

位於將軍澳寶琳的馬來西亞、新加坡美食餐廳，環境清靜，牆壁上很多綠葉園林的景觀，感覺蠻舒服的。餐牌都附上圖片，很吸引。除了單點的餐牌外，還有下午茶餐牌，不過選擇相對較少。輕食：參巴雞肉串燒雞肉一共兩串，旁邊有些沙爹辣醬汁，雞肉肉質彈牙，肥瘦均勻，燒得香口。飯類：仁當牛肉配班蘭椰漿飯螢光綠色的飯很搶眼，味道帶香濃椰汁味，配料有花生、炸魚仔、青瓜及一大片蝦片。牛肉份量蠻多，很軟嫩。醬汁微辣、鹹香，配飯吃蠻惹味。飲品：凍班蘭薏米水兩層的顏色，上面是班蘭綠色，底部則是薏米粒粒，份量蠻多。飲品散發淡淡的清香班蘭葉味，蠻清新且解渴，亦不算甜。

將軍澳新都城中心1期最近開了新加坡主題餐廳【Pulau蒲羅】，主打喇沙、蝦麵和海南雞飯等道地美食。餐廳門面光亮雅緻，裝潢充滿海灘渡假感覺，便來嚐嚐。海南雞飯 拼 白胡椒肉骨茶 ($88)套餐可以一次過試勻2款星洲風味。海南雞件已去骨啖啖肉，雞肉嫩滑，油飯充滿雞油鹹香，蘸些黑醬油、薑蓉或辣椒醬同吃更滋味。白胡椒肉骨茶胡椒味非常濃郁，直衝喉嚨，令人精神為之一振。蒲羅喇沙摻摻($72)喇沙湯底以新鮮辣椒、香茅、南薑、蒜蓉炒香，再加入咖喱、椰漿、酸子熬製6小時，辣度不算太濃烈，充滿椰香。油麵和米粉盡吸湯底精華，味道和口感層次豐富。配料有螄蚶、鮮蝦、魚蛋、魚片頭、豆卜及半隻糖心雞蛋，非常足料。蔥餅 配 咖喱汁 ($38)蔥餅一客有8件性價比高，2面煎得香脆不會太油膩，內裡內裡煙煙韌韌，與濃郁咖喱汁是最佳搭擋。美祿哥斯拉 套餐 (+$8) 冰凍美祿飲品上撒上美祿可可球，賣相吸引，更添脆脆口感。南洋白咖啡 套餐 (免費) 白咖啡味道醇厚，奶香與甘苦平衡得宜，甜度不高，入口非常順滑。

寶琳新都城又有新餐廳，呢間《蒲羅》主打新加坡美食，同媽子叫咗兩個下午茶餐同兩款小食，下午茶$4x就有碗湯粉麵或飯，份量勁多，超級抵食呀！湯麵有米粉同油麵，湯底微辣惹味，而雞絲湯米粉好爽口，湯底唔會過鹹😋值得一讚跟餐嘅飲品，紅茶同拉茶都唔錯，入口唔會有苦澀味，拉茶香濃順滑✨雞絲魚丸蝦湯麵 $48 ✨凍香茅紅茶✨海南雞絲湯米粉 $42 ✨凍手工拉茶✨櫻花蝦青木瓜沙律 $48櫻花蝦口感脆脆，木瓜沙律味道酸辣鮮甜又醒胃，入面嘅粟米超正，香甜可口✨蔥餅配咖喱汁$38蔥餅煙煙韌韌配微辣嘅咖喱汁，非常惹味

一段時間冇嚟將軍澳新都城，原來已經開咗幾間新的食肆，今日就試吓呢間一期地下的蒲羅，係食新加坡菜的😋海南雞飯拼喇沙～味道正宗，起晒骨的雞肉口感嫩滑，配上醬汁和雞油飯味道更加豐富👍仲有湯底香濃微辣，配料豐富的喇沙😋😋海南雞絲湯米粉～清清地但又好好食，而且米粉爽口😄咖也多士配溫泉蛋～多士脆、牛油鮮，再有斑斕醬，勁正👍傳統烏打～大鄉里第一次聽聞🤣原來係一種用魚肉泥和各種香料混合，再用香蕉葉包住攞去炊蒸或烘烤的。好特別好香👍

1️⃣蒲羅喇沙摻摻摻摻即係米粉➕油麵底一碗滿足哂你兩個願望呢款喇沙配料都有好多：✅ 魚蛋✅ 魚片✅ 蝦✅ 溏心蛋✅ 豆卜✅ 螄蚶喇沙湯底有淡淡椰香略帶微辣 米粉索埋湯一齊食都唔會過咸/太刺激有埋肥仔芽菜同青瓜絲中和番成碗湯麵 👏🏻👏🏻2️⃣咖喱烤雞串配米飯我諗同小食嘅串燒雞一樣佢嘅香料味都幾重所以唔沾咖哩都好夠味咖哩都幾辣下 唔食得辣嘅 建議叫翻喇沙好啲配料仲有魚仔 青瓜 同印尼蝦片增加番咸香同口感3️⃣古法滷無骨豬手撈麵豬手滷得幾軟滑淋身食落好有膠原感不過呢個醬汁都係微辣所以想食嘅就要注意‼️4️⃣ 鹹蛋黃單骨雞翼雞翼剪咗單骨咁上碟食起上嚟會比較方便薄薄嘅一層鹹蛋黃醬包住juicy 雞翼記住要襯熱食😌😌🍫凍美祿哥斯拉 🥰熱手工拉茶呢個幾有特色佢有陣獨特嘅香料味味道較甜 但幾特別唔同一般奶茶🫶🏻🫶🏻🍊凍桔仔話梅水如果酸啲就更好但幾解渴 但就唔夠🍊味

