蒲羅

营业中

休息中

朋友之前話係中環街市食過一間高質海南雞飯叫蒲羅Pulau，今次係樂富見到，當然要一試！Pulau係馬拉話裡面嘅島，成間舖頭都好有風情，由裝修、同事制服以至外賣紙袋都有特別嘅設計，好有心思！改得馬拉名，有馬來西亞菜當然係合情合理，估唔到嘅係仲有新加坡、泰國、越南菜式揀！咖吔多士（斑蘭）（$26）咖吔同牛油都好豪氣！烘脆嘅多士加上斑蘭醬同原片厚牛油，夠邪惡！夠馬拉 ！牛油果五色米紙卷（$62）有五種顏色嘅蔬菜包係喺透明嘅米紙卷，賣相好吸引，另外配埋黃色嘅芒果醬汁，食落好清爽，好啱夏天食！海南雞飯拼喇沙米線（$88）呢度嘅海南雞飯可以配白胡椒肉骨茶、巴生肉骨茶或者喇沙米線，真係一次過滿足晒兩個願望。微辣喇沙米線有超香濃嘅椰漿味，配菜有蛋、蝦、魚片等，幾豐富。無骨海南雞件份量都幾多，雞皮好爽肉夠嫩滑，雞油飯粒粒分明仲有淡淡香茅味，果然好高質！馬拉盞通菜（$42）份量幾大，鹹香鹹香，好啱送飯！凍海鹽雪糕椰汁珍多冰（$28）又係好夏日風情嘅打卡單品，喺椰汁珍多冰上面放咗一大球海鹽雪糕，不過杯口比較細，食嘅時候記得就住，如果唔係一個唔小心就會好似我甘滿瀉🙈！

樂富中心原來都幾多嘢行幾多嘢食雖然佢分A B區唔熟會有啲亂經過A區平台見到有好多食肆 <蒲羅> Singapore cuisine 醒起好耐都冇食星加坡菜..餐廳面積大座位闊落待應有禮貌服務態度好..下午茶set巴東牛肉配斑蘭椰漿飯 ($48) : 巴東牛肉少少辣，香口惹味地道老鼠粉 ($58) : 重口味之選，銀針粉配上蒜片、小魚乾、葱、花生、溫泉蛋、肉碎熱 & 凍馬來拉茶 : 冷熱同價，叫咗走甜都唔會變淡變奶水..有加一服務費都算唔係貴抵食嘅

蒲羅係之前朝聖中環街市時有見過嘅餐廳，不過今次順路就過左黎樂富分店幫襯下，覺得真心抵食，啲野都大大碟！海南雞飯（$72), 呢個價有成十零舊雞，肉質鮮嫩厚肉一啲都唔馬虎，非常滿意嘅招牌菜令人對呢間野食質素有好大嘅肯定地道老鼠粉（$76),呢樣野我係第一次食，亦都係一晚之內愛上左嘅野食首先我上網搵過出面啲粉老鼠粉一定冇佢舖得咁靚，本身仲有蔥不過我走左蔥。配料有碎豬肉，魚干，醃蘿白干，花生，同半熟蛋，仲有sambal sauce香味，撈埋一齊超香口班蘭咖哋多士（$26),呢個多士唔算最邪惡，醬同牛油都未至於太多，晚餐share食兩舊仔都還可以😆飲品嗌左走甜嘅拉茶同香茅鮮橙茶

-🔸地道老鼠粉 $58🔸烤馬來葱餅配咖哩 $42🔸馬來燒雞配雞油飯 $46🔸巴生肉骨茶配雞油香飯 $58🔸凍海鹽雪糕椰汁珍多冰 跟餐+$8🔸凍香茅青檸荔枝梳打 跟餐-第一次見老鼠粉，膽粗粗就叫嚟試吓，原來係炒銀針粉混埋大量配料，有魚乾仔、花生、乾蒜片、葱花、肉燥、菜莆同溫泉蛋，撈勻食鹹香十足又有唔同口感，幾特別。肉骨茶好香藥材味，飲幾啖湯都覺得補返啲精氣，裡面有幾舊大排骨、冬菇、豆卜，配油炸鬼又可以浸湯食，正～馬來燒雞非常嫩滑，雞肉咬落juicy，配雞油香飯一流～小食叫咗咖哩配葱餅，鬆化嘅葱餅沾滿咖哩醬汁，夠香又唔會太辣。跟餐有飲品，或者加錢叫特飲，可惜當日冇晒最想飲嘅椰青。

今日放工有啲肚餓，同朋友試咗呢間新加坡菜,入到去餐廳環境好舒服，有東南亞風味。點左下午茶餐：巴生肉骨茶配雞油香飯。個飯好香，飯質好，一啲都唔油膩，食晒成碗都唔會覺得滯。肉骨茶裡面有杞子，原個蒜頭，味道好香濃，有三條豬骨，好足料，肉仲好有質素。大大碗 ，配上油條簡直絕配，唔會失望！下午茶餐飲叫左美綠哥斯拉，上面有脆美綠舖面，好飲！見未食過，朋友試左地道老鼠粉。煲仔上菜，熱度十足，有半生熟窩蛋舖面，拌勻好香，仲有脆脆魚仔，口感十足。雖然係下午茶，份量一啲都唔細,飲埋杯嘢飲好飽，好滿足！

原來食海南雞飯唔一定配清湯架，係蒲羅食到好地道嘅馬來亞美食之餘仲長咗知識添呀🤓🤓係呢道有成5款海南雞飯套餐，而每款都有唔同配搭😍係好特別呀！選擇困難症😅咁多款海南雞飯終於揀左呢款，海南雞飯配巴生肉骨茶，第一次飲肉骨茶好正呀😍係豬肉好大條骨喎😋有啲藥材味嗰湯好好飲呀👍飯係油飯乾身左少少，但係好味喎😋雞肉軟淋淋配埋啲汁yummy😁😁嘅度嘅海南雞飯真係好特別下次可以試吓其他啲款式🤓🤓星加坡鹹蛋黃單骨雞翼，雖然少左少少，但係好香鹹蛋黃味食落脆卜卜d肉又滑好正呀😋😋食到停唔到口添😅烤馬來葱餅配咖哩，馬來葱餅同我平時食多啲餅有啲唔同，佢比較硬身有好多葱係裡邊香口好多，仲煎到脆卜卜配埋支咖哩汁好惹味呀，而且仲唔辣喎👍我最中意食葱餅架啦😋😋每次必食之選❤️咖也多士（班蘭味），第一次食咖也多士好正呀，每塊都有片鮮牛油，好似鮮油多咁，但係就加咗班蘭醬，所以好香班蘭味"正”呀！🤩🤩香茅青檸荔枝梳打，好飲好香香茅味飲落去好fresh呀！凍青檸紅茶好香青檸味好清新😋😋蒲羅 - 樂富樂富聯合道198號樂富廣場A區1樓1104-1105號舖

趁放假同屋企人去樂富街市買餸，行行吓就覺得肚餓，喺中庭兜咗個圈，都係選擇去人少少嘅蒲羅食嘢。原來不知不覺又到咗下午茶時間，茶餐有特色飲品，又平左。我哋三個點咗巴東牛肉配斑蘭椰漿飯，地度老鼠粉，海南雞飯，想有D蔬菜類就點咗牛油果五色米紙卷。另外飲品配咗馬來拉茶，香茅鮮橙茶，桔仔話梅水同香茅青檸荔枝梳打。海南雞飯，有湯又有油飯，例牌去骨雞夠嫩，三款醬料都好食。巴東牛肉配斑蘭椰漿飯，綠色嘅斑蘭飯好香好似食緊斑蘭蛋糕咁，同辣辣地嘅巴東牛肉撈埋一齊，好夾。地度老鼠粉，有半生熟雞蛋、肉碎、花生、脆魚仔等多種配料，撈埋一齊好惹味，但係就似乎貴一啲。牛油果五色米紙卷，配有芒果醬汁，令清淡嘅蔬菜卷加添魅力。4款東南亞特色飲品，我最鍾意香茅青檸荔枝梳打，佢小甜仲有薄荷葉，好清新。馬來拉茶就甜少少，但幾香滑。香茅鮮橙茶係冇預先落糖嘅，啱晒成日話要減肥嘅媽媽。我地打包左桔仔話梅水返屋企，佢有一粒話梅，幾粒桔仔，好足料，可能浸耐咗，味道好濃，我兌水飲就啱啱好。