黎開寶林探朋友比我見到遠處有間好光猛既新加玻餐廳成間餐廳裝修好有東南亞feel睇睇餐牌有幾個set 都好吸引見到廚師推介既海南雞飯貪心既我見到仲有肉骨茶一個set有埋海南雞飯同肉骨茶海南雞飯雞件份量多，而且都幾滑仲有肉骨茶重胡椒，非常醒胃另外見到海南雞仲有雙併係燒雞加海南雞，燒雞味道惹味一次滿足哂貪心既我另外仲叫左雞串燒，雞串燒加沙嗲沙嗲醬偏辣，好惹味再加左個咸蛋醬單骨雞翼好有咸蛋魚皮feel炸到香脆仲好惹味最後叫左杯拉茶，阿華田哥斯奶拉茶唔甜而且好滑

今日去寶琳試吓呢間新開嘅食喇沙餐廳，裝修光猛，感覺好乾淨，令人坐得十分舒服。不過要留意嘅係，我覺得由寶琳C出口行過去，係近過A1出口。蒲羅喇沙摻摻呢碗摻摻性價比好高，一碗已經有哂魚丸、魚片、螄蚶豆卜、大蝦等餸菜，特別係螄蚶和大蝦，口感鮮甜，而且喇沙湯底味道香濃，加少少錢就可以升級做套餐，抵！海南雞飯拼白胡椒肉骨茶海南雞肉質白滑有雞味，加埋雞油飯和三色醬食非常好味😋！白胡椒肉骨茶胡椒味香濃，排骨大件，軟嫩易食，非常可口。鹹蛋黃單骨雞翼單骨雞翼真係好方便，唔會怕食得好論盡，而且呢一款係用鹹蛋黃來煮，所以鹹香味十足，外皮香脆，內裏嫩滑，一碟有六隻好抵食！香茅紅茶熱騰騰嘅香茅紅茶可以自行決定落多少糖，香茅味好香，配搭海南雞飯唔錯唔錯！斑斕薏米水本身都係薏米水嘅愛好者，今日就試吓斑斕味道嘅薏米水啦！估唔到飲落又幾特別，而且仲食到寒天條，大大滿足味蕾！

好開心新都城開咗間東南亞菜，打算夾時間同班朋友食晚飯，馬來西亞朋友可以止下咳，我又可以懷念一細個時候，媽媽整東南亞菜嘅味道！今日行過見有位試咗個午餐！海南雞拼肉骨茶+桔仔話梅冰雞係滑嘅👌🏻飯係油飯味道，但超乾身粒粒分明，食幾啖唔對路要用湯送飯。個肉骨茶係新加坡式，胡椒味係有嘅，但湯味偏淡，mean D講似例湯加胡椒粉。個桔仔冰係咸桔加水加冰🧊，俾粒青檸同話梅，唔係馬來西亞新加坡，用桔仔渣汁加話梅完全係2件事！經理話啲口味係改良咗迎合返香港嘅口味，我唔知香港人嘅口味係鍾意食硬飯，用湯送硬飯，我又唔知例湯味加胡椒粉，就可以扮係新加坡肉骨茶！我唔知香港人會食唔出，餐廳當啲客係傻仔，呢啲質素扮Fusion 嘅餐廳，會做到幾耐⋯之前越棧米做得好地地！

新都城新開咗間星加坡餐廳，貪新鮮就去試試， 門面簡潔明亮。蒲羅喇沙摻摻賣相相當吸引，喇沙湯底好味，濃濃嘅椰香加埋少許辣，好惹味，配上油麵及米粉，超級飽肚，但蝦就冇鮮味及唔得彈牙，失色咗少少。蒲羅蝦面望上去同蒲囉喇沙摻摻差不多，只係湯底不同。但再望真啲，配料原來有少許分別的蝦麵配料有蝦、豬腩肉、豆卜、雞蛋喇沙摻摻配料有蝦、好得意的迷你螄蚶仔、魚片、豆卜、雞蛋。湯底比較清淡，都係喇沙比軟吸引再配埋飲品，十分滿足再配埋飲品，十分滿足總括來説這餐係好味又抵食，值得推薦好👍🏻

隔咗幾個月冇嚟，發現原本嗰間越南嘢執咗。然後見新開呢一間鋪面裝修幾唔錯，就想試吓。（👇🏻鋪面相）（👇🏻餐牌相）然後等位嘅時間都唔算太長，等咗5分鐘左右就入到去。之後入去環境都算幾靚(因為新裝修)，之後俾咗幾包濕紙巾我哋消毒隻手同口罩袋裝口罩。（👆🏻呢個幾好）然後就試咗佢個海南雞，係正常海南雞飯，不過不失，唔係太大驚喜。反而啲嘢飲就幾有特色同埋都整得唔錯，同埋佢個真係幾靚。整體用餐體驗都唔錯，係價錢貴咗少少。