📍蒲羅 (樂富)樂富聯合道198號樂富廣場A區1樓1104-1105號舖♡推薦程度: 🌕🌕🌕🌗🌑🔺🔺🔺🔺🔺🔺🔺🔺🔺🔺🔺🔺🔺❣️#海南雞飯拼白胡椒肉骨茶 海南雞雞肉滑溜 又啖啖肉配埋旁邊既醬汁都幾開胃😋特登加咗少少錢 配搭胡椒肉骨茶 肉骨茶味道微辣 胡椒味很濃但隨湯而上既腩排口感太韌🥲❣#烤馬來蒽餅配咖喱蔥餅共2塊 2塊都好大件😋 亦較厚但個咖喱扣左好多份 🥹食蔥餅個主角係咖喱••• 但咖喱太淡🥲❣#參峇醬煙豬頸肉 豬頸肉味道不錯 上枱時有陣陣燒烤味厚薄適中 口感也不會太乾 個汁亦帶有微辣 🔺🔺🔺🔺🔺🔺🔺🔺🔺🔺🔺🔺🔺

約咗朋友食late lunch, 2點已經有tea set ，價錢抵食！下午茶餐仲包基本飲品！▶️巴東牛肉配斑蘭椰漿飯$48落單5分鐘唔駛就有，勁快！大大碟又熱辣辣！斑蘭椰漿飯綠色好靚，斑蘭味幾香！巴東牛肉夠多又夠入味，肉質腍身唔錯！跟餐免費：凍香茅青檸荔枝梳打，夏天飲好爽！酸酸甜甜！▶️吉羅大蝦雞串咖哩麵$58蝦幾爽，雞串有兩串，幾juicy! 咖哩麵夠香辣，都係滲滲！配料仲有蛋！跟餐免費：凍南洋咖啡最鍾意飲南洋咖啡，有煉奶香，咖啡味又香濃！▶️咖也多士（斑蘭）$26多士香脆，斑蘭醬夠多，仲有大大塊牛油🧈▶️牛油果五色米紙卷$48呢個爽口，健康夠fresh!

蒲羅餐廳食星馬菜，裝修方面用上樹葉圖案牆紙，充滿南洋風情⛱.🌀海南雞飯拼喇沙米線$88無骨海南雞肉質嫩滑，而且係無骨㗎，食落啖啖肉最鍾意有三種醬汁點海南雞😋黑醬油香濃帶甜味🌶辣椒醬酸酸辣辣幾開胃，薑蓉同雞當然係絕配🙌🏽食到雞肉嘅唔同風味油飯食到雞油香🍚個人鍾意撈少少薑蓉食，特別惹味喇沙米線材料豐富，有豆卜、魚蛋、蝦同蛋，少少辣，重椰香味🥥.🌀馬拉盞通菜 $42馬拉盞微辣，帶獨特嘅咸香味，幾惹味👍🏽通菜油潤但唔會膩，而且份量好多，性價比高.🌀半熟蛋配咖吔多士 $ 38星馬菜必食咖吔多士，多士烘得香脆，咖吔醬口味清新唔太甜，加上好吸引嘅半熟蛋同醬油，滋味滿分💯.🌀香茅青檸蜜 $23青檸味道較香茅突出，唔太甜，適合解膩.🌀桔仔話梅水 $26酸酸甜甜，感覺滋潤

蒲羅 (樂富)今日同朋友去左樂富食野❤️❤️樂富商場真係好多野食揀，我地經過見到呢間蒲羅野食好似唔錯就入左去食🥰咖也多士（斑蘭）$26 🍞好脆口，斑蘭味重😋😋新加坡大蝦喇沙米線 $72🍜好多舊蝦😍好足料，好濃味❤️米線索哂啲湯汁好入味😊海南雞飯 $72🍗雞肉好嫩口😋配搭三款唔同醬汁仲有好香既油飯真係好好食！湯都好好飲，清清地好解膩🥰馬拉盞通菜 $42🥬炒得好入味好好食，仲要份量超多🤣🤣出街食都要均衡飲食🥬凍美綠哥斯拉 $26🍫好好飲，上面有好多朱古力脆波，好有口感☺️啱哂我呢啲中意飲甜野既人❤️凍薄荷青瓜梳打 $28🍹🧊好Fresh，夏天飲就啱哂啦🤣外表都好靚好清新，飲落薄荷味好出🧊晚餐嚟呢到食都係唔錯既選擇🥰款式多又好食！地址：樂富聯合道198號樂富廣場A區1樓1104-1105號舖整體評分：4/5味道：5/5環境：5/5抵食：4/5

今日終於返學啦😭😭😭老公放早，帶埋個仔去搵老公食lunch❤️個仔話想食喇沙，去到都點半…等tea time 平好多🤭🤭🤭食物娘惹茶薰鴨摻摻 -$59其實呢個真係好抵食！勁大嚿鴨胸😱又好食！啲米粉超滑！喇沙又夠濃味，個鴨胸多到𡁻到牙較攰🤣🤣大蝦喇沙摻摻 -$58仔仔看圖識字🤣話要呢個…有幾多條魚旦條，又有魚旦！咁就唔洗淨係食麵烤馬來蔥餅配咖喱 -$42 ❤️必食❤️呢個真係一定要食！超鬆脆！因為我好鐘意食呢啲蔥餅😁所以嗌黎自己食，點知佢2仔爺一人試一啖冇晒咁濟😭😭😭個咖哩又超得！同蔥餅好夾海鹽雪糕椰汁珍多冰原本呢~想嗌椰青…然後冇貨🫠想嗌芒果雪糕沙冰…又冇雪糕沙冰🥺落單姐姐話得返最後五個珍多冰…我老公諗都冇諗同我落咗2個，另外仔仔飲美祿我心諗😟下咸架喎…一上枱❤️❤️❤️個顏色超靚🍧隔籬枱個姨姨見到都嗌呢杯🤣🤣🤣個雪糕係…唔太咸嘅！好好食😁個椰汁冰又好解辣👍🏻👍🏻👍🏻服務可能今日復課，都好多小朋友喺度食，比較忙同嘈…但係樓面服務員都好快反應，同好有耐性👍🏻亦都會再覆一次單🤭好想同你哋講句:加油呀❤️環境呢個地方都大，卡位都多，所以同小朋友坐低食都唔係迫。地方乾淨企理👍🏻

人手唔夠就慢入客或者落單同客人講清楚要等餐幾耐喇，張單好清楚寫住staff落單係11:28 一杯飲品等成20分鐘，一個餐半個小時都等唔到舉手問時間仲要答我再2分鐘，但事實係2分鐘又2分鐘，宜家時間係11:58。真係離嗮譜！

好想食海南雞飯，決定去試呢間餐廳。佢哋開咗之後，有段日子每日午市都好多人等。開咗半年有多終於食到。堂食要加一，外賣做九折，當然又係揀買走啦。點咗海南雞飯同熱香茅鮮橙茶。收銀叫15分鐘返去攞。打開個袋，都用好靚嘅包裝住。先飲個例湯。例湯有兩大件冬瓜，飲到雞味同冬瓜味，飲得出有落料煲。可惜太鹹，飲咗三分一就放棄。到油飯。食海南雞飯最常遇到嘅問題係生米，好在佢哋無發生。但飯唔夠熱，只係微暖近乎室溫。雞就的確好食。我好怕食啲太肥嘅雞，雞皮成層厚厚嘅脂肪包住，搣都搣唔切。佢哋嘅雞肥瘦適中，生熟度控制得啱啱好，啖啖雞肉都好滑，亦食到雞味。最後係個熱嘅香茅鮮橙茶，純為好奇而點。飲唔到香茅味（或者係畀紅茶嘅味道冚哂），感覺同飲熱檸茶無咩分別，只不過塊檸檬用咗橙取代。偏偏我討厭飲檸茶，所以又係只飲咗幾啖。總結嚟講海南雞係好得，但其他嘢就有改善空間。

午時時段好多人，但好在人流算快，等一陣就有位，假日都有lunch set, 是次叫了胡椒肉骨茶陪海南雞飯和樟鴨叻沙。上菜速度幾快，兩份午餐都好大份，首先胡椒肉骨茶個胡椒味超級重，中意胡椒味既絕對可一試。海南雞都幾嫩滑，份量又幾多，呢個推薦。至於叻沙，鴨有好多舊，口感唔錯，但太多最後食唔曬，叻沙個湯底就正常，不過可以再辣d，同埋滲滲有啲過淋，但整體都唔錯。飲品美綠就真係太甜，可能平時不太喜歡甜食。不過這個價錢配搭這個份量向質素，絕對可以一試。